Category: شعرو شاعری

بے مثل۔۔۔۔لاجواب ۔۔۔۔میرا
کملی والا( صلی اللہ علیہ وسلم )

از قلم عظمی ناصر ہاشمی

میرے آقا جیسا جگ میں آ سکتا نہیں
آپ کی صفات جیسا خلقت میں سما سکتا نہیں

رب کے بعد رتبہ میرے مصطفی کا تو ہے
جو نام ہے خدا کے بعد صل علی کا تو ہے

میرے نبی نے ساری خصلتیں پائیں انبیاء کی
میرے نبی نے کل خوبیاں پائیں انبیاء کی

خوب اپنی ذات میں سب سے وہ نرالا
بے مثل ۔۔۔۔لاجواب۔۔۔۔ میرا کملی والا

توحید سکھائی ہم کو یہ کہ اک رب کو پکارو
صراط مستقیم پہ چلو زندگی سنوارو

کفر کے بتوں کو کر دیا آپ نے پاش پاش
عرب و عجم پہ چھاکر بدل دی بودوباش

ہر پارے میں دیتاہے قرآن گواہیاں آپ کی
مبشر،نزیر ،سراج منیر ہیں صفا ئیاں آپ کی

مدثر، مزمل، یاسین کیسےپیارے نام ہیں
خاتم الانبیاء ، امام الانبیاء خاص الخاص کام ہیں

اپنی امت کا خیال ہر جہاں انہوں نے رکھا
ہماری خاطر طائف کے پتھروں کا دکھ سہا

مسلم امہ کی بخشش واسطے روتے تھے رات بھر
رب سے مغفرت کے طلبگار سوتے نہ تھے رات بھر

یا الہی! پیارے نبی کے نقش قدم پر ہم کو چلا
آ بڑی مشکل سے پایا ہے دین اس کشتی کو پار لگا

نعت…!!!
(بقلم:جویریہ بتول)۔
آپ رحمتِ عالم بن کر آئے…
ہر خلق و بشر کے لیئے…
آپ نصابِ ہدایت وہ لائے…
جو سلیقہ بنا سفر کے لیئے…
دیا وہ کامِل نظام ہم کو…
سدا جو اثاثہ فخر کے لیئے…
شبِ تیرگی کی سب حدیں…
مِٹ گئیں روشن سَحر کے لیئے…
ہر رِستا زخم مندمل ہو گیا…
کہ قانون تھا بحر و بر کے لیئے…
چُن لیئے آپ نےجتنے تھے کانٹے…
کھِلے پھول ہر رہ گزر کے لیئے…
وہ آئے تاجِ ختمِ نبوت سجائے…
ہے دلیل یہ ہر اہلِ نظر کے لیئے…
آپ کی تعلیم ہے وہ مینارۂ نور…
بنے روشنی جو ہر رہبر کے لیئے…
کوئی کون ہے،کہاں ہے اور کہیں…؟
فیضِ عام ہے ہر طالبِ ثمر کے لیئے…
میرے دل کا سکون و قرار ہیں وہ…
جن کا اسوہ کامِل تا حشر کے لیئے…!!!

پردہ…!!!
(بقلم:جویریہ بتول)۔
مسلمہ عورت کا یہ وقار ہے…
پردہ تو اسلام کا شعار ہے…
نکلی جاہلیت کی رسموں سے…
اُس بنتِ حوّا کا یہ معیار ہے…
کئی لوگوں کی تھی ملکیت…
یہ زندگی بھی تھی اک اذیت…
اُس درد بھری فضا سے نکل کر…
ملا یہ پردے کا حصار ہے…
یہ تنگ نظری سے تحفظ ہے…
یہ ہوس پرستی پر ضرب ہے…
ہر ایک میلی نظر سے سدا…
بچتے رہنے کا دل سے اقرار ہے…
کردار کی ہے یہ پاکیزگی …
شر سے حفاظت ہے یہ پیشگی …
حیا کی ترویج کا ہے سامان…
اخلاقیات کا یہ معمار ہے…
نہیں یہاں کوئی بے وقعتی…
نہ ہر اک سے ہے بے تکلفی…
نہ جھوٹے عہد و بیانِ حلفی…
سیدھی راہ ہی یہاں گُلزار ہے…
سدا کرے عطا یہ شان بُلند…
ہر برائی کے آگے ہے اک بند…
حدود و قیود ہیں یاں ارجمند…
یاں ہر گھٹیا سوچ مسمار ہے…!!!
جو دل سے اس کا کرے احترام…
فرض سمجھ کر اس کا اہتمام…
ہو اسی پہ زندگی اور اختتام…
وہ عظمت کاچمکتا اک مینار ہے…!!!!!
==============================
[جویریات ادبیات]۔
¤¤¤¤¤¤¤¤¤¤¤¤¤¤¤¤¤¤¤¤¤¤¤¤

نبی کا یارِ غار…
(بقلم:جویریہ بتول)۔
وہ نبی کا یارِ غار تھا…
نبی کو جس سے پیار تھا…
سب سے پہلے قبول کر کے…
جو اسلام کا وفادار تھا…
لقب صدیق کا تھا پایا…
سچائی کو ہرسو پھیلایا…
حلقۂ اسلام میں جس نے…
کئی معتبر لوگوں کو لایا…
صداقت جس کا شعار تھا…
وہ نبی کا یارِ غار تھا…
ہر اک ستم کے سامنے…
جو ڈٹا ہوا اک پہاڑ تھا…
سفر،حضر میں ساتھ رہا…
نہ ادھر گیا، نہ اُدھر گیا…
ہجرت کی راہوں پر بھی…
ساتھ ساتھ چلا تھا جو…
جسم پہ ڈنگ کھا کر بھی.
ذرا بھی نہ ہلا تھا جو…
وفا کا جو شہ سوار تھا…
وہ نبی کا یارِ غار تھا…!!!
جو مصلٰی امامت پہ رہا…
نبی کی زندگی میں کھڑا…
جنت کے ہر دروازے سے جائے گا بلایا…
صدیق کے بارے نبی نے یہ فرمایا…
ہر لمحہ جو غم خوار تھا…
وہ نبی کا یارِ غار تھا…
بند کر دو ساری کھڑکیاں…
ایک مگر کھُلی رہے…
صدیق کے گھر کی طرف سے…
وفاؤں کی خوشبو گھُلی رہے…
فتنۂ اتداد پر جو ننگی تلوار تھا…
وہ نبی کا یارِ غار تھا…
ہر ایک کا بدلہ چکا دیا ہے…
احسانات کا بار اتار دیا ہے…
مگر اک صدیق کا ہے باقی…
جو بہت جزاؤں کا حقدار تھا…
وہ نبی کا یارِ غار تھا…
جو واسطے شجرِ اسلام کے…
تا قیامت رہتی فصلِ دوام کے…
لا الہ الا اللہ کے پھیلتے پیام کے…
کیاخوب صداقت کی بہار تھا…
وہ نبی کا یارِ غار تھا…!!!
نبی کو جس سے پیار تھا…!!!
(رضی اللّٰہ عنہ)۔
==============================
[جویریات ادبیات]۔
¤¤¤¤¤¤¤¤¤¤¤¤¤¤¤¤¤¤¤¤¤¤¤