Category: شعرو شاعری

میری تربت بھی نہ ملے تجھ کو آنسو بہانے کے لیے
اب تجھے وقت میسر ہوا مجھ کو منانے کے لیے

تہی دامن کر دیا جب مجھے عشق نے تیرے
کیا دست سوال دراز پھر مجھے آزمانے کے لیے

میں اپنے راہ پہ گامزن تو اپنے مدار میں محو گردش
اب تو مراسم ہیں فقط دنیا کو دکھانے کے لیے

خطاء ہے گر کوئی میری تو الزام لگایے بھری بزم میں
یہ مناسب نہیں چپ ہو جائیے تعلق پرانے کے لیے

کب تلک تلخ اوقات رہیں گے بندائے مزدور کے یا رب
کب تلک خود کو بیچے گا غریب پیٹ کی آگ بجھانے کے لیے

حفیظ اللہ سعید
#نوائے_حفیظ
#سچیاں_گلاں

والدین

از قلم۔۔۔۔۔اخت عمیر

ہوں والدین جس گھر میں وہاں جنت کا سماں ہے۔۔۔!!
جہاں موجود نہ ہوں وہ تو ویران مکاں ہے۔۔۔۔!!
بخوبی نبھا کر گھر کی ساری ذمہ داریاں امی جان۔۔۔!!
وہ خبر بھی نہیں ہونے دیتیں کہ ان کو بھی تھکان ہے۔۔۔!!
ہر ایک غم کو مسرت میں تبدیل کر دیتی ہیں وہ۔۔۔۔!!
سنا نہ لوں جب تک درد دل ہوتا ہی نہیں اطمینان ہے۔۔۔!!
سہہ کر اولاد کا ہر ایک دکھ اپنی ذات پر بابا جان۔۔۔۔!!
مہیا کرتے وہ کس قدر خوبصورت امان ہیں۔۔۔۔!!
راستے کی ہر ایک اذیت کو ہٹا دیتے ہیں وہ۔۔۔!!
معاشرے کی ستم ظریفیوں کے سامنے بمثل چٹان ہیں۔۔۔!!
اولاد کے ہر ایک درد پر تڑپ اٹھنے والے والدین۔۔۔۔!!
مسکرا کر یہ بھی چھپا جاتے ہیں کہ وہ پریشان ہیں۔۔۔۔!!
زندگی کی ہر ایک الجھن کو سلجھا دیتے ہیں وہ۔۔۔۔!!
والدین تو قدرت کا ایک عظیم نشان ہیں۔۔۔!!
سلامت رکھنا ان کو ہمیشہ یہ التجا ہے تجھ سے یا رب۔۔۔!!
محبت کا سمندر ہیں وہ ایک عظیم سائبان ہیں۔۔۔۔۔!!

اخت شیرازی
*دعا*

خدا تیرا مقدر بدلے
پھر تو آفتاب سی کرنیں بخشے
تو اک جرات و بہادری کا نشاں بنے
اور قاسم و ایوبی کی پہچاں بنے

تو رہے سلامت ہمیشہ یونہی
تیری عبادتوں میں کمی نہ آئے
تیری عزت و رفعت رہے سلامت
تیرے جذبوں میں یونہی قرار آئے

پھر یوں ہو اک دن
تیرے جذبے ابھریں
تلک ذمین سے فلک تک جائیں
تیرے خیال حقیقت میں بدلیں
پھر تو اک روشن ستارہ بن جائے
*آمین*
—————————————-

بیٹیاں…!!!
بقلم:اخت عمیر
بابا کا مان ہیں یہ بیٹیاں
ماوں کی شان ہیں یہ بیٹیاں
والدین پر جان نچھاور کرنے والی…
جنت میں لے جانے کا سبب یہ بیٹیاں…
گھروں میں رونق کا سبب ہیں یہ
چھوٹی چھوٹی باتوں پر آنسو بہاتی یہ بیٹیاں
ہوتی ہیں کس قدر نازک یہ کلیاں…؟
ذرا سی چوٹ پہ مرجھا جاتی ہیں یہ بیٹیاں
نکاح کے بندھن میں جب یہ بندھ جاتی ہیں
کر جاتی ہیں بابا کا گھر ویران یہ بیٹیاں
نیا گھر گلستان بنانے کی خاطر…
دل و جان وار دیتی ہیں یہ
ہوتی ہیں کس قدر وفادار یہ بیٹیاں…
لیکن افسوس ہے اس معاشرے کی بے حسی پر
دل غمگین ہے بیٹیوں کی بے بسی پر
ہیں ناکردہ گناہوں کی بھی ذمہ دار یہ بیٹیاں
جہیز کی کمی پر طعنوں کا شکار ہیں
لڑکیوں کی پیدائش پر بھی یہ قصوروار ہیں
اپنی بیماریوں کی بھی خود ہی ذمہ دار ہیں یہ بیٹیاں
کہیں غیرت کے نام پر قتل کر دی جاتی ہیں…
کہیں بے جا پابندیوں میں جکڑ دی جاتی ہیں یہ بیٹیاں
وہ سب حق جو لڑکوں کے لیے ہیں جائز…
ان پر نا حق رہتی ہیں یہ بیٹیاں…
بیٹیاں رحمت ہیں نبی اکرم صلی اللہ علیہ وسلم نے فرمایا…
پھر کیوں ان کو زحمت معاشرے نے بنایا ؟
ہیں کیوں اس دور میں پریشان یہ بیٹیاں؟
الہی دعا ہے کہ لکھ دے تو ہر بیٹی کا نصیب اچھا
یا رب ہمیں کر دے تو پھر سے اسلام پر عمل پیرا
پھر خوش رہیں، سدا مسکراتی رہیں یہ بیٹیاں…!!!!!!

بھُلا کر…!!!
[بقلم:جویریہ بتول]۔
بھُلا کر تلخیوں کے ہیں جو حصار سارے…
راہوں میں چلتے، ہوئے چھپے جو وار سارے…
کہیں نفرتوں کے طوفان میں لی تھیں جو سانسیں…
کہیں طنز کے لپٹے تھے جو طومار سارے…
صرف دُکھ کی چادر تان لینے سے کیا ہو گا ؟
کیجیئے معاف انہیں،انتقام کے تھے جو سزاوار سارے…
صرف منفی سوچوں کو ہی نہ گِنا کرو سدا …
کبھی ہوں مثبت لمحے بھی شمار سارے…
جہاں میں ہر طرف اضطراب کے سائے ضرور ہیں…
پھر بھی کئی لہجوں میں ملتے ہمیں لطف و پیار سارے…
ہم صرف دیکھتے ہیں اکثر،سمجھتے نہیں کبھی…
جہاں میں لوگ بہت ہیں اعلٰی ظرف،نہیں بیمار سارے…!!!
یہ زندگی رکنے کا نہیں،آگے بڑھنے کا ہے نام…
یاں اتارنے پڑتے ہیں،ہوتے ہیں دل پہ جو غبار سارے…!!!!
===============================
[جویریات ادبیات]۔
¤¤¤¤¤¤¤¤¤¤¤¤¤¤¤¤¤¤¤¤¤¤¤¤