Category: سیاست

افغانستان سلطنتوں کا قبرستان ہے۔ 1842 میں اس وقت کے سپر پاور برطانیہ کو کابل چھوڑ کر بھاگنا پڑا۔ 1989 میں اس وقت کی سپر پاور بدمست ہاتھی سوویت یونین کو بھی آخر کار افغان سرزمین چھوڑ کر اپنی اشتراکیت سمیت واپس جانا پڑا، اور 2021 میں چودھری امریکہ بھی اپنا بوری بستر شریف گول کر کے افغانستان میں اپنی تاریخ کی طویل ترین جنگ کے بعد شکست خوردہ حالت میں واپس بھاگ گیا۔
اب سوچنے کی بات یہ ہے کہ وہ کونسے عناصر ہیں جن کی بدولت افغانستان پر کوئی بھی حملہ آور قبضہ نہیں کر سکا۔
سب سے بڑی وجہ افغانستان کی جغرافیائی حیثیت ہے۔ افغانستان ایک پہاڑی ملک ہے اور اکثر راستے تنگ دروں اور پہاڑی بھول بھلیوں کی صورت میں ہیں۔ زمینی راستے سے ٹارگٹ تک پہنچنا گویا شیر کے پنجرے میں گھسنے کے مترادف ہے۔ کیونکہ پہاڑوں میں موجود گوریلا جنگجو تاک میں بیٹھے ہوتے ہیں اور آنے والا ہر شخص اور گاڑی ان کی کلاشنکوف کے نشانے پر ہوتی ہے۔
افغان قوم کی جنگجویانہ طبیعت بھی اس عمل میں ایک اہم کردار رکھتی ہے۔
امریکہ کی شکست سے جہاں خطے میں امریکی ساکھ کو شدید نقصان پہنچا وہیں ہمارے پڑوسی انڈیا کی بلند و بانگ چیخیں بھی ان کی انویسٹمنٹ کے ضیاع کی طرف اشارہ کر رہی ہیں۔ انڈیا کی افغانستان میں بنائی گئی سڑکیں اور ڈیمز اب طالبان حکومت کے پاس ہیں اور اشرف غنی کے ساتھ بڑھائی گئی پینگیں بھی ٹوٹ چکی ہیں۔ اس پوری لڑائی میں بھارت کی چھترول خواہ مخواہ ہو گئی۔
طالبان نے اب پنج شیر سمیت پورے افغانستان پر قبضہ کر لیا ہے۔ اس وقت پورا افغانستان لا الہ الااللہ کے علم کے زیرنگیں ہو چکا ہے۔ امریکہ بھاگتے ہوئے اربوں ڈالر کا اسلحہ بھی یہیں چھوڑ گیا جو کہ اب طالبان کے قبضے میں ہے۔ ویسے تو پوری دنیا افغانستان کی عوام کی فکر میں انتہائی پریشان ہے لیکن کسی نے بھی ابھی تک کسی قسم کی کوئی امداد نہیں بھیجی۔ دنیا کا دوغلا چہرہ دیکھئے کہ یورپی بینکوں میں موجود افغان حکومت کی ساری رقم امریکہ نے فریز کر دی۔ افغانستان میں موجود سرمایہ اشرف غنی اپنے ساتھ طیارہ بھر کر منی لانڈرنگ کے ذریعے اڑا لے گیا۔ اس وقت افغانستان کو آٹے سے لے کر ادویات تک ہر چیز کی کمیابی کا سامنا ہے لیکن کسی بھی انسانی حقوق کے نام نہاد علمبردار ملک نے امداد نہیں کی۔
کتنی خود غرض ہے نا یہ دنیا۔
طالبان پھر بھی افغانستان کو ایک مثالی اور اسلامی فلاحی ریاست بنانے کے لئے پرامید ہیں۔
طالبان کی فتح کے ساتھ ہی سمجھ میں آئی کہ جس اسلامی بلاک کی باتیں ہو رہی تھیں وہ کیسے بنے گا۔
پاکستان میں موجودہ حکومت کے آتے ہی ریاستِ مدینہ کی پیروی کی باتیں ہونا شروع ہو چکی تھیں۔ اب افغانستان، پاکستان، ایران اور ترکی مل کر ایک عظیم الشان طاقت بن سکتے ہیں۔ بلاشبہ امریکی دشمنی میں روس اور چین بھی ان کا ساتھ دیں گے جس سے طاقت کا توازن بڑھ جائے گا اور امریکہ کی چودھراہٹ خطرے میں پڑ جائے گی۔ بہت جلد امریکی اجارہ داری کا خاتمہ ہونے والا ہے جس کی وجہ سے دنیا میں اسرائیل کے اثر و رسوخ پر بھی خاصا اثر پڑے گا۔
خیر مندرجہ بالا باتیں تو پھر کبھی سہی، یہاں بتانے والی اصل بات یہ ہے کہ
"ڈائریکٹر جنرل انٹر سروسز انٹلیجنس لیفٹیننٹ جنرل فیض حمید آنے والی افغان حکومت کے قیام کے لائحہ عمل سے متعلق اہم فیصلوں میں شرکت کے لئے افغانستان پہنچ چکے ہیں”
یہ ایک لائن ہی امریکی اور روسی شکست کو واضح کرنے کے لئے کافی ہے
مارخور اپنا شکار کبھی بچنے نہیں دیتا!!!!
پاکستان ہمیشہ زندہ باد

کابل پر طالبان کے قبضے کے بعد 19 اگست کو میری اور میرے ساتھ خاتون صحافی سمیرا خان کی کابل آمد ہوئی۔ پچھلی بار 27 مئی 2021 کو ہم آئے تو ایک الگ سا نظام، سسٹم، ماحول اور حکومت تھی اس بار ہماری آمد ایک الگ فکر کے ساتھ تھی۔

پاکستان کی جانب سے طورخم کراس کرکے زیرو پوائنٹ پر افغان طالبان کی جھنڈے لہرائے دکھائے دئیے۔ ایک طرف پاکستان کے فرنٹیئر کور کے جوان اور دوسری طرف طالبان کے جنگجو کھڑے تھے البتہ فرق یہ تھا کہ طالبان کے جنگجو کرسیوں پر بیٹھے تھے جب کہ پاکستانی ایف سی کے اہل کار الرٹ کھڑے تھے۔ تاہم اس دوران ہم سے کسی قسم کی زیادہ تفتیش نہیں کی گئی۔

جلال آباد کی طرف سفر کے دوران ڈرائیور سے معلومات حاصل کرنے کی کوشش کی تاکہ ایک نقشہ ہمارے ذہن میں موجود ہو۔ ڈرائیور سے جب ہم نے طالبان کے کنٹرول کے بارے میں پوچھا تو ان کا کہنا تھا کہ طالبان ہو یا کوئی اور اس سے ہمیں کوئی فرق نہیں پڑتا ہمیں امن اور ترقی کی ضرورت ہے۔ ان کا کہنا تھا کہ ہمیں طالبان کی جانب سے سیکیورٹی کی پریشانی نہیں ہے تاہم معاشی مستقبل کی فکر ضرور ہے۔ بہر صورت وہ طالبان کی آمد سے خوش دکھائے دے رہے تھے۔

صوبہ لغمان میں ایک ریسٹورنٹ پر رکیں ریسٹورنٹ کی باہر طالبان کی بکتر بندی گاڑی، جو انہوں نے افغان فورسز سے قبضے میں لی تھی، کھڑی تھی طالبان کے سیکیورٹی کے اہل کار اندر کھانا کھا رہے تھے ان سے میں نے کچھ معلومات لینے کی کوشش کی تاہم انہوں نے زیادہ معلومات دینے سے گریز کیا کہ ہمیں اجازت نہیں ہے۔
جلال آباد شہر میں داخل ہوئے تو طالبان مین بازار میں مختلف جگہوں پر کھڑے نظر آئے۔ سمیرہ خان نے مائک اٹھایا اور رپورٹ بنانے لگی۔ طالبان اہل کاروں کی جانب سے ہمیں کچھ نہیں کہا گیا البتہ جب لوگ ہمارے ارد گرد زیادہ ہوگئے تو تو ٹریفک جام ہوا جس کے بعد طالبان کی جانب سے ہمیں جلد ختم کرنے کا کہا گیا۔

طورخم بارڈر سے کابل تک طالبان مختلف جگہوں پر کھڑے تھے تاہم ہم سے زیادہ پوچھ گچھ نہیں کی گئی طالبان سیکیورٹی کے اہل کار جب ہمارے ساتھ خاتون کو دیکھتے تو روکنے کے بجائے جانے کا اشارہ کرتے تھے۔

کابل شہر پہنچے تو جگہ جگہ طالبان کھڑے نظر آئے سیکیورٹی بھی سخت تھی ہر طرف طالبان کی سفیڈ جھنڈے دکھائی دے رہے تھے طالبان اہل کار بڑی گاڑیوں میں گشت کرتے نظر آئے۔
پچھلی بار جب ہم کابل آئے تھے تو جگہ جگہ افغان سیکیورٹی فورسز کی چیک پوائنٹس ہوتے تھے کابل کے ہر روڈ پر سفر کرنا مشکل تھا تاہم اب کی بار تمام راستے کھلے ہیں عام لوگ ہر راستے سے کابل میں گھوم پھر سکتے ہیں چیک پوائنٹس ہٹا دئیے گئے ہیں تاہم مختلف جگہوں پر طالبان نے ناکے لگائے ہوئے ہیں اور لوگوں سے پوچھ گچھ بھی ہوتی ہے البتہ طالبان کی جانب سے ان ناکوں پر رویہ بہت نرم رکھا جا رہا ہے۔

کابل کی صورت حال کے حوالے سے میں بات کروں تو اس کو میں دو کیٹیگریز میں تقسیم کروں گا۔

کابل اور افغانستان کے عوام :

کابل اور افغانستان کے عوام کے حوالے سے میں بات کروں تو جب سے طالبان نے کابل کا ٹیک اوور کرلیا ہے لوگ سیکیورٹی سیچویشن کو کافی بہتر محسوس کررہے ہیں کیوں کہ ان پندرہ دنوں میں کرائم ریٹ بہت کم ہوگیا ہے کابل اور افغانستان کی عوام کو چوروں سے سب سے زیادہ خوف رہتا ہے تاہم ان دںوں میں اس میں بہت زیادہ کمی آچکی ہے۔ تاہم افغان عوام مستقبل کے حوالے سے پریشان دکھائی دے رہے ہیں جن لوگوں کی نوکریاں ہیں وہ اپنے نوکریوں کے حوالے سے پریشان ہے باوجود یہ کہ طالبان نے ان کو ان کی نوکریوں کے حوالے سے تسلی دی ہے لیکن اس کے باوجود عوام مستقبل کے حوالے سے پریشان دکھائی دے رہے ہیں۔

لوگوں کو ایک اہم ایشو اس وقت طالبان کی جانب سے حکومت کا باقاعدہ انتظامی ڈھانچہ کھڑا نہ کرنے کا بھی ہے کیوں کہ طالبان اس وقت سیکیورٹی کے حوالے سے منظم نہیں ہے طالبان کی سیکیورٹی اہل کاروں کی کوئی مختص یونیفارم نہیں ہے جس سے طالبان اور دوسرے لوگوں کے درمیان تفریق نہیں کی جاسکتی ہے اس بنیاد پر کوئی بھی طالبان کے نام کا استعمال کرکے لوگوں کے لیے نقصان دہ ثابت ہوسکتا ہے۔ اس بنا پر افغان عوام چاہتی ہے کہ لوگوں کو ان کے نمائندے بتائے جائے جس کے سامنے وہ اپنے مسائل لے کر جائے۔

اسی طرح اب تک بینک، اسکولز، کالجز، کمپنیاں باقاعدہ نہیں کھلی ہیں جس کی وجہ سے عوام کو شدید مشکلات کا سامنا ہے۔

افغانستان اور کابل کی صورت حال۔

کابل کی سیکیورٹی سیچویشن کافی بہتر ہے لوگ خود کو محفوظ تصور کررہے ہیں کابل ائیرپورٹ کی صورتحال اس وقت خراب ہے۔ بنیادی طور پر ائیرپورٹ کے حالات کے زمہ دار اگر میں امریکہ پر عائد کروں تو میں غلط نہیں ہوں گا۔

امریکہ نے سب سے پہلے اپنے ساتھ لوگوں کو بیرون ملک لے جانے کا اعلان کیا۔ لوگوں کو ایمیلز کیے۔ تاہم ان لوگوں کو جنہوں نے ان کے ساتھ کام کیے ہیں لے جانے کے لئے کوئی انتظام نہیں کیا گیا۔
اس کا نقصان یہ ہوا کہ ہزاروں لوگ ائیرپورٹ کی طرف گئے ائیرپورٹ پر لوگوں کا ہجوم بنا امریکہ نے بغیر تصدیق کیے لوگوں کو طیارے میں ڈالا اور ان کو باہر لے جایا گیا اس صورت حال کو دیکھتے ہوئے ہر ایک نے باہر جانے کی کوشش کی اور اب تک ان کو امید ہے کہ ہمیں بھی باہر جانے کا موقع ملے گا۔ اس وجہ سے ائیرپورٹ کی صورتحال انتہائی خراب ہوگئی اور داعش کو اس صورت حال سے فایدہ اٹھانے کا موقع ملا۔

ایک اور مسئلہ جو اس وقت طالبان کو درپیش ہے اور افغانستان میں امن کے حوالے سے ایک چیلنج دیکھا جا رہا ہے وہ پنجشیر کی صورتحال ہے۔ پنجشیر کی صورتحال اس وقت یہ ہے کہ طالبان اور احمد مسعود کے درمیان اب تک مذاکرات جاری ہے طالبان کی کوشش ہے کہ پنجشیر بھی سرنڈر کریں اور کوئی خون خرابہ نہ ہو۔ میرے اطلاعات کے مطابق کافی حد تک مذاکرات کامیابی کی طرف جا رہے ہیں امید ہے دونوں طرفین مذاکرات کے ذریعے اس مسئلے کو حل کریں گی۔

طالبان کی ڈاکٹرعبداللہ عبداللہ اور حامد کرزئی کے ساتھ بھی اس وقت مذاکرات جاری ہے ڈاکٹر عبد اللہ عبد اللہ کے ساتھ ملاقات میں معلوم ہوا کہ دونوں رہنماؤں کو ان کی سیکیورٹی کے حوالے سے تسلی دی گئی ہے طالبان کی جانب سے ان کو سیکیورٹی بھی دی گئی ہے تاہم وہ اس وقت انتہائی مایوس دکھائی دے رہا ہے کیوں کہ ان کو ان کے مستقبل کے حوالے سے، حکومت میں شمولیت کے حوالے سے تسلی نہیں ملی ہے کہ ان کو حکومت میں شامل کیا جائے گا یا نہیں۔

حزب اسلامی کے سرابراہ جناب گلبدین حکمتیار صاحب سے ہم نے ایک ملاقات میں حکومت میں ان کی شمولیت کے حوالے سے پوچھا تو ان کا کہںا تھا کہ ہم نے خود طالبان سے حکومت میں حصہ کا مطالبہ نہیں کیا ہے تاہم افغان عوام کے لیے ہم سے جو بھی خدمت لیا جائے گا ہم اس کے لیے تیار ہوں گے۔
حزب اسلامی کے سربراہ گلبدین حکمتیار کا کہںا تھا کہ ہم کابل میں نئی تبدیلیوں کی حمایت کرتے ہیں گلبدین حکمتیار نے طالبان کے خواتین اور حجاب کے حوالے سے اپنا موقف دیتے ہوئے کہا کہ مغرب ہم پر اپنا حجاب مسلط نا کریں پردہ ہماری روایت اور اقدار کا حصہ ہے۔ انہوں نے بھارت پنجشیر کے حوالے سے بھارت کی موقف اور کردار کی مخالفت کرتے ہویے کہا کہ بھارت کو مثبت رول اپنانا چاہیے جس طرح پاکستان نے امن کی بات کی ہے اس طرح بھارت کو بھی جنگ کی بجائے امن کے لیے کردار ادا کرنا چاہیے۔

ہم پہلے پاکستانی تھے جنہوں نے طالبان کے ترجمان ذبیح اللہ مجاہد کے ساتھ آزاںہ طور پر ملاقات کی۔ ذبیح اللہ مجاہد نے صحافیوں کی تحفظ کے حوالے سے کہا کہ ہماری کوشش ہے کہ ایک باقاعدہ کمیٹی بنائی جائے جو صحافیوں کے تحفظ حوالے سے کام کریں گی۔ انہوں نے انتظامی ڈھانچہ کھڑا کرنے کے حوالے سے بھی تفصیلی گفتگو کی۔ ذبیح اللہ مجاہد نے کہا کہ تمام ممالک کے ساتھ ہم اچھے تعلقات چاہتے ہیں پاکستان ہمارا پڑوسی ملک ہے ہم اسے اپنا دوسرا گھر سمجھتے ہیں۔

دو صدور اس وقت خاصے زیر عتاب ہیں

ایک تو امریکی صدر،جنہیں آجکل افغانستان سے امریکن فوج کے انخلا کی وجہ سے ان کی اپوزیشن نشانہ بنارہی ہے۔

جو بائیڈن پر گرجنے برسنے میں سابق صدر ڈونلڈ ٹرمپ ہی سنبھالے نہیں جا رہے۔

امریکی صدر نے اپوزیشن کی طرف سے آڑے ہاتھوں لیے جانے کے بعد ایک پریس کانفرنس میں دل کی بھڑاس نکالتے ہوۓ بتایا ہے کہ افغانستان سے انخلا کا فیصلہ صرف اس کا نہیں تھا،

اس فیصلے سے پہلے دیگر تمام سٹیک ہولڈرز بشمول فوجی جرنیلز اور وزیر دفاع کے،

ہر ایک سے بات کی گئی اور تب باہم رضامندی سے یہ فیصلہ کیا گیا۔

امریکی صدر کے لئے تو چلیں اسکی اپوزیشن وبال جان بنی ہوئ ہے مگر ایک صدر ایسا بھی ہے،

جسے اُس کی اپنی ہی پارٹی نے آجکل تتے توے پر بٹھایا ہوا ہے۔

جی آپ ٹھیک سمجھے !

میری مراد پاکستان مسلم لیگ ن کے صدر میاں شہباز شریف سے ہے،

جن کی زندگی ان کی اپنی بھتیجی مریم صفدر نے اجیرن کر رکھی ہے۔

یہی سیاست کی بے رحم فطرت ہے کہ اس میں اقتدار کے لالچی لوگ خون کے رشتے تک فراموش کر دیتے ہیں۔

جب سے نوازشریف سب کو چُونا لگا کر لندن گیا ہے،

اُس وقت سے شہباز شریف کو بطورڈمی صدر سامنے لایا گیا مگر مریم اینڈ کمپنی نے شہباز شریف کی ایک نہیں چلنے دی۔

شہباز شریف کی کہی گئی ہر ایک بات کو مریم اور اسکے ہمنوا جوتے کی نوک پر رکھے ہوۓ ہیں۔

مگر حیران کن طور پر شہباز شریف کی صدارت کا سفر جاری ہے۔

لگتا یہی ہے کہ سیاست کے سینے میں درد کے ساتھ ساتھ شرم بھی نہیں ہوتی،

وگرنہ جس طرح شہباز شریف کے ساتھ ہو رہا ہے،

ایسے میں عہدہ صدارت سے چمٹے رہنا ڈھیٹ بن کر کسی درخت سے لٹکنے کے مترادف ہے۔

گندی سیاست کے رنگ و روپ پر غور کریں تو صاف پتہ چلے گا کہ شہباز شریف کی مریم اور اسکے حواریوں کی طرف سے دُرگت بناۓ جانے میں بڑے میاں ساب کا بھی ہاتھ ہے۔

ورنہ اگر نواز شریف نہ چاہے تو شہباز شریف کو یوں رسوا کیسے کیا جا سکتا ہے؟

شہباز شریف کو صدر بھی رکھا جا رہا ہے اور ساتھ ہی اسے اسکی اوقات میں بھی رکھا جا رہا ہے۔

شہباز شریف کی کہی گئی زیادہ تر باتوں کی برملا تردید کا فریضہ شاہد خاقان عباسی ادا کر رہا ہے۔

شہباز شریف اگر دن کہے تو عباسی مریم کے اشارے پر رات کہہ دیتا ہے،

حتی کہ ایک دفعہ تو شاہد خاقان عباسی نے شہباز شریف کو وارننگ کے انداز میں سوچ سمجھ کر بات کرنے کو بھی کہہ دیا تھا۔

اتنا سب کچھ ہونے کے بعد بھی عہدہ صدارت سے چمٹے رہنے ہی میں شہباز شریف کی بقا ہے۔

اسی میں اسکی عافیت ہے۔

کیونکہ جتنے سنگین قسم کے کرپشن کیسز اس پر چل رہے ہیں،

اسے مسلم لیگ ن کے شیلٹر کی سخت ضرورت ہے۔

کیونکہ پاکستان کے تمام بدعنوان سیاستدان اپنی اپنی کرپشن کو چھپانے اور بچانے کے لئے اپنی اپنی پارٹیوں کو بطور ڈھال استعمال کرتے ہیں۔

شہباز شریف کی بھی مجبوری ہے کیونکہ وہ تو ویسے ہی مع اہل وعیال مبینہ طور پر کرپشن کے گڑھے میں گردن تک دھنسا ہوا ہے،

اور پھر اسے پتہ ہے کہ ابھی تک ن لیگ میں نواز شریف کی چلتی ہے۔

ایسے میں وہ پارٹی چھوڑ کے کہاں جاۓ گا؟

نواز شریف نے پاکستان سے باہر ہونے کے باوجود پارٹی پر اپنی گرفت مضبوط رکھی ہوئ ہے،

یہی وجہ ہے کہ اسکے نام نہاد بیانیوں سے اختلاف کرنے والوں کو کارنر کر دیا جاتا ہے۔

شہباز شریف کو نواز شریف اور مریم کے ریاست مخالف بیانیے سے بھی شدید اختلاف ہیں مگر وہ اپنی سیاسی اور زاتی مجبوریوں کے آگے بے بس ہے۔

کہنے والے تو یہاں تک کہتے ہیں کہ ن لیگ کو تباہ کرنے میں مریم کا کلیدی کردار ہے۔

مریم کی ان تباہ کاریوں پر شہباز شریف کئی دفعہ نواز شریف کو شکایت بھی لگا چکا ہے مگر نواز شریف کا ووٹ ہمیشہ مریم کے ملک دشمن بیانیے کی حمایت میں ہوتا ہے،

کیونکہ نواز شریف کو پتہ چل چُکا ہے کہ نہ تو عمران خان اور نہ ہی اسٹیبلش منٹ اسے کسی قسم کا ریلیف دینے کو تیار ہے۔

ہر طرف اندھیری رات دیکھتے ہوۓ نواز شریف نے سیاست کی آڑ میں ملک و قوم کے خلاف جوڈرٹی گیم شروع کر رکھی ہے،

بظاہر شہباز شریف اپنے آپ کو اس غلیظ بیانیے سے دور رکھنے کی کوشش کرتے ہوۓ اپنے آپ کو ریاست کے سامنے اچھے بچے کے طور پر پیش کرنا چاہتا ہے،

مگر ہر بار اسکی یہ کوششیں ناکام کرنے کے لیے اسکی اپنی بھتیجی دم ٹھونک کر میدان میں آجاتی ہے۔

اور شہباز شریف ایک بار پھر شوباز بن کے رہ جاتا ہے۔

ویسے شہباز شریف کی یہی بھتیجی،

جو باپ سمیت اپنے آپ کو کشمیری اور کشمیر کی بیٹی کہتے نہیں تھکتی،

اُس کی زبان بزرگ حریت رہنما سید علی شاہ گیلانی مرحوم و مغفور کے انتقال پُرملال پر کیوں گنگ ہے؟

کیا تعزیت کرنے سے مودی چچاکی ناراضگی کا ڈر ہے؟

ویسے تو شہباز شریف اور مودی دونوں ہی مریم کے چچا ہیں۔

مگر سگے والےکو اتناٹف ٹائم دینا اور مونہہ بولے کا اتناخوف کہ

کشمیریوں کی تحریک آزادی کے ایک عظیم بانی راہنما سید علی شاہ گیلانی کی وفات پر تعزیت تک ندارد

کیا یہ کُھلا تضاد نہیں ؟

تحریر۔سید لعل حسین بُخاری

@lalbukhari

Sent from my iPhone