Category: سیاست

یہ چیز سمجھ سے بالاتر ہے کہ بلاول سرکار عمران خان سے عداوت کی سزا سندھ کے عوام کو کیوں دے رہی ہے؟
جب پوری دنیا نے عمران خان کی سمارٹ لاک ڈاؤن کی پالیسی کو نہ صرف سراہا بلکہ پاکستان نے کرونا کی پہلی تینوں لہروں پر اسی کامیاب حکمت عملی سے قابو بھی پایا تو پھر بلاول میاں کیوں ضد پر اڑے ہیں۔
انہیں کیوں عوام کی مشکلات نظر نہیں آتیں؟
وہ مکمل لاک ڈاؤن سے کیوں غریب آدمی کا چولہا بند کرنا چاہتے ہیں؟
وہ کیوں تاجروں سے روزگار چھین لینا چاہتے ہیں ؟
وہ کیوں اُبھرتی ہوئ ملکی معیشت کا بیڑہ غرق کرنا چاہتے ہیں ؟
سندھ حکومت کی نااہلیوں کی تو ویسے لمبی داستان ہے، مگر کرونا کے حوالے سے ہی بات کی جاۓ تو اب تک کرونا ویکسین کی چوری کے سب سے زیادہ واقعات بھی سندھ ہی میں ہوۓ۔
محکمہ صحت کے اہلکاروں کی ملی بھگت سے لوگوں سے پیسے لیکر اُن کے گھروں میں جا کر ویکسین لگائ گئی۔
اس سرکاری ویکسین کا اندراج کسی اور کے نام کا کیا گیا،جبکہ ویکسین لگائ کسی اور کو گئی۔
اسی وجہ سے بہت سے لوگ جب ویکسین لگوانے ویکسی نیشن سنٹرز میں گئے تو یہ سُن کر ان کے پاوں تلے سے زمین نکل گئی کہ ریکارڈ کے مطابق انہیں تو ویکسین لگ چکی ہے۔
اسی طرح پچھلے دنوں ٹیسٹنگ کے دوران 40ایسے افراد سامنے آۓ ،جنہیں کرونا کا بھارتی ویرئینٹ اپنا شکار بنا چُکا تھا۔
یہ لوگ کرونا پازیٹو آنے کے بعد پر اسرار طور پر غائب ہو گئے۔
جو سرا سر سندھ حکومت کی نااہلی تھی۔اس مجرمانہ غفلت کے نتیجے میں ان 40کرونا پازیٹو افراد کی وجہ سے تیزی سے پھیلنے والا بھارتی وائرس کتنا اور پھیلا ہو گا،اس کا اندازہ لگانا مشکل نہیں۔کیونکہ اس کے پھیلنے کی شرح بعض رپورٹس کے مطابق پرانے وائرس سے چار گنا زیادہ ہے-
سندھ حکومت نے شروع ہی سے SOPs فالو کروانے میں لیت و لعل سے کام لیا،جس کے باعث کرونا کی شرح سندھ میں سب صوبوں سے بڑھ گئی۔
ان سب باتوں کو چھوڑیے،
مراد علی شاہ کی ہونہار ٹیم ویکسین لگوانے کے انتظامات تک بہتر انداز سے نہیں کر سکی۔
کراچی اور پاکستان کے سب سے بڑے ویکسی نیشن سنٹرایکسپوسنٹر سمیت تقریبا” تمام ہی سنٹرز اس وقت تک ہُلڑ بازی اور طوفان بد تمیزی کا شکار ہیں۔
نہ لائنیں ہیں ، نہ ماسک ہیں اور نہ ہی مناسب فاصلہ ہے۔
جس سے خدشہ ہے کہ یہاں سے کرونا کم کرنے کی بجاۓ پھیلانے میں مدد کی جارہی ہے۔
ان سنٹرز میں لڑائ جھگڑے اور لاٹھی چارج کی بھی خبریں ہیں۔
دوسرے صوبوں کے بر عکس سندھ نے ٹیڈی پیسے کی ویکسین نہیں خریدی،حالانکہ بلاول کی پسندیدہ 18ویں ترمیم کے بعد صحت صوبائ معاملہ ہے۔
ان بدحالیوں اور ناہلیوں کے بعد بلاول کے وہ دعوے کدہر گئے، جن میں وہ کہتا تھا کہ سندھ کا مقابلہ باقی صوبوں سے نہیں،دنیا کے دیگر ممالک سے ہے۔
دنیا کا کونسا ایسا ملک ہو گا؟
جہاں سندھ جیسی ابتری اور خراب ترین صورتحال ہو گی۔
بلاول کے دعوے اپنی جگہ
سندھ کےبہت سے ہسپتالوں اور سکولوں میں اب بھی گدھے بندھے نظر آتے ہیں۔
آوارہ کتوں کے کاٹنے پر لگائ جانے والی ویکسین دستیاب نہ ہونے کی بدولت کتنے معصوم بچے اور بڑے اپنی زندگی کی بازی ہار چُکے ہیں۔
ان لوگوں کا خون کس کے سر ہے؟
ستم ظریفی کی انتہا یہ ہے کہ بلاول کی بہن آصفہ آوارہ کتوں کو مارنے کی مخالفت کرتی ہے۔اُس کے نزدیک یہ جانوروں کے حقوق کی پامالی ہے۔
اس خاندان کے لئے باعث شرم ہے کہ جو انسانوں کے مرنے کی تو پرواہ نہیں کرتا مگر جانوروں کے حقوق کا محافظ ہے۔
ان کے نزدیک انسان تو کتوں کے کاٹنے سے مرتے رہیں،مگر کتوں کو نہ مارا جاۓ،کیونکہ یہ حقوق کی پامالی ہے۔
ہر شعبے میں ناکامی کی زمہ داری وفاق اور عمران خان پر ڈالنامعمول بن چکا۔
مراد علی شاہ کے وزرا اور مشیروں کو جب بھی دیکھیں۔ٹی وی سکرین پر وفاق کے خلاف چارج شیٹ لے کے بیٹھے ہوتے ہیں،
مقصد صرف اپنی نا اہلیاں چھپانا اور اپنی نوکریاں پکا کرنا ہوتا ہے۔
نہ کوئ منصوبہ بندی نہ کوئ حکمت عملی۔
سندھ حکومت کب خواب غفلت سے جاگے گی؟
کب بغض عمران سے نکل کر سندھ کے عوام اور پاکستان کا سوچے گی؟

تحریر-سید لعل حسین بُخاری
@lalbukhari

‏مراد علی شاہ اور حماد اظہر صاحب لاک ڈاؤن سے نہیں تو لوڈ شیڈنگ سے مرتی کراچی ،حیدرآباد کی عوام کا نوحہ تکلیف نہیں ریلیف دو
کراچی حیدرآباد میں لاک ڈاؤن اور ڈیلٹا وائرس کا زور جاری ہے حکومت سندھ لوگوں کو بغیر کسی ضرورت گھر سے نا نکلنے کی تنبیہ کرتی ہوئی اپنی تمام تر صلاحیتیں بروئے کار لانے میں جوٹی ہے مارکیٹوں کارخانوں اور فیکٹریوں میں سناٹے چھائے ہوئے ہیں سینکڑوں کلو واٹ استعمال ہونے والی بجلی تقسیم کار اداروں کے استعمال میں نہیں آرہی پیداوار کی صلاحیت سے کم بجلی کے استعمال کے باوجود کراچی اور حیدرآباد میں روزانہ 7:30 گھنٹے کی لوڈ شیڈنگ جاری ہے جس دورانیہ بعض اوقات 12 سے 14 گھنٹے تک بھی ہوجاتا ہے لوڈ کے کم ہونے کے باوجود کراچی حیدرآباد کی عوام کا خون نچوڑنے والے کے الیکٹرک اور حیسکو گرمی کی شدت کے باوجود لوگوں کو مطلوبہ سہولیات فراہم کرنے میں مکمل ناکام نظر آتے ہیں این سی او سی کے جناب اسد عمر وزیر اعلیٰ سندھ مراد علی شاہ اور وفاقی وزیر حماد اظہر صاحب سے کراچی اور حیدرآباد کی عوام کی پرزور اپیل ہے کہ بڑے بڑے بجلی کے بل بھیجنے والے عوام کی خون پسینے کی کمائی پر جبری ڈاکہ مارنے والے ان اداروں کو فوری عوام الناس کو ریلیف دینے کے احکامات صادر فرمائے گرمی اور کورونا وائرس کی وجہ سے لوگ گھروں سے نا نکلنے کی کوشش کس طرح کریں جب کے لوڈ شیڈنگ کا جن اس مشکل حالات میں بھی قابو میں نہیں آرہا تمام سیاسی اور مذہبی جماعتوں کے قائدین بھی عوام کی اس پریشانی کا سد باب کرنے کے لئے اپنا کردار ادا کریں عوام کو بیروزگاری پانی سیوریج اور گیس کی قلت جیسے یوٹیلیٹی اشو کو فوری حل کروانے کا مناسب انتظام کیا جائے بلوں میں کرونا ریلیف دیکر تمام پاکستانیوں تک امداد پہنچائی جاسکتی ہے فوری لوڈ شیڈنگ ختم کرکے عوام کو گھروں تک محدود کرنے کا سبب بھی بنا جاسکتا ہے اگر آپ عوام کے ساتھ مخلص ہیں تو عوام کو ریلیف دیں تکلیف نہیں وفاق صوبے پر اور صوبہ وفاق پر ڈال کر کراچی اور حیدرآباد کی عوام کے دلوں میں موجود لاوے کو مزید نا بھڑکائے کیوں کہ یہ لاوا پھٹا تو پھر کوئی اسے روکنے والا نہیں ہوگا
ضد نہیں حکومت کریں جس چیز کا آپکے پاس لنگڑا لولا جیسا بھی مینڈیٹ ہے پاکستان کے معاشی حب کے ساتھ سوتیلی ماں جیسا سلوک کرنا بند کریں کراچی پر کاٹھور کے مقام پر لوگوں کو بسوں سے اتار کر ذلیل کرنا کراچی والوں پر ظلم نہیں تو اور کیا ہے پوری دنیا میں لوگ ہنر مند افراد کو پرموٹ کرتے ہیں پاکستان میں الٹا نظام ہے سب سے زیادہ ٹیکس اور سب سے زیادہ پڑھی لکھی آبادیوں والے شہروں کو پستی کی جانب دھکیلا جارہا ہے جو کسی بھی صورت پاک کے لئے اچھا عمل نہیں بہت سی قربانیوں اور قانون نافذ کرنے والے اداروں کی شب وروز محنت سے امن کا قیام عمل میں آیا ہے اس امن کو خراب نا ہونے دیں شہیدوں کے خون سے پروان چڑھنے والے اس امن کو مزید بہتر بنانے کیلئے کوششیں کی جائیں تاکہ مزید کوئی فیملی اپنے پیاروں کی جدائی کا صدمہ برداشت نا کرے بجلی کا یہ مسئلہ حل کروانے میں ہم سب کا فائدہ ہی ہوگا انشاء اللہ

بظاہر تو ہمیں یہ نظر آرہا ہے کہ افغانستان کی جنگ ختم ہورہی ہے اور امریکہ یہاں سے شکست کھا کر جارہا ہے، لیکن اسی طرف خطے میں ایک عالمی جنگ کا خطرہ بھی سر پر منڈلا رہا ہے۔ آج کہا جارہا ہے، خوش ہورہے ہیں کہ طالبان جنگ جیت رہے ہیں، اور ماضی میں ہم امریکہ کےساتھ ملکر طالبان کے خلاف جنگ بھی کرتے رہے اور ہم پر امریکہ بے تحاشا زبان تراشی بھی کرتا رہا، کیا آپ یہ تسلیم کرتے ہیں دنیا کی سپر پاور اب اتنی آسانی سے شکست تسلیم کرلے گی؟
یہ مت بھولیے کہ ہمارے ہاں جو بھی یا کسی بھی قسم کی سیاسی تبدیلیاں آتی ہیں اس کے پیچھے بہت سی وجوہات ہوتی ہیں۔ اس وقت افغانستان میں لڑائی شدت اختیار کر چکی ہے، طالبان بڑے شہروں کے اندر گھس چکے ہیں اور گمسان کہ جنگ شدت اختیار کرچکی ہے، طالبان اب اندرون شہر گھس کر جو افغانستان کے سب سے اہم صوبے اور شہر ہیں جن کو سقوط کابل سے پہلے بہت اہم کہا جارہا ہے طالبان وہاں قبضہ کرتے چلے جارہے ہیں ۔ اب امریکہ جارہا ہے اسے ہماری ضرورت ہے، لیکن امریکہ بہت منافق ہے وہ اب ہم پر الزام پر الزام لگائے جارہا ہے،معاملات بہت سنجیدہ ہیں۔جوبائڈن بہت شاطر آدمی ہے۔ وہ بھی کلنٹن کی طرح اس خطے کی سیاست کو جانتا ہے اور وہ آخر پراپنا پتا شو کرے گا، جس پر پاکستان کو بہت سی مشکالات کا بھی سامنا کرنا پڑ سکتا ہے۔ امریکہ اب نئی حکمت عملی کے ساتھ میدان میں اتر رہا ہے اور وہ پاکستان میں آزادی کی تحریکوں کو جنم دے رہا ہے اور نور ولی محسود کا پاکستان کے قبائلی علاقوں پر قبضہ کرنے کا بیان اسی چیز کی کڑی ہے، امریکہ افغانستان کی پشتون آبادی اور پاکستان کی پشتون آبادی کو ملا کر ایک آزادی کی تحریک شروع کردے گا اور جس طرح داؤد خان نے پاکستان کے مغربی بارڈر پر حملے کیے اور اب وہی صورتحال بنتی ہوئی نظر آرہی ہے، 1950 اور 60 کی دہائی میں جب افغانستان میں داؤد خان کا دور تھا تو قبائلی پشتونوں نے افغان آرمی کے ساتھ ملکر چمن بارڈر پر حملہ کیا اور 30 میل تک اندر گھس آئے اور مزید جھڑپیں بھی پوتی رہیں، وہ الگ پختونستان چاہتے تھے۔ چین اب اس خطے میں پوری طرح سے ایکٹو ہے اور وہ بیک ڈور ڈپلومیسی کو ترجیح دے رہا ہے۔

تو اب خطے کے حالات خطرناک دوراہے پر ہیں_

twitter.com/RanaUzairSpeaks

اس بات سے بلکل انکار نہیں کہ ملک میں مہنگائی کی شرح میں دن بہ دن اضافہ ہوتا جا رہا ہےہر چیز کی قیمت میں آئے دن اضافے کی خبرسننے کو ملتی ہے چاہے وہ پیڑولیم مصنوعات ہوں یا کھانے پینے کی اشیاء۔ مگر اس کے باجود یہ کہنا بھی غلط نہ ہو گا کہ عوام کا اعتماد اب بھی خان صاحب پہ ہی ہے۔ یہ اس لیے ہر گز نہیں کہ وہ آخری آپشن ہیں بلکہ اس لیے کیوں کہ اب اس قوم کو یقین ہو چکا ہے کہ وقتی پریشانی ضرور اٹھانی پڑ رہی ہے مگر اس تکلیف کے بعد جو آسانی آئے گی وہ ان کی نسلوں کو سنوار دے گی۔
بے شک مہنگائی نے عوام کی کمر توڑدی ہے لیکن ہر پاکستانی کے لیے اس سے بڑھ کہ اور کیا بات ہو سکتی ہے کہ اب دنیا میں انہیں عزت کی نگاہ سے دیکھا جانے لگا ہے ، اب انہیں خود کو پاکستانی بتاتے ہوئے شرم کا سامنا نہیں کرنا پڑتا ۔کیوں کہ جو ان کا پرائم منسٹر ہے وہ دنیا کی آنکھ میں آنکھ ڈال کے بات کرتا ہے ،وہ اب امریکہ کو اسی کی زبان میں “Absolutely Not” کہنے کا حوصلہ رکھتا ہے، وہ “Do More” کی بجائے برابری کی سطح پہ تعلقات قائم رکھنا جانتا ہے،وہ امریکی ایڈ کی بجائے تجارت کو فروغ دینے پہ بات کرتا ہے، وہ ظلم کا ڈٹ کے مقابلہ کررہا ہے، وہ کشمیر کا سفیر بنا ہے، وہ چائنا جیسے دوست سے دوستی نبھانا اور بھارت جیسے دشمن سے مقابلہ کرنے کی طاقت رکھتا ہے۔ جب وہ خطاب کرتا ہے تو اسے پرچی کی ضرورت نہیں پیش آتی اور دنیا کی نظریں اس پہ اور دنیا کے ہر بڑے چینل کی ہیڈلائن ہوتا ہے۔ اس نے وقت کے فرعونوں کو للکارا ہے۔ پاکستانیوں کو بخوبی معلوم ہے کہ ان کے لیڈر کو صرف بیرونی ہی نہیں بہت سے اندرونی دشمنوں کا بھی سامنا ہے۔ ہر مافیا چاہے وہ قبضہ مافیا ہو چینی مافیا اس کے راستے کی روکاٹ بنا ہوا ہےمگر وہ ان سے بھی لڑ رہاہے۔سیاسی مخالفین کو کب کہاں کس طرح ٹھوکنا ہے یہ خان صاحب سے بہتر کوئی نہیں جانتا۔وہ پاکستانی عدالتوں سے صادق اور امین ڈیکلیرڈ ہے۔ ہاں تھوڑے کنجوس ضرور ہے کیوں کہ وہ "کھاتا ہے تو لگاتا بھی توہے” والی سیاست نہیں کرنا جانتا۔ عوام کے ٹیکس کا پیسہ کیسے عوام پہ ہی خرچ کرنا ہے اورمزید چوری ہونے سے کیسے بچانا ہے یہ ان سے بہتر کوئی نہیں جانتا۔
تو پھر کیسے نہ ہو پاکستانی عوام کو اپنے کپتان پہ اعتماد۔ وہ کپتان جس نے حکومت میں آنے سے پہلے ان کے لیے انتھک محنت کی ، 22 سال اپنے نوجوانوں کا انتظار کرتا رہا،ان کے لیے لڑتا رہاتاکہ وقت آنے پہ یہ اس کا ساتھ دیں اور دنیا کو بتا دیں گے کہ پاکستانی کسی کم نہیں ۔تو اب وہ وقت ہے جب پاکستان کے نوجوان خان کی سر پرستی میں ہر قسم کی جنگ چاہے وہ اندرونی دشمنوں سے ہو یا بیرونی لڑ سکتے ہیں کیوں کہ یہ جنگ خان کی نہیں یہ پاکستان کی جنگ ہے ، یہ ہماری آنے والی نسلوں کی بقا کی جنگ ہے جس میں بہت سی پریشانیاں اور روکاوٹیں ضرور ہیں مگر اس کے نتائج بہت حوصلہ افرزا ہوں گے۔ بس ہمت، حوصلہ اور یقین رکھیں اچھے دن آنے والے ہیں۔

@MS_14_1

پاکستان میں الیکشن اور دھاندلی کا چولی دامن کا ساتھ ھے یہ رشتہ برسوں پرانا ھے کچھ روز قبل ریاست أزاد جموں کشمیر میں انتخابات ہوئے جس میں پاکستان تحریک انصاف نے واضع برتری حاصل کی اور سادہ اکثریت سے حکومت بنا لے گی۔ اس انتخاب میں تحریک انصاف کی پہلی پوزیشن آئی دوسرے نمبر پر پیپلز پارٹی اور تیسرے نمبر پر مسلم لیگ ن ۔
ان انتخابات میں واضع تبدیلی یہ دیکھنے میں آئی تحریک انصاف کی حکومت تو وفاق میں ہے ہی سب کو معلوم تھا کہ تحریکِ انصاف واضع برتری حاصل کر لے گی لیکن سوال یہ پیدا ہوتا ہے کہ پیپلز پارٹی نے ن لیک سے زیادہ سیٹیں کیسے حاصل کر لیں حالانکہ ن لیگ کےجلسے زبردست ہوۓ اور ن لیگ کی نائب صدر محترمہ مریم نواز نے اسے بھی 2018 کی طرح دھاندلی والے انتخابات کی طرف جوڑ دیا اس کے علاؤہ حال ہی میں سیالکوٹ میں ضمنی انتخابات ہوئے جس میں تحریک کے ممبران نے دس ہزار کے ووٹ سے پنجاب اسمبلی کی سیٹ جیتی جو ن لیگ گزشتہ تیس برس سے جیتتی آرہی تھی ن لیگ کے ترجمانوں کا کہنا ہے کہ اس میں حکومتی مشینری کا بھی بے دریغ استعمال ہوا اسی وجہ سے تحریک انصاف جیتی البتہ ن لیگ شہباز گروپ کے لوگوں نے اس انتخابات میں دھاندلی کے بیانیے کو مسترد کرتے ہوئے تحریک انصاف کو مبارکباد دی۔
مبارک باد دینے والوں میں ملک احمد خان اور نوشین افتخارتھے اگر ہم پیچھے ماضی کی طرف چلےجائیں تو ہر الیکشن متنازعہ رہا ہر الیکشن میں دھاندلی کا شور برپا ہوتا رہا 2018 کے عام انتخابات کی بات کی جائےتو تمام اپوزیشن جماعتوں نے متفقہ طور پر اس الیکشن کو دھاندلی زدہ کہا یہاں تک کہ عمران کو سلیکٹڈ بھی کہا گیا دھاندلی کی وجہ سے۔ اپوزیشن کا کہنا تھا کہ 2018 کے انتخابات میں واضع دھاندلی ہوئی اور انہوں نے حکومت گرانے کے لیے ایک اتحاد بھی قائم کی جو اپوزیشن کے اندرونی اختلافات کی وجہ سے ناکام رہا اس طرح 2013 کے انتخابات کی بات کی جائے تو اس انتخاب میں دھاندلی پر بڑی بڑی تحریکیں چلیں عمران خان نے اسلام آباد ڈی چوک پر 126 دن دھرنا دیا اور عمران خان کا مؤقف تھا کہ یہ دھاندلی زدہ انتخابات ہوئےجو ہمیں قبول نہیں۔ اگر ن لیگ یہ کہتی ہے کہ صاف شفاف الیکشن ہوئےتو ہم انہیں چار حلقے دیتے ہیں یہ اوپن کرائیں پتہ چل جائےگا کہ دھاندلی ہوئی یا نہیں لیکن حکومت وقت نے ان کی بات کو مسترد کردیا ۔
پاکستانی الیکشن کی بھی ایک مکمل داستان ہے اور قریباً ہر الیکشن متنازعہ رہا اکیسویں صدی میں رہتے ہوئے یقیناَُ وقت کا تقاضا بھی ہے کہ ہم ٹیکنالوجی کا استعمال کر کے صاف شفاف الیکشن کروائیں تاکہ جو ہار جائیں وہ اسے صاف شفاف تسلیم کرے اور دھاندلی کا شور نہ مچائے۔ دھاندلی کے شور شرابے کی وجہ سے اپوزیشن کے لوگ اپنے کارکنان کو احتجاج کرنے کے لیے بلاتے ہیں اور بلا سوچے سمجھے اپنے لیڈران کے ہمراہ آجاتے ہیں اور روڈ بندکرتے دکھائی دیتے ہیں اور ملکی املاک کا نقصان کرتے ہیں جو مملکت خداداد کے حق میں بالکل نہیں ھے اور نہ ہی یہ نظریہ اقبال اور قائد کا تھا۔ ضرورت اس امر کی ہے کہ ہمارے تمام سیاست دان اپنے تمام تر اختلافات بھلا کر صاف شفاف الیکشن کروانے کے لیے متفق ہوجائیں اور آنے والے انتخابات ٹیکنالوجی کے ذریعے کروائیں تاکہ عوام کو بھی پتہ چلے کہ الیکشن کون جیتا کون ہارا جب صاف شفاف الیکشن ہو جائیں تو آدھے مسائل خود بخود حل ہوجائیں گے اور مملکت پاکستان دن دگنی رات چوگنی ترقی کرے گی۔انشااللہ
Twitter id:@GN_bloch

پاکستان کا موجودہ سیاسی نظام کسی سے ڈھکا چھپا نہیں ہے۔ آج کوئی ایماندار اور قابل آدمی آگے بڑھنے کی کوشش کرے تو یہ اس کے لیے ناممکن بات ہو گی۔
بلکہ آج تو یہ تک کہا جاتا ہے کہ سیاست شریف آدمی کا کام نہیں۔
آخر کیوں ہم یہ نہیں چاہتے کہ اچھے لوگ سیاست میں آئیں کیوں ہم نہیں چاہتے کہ ہم اپنے انتظامی معاملات کسی اچھے انسان کے سپرد کریں۔؟
جبکہ ہمارے نبی صلی اللہ علیہ وسلم نے فرمایا کہ بنی اسرائیل کے انبیاء انکی سیاسی رہنمائی فرماتے تھے۔

سیدنا ابوہریرہ رضی اللہ عنہ نے رسول اللہ صلی اللہ علیہ وسلم سے روایت کیا، آپ صلی اللہ علیہ وسلم نے فرمایا: ”بنی اسرائیل کے انبیاء ان کی سیاسی راہنمائی بھی کیا کرتے تھے، جب ایک نبی وفات پا جاتے تو دوسرے نبی ان کی جگہ آ جاتے، لیکن میرے بعد کوئی نبی نہیں آئے گا۔“ انہوں نے عرض کیا: اللہ کے رسول! تو پھر کیا ہو گا؟ فرمایا: ”خلفاء (نائب) ہوں گے اور بہت ہوں گے، ان کا حق انہیں ادا کرو، اور اپنے حق کے متعلق اللہ سے سوال کرو۔“
صحيح البخاري #3455
یہ ناانصافی ہمارے ساتھ جو کی گئی ہمارے بڑوں کی طرف سے کی گئی ہے جن کی نیت تو اچھی تھی لیکن انکو یہ اندازہ نہیں تھا کہ اسکا نتیجہ اس صورت میں نکلے گا۔
کچھ لوگوں نے خود کو اس ذمہ داری سے اس لیے بھی دور رکھا کہ کل اللہ کے حضور اسکا حساب دینا پڑے گا۔

کچھ نے سوچا سیاست تو کسی شریف النفس آدمی کا کام نہیں
کچھ نے کہا ہمارا کیا لینا دینا سیاست سے ہم تو غیر سیاسی ہیں۔
ہمارے غیر سیاسی ہونے کا نتیجہ یہ نکلا کہ چند مالدار لوگوں نے اہل نہ ہونے کے باوجود اس ذمہ داری کو سنبھال لیا اور اپنی نااہلی کو چھپانے کے لیے پیسے کا استعمال کیا اور پھر اپنے پیسے کے نقصان پورا کرنے کے لیے ہمارا ہی پیسہ لوٹا ۔
انتخابات میں پیسے کا استعمال اس قدر کیا جاتا ہے کہ اب کوئی غریب ایماندار آدمی تو انتخابات میں آنے کا سوچ بھی نہیں سکتا۔
مسئلہ یہ ہے کہ اتنا کچھ ہونے کے بعد بھی ہم وہیں پر کھڑے ہیں آج بھی ہم کسی شریف اور ایماندار آدمی کو آگے بڑھنے کا موقع نہیں دیتے آج بھی کوئی یہ نہیں سوچتا کہ اسکا اپنا بیٹا بھتیجا یا کوئی عزیز اگر اس میں قابلیت ہے تو وہ آگے آئے اور انکے معاملات کو سنبھالے ہم لوگ بس انہی چند خاندانوں کے نعرے لگا کر خود کو مطمئن کر لیتے ہیں۔
آج بھی خاندان سے ایک شخص آٹھے گا اور کسی بدعنوان شخص کے چار نعرے لگائے گا کسی نااہل بندے کے ساتھ دو تصویریں بنائے گا اور پورے خاندان کی ووٹیں تھالی میں رکھ کر پیش کر دے گا ۔
آج اگر ہم بھی اپنے بڑوں کے اسی قول پر قائم رہے کہ “ ہمارا سیاست میں کیا کام “ تو جو ناانصافی ہمارے ساتھ کی گئی ہم آنے والی نسل سے اس سے بھی بڑی ناانصافی کریں گے۔