Category: سیاست

انسانی تاریخ کا یہ المیہ رہا ہے کہ انسان خود ہی الجھنیں پیدا کرتا ہے پھر خود ہی بےچین ہوجاتا ہے یہ بےچینی بڑھتی ہے تو انسان کو انقلابی بنادیتی ہے جو آخرکار ایک نئی کشاکش کو جنم دے دیتی ہے پاکستانی تاریخ ایسے تناو سے بھری پڑی ہے اس سلسلے کی کڑیاں آج بھی دیکھنے میں آرہی ہیں جو ایک دوسرے کے ساتھ لپٹی ہوئی ہیں

گو آج کا پاکستان ماضی کے پاکستان سے بہت آگے آچکا ہے مگر تسلسل کے لحاظ جو کچھ آج ہورہا ہے جو ماضی بعید اور ماضی قریب میں ہوچکا اسی راہ کا حصہ ہے نہ کسی پر کیچڑ اچھالنا مقصد ہے نہ ہی کسی کے قصیدے پڑھنا مگر اس سلسلے کی ایک جھلک پیش کرنے کی کوشش ضرور کررہا ہوں، ہمارا یہ المیہ رہا ہے کہ جب جب کسی ایک گروہ کے ذاتی مفادات کو ٹھیس پہنچنے کا اندیشہ ہوا تو اس گروہ نے قومی مفادات کی بھی پرواہ نہ کی اور تمام حدیں پار کرکے انقلاب لانے میدان میں آگیا،

پاکستانی تاریخ کے تمام انقلابات کا جائزہ لیا جائے تو دو بات مشترک ملیں گی ایک مذہب کارڈ دوسری طفیلیت یعنی کسی نادیدہ قوت کے آلہ کار ہونا خواہ وہ اندرونی ہو یا بیرونی طاقت، ہماری روایت یہی رہی کہ جو بھی حکومت آئی اس نے ملکی و قومی استحکام پر اپنی پارٹی و شخصیات کے مفادات کو ترجیح دی اور سب سے المناک پہلو یہ کہ ملک و قوم کو جتنا نقصان حکومت کی غلط پالیسیوں یا ذاتی مفادات سے پہنچا اس سے کئی گنا زیادہ نقصان اپوزیشن کی ریشہ دوانیوں و سازشوں سے پہنچا خواہ وہ ماضی بعید کی اپوزیشن ہوں یا پھر پچھلے دو ادوار کی میڈ ان لندن فرینڈلی اپوزیشن، ماضی میں جب کبھی کسی حکومت نے بہترین پالیسی یا منصوبہ تیار کیا تو اپوزیشن نے حکومتی پارٹی کو عوام میں غیرمقبول و ناقص کارکردگی دکھانے کے لیے قومی مفاد کے ان منصوبوں کو ناکام بنانے کے لیے ایڑی چوٹی کے زور لگائے اس کے علاوہ فرینڈلی اپوزیشن کا حال تو کسی سے ڈھکا چھپا ہی نہیں الغرض کہ پاکستان کسی نظام کے بغیر ہی چلتا رہا اور چند سیاسی پارٹیوں کی مطلق العنانیت کے ہاتھوں یرغمال رہا،

ان کی اس صفت کا عالمی قوتوں کے ساتھ ساتھ سرمایہ داروں نے ناجائز فائدہ اٹھایا اور ایک وقت پر آکر ہمارے تقریباً سیاستدان خود بھی سرمایہ دار بن بیٹھے اور مشرکہ نشانہ عوام بنی رہی، کیا یہ سرمایہ داروں کا ہی کھیل نہیں تھا کہ پورے پاکستان کا منرل واٹر سے بہتر گراونڈ واٹر دیکھتے ہی دیکھتے خراب ہوگیا پھر ساتھ ہی ساتھ RO پلانٹ کمپنیوں، ادویہ ساز کمپنیوں، پانی کی کمپنیوں کے وارے نیارے ہوگئے، جو جو ہالی ووڈ کی فلموں میں ہوتا ہے وہ سب ہم نے اپنی آنکھوں سے پاکستان میں ہوتے دیکھ لیا کہ کسی بھی فصل میں پراسرار بیماری آتی ہے تو ساتھ ساتھ مارکیٹ میں اس کی دوا بھی اتار دی جاتی ہے،

ساری زندگی جن لوگوں نے جوائنڈس یعنی پیلیا کا مرض دیکھا وہ لوگ اس کی جدید ترین شکل ہیپاٹائٹس بی سی کا شکار ہوکر فوت ہوے اور لاکھوں خاندان اس کا شکار ہوکر اپنی ساری جمع پونجی اس کی دوا ساز کمپنی کو دینے پہ مجبور ہوے، کس طرح سے کوئی بھی چیز رات ہی رات میں مہنگی ہوجاتی ہے اور کس طرح ڈرامائی انداز میں غریب کسانوں کی ساری محنت رائیگاں چلی جاتی ہے، یہ سارا کھیل کیا ہے صرف چند سرمایہ داروں کی حرص اور خون چوسنے کی عادت سے زیادہ کچھ نہیں،

مجھے یہاں کسی ریفرینس کی بھی ضرورت نہیں کیونکہ ہر ذیشعور اس پُراسرایت کو محسوس کررہا ہے مگر مجبور ہے دنیا کی بہت سی قوموں نے اس لعنت سے خود کو آزاد کرنے کا تہیہ کیا اور ترکی، روس، چین وغیرہ ان کی پہنچ سے بہت آگے نکل آئے، چین تو اعلانیہ طور پر اس کا اظہار کررہا ہے چینی صدر نے تو بارہا کہا ہے کہ ہاں ہم نے چند گاڈفادرز کے مفادات کا تحفظ کرنے والوں کو نہیں چھوڑنا، بہتوں کو گرفت میں لیا، ترکی کل تک سک مین آف یورپ تھا مگر طیب اردگان کا ترکی آج امریکہ جیسی طاقت کی آنکھوں میں آنکھیں ڈال کر بات کرتا ہے،

اسی راہ پر پاکستان بھی ہو لیا تو اس وقت سب کے نشانے پہ عمران خان ہے کیونکہ عالمی طاغوتی نظام سے بغاوت کا علم اسی کے ہاتھ میں ہے، حکومت سنبھالنے سے لیکر ابتک تمام اپوزیشن جماعتیں اس کے خلاف متحد ہیں اس کی راہ میں رکاوٹیں در رکاوٹیں کھڑی کرتی آرہی ہیں ان کے بقول دنیا کا سب سے برا اور ان کی زبانی عوام کا سب سے بڑا دشمن بھی کپتان ہے مگر دلچسپ بات یہ ہے کہ ابتک اپوزیشن کوئی ایک کام یا پالیسی بھی ایسی پیش نہیں کرسکی جس سے عمران خان نے ملک و قوم کو نقصان دیا ہو یا دے سکتا ہے،

مولانا فضل الرحمان آجکل صف اول کا کردار ادا کررہے ہیں مولانا صاحب نے بغیر ثبوت کے بہت سے الزام عمران خان کی ذات پہ لگائے ہیں جن میں سر فہرست اسلام دشمنی کا الزام ہے مگر بطور دلیل کے ان کے پاس کچھ بھی نہیں جبکہ عمران خان کا سلوگین تو صرف ملک و قوم کی بہتری کا ہے، مولانا صاحب بات دین کی کرتے ہیں تو کیا یہ بہتر نہیں کہ وہ عوامی فلاح کے لیے بجائے حکومت کی راہ میں روڑے اٹکانے کے حکومت کا ساتھ دیں، انکے پاس بہتر منصوبے ہیں تو پیش کریں، بہترین پالیسی ہیں تو پیش کریں، قانون کو اس کی رو کے مطابق نافذ کروانے میں حکومت کا ساتھ دیں اور کرپٹ اشرافیہ کے احتساب کو یقینی بنانے میں کردار ادا کریں نہ کہ احتساب کو انتقام کا نام دیکر اس عمل میں رکاوٹ بنیں

مگر ماضی کی طرح مولانا صاحب صرف اپوزیشن ہی نظر آتے ہیں جس کا ہمیشہ سے ایک ہی کام رہا کہ اپنے مفاد کو ترجیح دی، حکومت کی جائز بات و ملکی مفاد کی پالیسی یا منصوبے کو بھی صرف اس لیے ہدف تنقید بنایا جاتا ہے کہ کہیں وہ پارٹی عوام میں مقبول نہ ہوجائے لہٰذا عوام مرتی ہے تو مرے لیکن اپوزیشن کا مفاد پورا ہو بس یہی ہماری روایت ہے پاکستان میں اپوزیشن کا مطلب صرف اپوزیشن کرنا ہوتا ہے سو وہ جائز و مفید اقدام کی بھی اپوزیشن کرتے ہیں اور بات بے بات اپوزیشن ہونے کا ثبوت دیتے رہتے ہیں۔

آرزوئے سحر
اپوزیشن مطلب صرف اپوزیشن کرنا—از— انشال راؤ

آج فیصل آباد کے آٹھوں بازاروں میں ہڑتال تھی۔تقریبا 90 % کاروبار بند تھا۔ہڑتال کلچر عالمی طور پہ تسلیم شدہ و پر اثر کلچر ہے۔ہڑتال کے زریعے افراد تنظمیں و گروہ اپنے مطالبات منواتے ہیں ارباب اختیار سے۔ہمارے ہاں بھی یہ کلچر اپنی پوری ہشر سامانی کے ساتھ رائج ہے۔ڈاکٹرز تک اپنے جائز و نا جائز مطالبات منوانے کے لیے مریضوں کو موت کے رستے پہ کامزن کرنے میں کوئی ہچکچاہٹ محسوس نہی کرتے جبکہ یہی ڈاکٹرز پرائیوٹ کلینکس و ہاسپٹلز میں ہڑتال کے دنوں میں ہی دونوں ہاتھوں سے دولت بھی سمیٹ رہے ہوتے ہیں

آج کی ہڑتال کو ایک ٹائیٹل یا نام دیا جاۓ تو یہی کہا جا سکتا ہے کہ یہ سیٹھوں کی ہڑتال تھی۔بڑا سیٹھ ، تاجر ، مینوفکچرر جو بھی چیز بناتا یا بیچتا ہے اس پہ حکومتی شرح کے مطابق بذریعہ چھوٹے تاجر و دوکاندار عوام سے ٹیکس وصول کرتا ہے اور اونٹ کے منہ میں زیرے کے مترادف گورنمنٹ کو دیکر باقی سارا ٹیکس چوری کرکے اپنے پیٹ کی دوزخ کو بھرتا چلا جاتا ہے اور ہل من مزید کا نعرہ مار کے اپنے ڈھیٹ پنے کا ثبوت بھی دیتا ہے

موجودہ دور حکومت سے پہلے بھی ہر چیز پہ 18 % سیلز ٹیکس عوام سے لے رہا تھا نام نہاد اشرافیہ کا ٹولہ۔تمام کاروباری اداروں کو ٹیکس نیٹ میں لانے و کاروباری ڈاکومیٹشن کے موجودہ حکومتی عزم کو دیکھتے ہوۓ سیٹھوں نے قیمتوں کو 17% مزید ٹیکس ایڈ کرتے ہوۓ بڑھا دیا جبکہ حکومت کو دیا کچھ بھی نہی پچھلے چند ماہ سے۔عام آدمی و حکومت کے لیے لمحہ فکریہ تو یہ ہے کہ ٹیکس 18 + 17 = 35 % کی شرح سے وصول تو کیا جا رہا ہے

عوام الناس سے لیکن گورنمنٹ کو مل بہت تھوڑا رہا ہے۔اور سارا ٹیکس بلیک منی و بے نامی جائیدادوں میں ڈھلتا چلا جا رہا ہے۔اب وقت آ چکا ہے کہ عام آدمی ان معاشی مگرمچھوں کی ملک و عوام دشمنی کو جان جائے اور اپنے حقوق کے لیے حکومتی اقدامات کا ساتھ دے۔عوام کا دیا ٹیکس سیٹھوں کے اندھے کنوؤں کی مانند پیٹوں میں دفن ہونے کے بجاۓ ریاست کو ملنے لگ گیا تو ریاستی معاشی حالت سنبھلنا شروع ہو جاۓ گی ان شاءاللہ

سیٹھوں کی ہڑتال —-از…حفیظ اللہ سعید

گلاس آدھا خالی ہے،گلاس میں آدھا پانی ہے،بات ایک ہی ہے
لیکن تعبیریں دو مختلف،چیزوں کو مثبت منفی کس ذاویے
سے ہم دیکھتے ہیں یہ اس کا فارمولا ہے.

مسئلہ تب بن جاتا ہے جب آپ کسی چیز کو ایک ہی زاویے سے دیکھ کر رائے قائم کرتے ہیں،زیر نظر تصویر سوشل میڈیا پر زیر بحث ہے آئیں اسے ہم مختلف زاویوں سے دیکھنے اور دکھانے کی کوشش کرتے ہیں.

پرائم منسٹر مرغی پال اسکیم کا باقاعدہ آغاز، قرعہ اندازی کی گئی

میاں نواز شریف اور مریم بی بی جیل میں قید ہیں،جلسوں
دھرنوں اور پبلک پروگرامات کا انعقاد نہیں ہو رہا ہے نتیجتا
کارکنان بریانی سے محروم ہیں،مایوس لیگی کارکنوں کا "احساس ” کرتے ہوئے عمران خان نے جگہ جگہ لنگر کھولنا
شروع کر دیا چونکہ رشتے میں وہ سب کے وزیر اعظم لگتے ہیں اس لئے سب کا احساس کرنا ان پر لازم ہے.

ہمارا ملک جتنی بھی ترقی کرے اگلے دس پندرہ سال تک مفت خوری کی عادت سے چھٹکارہ پانا مشکل ہے لہذا ایسے لوگ تب تک خوش نہیں ہوں گے جب تک انہیں مفت کا کھانا
میسر نہیں لہذا اس طبقے کا "احساس” کرنا بھی وزیر اعظم کی ذمہ داری ہے چونکہ رشتے میں وہ سب کے…الخ

ڈاکٹرزکی ہڑتال،فیروز پور بند،نئے مطالبات سامنےآگئے

ستر سالہ پاکستانی تاریخ میں نا اہل حکمرانوں نے ملک کو
دو طبقوں میں تقسیم کئے رکھا،ایک طبقہ وہ جسے دو وقت
کی روٹی تک میسر نہیں دوسرا طبقہ ایلیٹ کلاس جن کے کتے اور گھوڑے بھی مکھن اور مربعے کھاتے ہیں،عمران خان
ان سرمایہ داروں کی انسانیت کو جھنجھوڑ رہے ہیں کہ کم از کم فٹ پاتھوں پر بھوکے مرنے والے انسانوں کو اپنے کتوں برابر اہمیت تو دو،چنانچہ ان سرمایہ داروں کی جیبوں سے
پیسہ نکال کر یہ مفت کے لنگر چلائے جا رہے ہیں،تمہارے امیروں پر تمہارے غریبوں کا حق ہے.

ہمارے ملک کو ہزاروں مسائل کا سامنا ہے وزیر اعظم اگر کسی ایک مسئلے کو حل کرنے کے لئے کوشاں ہیں تو اس کا مطلب یہ ہرگز نہیں ہے کہ دیگر سیکٹرز پر کام نہیں ہو رہا لہذا مفت لنگر کھولنے کی تصویر اٹھا کر یہ سوال کرنا کہ مفت لنگر کھولنے سے ملکی معیشت ٹھیک ہوگی؟انتہائی بچگانہ اپروچ اور سطحی ذہنیت ہے.

4 نئی ٹیکنیکل یونیورسٹیز کے قیام کا اعلان، تبدیلی آگئی

رسول خدا سے پوچھا گیا کہ بہترین اسلام کون سے آپ نے فرمایا بھوکے کو کھانا کھلانا،پوچھا گیا اللہ پاک کے نزدیک
پسندیدہ عمل کون سا ہے آپ نے فرمایا بھوکے کو کھانا کھلانا،ایک بدوی آکر پوچھا ایسا کوئی عمل بتائیں جو مجھے جنت میں داخل کرے فرمایا بھوکے کو کھانا کھلانا اور پیاسے کو پانی پلانا.اللہ کے رسول ہم میں سے بہتر کون ہے؟”خياركم من أطعم الطعام ” جو دوسروں کو کھانا کھلائے،قیامت کی ہولناکیوں سے کیسے بچا جا سکتا ہے؟
جو مسکینوں،یتیموں اور اسیروں کو کھانا کھلائے.!!!

وہ یہودی ایجنٹ فٹ پاتھوں میں گھوم پھیر کر بھوکوں کو کھانا کھلا رہا ہے اور آپ فیس بک پر بیٹھ کر جس زرداری کے گھوڑے مربعے کھاتے ہیں اس کا دفاع کر رہے ہیں.

تصویر ایک زاویے مختلف

بقلم فردوس جمال!!!

ریاست پاکستان انعام خداوندی ہے اور صحیح معنوں میں اسلام کا قلعہ مانی جاتی ہے۔ اس میں کمال یقیناً اس ایقان و یقین کا ہے جو ہمارے ایمان کا حصہ ہے۔ اسی جذبہ ایمانی کی بدولت پاکستانی قوم دنیا میں اپنا ایک خاص تعارف رکھتی ہے۔ اور یہی قوت ہماری صلاحیتوں کو چار چاند لگاتی ہے اور کامیابیوں سے ہمکنار کرتی ہے۔

دوسری طرف پاکستان کے سیاسی نظام کی بات کی جائے تو پاکستان ایک ایسا جمہوری ملک ہے جہاں جمہوری نظریات پنپتے دکھائی نہیں دیتے ہیں اور ہر کوئی اپنی دوکان چمکاتا نظر آتا ہے۔ ہر صاحب اقتدار جمہوریت کا منتخب ہونے کا دعویدار ہے اور ہر مخالف منتخب حکومت میں سقم ثابت کرنے پر تلا نظر آتا ہے۔

اپنے مختصر عرصہ حیات میں میں نے ایک بھی ایسی حکومت نہیں دیکھی جس کو اپوزیشن نے جائز حکومت تسلیم کیا ہو۔ دھاندلی، سلیکٹڈ حکومت، پری پلان حکومت وغیرہ کے نعرے ہی بار بار سننے کو ملتے ہیں۔ مگر وقت گزرنے کے ساتھ ساتھ بجائے اس کے کہ سیاسی جماعتیں بالغ نظری کا مظاہرہ کرتیں، ان نعروں اور اعتراضات میں بھی جدت آئی ہے۔ انہی جدتوں میں ایک مخالف پارٹی پر مذہب کے نام پر الزام تراشی اور بہتان بازی بھی ہے۔

میری گزارشات کا مطمع نظر بعض ناپسندیدہ پہلوؤں کی نشاندہی اور اصلاح احوال کی کوشش ہے۔ اس امید پر کہ

شاید کہ تیرے دل میں اتر جائے میری بات

سابقہ تاریخ کو دہرانے میں وقت ضائع کرنے کی بجائے ہم موجودہ حکومت اور اس کے مخالفین کے طرز عمل سے چند مثالیں بیان کرنے پر اکتفا کریں گے۔

پاکستان تحریک انصاف کی حکومت اور وزیر اعظم عمران خان پر جہاں اور بہت سے اعتراضات کیے گئے وہیں ایک اعتراض "یہودی ایجنٹ” اور "قادیانی نواز” بھی ہے۔ عمران خان اپنے سیاسی کیریئر کے 22 سال بعد وزارت عظمی کے منصب پر فائز ہوئے ہیں۔ سوال یہ ہے کہ جب تک انھیں یہ وزارت نہ ملی تھی یا ان کی پارٹی ایک مضبوط عوامی طاقت کے طور پر سامنے نہ آئی تھی، یہ الزامی سیاست کہاں تھی؟

بظاہر معلوم ہوتا ہے کہ ان ہتھکنڈوں کا مقصد محض کسی کی عوامی مقبولیت کو کم کرنا اور شخصیت کو متنازع و داغدار بنانا ہے۔ اور اس کی ضرورت تب ہی ہو گی جب کوئی کسی اہم منصب پر پہنچ جائے۔ ورنہ سابقہ 22 برس کی سیاست میں یہ الزامات لگے ہوتے تو یہ شخص اس مقام پر پہنچنے سے پہلے ہی عوامی حلقوں میں تنقید کا شکار ہوتا۔ پھر وزیراعظم کی کارکردگی اور پالیسیوں کو دیکھا جائے تو بھی یہ تاثر زائل ہو جاتا ہے۔ ایک ایسا وزیر اعظم جو ایک شخص کو محض قادیانی ہونے کی بنا پر علی الاعلان مالی مشیر مقرر نہ کرے اور بین الاقوامی فورم پر اقوام متحدہ کی جنرل اسمبلی کے اجلاس میں اسلام اور پیغمبر اسلام کا دفاع کرے اس کے ایمان اور اسلام سے وفاداری پر حرف اٹھانا بعید از قیاس ہے۔

دین اسلام بھی یہی تعلیم دیتا ہے کہ دوسروں سے حسن ظن رکھا جائے تو یہ کیسا کمال ہے کہ ہم زبردستی خود ساختہ گستاخی کے فتوے اور اسلام دشمنی کے منصوبے کسی سے منسوب کر دیں۔ اسی دورہ امریکہ کے بعد اقوام متحدہ میں پاکستان کے مستقل مندوب کی تبدیلی سامنے آئی تو ایک بار پھر پورے زور سے منیر احمد شیخ کو قادیانی اور حکومت کو قادیانی نواز قرار دینے کی بھرپور کیمپین چلی مگر موثر ثابت نہ ہو سکی۔

آنے والے دنوں میں جمعیت علمائے اسلام کے رہنما مولانا فضل الرحمن صاحب اسلام آباد میں دھرنے کا پلان رکھتے ہیں۔ دھرنے کے مقاصد کو اسلام سے جوڑا جا رہا ہے اور یہ اعتراض سامنے آ رہا ہے کہ مولانا مذہب کارڈ استعمال کر رہے ہیں۔ مگر ساتھ ہی ان کو دھرنے سے روکنے کی کوششوں میں جن طریقوں توہین مذہب کو روا رکھا جا رہا ہے شاید وہ خان صاحب کے جنرل اسمبلی میں کیے گئے خطاب کا منہ چڑا رہے ہیں۔

سیاسی مقاصد یا کسی بھی طرح کے مفاد کے لیے مذہب کا استعمال قابل مذمت ہے تو سیاسی مخاصمت کی آڑ میں مذہب دشمنی اور توہین مذہب بھی قابل مذمت ہے۔ جس طرح سے مولانا کے دھرنے کے حوالے سے مبینہ ہدایت نامہ، شرائط نامہ اور پھر اسلام آباد انتظامیہ کی طرف سے نوٹیفکیشن سوشل میڈیا پر دکھا کر پروپیگنڈہ کیا جا رہا ہے اور دھرنے کے ممکنہ غیر اخلاقی مضمرات بیان کیے جا رہے ہیں کیا حکومتی جماعت کو ان مضمرات سے آگاہی اب حاصل ہوئی ہے؟

بہرحال کوشش کی جائے کہ معاملات کو باہم افہام و تفہیم سے حل کیا جائے اور اگر فریق مخالف پر تنقید و تنقیح کے بغیر چارہ کار نہ ہو تو بہر صورت اخلاقی حدود قیود کا خیال رکھا جائے اور معاشرے میں مثبت رویوں کو رجحان دیا جائے۔ الزامی سیاست، مذہب کارڈ اور مذہب مخالف سوچ سے گریز کیا جائے اور اپنی جماعت کو کارکردگی کی بنیاد پر عوام کے سامنے پیش کیا جائے نہ کہ دوسروں پر کیچڑ اچھال کر خود کو صاف ستھرا دکھانے کی کوشش کی جائے۔

ریاست پاکستان اور سیاسی بازی گری

از–محمد نعیم شہزاد

حکومت اور اپوزیشن دونوں نے مسائل کاحل نہ ہونے کی وجہ سے ایک دوسرے کے خلاف بیان بازیوں کا محاذ کھولا ہواہے کبھی کہا جارہاہے کہ نومبر اہم ہے۔ جب نواز شریف کی حکومت تھی اس وقت بھی یہی باتیں ہوتی تھیں کہ یہ مہینہ اہم ہے اور وہ مہینہ اہم ہے۔یہ بات درست ہے کہ ملکی حالات درست نہیں ہیں۔

اس وقت سیاسی محاذ پرمولانافضل الرحمان کا دھرنا اور جلسہ چھایا ہواہے اگر حکومت ڈلیور کررہی ہوتی تو لوگ اس پر قطعاً توجہ نہ دیتے۔ ن لیگ اور پیپلز پارٹی میں رابطہ موجود ہے وہ دھرنے میں شامل ہوں یا نہ ہوں لیکن جلسہ میں شامل ہوتے ضرور دیکھائی دے رہے ہیں۔ اکتوبر کے بعد اپوزیشن اپنی نئی حکمت عملی بھی بناسکتی ہے اس لئے نومبر کے بارے میں کہا جا رہا ہے کہ وہ اہم ہے۔

تحریک انصاف کی حکومت سے لوگوں کوبڑی امیدیں تھیں لیکن ابھی تک کچھ ایسا نہیں ہوا۔جس سے یہ کہا جا ئے کہ حکومت۔۔ سیف۔۔پوزیشن میں ہے۔ ن لیگ اور پیپلز پارٹی فضل الرحمان کے ساتھ جاناچاہتی ہیں لیکن وہ نظام کو بھی غیر مستحکم نہیں کرنا چاہتیں۔اس وقت ایسا دیکھائی دے رہا ہے کہ پاکستان کے مسائل حل کرنے کا لائحہ عمل نہ حکومت کے پاس ہے اور نہ اپوزیشن کے پاس ہے دونوں اپنے اپنے اندا ز میں بیوقوفیاں کررہے ہیں۔

۔ مولانا فضل الرحمان کو احتجاج کاحق ہے لیکن اس سے کسی کی زندگی متاثر نہیں ہونی چاہیے۔ یہ کہنا کہ طاہر القادری اور عمران خان نے بھی تو دھرنا دیا تھا۔ تواس کا مطلب یہ نہیں کہ اگر انھوں نے غلط کیا تھا تو

آپ بھی غلط کریں۔ تحریک انصاف کی حکومت بھی الگ قسم کی ہے اور اپوزیشن بھی الگ قسم کی ہے حکومت کو چاہئے کہ مولانا فضل الرحمان کومنائے۔یہ عجیب سا منظر نظر آرہاہے کہ اپوزیشن کی دو بڑی جماعتیں مولانا فضل الرحمان کو روک رہی ہے دھرنے کو اکتوبر سے آگے لے جائیں جبکہ حکومت بھی مدارس کے علماسے کہہ رہی ہے کہ مولانا فضل الرحمان کے دھرنے میں شامل نہ ہوں۔یہ بات درست ہے کہ اپوزیشن کو ایک کے بعد ایک دھچکا لگاہے اور ایک سال بعد حکومت اگر گرتی ہے تو اس سے معیشت درست نہیں ہوگی۔ حکومت کومختلف اداروں کی حمایت حاصل ہے اس لئے اس وقت احتجاج کرنا اپوزیشن کے فائدے میں نظر نہیں آتا ہے۔

۔ چند دن پہلے تک تو حکومت کا خیال تھا کہ مولانا فضل الرحمن کسی نہ کسی بہانے اپنا آزادی مارچ ملتوی کر دیں گے۔حالانکہ آزاد ذرائع کی اطلاعات یہی تھیں کہ وہ اپنے پروگرام پر ڈٹے ہوئے ہیں اور کسی حلیف یا حریف کی بات اس سلسلے میں ماننے کے لئے آمادہ نہیں ہیں۔اب حکومت کے سنجیدہ حلقوں کو یہ پریشانی لاحق ہے کہ دھرنا کے اثرات آخر کیا ہوں گے۔ اب حکومت ہاتھ پاؤں مار رہی ہے۔ جبکہ پہلے سب ہر چیز کا مذاق اُڑا رہے تھے۔ اب جب سر پر پڑی ہے تو حکومت سر ڈھر کی بازی لگاتی دیکھائی دے رہی ہے۔اب حکومتی وزیر مولانا کو لیگل نوٹس بھجوارہے ہیں۔ تو کسی عدالت میں مارچ کو روکنے کی استداعا کی جا رہی ہے۔

۔ حکومت کا یہ بھی الزام ہے کہ مولانافضل الرحمان مدرسہ ریفارم نہیں چاہتے۔فضل الرحمان مذہب کوسیاست میں استعمال کررہے ہیں۔مولانافضل الرحمان نے مذہب کے نام پرچندہ اکٹھاکیا۔ جبکہ ہم

نے دھرنے میں مذہب کواستعمال نہیں کیا تھا۔مولانا فضل الرحمان الزاما ت لگا کر لوگوں کو اشتعال دلا رہے ہیں۔ وہ پہلے دن سے ہی بلیک میلنگ کی سیاست کر رہے ہیں۔مولانا فضل الرحمان الیکشن میں شکست کا بدلہ لینا چاہتے ہیں۔ انہوں نے بطور چیئرمین کشمیر کمیٹی کے کروڑوں روپے کا بجٹ استعمال کیا ہے۔ مولانا فضل الرحمان بچوں کو ڈوبتی سیاست بچانے کیلئے استعمال کر رہے ہیں مولانا جس ایجنڈے پر ہیں اس سے صر ف مودی کو فائدہ ہور ہاہے۔

۔ دوسری جانب یہ خبریں بھی زیر گردش ہیں۔کہ اپوزیشن جماعتوں کے درمیان چارٹر آف ڈیمانڈ پر مکمل اتفاق رائے ہوگیا ہے۔چارٹر آف ڈیمانڈ کے تین اہم نکات ہیں جس میں حکومت کے استعفے۔صاف شفاف منصفانہ عبوری انتخابات کے انعقاد اور الیکشن کمیشن کے علاوہ کسی اور ادارے کی انتخابی عمل میں مداخلت نہ ہونے۔اسلامی آئینی ترامیم و قوانین کا تحفظ شامل ہیں۔ رہبر کمیٹی نے تمام جماعتوں کی متفقہ چارٹر آف ڈیمانڈ کیلئے تجاویز تحریری طورپر متحدہ حزب اختلاف کے قائدین محمد شہباز شریف۔ بلاول بھٹو زرداری۔مولانا فضل الرحمن۔اسفندیارولی خان۔محمود خان اچکزئی۔آفتاب احمد شیرپاو۔علامہ اویس نورانی۔ سینیٹرپروفیسر ساجد میر کو آگاہ کردیا تھا۔کسی بھی مذاکراتی ٹیم سے چارٹرآف ڈیمانڈ سے ہٹ کربات نہیں کی جائے گی۔

۔ اس ملک کے لوگوں کے پاس پیسہ ہے اور ریاست کے پاس پیسہ نہیں ہے۔ دھرنوں کا نقصان یہ ہوتا ہے کہ دنیا بھر کے سفارتخانے اپنے اپنے ملکوں کو لکھ کر بھیجتے ہیں کہ پاکستان کا دارالحکومت محفوظ نہیں ہے۔اور جب ایسا ہوتا ہے تو سرمایہ کاری رک جاتی ہے۔اسٹاک ایکسینج بیٹھ جاتی ہے۔ کاروبار اور زندگی

متاثر ہو جاتی ہے۔جس کا اس وقت پاکستان اس کمزور معیشت کے ساتھ کسی صورت متحمل نہیں ہوسکتا۔ ڈی چوک میں ہونیوالی یہ سرگرمی دارالحکومت سمیت پورے ملک کومتاثر کرتی ہے۔ اگر حکومت چاہے تو تمام سیاسی جماعتوں کو انگیج کرسکتی ہے۔مگر اس کے لیے سیاسی بصیریت کی ضرورت ہے۔جو اس وقت حکومت میں بیٹھے لوگوں میں دیکھائی نہیں دے رہی۔

۔ مولانا فضل الرحمن کا دعویٰ تو یہ ہے کہ حکومت خود ہی مستعفی ہو جائے گی۔لیکن اگر اس دعوے میں مبالغہ ہے تو بھی اتنا ضرور ہے کہ اگر ایسا نہ بھی ہوا تو بھی حکومت کے وجود میں ایک بڑا ڈینٹ پڑ جائے گا۔ عین ممکن ہے جو وزیر اس وقت بیان بازی کے مزے لے رہے ہیں کل کو اپنی سیاسی بصیرت پر افسوس کررہے ہوں۔

اپوزیشن نومبر میں کیا کرنے جارہی ہے

تحریر ِ عبداللہ باغی