Category: سیاست

یوم پاکستان حب وطن کا جذبہ یاد کرانے کا دن،آئیں ایک ہوجائیں
نواز شریف کی قیادت میں ملک وقوم کیلئے سب کو ایک پیج پر آنا ہوگا
بلوچستان کے نام پر سی پیک کے خلاف سازش جاری،کیوں؟ملکر سوچیں
تجزیہ،شہزاد قریشی
23 مارچ بحیثیت قو م ہم سے تقاضا کرتا ہے کہ ہم اپنی صفوں میں اتحاد پیدا کریں،یہ دن تاریخ یاد کرنے کی آواز لگاتا ہے،دشمن کے سامنے سر اٹھا کر بات کرنے کا جذبہ عطا کرتا ہے ،ارض وطن میں خون کی ہولی کھیلنے والوں کو عبرت کا نشان بنانے کا سبق دیتا ہے، ملکی مفادات کے لئے ذاتی مفادات قربان کرنے کا اشارہ کرتا ہے، غیرت و حمیت کا فلسفہ سکھاتا ہے، اسلام کے بنیادی اصول کے مطابق زندگی گزارنے کی صدائیں لگاتا ہے، الفاظ کی شطرنج بچھانے کی بجائے عمل کی تاکید کرتا ہے، جس طرح مسلمانوں کو ایک الگ ریاست کی ضرورت تھی، آج وطن عزیز کو اُسی جذبے کی ضرورت ہے جو اس وقت کے مسلمانوں میں موجود تھا، آئیے! وطن عزیز کی ترقی ،عوام کی خوشحالی میں اپنا کردار اد کریں،یہ وطن ایسے ہی حاصل نہیں ملا،تاریخ اسے کبھی بھلا نہیں پائے گی،وطن عزیز کے حالات کا نقشہ بدلنے کی ضرورت ہے، بھارت روز اول سے ہمارا دشمن ہے اور افغانستان کے راستے بلوچستان میں سرگرم ہے، ہمارے سیاستدان مصلحتوں سے نکل کر قومی سلامتی اور یکجہتی کو پروان چڑھانے میں اپنا کردار ادا کریں ،اقتدار کی دوڑ میں شامل سیاسی رہنمائوں کی جانب سے قومی یکجہتی اور ملکی وحدت کا خیال نہ رکھنا افسوسناک ہے، یاد رکھیئے اس خطے کے سب سے بڑے منصوبے پاکستان چین اکنامک کوریڈور کی راہ میں رکاوٹیں پیدا کرنے کی مذموم کوشش کی جا رہی ہے ، بلوچستان کی ترقی کا یہ منصوبہ نہ صرف بلوچ بہن بھائیوں کے لئے خوشحالی کے دروازے کھولے گا بلکہ وطن عزیز کا معاشی مستقبل بھی اس اہم ترین منصوبے سے جڑا ہے،

سی پیک پورے ملک کی ترقی کا منصوبہ ہے،کچھ شرپسند عناصر دشمن کے ہاتھوں میں کھیل رہے ہیں، شرپسند عناصر کو پاک فوج اورجملہ اداروں نے زمین بوس کیا اور کررہے ہیں ،ملکی سلامتی کے اداروں کا کردار انتہائی اہم ہے،سیاسی و مذہبی جماعتوں بلوچ سرداروں اور دیگر کو بھی کردار ادا کرنا ہوگا، سیاست دانوں کو یاد رکھنا ہوگا بلوچستان اور کے پی کے حالات تقاضا کرتے ہیں اگر عوام میں زندہ رہنا ہے تو سیاسی اورمذہبی جماعتیں دل بڑا کریں اپنے مفادات کو قربان کریں، نواز شریف جیسے زیرک اور بڑے سیاسی لیڈر کی قیادت میں متحد ہو کر امن کے لئے وطن عزیزکے مفاد میں اکٹھے ہوں اور اپنا کردار ادا کریں۔

تجزیہ : شہزاد قریشی
اس بات پر کیسے اتفاق کیا جا سکتا ہے کہ امریکہ خود کو نیٹو سے دور کررہا ہے ۔ امریکہ نیٹو کے لئے اور نیٹو امریکہ کے لیے بہت اہم ہے ۔ کچھ بین االاقوامی پالیسیوں کو لے کر امریکہ اوریورپی ممالک میں جو اختلافات نظر آرہے ہیں اُن کو حل کرنے کے لیے بات چیت کا سلسلہ جاری ہے ۔ آج کی غیر یقینی دنیا میں بڑھتی ہوئی سیاسی تقسیم عالمی حکمرانوں کا زوال ہی قرار دیا جا سکتا ہے۔ بلوچستان کے دلخراش حالات پر سابق وزیراعظم میاں محمد نواز شریف نے اپنی جماعت کے ایک وفاقی وزیر اور بلوچستان کے دو سینئر وکلاء سے ملاقات کی ہے اور ہدایت کی کہ وہ بلوچستان کے موجودہ حالات میں اپنا کردار ادا کریں ۔ بلاشبہ ماضی میں بھی بلوچستان میں امن وامان کو لے کر نواز شریف نے اہم کردار کیا تھا اور جس بُحران سے ماضی میں نواز شریف نے نکالا تھا اُس سے ہر خاص و عام آگاہ ہے۔ یوں تو ہمارے بہت سے سیاستدانوں ،سندھ سے تعلق رکھنے والے سیاسی وڈیروں ،بلوچ سرداروں ،سیاسی گلیاروں میں ایک طوفان برپا کر رکھا ہے ۔ پاکستان اور بلوچستان کے حالات پر ان کی بے بسی ایک سوالیہ نشان ہے ؟ تاہم نواز شریف نے جو کردار ماضی میں ادا کیا تھا و ہ کردار آج بھی کر سکتے ہیں، بلوچستان کے سرداروں کو جاتی عمرہ میں دعوت دیں اور اپنا سیاسی کردار ادا کریں۔ یہ ایک حقیقت ہے پاک فوج اور جملہ ادارے ملک وقوم کی حفاظت پر مامور ہیں اور قربانیاں بھی دے رہے ہیں۔ بلوچستان میں حالیہ دہشت گردی کے پیچھے بھارت ہے۔ بھارت بلوچستان کے بے روزگار نوجوانوں کو گمراہ کرتا ہے اپنے مکروہ مقاصد کے لئے استعمال کرتا ہے۔ بلاشبہ پاک فوج اور جملہ اداروں نے حالات کا بہتر مطالعہ کرلیا ہے اور وہ اس فساد کو ختم کرنے کے لئے پُر عزم ہیںمگر پاکستان کے اندراور پاکستان کے باہر سوشل میڈیا جو فیک نیوز پھیلانے کے ماہر ہیں بالخصوص دفاعی اداروں کو نشانہ بنایا جا رہا ہے حکومت کو ایسے عناصر کو عبرت کا نشان بنانا چاہیئے جو وطن عزیز کی سلامتی اور اس کی سلامتی پر مامور اداروں پر بے بنیاد پروپیگنڈہ کررہے ہیں۔پاک فوج اور جملہ اداروں نے بلوچستان میں سر اٹھاتی دہشت گردی کو زمین بوس کررہا ہے ۔ وطن عزیز کے خلاف بیرونی اور اندرونی سازش کرنے والے عناصر کو پیغام دیا ہے کہ وطن عزیز اور قوم کی سلامتی محفوظ ہاتھوں میں ہے۔ملک وقوم کی سلامتی کے پیش نظر سیاسی ومذہبی جماعتوں کو اپنا کردار ادا کرنا ہوگا۔

نواز شریف،مریم ،پرویز رشید،اسحاق ڈار،عرفان صدیقی کے ساتھ کیاکچھ نہیں کیا گیا
ٹرمپ کی جیت پر خوشیاں منانے والوں کو پھر جواب مل گیا،اب چیخنا بند کریں
منفی پراپیگنڈہ سے ادراے محفوظ نہ کسی ماں بہن کی عزت،انکولگام کون ڈالے گا؟
تجزیہ،شہزاد قریشی
9 جنوری کو میں نے لکھا تھاکہ امریکہ کسی فرد واحد کے لئے اپنی پالیسی تبدیل نہیں کرتا ،پی ٹی آئی کے دوست ،یوٹیوبر ،وی لاگرز جتنی مرضی ٹرمپ کی کامیابی پر دھمال ڈالیں امریکہ اور امریکی صدر کے سامنے امریکہ اور عالمی دنیا کے بہت سے مسائل ہیں،امریکہ سُپر پاور ہے اور وہ پوری دنیا کو لیڈ کرتا ہے، امریکہ سمیت عالمی دنیا پاکستان کی سیاسی جماعتوں کی سیاست اورپاکستان جیسے دوسرے ممالک کی جمہوریت سے بھی آگاہ ہے،مذہبی جماعتوں سے بھی عالمی دنیا آگاہ ہے ،مجھ جیسے ادنیٰ لکھاری نے فوجی حکمرانی سے لے کر سول حکمرانی کے دور بھی دیکھے، پی ٹی آئی سمیت پارلیمنٹ میں موجود سیاسی جماعتوں سے وابستہ افراد بتانا پسند کریں گے کہ کیا آئین پر عمل ماضی یا حال میں ہو رہا ہے؟ کیا آپ اپنے آپ اور عوام کو کتنی بار بے وقوف بنائیں گے؟ اپنے آپ کو بھی شرمندہ کررہے ہیں اور عوام کے سامنے بھی شرمندہ ہو رہے ہیں،انسان نے دنیا سے ایک دن رخصت ہو جانا ہے ،اُس کا کردار زندہ رہتا ہے،ذرا نہیں بہت سوچئے آنے والی نسل آپ کے کس کردار کو یاد کرے گی ، پھر یہ زمین خدا پاک کی ملکیت ہے آپ کے پاس جو کچھ بھی ہے وہ ایک عطیہ کے طور پر خدا پاک نے دیا جس کا حساب ہوگا ،جمہوریت کا راگ الاپ کر آپ دنیا کو دھوکہ نہیں دے سکتے،

سابق وزیراعظم میاں محمد نواز شریف نے ایک زمانے میں جہوریت اور آئین کو لے کر بیان د یا تھا کہ آئیے آئین نے جو حدیں مقرر کی ہیں اس پر عمل کرکے ملک وقوم کی خدمت کریں ،کیا سیاسی اورمذہبی جماعتوں نے نواز شریف کے اس بیان پر عمل کیا؟کیا نواز شریف کو تین بار اقتدار سے ہٹایا نہیں گیا ،کیا وہ جمہوریت اور عوام کے مینڈیٹ پر حملہ نہیں تھا؟ کیا نواز شریف کے انتہائی قریبی ساتھیوں جن میں سینیٹر پرویز رشید جو درویش صفت انسان ہیں سے کسی سیاسی یا مذہبی جماعت نے پوچھا ان سے کس جرم میں وزارت چھینی گئی اور پھرسینٹ کی نشست سے محروم رکھا گیا ؟کیا سینیٹر عرفان صدیقی اور سعد رفیق جیسے افراد کی تذلیل نہیں کی گئی،کیا سینیٹر اسحاق ڈار کے ذاتی گھر کو توڑا نہیں گیا ؟ اس کے علاوہ بھی لاتعداد مثالیں موجود ہیں، جمہوریت اور قانون کہاں تھا؟ جمہوریت اور قانون کی حکمرانی کا نعرہ لگانے والے کہاں تھے؟ آج کی وزیراعلیٰ مریم نواز کو کس جرم میں قید کیا گیا تھا؟ یاد رکھیئے امریکہ سمیت عالمی دنیا ہماری انتقامی جمہوریت اور انتقامی قانون کی حکمرانی سے مکمل آگاہ ہے، جس نحوست نے آج پورے ملک کو اپنی لپیٹ میں لیا ہوا ہے ،اسی نحوست نے ہماری خوشیوں کا جنازہ نکال د یا ہے ،جن سیاسی گلیاروں سے قوم کو کبھی مسرت اور شادمانی کی برساتیں ملا کرتی تھیں پوری قوم کے دل خوشی سے کھِل اٹھتے تھے آج نہ ادارے محفوظ نہ کسی کی بہن بیٹی کی عزت محفوظ ،پاک فوج اور نہ جملہ ادارے اور پولیس محفوظ ، جو ہماری سرحدوں کی حفاظت کررہے ہیں ،شہید ہو رہے ہیں اُن کے خلاف غلیظ زبان استعمال ہو رہی ہے،افسوس صد افسوس ،عوام کے لئے پاک فوج اورپاکستان کے آگے کچھ نہیں ،کون نہیں جانتا بلوچستان اور کے پی کے میں کون مداخلت کررہا ہے،آزادی اظہار رائے اپنی جگہ ملکی سلامتی ملکی مفاد بھی کسی بلا کا نام ہے.

انسانی جسم بے شمار اعضا اور ہڈیوں پر مشتمل ہوتا ہے جسم میں کچھ عضو ایسے بھی ہیں جو نہ بھی ہوں تو انسان زندہ رہ سکتا ہے جبکہ کچھ عضو ایسے بھی ہیں جن کے بغیر زندگی کا تصور محال ہے جیسا کہ شہ رگ ہے ، دل ہے یا سر ہے ۔ ایسے ہی پاکستانی قوم پچیس کروڑ افراد پر مشتمل ہے ۔ پچیس کروڑ افراد پر مشتمل ملک میں بے شمار جماعتیں ہیں۔ حکومتی ا و رنجی سطح پر لاتعداد شعبہ جات پائے جاتے ہیں ۔ مختلف شعبہ جات کی اپنی اپنی اہمیت ہے ۔ تاہم بہت سے شعبہ جات ایسے ہیں جو نہ بھی ہوں تو کوئی فرق نہیں پڑے گا اور ملک قائم رہے گا لیکن افواج پاکستان کا شعبہ ایک شعبہ ہے کہ جس کے بغیر پاکستان کا تصور بھی محال ہے ۔ افواج کے بغیر پاکستان کی آزادی اور خود مختاری ختم ہوکر رہ جائے گی ۔ آج اگر ہم اپنے ملک میں آرام و سکون سے رہ ہیں اور اپنے گھروں میں آرام اور سکون کی نیند سو رہے ہیں تو افواج کی بدولت ہی رہ رہے ہیں ۔ اس میں شک نہیں کہ پاک افواج ہی پاکستان کے دفاع کی ضامن ہے ۔ قوم کو اپنی بہادر افواج پر فخر ہے افواج کی قدر وقیمت کا اندازہ قوم 12اور13مارچ کو کرچکی ہے کہ جب دہشت گردوں نے بلوچستان میں ڈھاڈر کے مقام پر ٹرین میں سوار 400مسافروں کو یرغمال بنا لیا ۔ قوم کے لیے یہ بہت مشکل وقت تھا ۔ دہشت گردوں کے انتظامات اور یرغمالی مسافروں کی بے بسی کے بارے میں جس طرح کی اطلاعات آرہی تھیں اس سے خدشہ تھا کہ یا تو 400مسافر خون میں نہا جائیں گے یا پھر ریاست کو دہشت گردوں کے سامنے سرنڈر کرنا پڑے گا ۔ دونوں صورتوں میں ہی پاکستان کےلئے بے حد مشکلات تھیں۔ اس مشکل وقت میں سکیورٹی فورسز کے تمام اہلکاروں نے جس جرا¿ت وبہادری اور دانشمندی وبہترین حکمت علمی سے دہشت گردوں کو عبرتناک انجام سے دوچار کیا ہے اس سے قوم کا سر فخر سے بلند ہوگیا ہے ۔قوم کو اپنی افواج پر فخر ہے ۔ یہ کوئی پہلا موقع نہیں بلکہ اس سے قبل جب بھی قوم پر مشکل وقت آیا افواج پاکستان کے بہادر آفیسروں اور جوانوں نے جانوں پر کھیل کر وطن اور قوم کی حفاظت کی ہے ۔ 6ستمبر 1965ءکی شب بھارت پاکستان پر حملہ آور ہوا تو دوپہر کے وقت جنرل ایوب خان نے نہایت ہی ولولہ انگیز خطاب کیا اور کہا دشمن نے ایک ایسی قوم کو للکارا ہے جو لاالہ الا اللہ محمد رسول اللہ پر ایمان رکھتی ہے اور شہادت کے جذبوں سے سرشار ہے۔ پھر انھوں نے کہا اے میری قوم لاالہ الااللہ پڑھتے چلو آگے آگے بڑھتے چلو ! تب پوری قوم سیسہ پلائی دیوار بن گئی اور اپنی بہادر افواج کے شانہ بشانہ کھڑی ہوگئی ۔ جذبات کا یہ عالم تھا کہ جب پاکستان کی فضاﺅں میں بھارتی طیارے داخل ہوتے تو پیروجواں اور بچے پاک فوج کے جوانوں اور افسروں کے ساتھ اظہار یکجہتی کےلئے ڈنڈے اٹھائے سڑکوں پر نکل آتے اور بھارتی طیاروں کو دیکھ کر ڈنڈے لہراتے ، مکے دکھاتے اور نعرے لگاتے تھے ۔ سترہ روزہ جنگ میں ہماری افواج نے وہ کردار ادا کیا جسے تاریخ کبھی فراموش نہیں کر سکے گی۔ عوام کی والہانہ محبت اور مددو حمایت سے فوج کے حوصلے بلند ہوتے گئے ۔ میجر عزیز بھٹی کی بٹالین بی آر بی پر تعینات تھی انہوں نے بڑی جواں مردی سے کئی دن تک بھارتی یلغار کو روکے رکھا۔ وہ بار بار پوزیشن تبدیل کر کے فائر کرتے اور دشمن کو یہ تاثر دیتے رہے کہ ا±سے ایک بریگیڈ کا سامنا ہے۔ وہ بڑی بے جگری سے لڑتے ہوئے جامِ شہادت نوش کر گئے۔ اس بہادری کے عوض میجر عزیز بھٹی کو سب سے بڑے ایوارڈ نشانِ حیدر سے نوازا گیا۔اسی طرح ایم ایم عالم نے سرگودہا میں ایک روز میں سات ہوائی جہاز گراکر بھارت کی فضائی برتری کا سحرتوڑ ڈالا۔ چونڈہ میں ٹینکوں کی دنیا کی سب سے خوفناک جنگ لڑی گئی جو بھارتی ٹینکوں کا قبرستان ثابت ہوئی۔
حقیقت یہ ہے کہ ہماری مسلح افواج اپنی پیشہ ورانہ مہارت اور شجاعت کے اعتبار سے دنیا کی بہترین افواج میں شمار ہوتی ہیں۔ ہماری بہادر افواج کی امتیازی شناخت ان کا جذبہ شہادت اور ”جہاد فی سبیل اللہ“کا ماٹو ہے۔۔۔۔۔یہ دو ایسی صفات ہیں جن سے بھارت ، امریکہ ، روس اور دیگر ممالک کی افواج محروم ہیں ۔ قیام پاکستان سے اب تک ہمارے ہزاروں جانباز جامِ شہادت نوش کر چکے ہیں اور داخلی اور خارجی چیلنجوں کے سامنے ناقابلِ تسخیر دیوار بنے ہوئے ہیں۔ہماری افواج کئی طرح کے دشمنو ں سے برسرپیکار ہے ۔ ایک دشمن وہ جو بھارت کی صورت میں سامنے ہے ۔دوسرے وہ دشمن ہیں جو سامنے تو نہیں لیکن ہماری بستیوں میں موجود ہیں بظاہر عام انسانوں جیسے نظر آتے ہیں ۔اس وقت بلوچستان اور صوبہ خیبر پختونخواہ میں دہشت گرد پھر سراٹھا رہے ہیں ۔ بہادر افواج کے جوان اپنی جانوں پر کھیل کر ان وطن دشمنوں اور دہشت گردوں کو واصل جہنم کررہے ہیں ۔ جب ہم رات کے وقت اپنے گھروں میں اور اپنے بستروں آرام کی نیند سورہے ہوتے ہیں اس وقت ہمارے وطن کے جیالے پاسبان راتوں کو جاگ کر سرحدوں پر پہرہ دے رہے ہوتے ہیں ۔ ہمارے دشمن یہ بات اچھی طرح جانتے ہیں کہ جب تک مضبوط فوج موجود ہے پاکستان کو نقصان پہنچانا ممکن نہیں ہے یہی وجہ ہے کہ دشمن کااولین نشانہ ہماری فوج ہے ۔دشمن کا فوج کے خلاف سب سے خطرناک وار۔۔۔۔۔غلیظ پروپیگنڈا ہے۔ اس پروپیگنڈا کا مقصد یہ ہے کہ فوج اور قوم کے درمیان نفرت کے بیج بوئے جائیں ۔ یہ وہی حربہ ہے جو مشرقی پاکستان میں استعمال کیا گیا پہلے وہاں بھائی کو بھائی سے لڑایا گیا پھرحالات ایسے پیدا کردیے گئے کہ کلمہ گو مسلمان اپنے ہی مسلمان اور اپنی عساکر کے خلاف ہوگئے ، افواج پر حملے کئے جانے لگے ، ان کی تنصیبات کو نقصان پہنچایا جانے لگا اس طرح سے اپنی افواج کو کمزور کرکے دشمن کا راستہ ہموار کیا گیا پھر جو ہوا وہ خون کے آنسو رولادینے والی داستان ہے ۔
آج ہمارا دشمن پاکستان میں بھی 1971ءجیسے حالات پیدا کرنا چاہتا ہے ۔ 9مئی 2024ء کے دن جو کچھ ہوا جس طرح عسکری تنصیبات پر حملے کئے گئے ، شہدا کی یادگاروں کو مسمار کیا گیا ۔۔۔۔ہم سمجھتے ہیں کہ یہ تمام واقعات 1970ءمیں ملک کے خلاف کی جانے والی دشمنی کا ہی تسلسل ہے ۔وطن اور افواج پاکستان کے خلاف پروپیگنڈا کرنے والے کسی قسم کی رعایت کے حقدار نہیں ۔ ایسے لوگوں کو کیفر کردار تک پہنچانا اور تختہ دار پر لٹکانا بے حد ضروری ہے ۔ فوج چاہے کتنی ہی مضبوط کیوں نہ ہو ، تعداد میں بھی زیادہ ہو ، جدید ترین اسلحہ سے لیس ہو ۔۔۔۔لیکن جب تک قوم فوج کے ساتھ نہ ہو وہ دشمن کا مقابلہ نہیں کرسکتی ہے ۔ آج ہمارا ملک حالت جنگ میں ہے ۔ ملک اور قووم کے دفاع کے لیے روزانہ فوجی جوان جام شہادت نوش کررہے ہیں ۔حالات بے حد نازک ہیں ۔ یہ وقت ہمارے باہمی اتحاد واتفاق کا ہے۔ آئیں ! اس بات کا عہد کریں کہ ہم ملک اور قوم کے دفاع کےلئے اپنی بہادر افواج کے شانہ بشانہ ہیں ۔ ہمیں جیسے اپنے گھر سے محبت ہے ایسے ہی ہمیں اپنے وطن سے محبت ہے ۔ جیسے اپنے اہلخانہ سے محبت ہے اس سے کہیں بڑھ کر ہمیں اپنے فوجی جوانوں سے محبت ہے

سیکیورٹی ادارے،پولیس اور عوام دہشتگردی جنگ کے خلاف قربانیاں دے رہے
نواز شریف نے سیاسی بصیرت سے بلوچستان میں امن قائم کیا،اب بھی اسی پالیسی کی ضرورت
بلوچی سرداروں کو بھارتی مداخلت کا ادراک ،دشمن نوجوانوں کو گمراہ کرنے لگا
تجزیہ شہزا د قریشی
دنیا میں غیریقینی صورت حال بڑھ رہی ہے امریکہ سمیت دنیا بھرمیں خارجہ پالیسی تبدیل ہو رہی ہیں چین، امریکہ یورپی یونین اپنے ملکی اور قومی مفادات کو سامنے رکھ کر تبدیلیاں کررہے ہیں۔ سوال یہ ہے کہ کیا یورپی ممالک امریکی صدر اور ان کی انتظامیہ کی نئی پالیسی پر عمل کریں گے یا امریکی پالیسی سے راہیں جدا کرلیں گے ۔یہ ایک بہت بڑ سوال ہے جس کاجواب تا دم تحریر نہیں مل رہا کیا، یورپی ممالک چین کے ساتھ بہتر تجارت اور ترقی کا خواب دیکھنے کی ہمیت کریں گے؟ وطن عزیز میں بھی بین الاقوامی خارجہ پالیسیوں کی تبدیلی کے اثرات یقینی طورپر پڑیںگے ۔ بی ایل اے کے دہشت گردوں نے رمضان کے مقدس مہینے میں بلوچستان میں جو خون کی ہولی کھیلی ہے ۔ پاکستان مخالف قوتیں بالخصوص بھارت ان دہشت گردوں کی پشت پناہی کرتا ہے ۔بھارت اور کچھ دیگر ممالک کو سی پیک ہضم نہیں ہو رہا ۔ بی ایل اے اور افغانستان میں موجودہ دہشت گردوں کی پشت پناہی کرنے والے ممالک کویاد رکھناہوگا وطن کی پاک فوج جملہ ادارے او ر پولیس ماضی میں بھی قربانیاں دیتے رہے اور وطن عزیز کے امن کو بحال کرنے میںکردار ادا کرتے رہے ایک عالم گو اہ ہے کہ ضرب عضب سے لے کر ردالفساد تک پاک فوج جملہ اداروں پولیس اور عوام نے قربانیاں دی ہیں تاہم ہماری سیکیورٹی ایجنسیوں کو مزید چوکنا رہنے کی ضرورت ہے ۔ بعض غیر ملکی بلوچستان کی مخصوص صورت حال سے فائدہ اٹھانے کی کوشش کرتے ہیں جس کا بلوچستان کے سرداروں کو بخوبی احساس ہے بھارت کی بلوچستان میں مداخلت کسی سردار سے پوشیدہ نہیں، بھارت بلوچ نوجوانوں کو گمراہ کرتا ہے اور دہشت گردوں کو وسائل فراہم کرتا ہے۔ ملکی سیاسی جماعتوں کو بلوچستان میں اپنا سیاسی کردار بھی ادا کرنا چاہیئے صرف اقتداراوربس اقتدار نہیں کردار بھی ادا کرنا ہوگا پاک فوج اور جملہ ادارے وطن عزیز کی سلامتی کی خاطر قربانیاں دے رہے ہیں۔اقتدار کی کرسی پر بیٹھے سیاستدانوں اور اپوزیشن جماعتوں کی بھی آخر کوئی ذمہ داری ہے۔ بلوچستان برادر یوں اور مختلف قبیلوں کی نفسیات اور مزاج کو سمجھنے والے سابق وزیراعظم میاں محمد نواز شریف کو کردار ادا کرنا ہوگا۔ماضی میں کچھ اسی طرح کے حالات کا بلوچستان کو سامنا تھا تو میاں محمد نواز شریف نے بلوچستان میں (ن) لیگ کی حکومت جو بنانے کی پوزیشن میں تھے قربان کردی تھی۔ بلوچستان کے تناظر میں نواز شریف نے بلوچستان نیشنل پارٹی کے سربراہ ڈاکٹر عبدالمالک کو بطور وزیراعلیٰ قبول کرکے قوم پرستوں میں ایک اچھی مفاہمت کا عندیہ تھا ۔ ذمہ داران ریاست اور حکومت دونوں کو مل کر بلوچستان کے مسئلے پرسرجوڑ کر بیٹھنا ہوگا سیاسی اور مذہبی جماعتوں کبھی کردار ادا کرنا ہوگا.

چاہئے تو یہ تھا کہ بیوروکریسی اور سرکاری ملازمین حکومت کا دست بازو بن کر وزیراعظم اور وزیراعلیٰ کی مثبت ایمج سازی کے لیے کام کریں لیکن سرکاری ملازمین کی ایک بڑی تعداد خود ہی سوشل میڈیا پلیٹ فارم پر حکومتی پارٹی اور حکومتی شخصیات کے حوالے سے ذومعنی اور تنقیدی مواد شئیر کر رہے ہیں۔ سرکاری ملازم جو اپنا اصل کام چھوڑ کر صحافی، کالم نویس اور یوٹیوبر بنے ہوئے ہیں ان کی سرعام تنقید کے نتیجے میں عوامی رائے قائم ہو رہی ہے کہ یہ حکومت بے اختیار و بے بس ہے جو سرکاری ملازمین بلاخوف و خطر تنقید کر رہے ہیں۔

حکومت کو سمجھنا چاہئے کہ سرکاری ملازم کی تنقید سے عوامی رائے عامہ خراب ہوتی ہے۔ حکومت کو چاہئے کہ فوری طور پر سوشل میڈیا مانیٹرنگ سیل قائم کرے اور حکومت مخالف مواد شئیر کرنے والے سرکاری ملازمین کے خلاف پیڈا ایکٹ کے تحت سخت کاروائی کی جائے۔پیکا صرف صحافیوں کے لیے نہیں ہر اس فرد کے لیے ہے جو مایوسی اور گمراہی پھیلاتا ہے ۔ حکومت مخالف تنقید کرنے والے تمام سرکاری ملازمین کو بھی پیکا ایکٹ کے تحت گرفتار کیا جائے۔

سول ملازمین کے مقابلے میں آرمی اور جوڈیشری کے افسران کبھی بھی سیاسی معاملات پر رائے نہیں دیتے خاص طور پر آرمی افسران کیلئے سوشل میڈیا استعمال پر سخت پابندی ہے، مس کنڈکٹ پر نہ صرف فوری نوکری سے فارغ کیا جاتا ہے بلکہ کورٹ مارشل سمیت دیگر سزاؤں سے مثال قائم کی جاتی ہے اس لیے کبھی ایسا نہیں ہوا کہ کسی سوشل میڈیا فورم پر آرمی افسران کسی بھی حکومت یا ادارے کے حوالے سے تنقید کریں۔
اس کے برعکس سول افسران میں احتساب کا ڈر ختم ہوچکا ہے۔ ایک سول سرکاری ملازم بہت فخر سے بتا رہا تھا کہ میری ویڈیوز پر ہزاروں ویوز آئے ہیں، میں نے کہا کہ سرکاری نوکری کرتے ہوئے یوٹیوب چینل چلانا اور سیلف پروجیکشن غیر قانونی نہیں۔؟ مذکورہ سرکاری ملازم سوشل میڈیا سٹار نے کہا کہ سارے افسر ہی بنا رہے ہیں میں کونسا اکیلا ہوں۔

میں پہلے بھی بارہا توجہ دلا چکا ہوں کہ سرکاری ملازمین اصل کام چھوڑ کر شہرت کی ہوس میں پاگل ہوچکے ہیں۔ حکومتی مثبت ایمج سازی کی بجائے سیلف پروجیکشن کے غیر قانونی کاموں میں لگے ہوئے ہیں۔ گورنمنٹ ملازمین کی صحافتی سرگرمیاں کالم نویسی، وی لاگ، پوڈکاسٹ پر واضح اور مکمل پابندی ہونی چاہیے۔سرکاری ملازمین سارا دن میڈیا والوں کی منتیں ترلے کرتے رہتے ہیں کہ ہمارے انٹرویو کرو۔بیرون ملک پوسٹڈ افسران کی اکثریت اوورسیز کمیونٹی کی خدمت کی بجائے اپنی ذاتی پروجیکشن، صحافتی سرگرمیوں پوڈکاسٹ اور تحائف اکٹھے کرنے میں لگے ہوئے ہیں جس وجہ سے اوورسیز پاکستانی حکومت سے سخت ناراض ہیں۔

وزیراعظم اور وزیراعلی کو چاہیے کہ بلا تاخیر سرکاری ملازمین کی صحافتی سرگرمیوں اور سیلف پروجیکشن پر پابندی عائد کریں۔ حکومتی امور کی تشہیر کے علاوہ افسران کے ہر طرح کے ذاتی انٹرویوز پر بھی مکمل پابندی ہونی چاہیے۔