Baaghi TV

Category: کاروبار

  • سونے کی قیمت میں معمولی کمی

    سونے کی قیمت میں معمولی کمی

    باغی ٹی وی کی رپورٹ کے مطابق ڈالر کی قیمت میں مسلسل اضافے کے ساتھ سونے کی قیمت میں بھی مسلسل اضافہ ہو رہا تھا تا ہم آج ہفتے کو سونے کی قیمت میں معمولی کمی آئی ہے

    سونے کی قیمت میں اضافے نے شہریوں کو پریشان کر کے رکھ دیا تھا، پاکستان میں سونے کی فی تولہ قیمت 4 ہزار روپے کم ہو کر 2 لاکھ 4ہزار 500روپے کی سطح پر آ گئی ہے، سونے کی قیمت میں معمولی کمی کو بھی شہریوں نے خوش آئند قرار دیا اور کہا کہ سونے کی قیمتیں مزید کم ہونی چاہئے، آل پاکستان جیولر ایسوسی ایشن کے مطابق عالمی منڈی میں سونے کی قیمتوں میں واضح کمی کے اثرات پاکستان میں بھی ظاہر ہوئے ہیں جس کے بعد ملک بھر میں سونے کی 10گرام قیمت میں بھی کمی واقع ہوئی ہے ، 10گرام سونے کی قیمت 3429روپے کم ہوکر ایک لاکھ 75ہزار326روپے ہوگئی ہے عالمی منڈی میں سونے کی فی اونس قیمت 46 ڈالر کمی کے بعد 1865 ڈالر ہوگئی ہے

    سر پر ڈمبل مارا،آلہ قتل بھی خود برآمد کروایا،ایاز امیر کے بیٹے کیخلاف مقدمہ درج

     سارہ انعام کے والد انعام الرحمان نے اسلام آباد میں پریس کانفرنس کی ہے

    سارہ انعام قتل کیس،مرکزی ملزم شاہنواز امیر پر فرد جرم عائد

     لڑکی کو نیم مردہ حالت میں ساحل پر پھینکا گیا، لڑکی کی موت ساحل پر پڑے پڑے ہوئی

  • ڈالر کی قیمت میں اضافہ،روپے کی بے قدری جاری

    ڈالر کی قیمت میں اضافہ،روپے کی بے قدری جاری

    پی ڈی ایم کی حکومت آئی، مفتاح اسماعیل وزیر خزانہ بنے، ڈالر نے اپنی اڑان جاری رکھی مہنگائی بڑھتی گئی، چار سال حکومت کرنے والے عمران خان تنقید کرتے نظر آئے تو مفتاح اسماعیل اپنی جماعت کا بھی نشانہ بنے، لندن سے اسحاق ڈار کو ڈالر کنٹرول کرنے کے لئے لایا گیا، اسحاق ڈار کے دعوے بھی اسوقت ہوا میں اڑ گئے جب ڈالر نے ڈار کی بھی نہ سنی اور اپنی اونچی اڑان جاری رکھی،

    کاروباری ہفتے کے آخری روز بھی ڈالر کی قیمت میں اتار چڑھاؤ جاری رہا، کاروباری ہفتے کے اختتام پر انٹربینک میں ڈالر5 روپے 22 پیسے مہنگا ہوکربند ہوا، انٹربینک میں ڈالر 276 روپے 58 پیسے پربند ہوا،

    ملک کی کرنسی روپیہ مارکیٹ میں ہر گزرتے دن کے ساتھ اپنی قدر کھوتا جارہا ہے۔ گزشتہ روز اسٹیٹ بینک نے زرمبادلہ کے ذخائرسے متعلق اعداد و شمار جاری کئے تھے جس کے مطابق پاکستان کے مجموعی زرمبادلہ کے ذخائر 10 سال کی کم ترین سطح پر آگئے ہیں۔ زرمبادلہ کے ذخائر میں کمی کے ساتھ ساتھ روپے کی بے قدری کا سلسلہ بھی جاری ہے

    مزید یہ بھی پڑھیں
    طویل عرصہ بعد اپنے مالک کو دیکھتے ہی اونٹ جذباتی ہوگیا
    کراچی میں مقیم غیرقانونی باشندوں کے خلاف کریک ڈاؤن، 11 گرفتار
    ایف بی آئی کی امریکی صدر جو بائیڈن کے گھر 4 گھنٹے تلاشی
    امریکا جانے والا ایک شخص لاپتہ ہوگیا
    شیخ رشید کی رہائش گاہ لال حویلی کو سیل کردیا گیا
    بجلی بریک ڈاؤن پر نئی رپورٹ نے حکومتی بیانات کا بھانڈا پھوڑ دیا
    ہماری طرف آئیں ہم اچھے میزبان ہیں آپ کو دکھائیں گےکہ ہم کیسے نظر آتے ہیں،عدنان صدیقی کا بھارتی فلم ’مشن مجنوں‘ پر ردعمل
    عدالت نے مونس الہٰی کی اہلیہ کے وکیل کو جواب جمع کروانے کیلئے وقت دے دی

    پاکستان انڈسٹریل اینڈ ٹریڈ رز ایسوسی ایشن فرنٹ پیاف کے چیئرمین سینٹر ظفر اقبال چوہدری،سینئر وائس چیئرمین ہارون اشفاق چوہدری،وائس چیئرمین راجہ عدیل اشفاق نے ڈالر کی روز بروز بڑھتی ہوئی قیمت اور روپے کے تاریخی زوال پر تشویش کا اظہار کرتے ہوئے کہا ہے کہ ڈالر کی بڑھتی ہوئی مقبولیت نے پاکستانی معیشت کی کمر توڑ دی ہے۔ڈالر کی اونچی اوڑان میں روپے کی گرتی قدر انتہائی خوفناک ہے، سینئر وائس چیئرمین پیاف ہارون شفیق چوہدری نے کہا کہ روپے کی قدر میں کمی ڈالر میں تاریخی اضافہ معیشت کیلئے خطرے کی گھنٹی ہے،روپے کا زوال کئی سالوں کی ترقی کو ختم کردے گا روپے میں کمی اور ڈالر کی قیمتوں میں اضافہ کے بعد درآمدی پٹرول و درآمدی ایل این جی بھی مہنگی ہوجائے گی۔پٹرول کی قیمتوں میں 35 روپے فی لیٹر اضافہ اسی سلسلہ کی کڑی ہے جبکہ 30روپے فی لیٹر اضافہ کا عندیہ دیا جارہا ہے۔

    ڈالر بلند ترین سطح پر پہنچنے کے بعد غیر ملکی قرضوں میں اربوں روپے اضافہ ساتھ ساتھ صنعتی شعبہ میں استعمال ہونے والا درآمدی خام میٹیریل بھی مہنگا ہوجائے گا جس سے صنعتی شعبہ کی پیداواری لاگت میں اضافہ سے اشیاء مہنگی اور مہنگائی میں ہوشربا اضافہ کے ساتھ ساتھ بیرون ملک پاکستانی مصنوعات کی مانگ میں کمی سے ملکی برآمدات میں بھی کمی سے تجارتی خسارہ بڑھے گا۔

  • ٹویوٹا گاڑیوں کی قیمتوں میں بڑا اضافہ

    ٹویوٹا گاڑیوں کی قیمتوں میں بڑا اضافہ

    کراچی: انڈس موٹرز کمپنی (آئی ایم سی) نے ٹویوٹا گاڑیوں کی قیمتوں میں 4 لاکھ روپے تک مزید اضافہ کردیا ہے۔

    باغی ٹی وی:ٹویوٹا گاڑیوں کی قیمتوں میں بڑااضافہ ڈالر کی بڑھتی ہوئی قیمت، معاشی غیر یقینی،خام مال پرمہنگائی کے اثرات اور پیداواری لاگت میں اضافے کے پیش نظر کیا گیا ہےنئی قیمتوں کا اطلاق 12 جنوری 2023 کےبعد بک ہونیوالی گاڑیوں پر ہوگا انڈس موٹرز کی طرف سے قیمتوں میں اضافے کا سبب زرمبادلہ میں عدم استحکام، یوٹیلیٹی نرخوں میں اضافہ اور دیگر اخراجات بتایا گیا ہے۔

    اسلام آباد سے کراچی جانے والی گرین لائن ایکسپریس نے اپنا ہی ریکارڈ توڑ دیا

    تفصیلات کے مطابق یارس 1.3، جی ایل آئی ایم ٹی کی قیمت 38 لاکھ 19 ہزار روپے سے بڑھا کر 40 لاکھ 79 ہزار کی گئی ہے جبکہ 1.3 جی ایل آئی سی وی ٹی کی قیمت 40 لاکھ 69 ہزار روپے سے بڑھا کر 43 لاکھ 39 ہزار روپے کردی گئی ہے۔

    یارس 1.3 اے ٹی آئی وی ایم ٹی کی نئی قیمت 43 لاکھ 9 ہزار، 1.3 اے ٹی آئی وی سی وی ٹی کی 45 لاکھ 29 ہزار، یارس 1.5 اے ٹی آئی وی ایکس ایم ٹی آئی کی 46 لاکھ 49 ہزار اور 1.5 اے ٹی وی آئی ایکس سی وی ٹی کی نئی قیمت 49 لاکھ 29 ہزار روپے کردی گئی ہے۔

    اسی طرح کرولا 1.6 اٹلس ایکس ایم ٹی کی نئی قیمت 52 لاکھ 69 ہزار روپے، کرولا 1.6 اٹلس ایکس سی وی ٹی آئی کی نئی قیمت 57 لاکھ 49 ہزار روپے،کرولا 1.6 اٹلس ایکس سی وی ٹی آئی ایس ای کی نئی قیمت 63 لاکھ 19 ہزار روپے، 1.8 ایکس سی وی ٹی گرینڈی کی نئی قیمت 66 لاکھ 49 ہزار روپے مقرر کی گئی ہے۔

    ہماری طرف آئیں ہم اچھے میزبان ہیں آپ کو دکھائیں گےکہ ہم کیسے نظر آتے ہیں،عدنان…

    علاوہ ازیں ریوو وی اے ٹی 2.8 کی قیمت ایک کروڑ 22 لاکھ 39 ہزار روپے جبکہ ریوو وی اے ٹی روکو کی قیمت ایک کروڑ 82 لاکھ99 ہزار روپے تک مقرر کی گئی ہے۔

    فارچونر2.7 جی پٹرول کی قیمت ایک کروڑ 34 لاکھ 19 روپے،فارچونر2.7 وی پٹرول کی قیمت ایک کروڑ 53 لاکھ39 ہزارروپے، فارچونر 2.8 سگما فورڈیژل کی قیمت ایک کروڑ 61 لاکھ 89 ہزارروپےجبکہ فارچونر 2.8 لیجنڈر ڈیژل کی قیمت ایک کروڑ 70 لاکھ 69 ہزار روپے مقرر کردی گئی ہے۔

    پشاور زلمی کی ٹیم سعودی عرب کی قومی کرکٹ ٹیم سے میچ کھیلے گی،جاوید آفریدی

  • روپے کی قدر میں کمی، مہنگائی کی نئی لہر آئے گی،احسن ظفر بختاوری

    روپے کی قدر میں کمی، مہنگائی کی نئی لہر آئے گی،احسن ظفر بختاوری

    زرمبادلہ کے ذخائر میں کمی اور ڈالر کی قیمت میں اضافے پر اسلام آباد چیمبر آف کامرس کا ردعمل سامنے آیا ہے،

    صدر اسلام آباد چیمبر احسن ظفر بختاوری کا کہنا ہے کہ زرمبادلہ ذخائر میں کمی، ڈالر کی اونچی اڑان پر تشویش ہے، زرمبادلہ ذخائر کم ہو کر3.7ارب ڈالر کی کم ترین سطح پر آ گئے، ڈالر 265روپے سے تجاوز کر گیا جو پاکستان کی کمزور معیشت کا عکاس ہے، زرمبادلہ کے مضبوط ذخائر سرمایہ کاروں میں اعتماد پیدا کرتے ہیں، زرمبادلہ ذخائر میں مسلسل کمی سے سرمایہ کاروں کا اعتماد متزلزل ہو رہا ہے،حکومت برآمدات میں اضافے کیلئے ہنگامی اقدامات کرے، ترسیلات زر کو بینکنگ چینلز کے ذریعے ملک میں لانے کی حوصلہ افزائی کی جائے زرمبادلہ ذخائر کو بہتر بنانے کیلئے آوٹ آف دی باکس حل تلاش کر نے کی ضرورت ہے،روپے کی قدر میں غیر معمولی کمی سے مہنگائی کی نئی لہر آئے گی شرح سود میں اضافے کے بعد قرضے مہنگے ہونے سے صنعتی سرگرمیاں متاثر ہوں گی،

    احسن ظفر بختاوری کا مزید کہنا تھا کہ اسٹیٹ بینک نے مہنگائی پر قابو پانے کیلئے شرح سود میں اضافہ کیا تھا، روپے کی قدر میں کمی سے افراط زر پر قابو پانے کی کوششوں کو ناکامی کا سامنا کرنا پڑے گا، روپے کی گرتی ہوئی قدر سے تمام درآمدی اشیا مزید مہنگی ہوں گی،مقامی طور پر تیار کی جانے والی اشیا کی قیمتوں میں بھی اضافہ ہوگا، کم آمدنی والے طبقے کیلئے روزمرہ اخراجات پورے کرنا مشکل ہو جائے گا،

    سر پر ڈمبل مارا،آلہ قتل بھی خود برآمد کروایا،ایاز امیر کے بیٹے کیخلاف مقدمہ درج

     سارہ انعام کے والد انعام الرحمان نے اسلام آباد میں پریس کانفرنس کی ہے

    سارہ انعام قتل کیس،مرکزی ملزم شاہنواز امیر پر فرد جرم عائد

     لڑکی کو نیم مردہ حالت میں ساحل پر پھینکا گیا، لڑکی کی موت ساحل پر پڑے پڑے ہوئی

  • پاکستان کی معیشت تباہی کے قریب پہنچ چکی ہے،امریکی اخبار

    پاکستان کی معیشت تباہی کے قریب پہنچ چکی ہے،امریکی اخبار

    امریکی اخبار کا کہنا ہے کہ پاکستان کی معیشت دیوالیہ ہونے کے قریب پہنچ چکی ہے۔

    باغی ٹی وی: ’فنانشل ٹائمز‘ کی رپورٹ کے مطابق پاکستان کی معیشت تباہی کے خطرے سے دوچار ہے، بلیک آؤٹ اور غیر ملکی کرنسی کی شدید قلت کے باعث کاروباری اداروں کو کام کرنے کے لیے جدوجہد کرنا پڑ رہی ہے کیونکہ حکام گہرے ہوتے بحران کو دور کرنے کے لیے آئی ایم ایف کے بیل آؤٹ کو بحال کرنے کی کوشش کر رہے ہیں۔

    صرف 24 گھنٹوں میں پاکستان کے قرضوں میں 2500 ارب روپے کا اضافہ

    پاکستان میں زرمبادلہ کے ذخائر کم ہوگئے ہیں۔ جنوری کی 23 تاریخ کو ہونے والے بجلی کے ملک گیر بریک ڈاؤن نے مشکلات میں اضافہ کردیا ہے۔

    رپورٹ میں دعویٰ کیا گیا ہے کہ زر مبادلہ کے ذخائر میں کمی کے باعث پاکستانی معیشت کے دیوالیہ ہونے کا خطرہ ہے۔ پاکستان کو زر مبادلہ کی شدید قلت کا سامنا ہے اورکاروبار کو جاری رکھنا مشکل ہوگیا ہے۔ ملک میں زرمبادلہ کے ذخائر 5 بلین ڈالرز سے بھی کم رہ گئے ہیں جو ایک مہینے کی امپورٹ سے بھی کم ہیں۔

    رپورٹ میں مزید کہا گیا ہے کہ شہباز شریف کی حکومت اور آئی ایم ایف کے درمیان 7 بلین ڈالر کے امدادی پیکج پر مذاکرات تعطل کا شکار ہوگئے ہیں۔ اس پیکج کو گزشتہ سال روک لیا گیا تھا۔

    تجزیہ کاروں کے مطابق پاکستان کی معاشی صورتحال سنگین ہوگئی ہے اور پاکستان کا حال بھی سری لنکا جیسا ہونے کا خدشہ ہے ، جہاں غیر ملکی ذخائر کی کمی نے ضروری سامان کی شدید قلت کو جنم دیا اور بالآخر مئی میں ڈیفالٹ کا باعث بنی۔

    انٹربینک میں ڈالر ایک بار پھر مزید مہنگا ہوگیا

    ملک کے مرکزی بینک کے مطابق، پاکستانی بندرگاہوں پر درآمدات سےبھرے شپنگ کنٹینرز کے ڈھیرلگے ہوئےہیں، خریدار ان کی ادائیگی کے لیے ڈالر محفوظ کرنے سے قاصر ہیں۔ ایئر لائنز اور غیر ملکی کمپنیوں کی ایسوسی ایشنز نےخبردار کیا ہے کہ گھٹتے ہوئے غیر ملکی ذخائرکوبچانےکےلیےلگائےگئے کیپٹل کنٹرولز کےذریعےانہیں ڈالرواپس بھیجنےسےروک دیا گیا ہےحکام نے کہا کہ ٹیکسٹائل مینوفیکچررز جیسی فیکٹریاں توانائی اور وسائل کو بچانے کے لیے بند کر رہی ہیں یا گھنٹوں میں کمی کر رہی ہیں۔

    پیر کے روز ملک گیر بلیک آؤٹ کی وجہ سے مشکلات میں اضافہ ہوا جو 12 گھنٹے سے زیادہ جاری رہا۔ وزیر اعظم شہباز شریف نے منگل کے روز "تکلیف پر دلی افسوس” کا اظہار کیا اور کہا کہ انکوائری وجہ کا تعین کرے گی۔

    پاکستانی خواتین کو آن لائن ہراسانی کاا سامنا؛ بڑھتی رپورٹس مزید خطرناک

    اسلام آباد میں میکرو اکنامک انسائٹس کے بانی، ثاقب شیرانی نے کہا کہ پہلے ہی بہت ساری صنعتیں بند ہو چکی ہیں، اور اگر وہ صنعتیں جلد دوبارہ شروع نہیں ہوتی ہیں، تو کچھ نقصانات مستقل ہو جائیں گے۔

    وزیر منصوبہ بندی احسن اقبال نے فنانشل ٹائمز کو بتایا کہ پاکستان نے غیر ملکی کرنسی کو بچانے کی کوشش میں درآمدات میں "بڑی حد تک” کمی کی ہے۔

    تجزیہ کاروں نے کہا کہ اس میں بینکوں کو درآمد کنندگان کے لیے قرض کے خطوط کھولنے سے روکنا شامل ہے، جس سے اس ہفتے اسٹیل انڈسٹری کی ایک باڈی پیداوار کو روکنے کی دھمکی دے گی۔

    مرکزی بینک نے پیر کے روز کہا کہ وہ خوراک اور ایندھن جیسی ضروری اشیاء کی فراہمی کو آسان بنانے کے لیے درآمدی پابندیوں میں نرمی کر رہا ہے۔ پاکستان اب بھی گزشتہ سال کے تباہ کن سیلاب سے دوچار ہے، جس نے دسیوں ملین افراد کو متاثر کیا اور اندازے کے مطابق 30 بلین ڈالر کا نقصان پہنچایا۔

    ڈیرہ اسماعیل خان : 15 گھنٹوں کے بعد بھی انڈس ہائی وے نہ کھل سکا

  • ڈالر کے بعد سونے کی قیمت بھی بلند ترین سطح پر

    ڈالر کے بعد سونے کی قیمت بھی بلند ترین سطح پر

    ملکی تاریخ میں سونے کی قیمت نئی بلند ترین سطح پر پہنچ گئی

    ملکی تاریخ میں ڈالر اورسونے کے داموں نے نئی تاریخ رقم کردی ،ملک بھرمیں فی تولہ سونے کی قیمت میں یکدم 4900 روپے کا بڑا اضافہ ہوگیا ملک میں ڈالر کی قیمت میں ریکارڈ اضافے کے بعد سونے کی قیمت نے بھی نیا ریکارڈ بنا دیا ،فی تولہ سونے کی قیمت4900اضافے سے 1لاکھ95ہزار5سو کی نئی بلندترین سطح پر پہنچ گئی 10گرام سونا 4201روپے مہنگا ہوکر 1لاکھ 67 ہزار 6سو 10روپے کی ریکارڈ سطح پر پہنچ گیا

    ملک بوستان کا کہنا ہے کہ حکومت نے ڈالر کے جن کو بوتل میں بندکیا ہوا تھا، جب ڈالر کو کھلاچھوڑتے ہیں تو پھر ایسے ہی اوپر جاتا ہے، اس وقت مارکیٹ میں ڈالر کی ڈیمانڈ بہت زیادہ ہے،سیلاب سے پہلے ڈالر کوئی 200میں بھی خرید نہیں رہا تھا،

    مارکیٹ سے لاپتہ ڈالر،کہاں چھپا ہے؟ ڈالر کی اونچی پرواز کے پیچھے کیا راز ہے؟ غیرملکی کرنسی کی کہانی ممبرکسٹمز آپریشنز مکرم جاہ انصاری بتاتے ہوئے کہتے ہیں کہ ڈالرکی عدم دستیابی کی بڑی وجہ ڈالرکی اسمگلنگ نہیں، تمام صورتحال میں ا س کا حصہ محض 10 فیصد ہے،زیادہ منافع کے چکر میں مڈل مین نے ڈالرذخیرہ کرلیے ہیں،مڈل مین مہنگا ہونے پرڈالربیچ کرمنافع کمانا چاہتے ہیں،

    وفاقی وزیر ن لیگی رہنما جاوید لطیف کا کہنا ہے کہ ڈالر کیوں مہنگا ہوا ؟ کیا انٹیلیجنس ادارے نہیں جانتے کہ یہ کس کے اعمال ہیں جو ہمارے سر آئے، ہم نے خود کو ریاست پر قربان کیا، پاکستان کو چلنے دو، ہم نے سیاست قربان کرکے پاکستان کو بچایا۔ فیض کے فیض عام کو روکا جائے۔ میڈیا پر 4، 4 گھنٹے فیض عام ہورہا ہے. اگر عمران خان کو چھ ماہ اور دیے جاتے تو کیا حال ہوتا،

    واضح رہے کہ انٹر بینک میں ڈالر ایک ہی دن میں 24.11 روپے کے اضافے کے بعد 255 پاکستانی روپے سے تجاوز کر گیا ہے

    سر پر ڈمبل مارا،آلہ قتل بھی خود برآمد کروایا،ایاز امیر کے بیٹے کیخلاف مقدمہ درج

     سارہ انعام کے والد انعام الرحمان نے اسلام آباد میں پریس کانفرنس کی ہے

    سارہ انعام قتل کیس،مرکزی ملزم شاہنواز امیر پر فرد جرم عائد

     لڑکی کو نیم مردہ حالت میں ساحل پر پھینکا گیا، لڑکی کی موت ساحل پر پڑے پڑے ہوئی

  • امریکی کمپنی کا ایشیا کےامیر ترین شخص گوتم اڈانی پر فراڈ ،ہیرا پھیری کرنے سمیت متعدد سنگین الزامات عائد

    امریکی کمپنی کا ایشیا کےامیر ترین شخص گوتم اڈانی پر فراڈ ،ہیرا پھیری کرنے سمیت متعدد سنگین الزامات عائد

    ایک امریکی کمپنی نے ایشیا کے امیر ترین شخص گوتم اڈانی کی کمپنیوں کو اکاؤنٹنگ فراڈ اور اسٹاک کی ہیرا پھیری میں ملوث قرار دیا ہے۔

    باغی ٹی وی: اڈانی گروپ کی کمپنیوں میں حصص اس وقت گرے جب امریکی سرمایہ کار ہندنبرگ ریسرچ نے کہا کہ وہ اس گروپ کے اسٹاک کو کم کر رہی ہے اور ایشیا کے سب سے امیر آدمی کی ملکیت والی فرموں پر اکاؤنٹنگ فراڈ اور اسٹاک کی ہیرا پھیری کا لازما لگا رہی ہے-


    اڈانی سے متعلقہ اداروں کے بانڈز اور حصص اس وقت گر گئےجب ہندن برگ، جو کہ مختصر فروخت میں مہارت رکھتی ہے، ایک امریکی سرمایہ کاری ریسرچ فرم نے ٹائیکون کی کمپنیوں کے بارے میں دو سال کی تحقیقات کے بعد مبینہ کارپوریٹ بدعنوانی کے وسیع پیمانے پر الزامات لگائے۔


    امریکا کی شارٹ سیلنگ کمپنی ہندن برگ کی جانب سے اس حوالے سے اپنی ویب سائٹ پر ایک جامع رپورٹ جاری کی ہے،رپورٹ میں کہا گیا کہ ہم اپنی 2 سالہ تحقیقات کے نتائج کو جاری کررہے ہیں اورایسے شواہد پیش کیے جارہے ہیں جن سے ثابت ہوتا ہے کہ 17.8 ٹریلین (218 ارب امریکی ڈالرز) مالیت کا اڈانی گروپ دہائیوں سے اسٹاک کی ہیرا پھیری اور اکاؤنٹنگ فراڈ اسکیم میں ملوث ہے۔


    اڈانی پورٹ کے ساتھ اڈانی سے وابستہ اسٹاک گر گئے 5 فیصد سے زیادہ کا نقصان۔ اڈانی پاورکے حصص کی قیمت 4.5 فیصد سے زیادہ گر گئی اور اڈانی ٹرانسمیشن بھی تقریبا 5 فیصد کم ہو گیا-


    رپورٹ میں تو گوتم اڈانی کے گروپ آف کمپنیز کے لیے کارپوریٹ تاریخ کے سب سے بڑے دھوکے باز کے الفاظ بھی استعمال کیے گئے۔


    رپورٹ میں الزام عائد کیا گیا کہ سکیورٹیز اینڈ ایکسچینج بورڈ آف انڈیا نے اڈانی گروپ کے آف شور فنڈز کے حوالے سے امریکی کمپنی کی تحقیقات میں رکاوٹ ڈالی اوران ضوابط کو نافذ کرنے میں سستی کا مظاہرہ کر رہا ہے جس کی وجہ سے اڈانی کمپنیوں کو ڈی لسٹ کرنا پڑے گا۔

    رپورٹ میں متحدہ عرب امارات سمیت کئی ممالک میں اڈانی خاندان کی آف شور کمپنیوں کی تفصیلات بھی دی گئیں اور دعویٰ کیا گیا کہ ان کمپنیوں کو کرپشن، منی لانڈرنگ اور ٹیکسوں کی چوری کے لیے استعمال کیا جاتا ہے۔


    دوسری جانب اڈانی گروپ نے ہندنبرگ کی رپورٹ کو "منتخب غلط معلومات کا بدنیتی پر مبنی مجموعہ” قرار دیا اور مزید کہا کہ یہ "ہمیشہ تمام قوانین کی تعمیل کرتی رہی ہے۔

    گروپ کے چیف فنانشل آفس جوگیشندر سنگھ نے غیر ملکی خبررساں ادارے سی این بی سی کو ایک بیان میں کہا کہ رپورٹ کی اشاعت کا مقصد واضح طور پر اڈانی گروپ کی ساکھ کو نقصان پہنچانے کا ہے ہنڈن برگ نےہم سےرابطہ کرنے یاحقائق پرمبنی میٹرکس کی تصدیق کرنے کی کوئی کوشش کیے بغیر” اپنی رپورٹ شائع کی۔


    بلومبرگ بلینیئرز انڈیکس کے مطابق، 2008 میں ارب پتی بننے کے بعد سے، اڈانی اب 119 بلین ڈالر کی دولت کے ساتھ دنیا کے امیر ترین لوگوں میں سے ایک ہیں اگست میں، کمپنی نے ہندوستانی میڈیا گروپ NDTV کے مخالفانہ قبضے کی کوشش کی، جس نے ایک فائلنگ میں کہا کہ یہ اقدام اس کے بانیوں سے "بغیر کسی رضامندی کے” کیا گیا تھا۔

  • خلیجی ممالک کی کمپنیاں ایمازون ، ٹویٹراورگوگل سےفارغ ہونیوالےباصلاحیت ماہرین کواپنےہاں لانےکیلئےکوشاں

    خلیجی ممالک کی کمپنیاں ایمازون ، ٹویٹراورگوگل سےفارغ ہونیوالےباصلاحیت ماہرین کواپنےہاں لانےکیلئےکوشاں

    خلیجی ممالک میں بڑی تجارتی کمپنیوں کے لیے بین الاقوامی سطح کےانتہائی اہم اداروں میں کام کر چکے افراد فراہم کرنے کے لیے کوشاں ذمہ داروں نے انکشاف کیا ہے کہ کمپنیاں ایمازون ، ٹویٹر اور گوگل سے فارغ ہونے والے بہترین اور باصلاحیت ماہرین کو اپنے ہاں لانے کے لیے کوشاں ہیں۔

    باغی ٹی وی : واضح رہے بڑی بین الاقوامی کمپنیوں جن میں ایمازون ، گوگل کی مالک کمپنی الفابیٹ وغیرہ نے حالیہ ہفتوں اور مہینوں کے دوران اپنے کارکنوں کی بہت بڑی تعداد کو فارغ کرنے کا اعلان کیا ہے۔

    اسپاٹی فائی کا دنیا بھرمیں 6 فیصد ملازمین کو نکالنے کا اعلان

    العربیہ کے مطابق بہترین تجربے کے ٹیلنٹ کو نئی کمپنیوں میں کھپانے کے لیے مارکیٹ میں کئی ریکروٹمنٹ کمپنیاں سرگرم ہو گئی ہیں۔ جو ان کارکنوں اور خلیجی اور سعودی کمپنیوں کے درمیان پل کا کام کر رہی ہیں۔

    ریکروٹمنٹ کمپنی کلاؤڈ سورس کےمینجنگ ڈائریکٹر جیمز ٹوفیری اس سلسلے میں خوب متحرک ہیں جیمز ٹوفیری کے مطابق اس صورت حال نے ٹیلنٹ کی ایک نئی مارکیٹ کا دروازہ کھول دیا ہے اس لیے یہ موقع ہے کہ مختلف کمپنیاں اس تجربہ کار ٹیلنٹ سے فائدہ اٹھالیں۔

    واضح رہے کہ واشنگٹن میں مائیکرو سافٹ نے اپنے سٹاف میں کمی کا فیصلہ کیا ہے 2022 میں یہ ادارہ دو بار اپنے کارکنوں کی تعداد میں کمی کر چکا ہے ایمازون نے جنوری سے اپنے 18000 کارکناوں کو فارغ کرنے کا اعلان کیا ہے اسی طرح گوگل کی ‘ پیرنٹ کمپنی الفا بیٹ ‘ نے 12000 کارکنوں کو فارغ کرنے کا اعلان کیا ہے۔

    گوگل کی مالک کمپنی الفابیٹ کا 6 فیصد ملازمین کو برطرف کرنے کا فیصلہ

  • پاکستان میں امریکی سرمایہ کاری میں 50 فیصد اضافہ ہوا ہے،ڈونلڈ بلوم

    پاکستان میں امریکی سرمایہ کاری میں 50 فیصد اضافہ ہوا ہے،ڈونلڈ بلوم

    امریکی سفیر ڈونلڈ بلوم نے کہا کہ پاکستان میں امریکی سرمایہ کاری میں 50 فیصد اضافہ ہوا ہے، باہمی تجارت تقریبا 10 ارب ڈالر ہوچکی ہے-

    باغی ٹی وی: لاہور چیمبر آف کامرس کے دورے کے دوران ڈونلڈ بلوم کا کہنا تھا کہ پاکستان اور امریکا کے درمیان تجارت، آئی ٹی اور زراعت میں سرمایہ کاری کے بہت مواقع ہیں پاکستان کو درپیش مسائل سے آگاہ ہیں اور اس کے تدارک کیلئے مشاورت کر رہے ہیں، ہم خواتین کی معاشی خودمختاری کیلئے ہر ممکن مدد کریں گے ۔

    امریکی سفیر سے ملاقات کے موقع پر لاہور چیمبرآف کامرس کے صدر کاشف انور نے امریکی ویزہ پالیسی اور تجارت بڑھانے پر زور دیا۔

    بعد ازاں امریکی سفیر ڈونلڈ بلوم نے لاہور میں آل پاکستان ٹیکسٹائل ملز ایسوسی ایشن (اپٹما) کے آفس کا بھی دورہ کیا کہا کہ ہم چاہتے ہیں پاکستان جلد معاشی طور پر اوپر آئے ہم اپٹما کے کاٹن کی دستیابی کیلئے لکھے گئے خط پر سنجیدگی سے کام کر رہے ہیں۔

    انہوں نے کہا کہ حالیہ سیلاب سے جو نقصانات ہوئے ہیں اس کیلئے 20 کروڑ ڈالر مالی امداد دی روپے کی قدر گرنے سے معشیت متاثر ہو رہی ہے ہمیں تجارت اور سرمایہ کاری پر توجہ دینی ہو گی اپٹما ممبران پا امریکا تعلقات کی بہتری میں اہم کردار ادا کر ہے ہیں –

    اس موقع پر چیئرمین اپٹما گوہر اعجاز نے کہا امریکی سفیر سے ہونے والی ملاقات میں کاٹن کی ڈیمانڈ‌پوری کرنے کیلئے بات ہوئی ہے امید ہے مثبت نتائج سامنےآئیں گے اسٹیٹ بینک کی جانب سے شرح سود بڑھانا آئی ایم ایف پروگرام کاحصہ تھا، یہ سخت فیصلہ ہے لیکن وقت کی ضرورت ہے۔

    بزنس کمیونٹی کے عہدیداران نے کہا کہ پاکستانی مصنوعات کیلئے امریکی منڈیوں تک رسائی آسان بنانے کیلئے ٹیکس فری پالیسی دی جائے اور دیگر مسائل دور کئے جائیں-

    واضح رہے کہ رواں ماہ آل پاکستان ٹیکسٹائل ملز ایسوسی ایشن نے امریکا سے کاٹن امپورٹ کیلیے 2 ارب ڈالر قرضے کی درخواست کی تھی

    ’اپٹما‘ کی جانب سے پاکستان میں متعین امریکی سفیر ڈونلڈ بلوم کو لکھے گئے خط میں کہا گیا تھا کہ کاٹن امپورٹ کیلیے 2 ارب ڈالر کا قرضہ پاکستان کو فراہم کیا جائے، پاکستان میں کپاس کی پیداوار تاریخ کی کم ترین سطح پر پہنچ گئی ہے، بارشوں اور سیلاب کے باعث سال بھر میں5 ملین بیلز کا نقصان ہوا، سیلاب اور بارشوں سے ہونے والی تباہی کے باعث محض کپاس کی فصل کو2 ارب ڈالر کا نقصان ہوا، جون تا اکتوبر 2022ء سیلاب کے باعث پاکستان میں 1ہزار 739 افراد جاں بحق ہوئے۔

    خط میں یہ بھی لکھا تھا کہ حالیہ سیلاب کے باعث ملک کو15.2 ارب ڈالر کا معاشی نقصان ہوا، مقامی کپاس کی پیداوار انتہائی حد تک کم ہونے کے باعث ٹیکسٹائل سیکٹر کو شدید مشکلات کا سامنا ہے، رواں سیزن کیلیے پاکستان کو10 ملین کاٹن بیلز امپورٹ کرنے کی ضرورت ہے۔امریکی قرضے کی رقم سے لاکھوں لوگوں کا روزگار بچ جائے گا، قرضے سے پاکستان کے بیلنس آف پیمنٹ میں بہتری آئے گی۔

  • ڈالر کی مصنوعی قلت میں ملوث 8 منی ایکسچینج کے 11 آؤٹ لیٹس کے لائسنس معطل

    ڈالر کی مصنوعی قلت میں ملوث 8 منی ایکسچینج کے 11 آؤٹ لیٹس کے لائسنس معطل

    اسلام آباد: اسٹیٹ بینک آف پاکستان نے ڈالر کی مصنوعی قلت میں ملوث 8 منی ایکسچینج کے 11 آؤٹ لیٹس کے لائسنس معطل کر دیئے-

    باغی ٹی وی : اسٹیٹ بینک آف پاکستان (ایس بی پی) ڈالر کی مصنوعی قلت پیدا کرنے اور اپنے کاوٴنٹرز پر دستیاب ہونے کے باوجود اپنے صارفین کو غیرملکی کرنسیوں کی فروخت سے انکار کرنے میں مبینہ طور پر ملوث 8 ایکسچینج کمپنیوں کے گیارہ آوٹ لیٹس کے لائسنس معطل کردیئے۔

    بجلی بریک ڈاون، وزیر توانائی کی ٹویٹ، استعفی کی بجائے ڈھٹائی

    ایس بی پی نے ریگولیٹری ہدایات کی خلاف ورزیوں پر ان آؤٹ لیٹس کے لائسنس پندرہ دنوں کے لیے فوری طور پر معطل کئے اسٹیٹ بینک کی ٹیم کے ممبران نے ایکس چینج کمپنیوں کے آوٴٹ لیٹس پر جا کرخود کو بطور صارف ظاہر کرکے کرنسی حاصل کرنے کی کوشش کی مذکورہ آوٴٹ لیٹس اپنےکاوٴنٹرز پردستیاب ہونےکے باوجود اپنے صارفین کو غیر ملکی کرنسیوں کی فروخت سے انکارکیا-

    اسٹیٹ بینک کا کہنا ہے کہ تمام گیارہ آوٴٹ لیٹس کو معطلی کی مدت کے دوران کسی بھی قسم کی کاروباری سرگرمی کرنے سے روک دیا گیا ہے۔

    پنجاب میں نگران وزیراعلی کے آتے ہی تبادلوں کا آغاز،سی سی پی او لاہور غلام محمود ڈوگر کا تبادلہ