کراچی: نئے کلینڈر سال کی سرمایہ کاری ترجیحات کے مطابق تازہ سرمایہ کاری رحجان سے پاکستان اسٹاک ایکسچینج میں ہفتہ وار بنیادوں پر اتار چڑھاؤ کے باوجود تیزی رہی۔

باغی ٹی وی: ہفتہ وار کاروبار میں انڈیکس کی 41000پوائنٹس کی سطح عبور ہوگئی،ہفتہ وار کاروبار کے 3 اسیشنز میں تیزی،2اسیشنز میں مندی رہی،مجموعی طو پرتیزی کےسبب حصص کی مالیت 8ارب 99 کروڑ 47لاکھ 18ہزار 14 روپےبڑھ گئی جس سےمارکیٹ کا مجموعی سرمایہ بھی بڑھ کر 65 کھرب 9 ارب 82 کروڑ 25 لاکھ 35 ہزار 435 روپے ہوگیا۔

وزیراعلیٰ پنجاب نےفلورملوں کوگندم کایومیہ سرکاری کوٹہ بڑھاکرڈبل کردیا

علاوہ ازیں آئی ایم ایف شرائط تسلیم کرنے میں تاخیر اور قرض پروگرام کی عدم بحالی سے ہفتہ وار کاروبار کے دوران ڈالر کی پیش قدمی جاری رہی جبکہ روپیہ کمزور رہا، درآمدی ادائیگیوں کے دباؤ، منفی خدشات سے روپیہ دباؤمیں رہا۔

انٹربینک میں ڈالر کی میں اضافہ جبکہ پاؤنڈ اور یورو کی قدروں میں کمی ہوئی لیکن اس کے برعکس اوپن مارکیٹ میں ڈالر پاؤنڈ یورو کی قدروں میں اضافہ ہوا،ہفتہ وار کاروبار میں ڈالر کے انٹربینک ریٹ 227 روپے جبکہ اوپن ریٹ 236 روپے کی سطح سے تجاوز کرگئے۔

ہفتے وار کاروبار کے دوران انٹربینک مارکیٹ میں ڈالر کی قدر 70پیسے بڑھ کر 227.13روپے پر بند ہوئی جبکہ اوپن مارکیٹ میں ڈالر کی قدر 1روپے بڑھکر 236.50روپے پر بند ہوئی۔

سائٹ صنعتی ایریا میں کمبائنڈ انفلیونٹ ٹریٹمنٹ پلانٹ، واٹر لائن پروجیکٹ پرکام تیز کیا جائے گا، رکن قومی اسمبلی ناز بلوچ

پارلیمانی سیکریٹری، رکن قومی اسمبلی ناز بلوچ نے کمبائنڈ ایفلوئنٹ ٹریٹمنٹ پلانٹ (سی ای ٹی پی) اور حب ڈیم سے سائٹ ایریا تک پانی کی لائن بچھانے کا معاملہ وفاقی اور صوبائی حکومتوں میں اعلیٰ سطح پر اٹھانے کے عزم کا اظہار کرتے ہوئے کراچی کی بہتری باالخصوص سائٹ صنعتی ایریا کے لیے اپنی حمایت جاری رکھنے کی یقین دہانی کرائی ہے۔سائٹ ایسوسی ایشن آف انڈسٹری کے ممبران سے خطاب کرتے ہوئے انہوں نے کہاکہ ٹھوس کچرے کو جلانے سے ماحولیات پر منفی اثرات مرتب ہوتے ہیں لہٰذا محکمہ کے ذمہ دار ادارے ٹھوس کچرے کو بروقت اٹھانے کو یقینی بنائیں۔اجلاس میں ڈی سی کیماڑی مختیار علی ابڑو، اسسٹنٹ کمشنرز، سائٹ لمیٹڈ اور سیپا کے نمائندے، سائٹ ایسوسی ایشن کے صدر ریاض الدین، چیف کوآرڈینیٹر سلیم پاریکھ، سابق صدر جاوید بلوانی، سینئر نائب صدر عبدالقادر بلوانی، نائب صدر محمد حسین موسانی، سابق صدور عبدالہادی، عبدالرشید اور چیئرمین ماحولیات کمیٹی محمد ریاض ڈھیڈھی بھی شریک تھے۔

اجلاس میں موسمیاتی تبدیلیوں کے سبب سیلاب سے ہونے والے نقصانات اور فضائی آلودگی کو کم کرنے کے لیے ویسٹ مینجمنٹ اور پلانٹیشن مہم سے متعلق امور زیر بحث آئے۔صدر سائٹ ایسوسی ایشن ریاض الدین نے رکن قومی اسمبلی کا خیرمقدم کرتے ہوئے سندھ موسمیاتی تبدیلی کی پالیسی میں تعاون کے اقدامات یعنی زمین کے استعمال کو تبدیل کرنے کی حوصلہ شکنی کی نیز نامیاتی و غیر نامیاتی آلودگی کو کنٹرول کرنے کے لیے مناسب طریقہ کار وضع کرنے،سالڈ ویسٹ کی موجودہ اسکیموں کو مزید مؤثر اور فعال بنانے، ضرورت کی بنیاد پر نئی اسکیموں اور ساتھ ہی پانی سے متعلقہ ماحولیاتی نظام کی حفاظت اور بحالی پر تبادلہ خیال کیا۔انہوں نے کمبائنڈ انفلیونٹ ٹریٹمنٹ پلانٹ (سی ای ٹی پی) کے زیر التوا منصوبوں اور حب ڈیم سے سائٹ ایریا تک پانی کی پائپ لائن بچھانے کے بارے میں بھی بریفنگ دی جس کے ماحولیات پر مثبت اثرات مرتب ہوں گے۔ انہوں نے رکن قومی اسمبلی سے درخواست کی کہ وہ ان دونوں منصوبوں پر کام کی رفتار کو تیز کرنے میں اپنا کردار ادا کریں۔

اس موقع پر چیف کوآرڈینیٹر سلیم پاریکھ نے کہا کہ صنعتیں اپنی فیکٹریوں کے باہر درخت لگانے کو تیار ہیں۔جس کے لیے پہلے ٹھوس کچرے کو اٹھانا اور علاقے کی صفائی ضروری ہے۔انہوں نے سب سے زیادہ آلودگی پیدا کرنے والے عوامل کی فہرست بنانے کا مشورہ دیتے ہوئے کہا کہ علاقے سے اٹھایا جانے والا ٹھوس فضلہ لینڈ فل سائٹس تک نہیں پہنچتا لہٰذا رکن قومی اسمبلی ناز بلوچ ذاتی طور پر لینڈ فل سائٹس کا دورہ کرکے حقائق کا جائزہ لیں۔

سائٹ ایسوسی ایشن کے سابق صدر جاوید بلوانی نے ایم این اے ناز بلوچ کی توجہ لیاری ندی کی طرف مبذول کرائی جہاں ہر سال کئی لوگ جان سے ہاتھ دھو بیٹھتے ہیں۔اس کے جواب میں ناز بلوچ نے کہا کہ ایک پرٹی نے پوری لیاری ندی کی صفائی پر کام کرنے میں دلچسپی ظاہر کی ہے۔جاوید بلوانی نے بتایا کہ سائٹ لمیٹڈ کا 90 فیصد بجٹ تنخواہوں میں چلا جاتا ہے جس سے سالڈ ویسٹ اٹھانے اور علاقے کی ہریالی کے لیے کوئی رقم نہیں بچتی

کراچی: پاک سوزوکی اور انڈس موٹرز(ٹیوٹا)کے بعد پاکستان میں ایک اور کمپنی نے اپنے پلانٹ کو بند کرنے کا اعلان کر دیا۔

باغی ٹی وی : پاکستان اسٹاک ایکسچینج میں درج ایک اور کمپنی نے اپنے پلانٹ کو بند کرنے کا اعلان کر دیا، لسٹڈ کمپنی نے پی ایس ایکس انتظامیہ کو بذریعہ خط پلانٹ کی بندش کے متعلق آگاہ کر دیا ہے خط میں کہا گیا ہے کہ درآمدی پابندیوں کی وجہ سے پلانٹ بند کر رہے ہیں۔

انڈس موٹر کمپنی کا اپنا پلانٹ دس روز کے لیے بند کرنے کا اعلان

واضح رہے کہ کے ایس بی کا یہ پلانٹ حسن ابدال میں قائم ہے، جسے بند کردیا گیا ہے۔ یہ پلانٹ غیر معینہ مدت کے لئے بند کیا گیا ہے۔

کے ایس بی دنیا بھر میں اعلی معیار کے پمپس بناتے ہیں۔ کے ایس بی سیال کیمیکلز، پانی، بلڈنگ کیمیکلز، کان کنی، توانائی و دیگر صنعتوں کے لیے پمپس اور والوز بناتی ہے۔

قبل ازیں پاک سوزوکی موٹر کمپنی لمیٹڈ کی جانب سے جاری بیان میں کہا گیا تھاکہ پیداواری پلانٹ 2 جنوری بروز پیر سے 6 جنوری بروز جمعہ تک بند رہے گا تاہم یکم جنوری کو اتوار جبکہ 7 اور 8 جنوری کو ہفتہ وار تعطیلات کے باعث پلانٹ کو غیراعلانیہ طور پر 8 دن کے لئے بند کیا گیا ہے۔

پاک سوزوکی نے بھی اپنا پلانٹ بند کردیا

بیان میں کہا گیا تھا کہ درآمدی پابندیوں کی وجہ سے پاک سوزوکی کے لیے یہ بہت نازک وقت ہے، مستقبل کے حوالے سے بھی غیر یقینی صورت حال کی وجہ سے یہ بھی علم نہیں یہ پابندیاں مزید کتنے عرصے تک جاری رہیں گی ڈیمریجز اور کیبور کی بلند ترین سطح ہماری صنعت کو نقصان پہنچا رہے ہیں، ہمارے ڈیلرز اور وینڈرز بھی بالترتیب فروخت اور پیداوار نہ ہونے کی وجہ سے بہت پریشان ہیں۔

کمپنی نے حکومت پاکستان سے درخواست کی کہ اس معاملے کو فوری طور پر حل کرنے کے لیے اس صنعت کے اسٹیک ہولڈرز کے ساتھ گفت و شنید کریں۔

دریں اثنا ٹویوٹا انڈس موٹر کمپنی لمیٹڈ 30 دسمبر تک اپنا پروڈکشن پلانٹ مکمل طور پر بند کرچکی ہے کمپنی کا کہنا تھا کہ اسٹیٹ بینک کی جانب سے کمپنی اور اس کے وینڈرز کو خام مال اور پرزہ جات کی کلیئرنس میں دشواری درپیش ہے،انوینٹری کی کمی، سپلائی چین کے تعطل سے پیداواری سرگرمیاں متاثر ہورہی ہیں جس کے سبب وہ کاروں کی پروکشن کا عمل جاری نہیں رکھ سکتے۔

ہنڈا ، سوزوکی اور یاماہا موٹر سائیکلوں کی قیمت میں ریکارڈ اضافہ

سکیورٹی اینڈ ایکسچینج کمیشن آف پاکستان کو لکھے لیٹر میں مزید کہا گیا تھا کہ ’تمام حالات کی روشنی میں کمپنی نے 20 دسمبر سے 30 دسمبر 2022 تک اپنا پروڈکشن پلانٹ مکمل طور پر بند رکھنے کا فیصلہ کیا ہے۔