تل ابیب :وزیر اعظم کی اہلیہ نے لاک ڈاؤن کی دھجیاں اڑا دیں ،اطلاعات کے مطابق وزیراعظم بنجمن نیتن یاہو کی اہلیہ نے ہیئراسٹائل بنانے کے لیے لاک ڈاؤن کی پابندیوں کی خلاف ورزی کی ہے۔

بین الاقوامی میڈیا رپورٹس کے مطابق کورونا لاک ڈاؤن میں سارا نیتن یاہو نے آفیشل رہائش گاہ میں ہیئر ڈریسر کو بلایا جو کہ پابندیوں کی خلاف ورزی کے زمرے میں آتا ہے۔

لاک ڈاؤن کے تحت انتہائی ضرورت کے تحت گھر سے ایک ہزار میٹر کی دوری تک باہر نکلا جاسکتا ہے جب کہ تمام سیلونز اور بیوٹی پارلرز بند ہیں۔بندشوں کے باوجود سارا نیتن یاہو نے رہائش گاہ پر ہیرڈریسر کو بلایا جس پر انہیں شدید تنقید کا سامنا کرنا پڑ رہا ہے۔

زیادہ تر اسرائیلیوں کی دسترس سے ہٹ کر شاہانہ طرز زندگی سے لطف اندوز ہونے پر نیتن یاہو کو طویل عرصے سے تنقید کا نشانہ بنایا جارہا ہے جب کہ سارہ پر ان کی اصراف پسند ذوق اور ذاتی عملے کے ساتھ بدسلوکی کے الزام میں عوامی رقم استعمال کرنے پر سالوں میں ہزاروں ڈالر کا جرمانہ عائد کیا جا چکا ہے۔

اس پابندی کی خلاف ورزی کرنے پر سارا نیتن یاہو کو ایک عام اسرائیلی کی طرح 500 شیکل ($ 150) جرمانہ کیا جا سکتا ہے۔

نیویارک : کورونا وائرس کے نتیجے میں مردہ بچوں کی پیدائش میں اضافے کا خطرہ بڑھ گیا ،اطلاعات کے مطابق عالمی ادارہ صحت، یونیسیف اور دیگر اداروں نے کہا ہے کہ ہر سال دنیا بھر میں 20 لاکھ مردہ بچوں کی پیدائش ہوتی ہے اور ایسا زیادہ تر ترقی پذیر ممالک میں ہوتا ہے، مگر اس تعداد میں کورونا وائرس کی وبا کے باعث بدترین اضافے کا امکان ہے۔

اسٹل برتھ یا مردہ بچوں کی پیدائش کے حوالے سے پہلی بار عالمی اعدادوشمار جاری کیے گئے اور عالمی ادارے کا کہنا تھا کہ گزشتہ برس ہر 4 میں سے 3 مردہ بچوں کی پیدائش افریقہ یا جنوبی ایشیا میں ہوئی۔

اسٹل برتھ کی اصطلاح ایسے بچوں کے لیے استعمال ہوتی ہے جن میں حمل کے 28 ہفتوں یا اس کے بعد زندگی کے آثار ختم ہوجائیں۔رپورٹ میں بتایا گیا کہ اس طرح کے 84 فیصد کیسز ترقی پذیر ممالک میں سامنے آتے ہیں۔

یونیسیف کی ایگزیکٹیو ڈائریکٹر ہنریٹا فورے نے بتایا کہ ہر 16 سیکنڈ میں کسی جگہ ایک ماں کو اس المیے کا سامنا ہوتا ہے، جبکہ خواتین، خاندانوں اور معاشروں کو نفسیاتی اور مالیاتی مسائل کا بھی سامنا ہوتا ہے۔انہوں نے بتایا کہ اس طرح کے زیادہ تر کیسز کی روک تھام بہتر نگرانی، مناسب نگہداشت اور اچھے طبی عملے سے ممکن ہے۔

ان کا کہنا تھا کہ پیدائش کے وقت یا حمل کے دوران بچے کو کھو دینا ایک خاندان کے لیے تباہ کن المیہ ہوتا ہے، مگر ایسا دنیا بھر میں بہت عام ہے۔

رپورٹ میں خبردار کای گیا کہ کورونا وائرس کی وبا کے نتیجے میں ان اموات کی تعداد میں نمایاں اضافہ ہوسکتا ہے، کیونکہ اس کے باعث طبی سروسز کی شرح میں اوسطاً 50 فیصد کمی آئی ہے، جس سے 117 ترقی پذیر ممالک میں اضافی 2 لاکھ مردہ بچوں کی پیددائش کا امکان ہے۔

عالمی ادارہ صحت نے بتایا کہ اس طرح کی 40 فیصد سے زیادہ اموات زچگی کے دوران ہوتی ہیں اور ان سے بچنا ممکن ہے، اگر خواتین تربیت یافتہ عملے کی مدد لیں۔

رپورٹ کے مطابق افریقہ اور وسطی ایشیا میں 50 فیصد مردہ بچوں کی پیدائش زچگی کے دوران ہوتی ہے جبکہ یورپ، شمالی امریکا، آسٹریلیا اور نیوزی لینڈ میں یہ شرح 6 فیصد ہے۔رپورٹ میں بتایا گیا کہ ترقی یافتہ ممالک میں رنگدار اقلیتی برادریوں میں اس طرح کے کیسز کی شرح زیادہ ہے۔

عالمی بینک کے ہیلتھ، نیوٹریشن اور پاپولیشن ڈویژن کے گلوبل ڈائریکٹر محمد علی پیتے نے کہا ‘کووڈ 10 سے خواتین، بچوں اور نوجوانوں کے لیے طبی بحران پیدا ہوا ہے کیونکہ زندگی بچانے والی طبی سروسز متاثر ہوئی ہیں’۔

انہوں نے مزید کہا ‘حاملہ خواتین کو مسلسل معیاری نگہداشت تک رسائی کی ضرورت ہوتی ہے، ہم طبی نظام کو مضبوط بنانے کے لیے ممالک کی معاونت جاری رکھیں گے تاکہ مردہ بچوں کی پیدائش کی روک تھام ہوسکے اورر ہر حاملہ خاتون کو معیاری نگہداشت فراہم کی جاسکے’۔

امریکا میں ہونے والی ایک نئی طبی تحقیق میں پتہ چلا ہے کہ ماضی میں ہونے والا عام نزلہ نئے کورونا وائرس سے ہونے والی بیماری کوویڈ- 19 سے کسی حد تک تحفظ فراہم کرسکتا ہے۔

یونیورسٹی آف روچسٹر میڈیکل سینٹر کی تحقیق میں پہلی بار یہ ثابت کیا گیا کہ کووڈ 19 کا باعث بننے والے وائرس کے خلاف جسم میں طویل المعیاد قوت مدافعت پیدا ہوسکتی ہے۔

تحقیق میں بتایا گیا ہے کہ کورونا وائرس سے متاثر ہونے پر ایسے بی سیلز بنتے ہیں جو طویل عرصے تک جراثیموں کو شناخت کرنے کے ساتھ ساتھ مستقبل میں بھی ان کو یاد رکھتے ہیں جبکہ ان کے خاتمے کے لیے اینٹی باڈیز بھی بناتے ہیں۔

محققین کا ماننا ہے کہ اس کا مطلب یہ ہے کہ عام نزلہ زکام کا باعث بننے والے کورونا وائرسز سے متاثر افراد کو کوویڈ- 19 کے خلاف کسی حد تک مدافعت حاصل ہوجاتی ہے۔

واضح رہے کہ موسمی نزلہ زکام بہت عام ہوتا ہے اور لوگوں کو بہت زیادہ پریشان بھی کرتا ہے، عام شہری معمولی نزلہ زکام کو بھی کرونا سمجھ کرسخت پریشان ہوتے ہیں۔

کرونا کے وجہ سے دنیا بھرمیں 10 لاکھ 60 ہزار 600 افراد ہلاک

باغی ٹی وی : عالمی وبا کورونا وائرس کے سبب دنیا میں 10 لاکھ 60 ہزار 600 افراد ہلاک اور 3 کروڑ 64 لاکھ 3 ہزار 705 متاثر ہوچکے ہیں۔

کورونا سے صحتیاب افراد کی تعداد 2 کروڑ 74 لاکھ 19 ہزار 96 ہوگئی ہے اور 79 لاکھ 24 ہزار 9 ایکٹیو کیسزہیں۔

امریکہ کورونا وائرس سے متاثر ہونے والے ممالک میں پہلے نمبر پر ہے جہاں 2 لاکھ 16 ہزار 784 افراد جان کی بازی ہار چکے ہیں اور77 لاکھ 76 ہزار 224 افراد میں کورونا وائرس کی تشخیص ہوئی۔

بھارت کورونا کیسز کے اعتبار سے دنیا میں دوسرے نمبر پر ہے جہاں68 لاکھ 35 ہزار افراد میں کورونا وائرس کی تشخیص ہوئی ایک لاکھ 5 ہزار 554 اموات ہوئی ہیں۔
برازیل کورونا سے متاثرہونے والے ممالک میں تیسرے نمبر پر ہے جہاں50 لاکھ 2 ہزار 357 افراد متاثر ہوئے اور ایک لاکھ 48 ہزار304 اموات ہوئی ہیں۔ روس میں 12 لاکھ 48 ہزار سے زائد افراد کورونا وائرس سے متاثر ہو چکے ہیں اور اموات کی مجموعی تعداد 21 ہزار 865 ہو گئی ہے۔کولمبیا کورونا وائرس سے متاثر ہونے والے ممالک میں پانچویں نمبر پر ہے جہاں 27 ہزار180 اموات ہوئی ہیں جبکہ 8 لاکھ 77 ہزار سے زائد کیسز رپورٹ ہوئے ہیں۔

کورونا کی ممکنہ دوسری لہر سے نمٹنے کے لیے این سی او سی کا اجلاس، اہم فیصلے

پیرو میں بھی 8 لاکھ 35 ہزار سے زائد افراد متاثر ہو چکے ہیں جبکہ 33 ہزار9 افراد جان کی بازی ہار چکے ہیں۔ اسپین میں 8 لاکھ 72 ہزارسے زائد افراد متاثر ہیں اور 32 ہزار562 اموات ہوئی ہیں۔

کورونا سے پہلی ہلاکت 11 جنوری2020 میں چین میں رپورٹ ہوئی۔ 9 اپریل کو کورونا سے مجموعی اموات کی تعداد ایک لاکھ ہوگئی تھی۔ کورونا سے پہلی ایک لاکھ اموات ابتدائی89 روز میں رپورٹ ہوئیں۔

رواں سال 24 اپریل کو کورونا سے اموات کی تعداد2 لاکھ تک پہنچ گئی تھی اورایک سے2 لاکھ اموات کیلئے صرف 15دن کا وقت لگا۔ 13مئی تک دنیا بھر میں 3 لاکھ اموات رجسٹرڈ ہوئیں اور 2سے3لاکھ اموات تک پہنچنے میں 19دن لگے۔

این سی ا و سی اجلاس میں ملک میں کورونا کی صورتحال کا جائزہ لیا گیا،اجلاس میں مختلف شعبوں کو کھولنے کے بعد کورونا کے اثرات کا جائزہ لیا گیا،اجلاس میں بریفنگ دی گئی کہ پاکستان میں کورونا کے مثبت کیسز میں معمولی اضافہ ہوا ہے،ملک میں کورونا کی مجموعی صورتحال مستحکم ہے،ملک میں احتیاطی تدابیر میں عملدرآمد میں کمی دیکھی گئی ہے،

سماجی فاصلے اور نو ماسک نو سروس کے اصولوں پرعمل نہیں ہو رہا،عوامی صحت کی پرواہ کیے بغیر ہاتھ ملانا معمول بن چکا ہے،عوامی اجتماعات، ریسٹورنٹس اور شادی ہالز کورونا کے پھیلاوَ کے مراکز بن چکے ہیں ،عوامی مقامات پر ماہرین صحت کی ہدایات پرعمل نہیں ہورہا،

اجلاس میں کورونا کی ممکنہ دوسری لہر سے نمٹنے کے لیے جامع حکمت عملی پر تبادلہ خیال کیا گیا،اجلاس میں تیار کی گئی حکمت عملی پر شراکت داروں سے مشاورت کا فیصلہ کیا گیا،اتفاق رائے کے بعد آئندہ چند روز میں نئی حکمت عملی پر عملدرآمد شروع ہوجائے گا،

وفاقی وزیر منصوبہ بندی و ترقی اسد عمر کا کہنا تھا کہ عوامی صحت بنیادی اہمیت کی حامل ہے،کورونا سے نمٹنے میں قومی کامیابیوں کو رائیگاں نہیں جانے دیں گے،