Category: کرونا اپڈیٹس

اسلام آباد :وہی خبرآگئی جس کا انتظارتھا ، فاروق ایچ نائیک نے آصف زرداری کی موت کے حوالے سے خبروں کی حقیقت بیان کردی ،اطلاعات کے مطابق پاکستان پیپلز پارٹی کے رہنما اور معروف وکیل فاروق ایچ نائیک نے آصف زرداری کی موت کی خبروں کو بے بنیاد قرار دیتے ہوئے کہا کورونا سے بچنے کے لئے سابق صدر احتیاط سے کام لے رہےہیں۔

تفصیلات کے مطابق پاکستان پیپلز پارٹی کے رہنما اور معروف وکیل فاروق ایچ نائیک نے سپریم کورٹ کراچی رجسٹری میں میڈیا سے گفتگو کرتے ہوئے کہا کہ سابق صدر آصف زرداری کی موت کی خبریں بے بنیاد ہیں، وہ بیمارہیں اور روبصحت ہورہے ہیں۔

فاروق ایچ نائیک کا کہنا تھا کہ آصف علی زرداری کے خلاف من گھڑت خبریں چلائی جارہی ہیں، کورونا سے بچنے کے لئے سابق صدر احتیاط سے کام لے رہےہیں اور کسی سےملاقات نہیں کررہے، وہ اپنےگھرمیں ہی مقیم ہیں۔نیب قانون میں ترامیم کے حوالے سے انھوں نے کہا کہ حکومت اور اپوزیشن مل کر نیب قانون بنائے اس سے زیادہ اچھی بات نہیں ہو سکتی، میں نے نیب قانون میں ترامیم پر ڈرافٹ بنایا ہے جو اسٹینڈنگ کمیٹی کے پاس ہے، میں نے انکوائری اور انویسٹی گیشن کی سطح پر گرفتار نہ کرنے کی تجویز دی ہے۔

یاد رہے گذشتہ روز آصف علی زرداری اور وزیراعلیٰ سندھ مراد علی شاہ کے درمیان ٹیلی فونک رابطہ ہوا تھا، آصف علی زرداری نے کرونا کامقابلہ کرنے کے حوالے سے سندھ حکومت کے کردار کی تعریف کرتے ہوئے کہا تھا کہ آج سندھ حکومت کے فیصلوں کو پوری دنیا میں سراہا جا رہا ہے۔ان کا کہنا تھا کہ پیپلزپارٹی کے لیے سب سے بڑی ترجیح انسانی زندگیوں کا تحفظ ہے،سندھ حکومت نے کرونا کی ٹیسٹنگ کی صلاحیتوں میں اضافہ کر کے اچھا کام کیا ہے۔

آصف علی زرداری نے مزید کہا تھا لاک ڈاؤن میں مستحق افراد تک رسائی،امداد سندھ حکومت کی اولین ترجیح ہونی چاہیے،وفاقی حکومت کو چاہئیے وہ اس سخت وقت میں سندھ سمیت تمام صوبوں کی مدد کرے۔

باجوڑ:اسسٹنٹ کمشنر باجوڑ نے پکوڑے بیچنے والے پر ہاتھ اٹھا لیا، ویڈیو وائرل،اطلاعات کے مطابق اس وقت جہاں گڈ گورننس کی بات کی جاررہی ہے اور اس حکومت کے اکثرامورکو سراہا جارہا ہے ، جہاں ایک طرف بہت سے مثبت پہلو ہیں تو وہاں دوسری طرف ایسے منفی پہلواوررویے بھی سامنے ارہے ہیں کہ دیکھنے اورسننے والے سب پریشان ہوجاتے ہیں

باغی ٹی وی کے مطابق حکومتی افسران کے جارح رویے کا ایک تازہ واقعہ باجوڑ میں اس وقت پیش آیا جب ایک اسسٹنٹ کمشنرنے باجوڑ میں ایک غریب چھابڑی فروش کے ساتھ وہ رویہ اختیارکیا کہ پورے ملک سے اس افسر کے خلاف کاروائی کا مطالبہ زورپکڑ رہا ہے ،

اسسٹنٹ کمشنر باجوڑ نے پکوڑے بیچنے والے پر ہاتھ اٹھا لیا۔ کیا ایک سرکاری افسر کے لیے کسی بھی خلاف ورزی پر کسی شہری کے اوپرہاتھ اٹھانا جائز ہے؟ اگر وہ قانونی طور پر ایسا نہیں کرسکتا تو اے سی صاحب کے خلاف تادیبی کارروائی عمل میں لائی جائے گی؟

pic.twitter.com/qvIGxFE4wO

— Naimat Khan (@NKMalazai) May 14, 2020

ذرائع کے مطابق باجوڑ میں ایک اسسٹنٹ کمشنر نے اپنے دورے کے دوران ایک پکوڑے بنانے والے چھابڑی فروش کو دیکھے تھپڑرسید کرنے شروع کردیئے جس پروہ چھوٹا سا دوکانداراورساتھ ہی ایک بزرگ وہاں سے جس طرح اس افسر سے جان چھڑا کربھاگنے کی کوشش کرتے ہیں وہ رویہ اورمنظرتکلیف دہ ہے،

دوسری طرف عوامی ردعمل آنا شروع ہوگیا ہے، اکثرلوگوں کا کہنا ہےکہ کیا ایک سرکاری افسر کے لیے کسی بھی خلاف ورزی پر کسی شہری کے اوپرہاتھ اٹھانا جائز ہے؟ اگر وہ قانونی طور پر ایسا نہیں کرسکتا تو اے سی صاحب کے خلاف تادیبی کارروائی عمل میں لائی جائے گی؟

لاہور:21 – رمضان المبارک کی تراویح بادشاہی مسجد سے براہ راست باغی ٹی وی پردکھائی جاری ہیں ،اطلاعات کے مطابق الحمد للہ باغی ٹی وی کو یہ اعزاز حاصل ہے کہ وہ لاہور کی بادشاہی مسجد سے براہ راست نماز تراویح دنیا بھرمیں پھیلے مسلمانوں تک پہنچا رہا ہے ،

ذرائع کے مطابق بڑی تعداد میں مسلمان آج آکیسویں دن بھی اپنے دل کو قرآن کی تلاوت سے مزین کرنے کے لیے باغی ٹی وی کے توسط سے بادشاہی مسجد سے براہ راست نماز تراویح دیکھ رہے ہیں‌باغی ٹی و ی: رمضان المبارک کے سعادتوں اور رحمتوں والے میں مہینے میں باغی ٹی وی اپنے ناظرین کےلیے نیکی سے بھرپور موقع فراہم کرتے ہوئے قرآن کی سماعت کا موقع فراہم کر رہا ہے

چونکہ رمضان اور قرآن کا گہرا تعلق ہے اس سلسے میں نماز تراویح قرآن کی تلاوت اور قرآن کی سماعت کا بنیادی ذریعہ ہوتا ہے اس لیے نماز تراویح کو براہ رست دیکھنے کی سہولت دی جارہی ہے . آپ اب بادشاہی مسجد لاہور میں ادا کی جانے والی نماز تراویح کو دیکھ سکتے ہیں .

بادشاہی مسجد لاہور سے براہ راست تراویح‌دیکھنے کے لیے آپ باغی ٹی وی کی ویب سائٹ پر جا سکتے ہیں اور اسی طرح باغی کے یو ٹیوب چینل پر بھی نماز تراویح لائیو دیکھ سکتے ہیں. جو کہ بادشاہی مسجد لاہور سے براہ راست نشر کی جائے گی.

یاد رہے کہ باغی ٹی وی پریہ پاکستان کے سب سے بڑی سوشل میڈیا ٹرانسمیشن ہے جسے دنیا بھرمیں دیکھا جارہاہے ، اس کے علاوہ اس ٹرانسمیشن میں رمضان المبارک کے حوالےسے وعظ ونصیحت کا سلسلہ بھی جاری ہے

اسلام آباد :رمضان المبارک اور یوم علی پر اہم پیغام بنام عوام ، بلاول بھٹوبھی وعظ ونصیحت کرنے لگے،اطلاعات کے مطابق  پاکستان پیپلز پارٹی کے چیئرمین بلاول بھٹو زرداری نے قوم کے نام ایک ویڈیو پیغام میں قوم سے اپیل اور درخواست کی ہے کہ آج 21ویں رمضان کی بڑی رات ہے، کل جمعة المبارک اور یوم علی بھی ہے۔ کورونا کی خطرناک وباءکی وجہ سے آپ اپنا تحفظ کریں، اپنے بچوں کا تحفظ کریں، اپنے بزرگوں کا تحفظ کریں۔ اپنی عبادت اور عزاداری اپنے گھروں میں ہی کریں۔

بلاول بھٹو زرداری نے مزید کہا کہ ہمارے فرنٹ لائن ورکرز ہمارے ڈاکٹرز، ہماری نرسیں، ہمارے پیرامیڈیکل اسٹاف جو اس وقت دن رات محنت کر رہے ہیں اپنی صحت اور زندگیاں خطرے میں ڈال رہے ہیں تاکہ وہ آپ کا اور ہم سب کا تحفظ کر سکے۔ انہوں نے کہا کہ ہم ان پر اتنا ہی بوجھ ڈالنا چاہتے ہیں جتنا وہ اٹھا سکیں۔ اس کے علاوہ چیئرمین بلاول بھٹو زرداری نے آج پارٹی کے رہنماﺅںسینٹریوسف بلوچ، سندھ کے صوبائی وزیر سہیل انور سیال، جان اکرام اللہ دھاریجو اور رکن قومی اسمبلی خالد خان لُنڈ کو ٹیلیفون کرکے کورونا کی صورتحال پر ان سے آگاہی حاصل کی۔ سینیٹر یوسف بلوچ نے لیاری میں کورونا وائرس کی صورتحال پر پارٹی چیئرمین کو رپورٹ پیش کی۔

چیئرمین پیپلزپارٹی نے سینیٹر یوسف بلوچ سے لیاری میں راشن کی تقسیم کے حوالے سے معلومات بھی حاصل کرتے ہوئے انہیں ہدایات کی کہ لیاری میں عوام کی صحت پر توجہ دی جائے اور انہیں کورونا سے محفوظ رکھنے کے لئے تمام اقدامات اٹھائے جائیں۔ چیئرمین پیپلزپارٹی نے اس ضرورت پر زور دیا کہ لیاری میں عوام کی صحت پر توجہ دی جائے اور انہیں کورونا کی وباءسے محفوظ رکھنے کے لئے تمام تر اقدامات اٹھائے جائیں۔ عوام کی مشکلات ختم کرنے کے لئے حکومت سے مدد حاصل کی جائے اور لیاری میں پارٹی ذمے دار لیاری میں سماجی فاصلے کی آگاہی کے لئے کردار ادا کریں۔

چیئرمین پیپلزپارٹی نے صوبائی وزیر سہیل انور سیال کو بھی ٹیلیفون کرکے ان سے لاڑکانہ میں کورونا کی صورتحال معلوم کی ۔ سہیل انور سیال نے چیئرمین پیپلزپارٹی کو تفصیلی رپورٹ دیتے ہوئے کہا کہ لاڑکانہ میں کورونا ٹیسٹ کا سلسلہ جاری ہے اور کورونا وائرس کو پھیلنے سے روکنے کے لئے اقدامات اٹھائے جا رہے ہیں۔ بلاول بھٹو زرداری نے سہیل انور سیال سے گفتگوکرتے ہوئے کہا کہ عوام کو مشکلات سے بچانے اور ان کی امداد کو یقینی بنایا جائے۔

بلاول بھٹوزرداری نے حضرت علیؓ کی یوم شہادت کے حوالے سے بھی معلومات حاصل کیں۔ سہیل انور سیال نے چیئرمین پیپلزپارٹی کو بتایا کہ حضرت علیؓ کی شہادت کے موقع پر تمام حفاظتی انتظامات کئے جا رہے ہیں۔ سہیل انور سیال نے پارٹی چیئرمین کو عید سے قبل مستحقین میں مالی امداد کی فراہمی سے آگاہ کرتے ہوئے کہا کہ عید سے قبل زکواة مستحقین کو رقم تقسیم کی جا چکی ہے۔ بینظیر معاونت پروگرام کا کارڈ رکھنے والوں کو بھ یوفی کس 2000 تقسیم کئے جا چکے ہیں۔ سہیل انور سیال نے چیئرمین پی پی پی کو بتایا کہ 2019-20 ءمیں سندھ بھر میں رجسٹر 94934افراد میں 189.868 ملین روپے تقسیم کئے جا چکے ہیں۔

چیئرمین پیپلزپارٹی نے غریب اور مستحق افراد میں عید سے قبل رقم کی تقسیم پر اطمینان کا اظہار کیا۔ چیئرمین پیپلزپارٹی نے سندھ کے وزیر صنعت جام اکرام اللہ دھاریجو کو بھی ٹیلی فون کرکے ان سے کورونا وباءکی وجہ سے سندھ کی صنعتوں پر پڑنے والے اثرات کے حوالے سے معلومات حاصل کیں۔ بلاول بھٹو زرداری نے جام اکرام اللہ دھاریجو کو ہدایت کی کہ صنعتوں میں کام کرنے والے محنت کشوں کو کورونا وائرس سے محفوظ رکھنے کے لئے ٹھوس اقدامات کو یقینی بنایا جائے۔ ہماری ترجیح محنت کشوں کی ملازمت اور صحت کو محفوظ رکھنا ہے۔

چیئرمین پیپلزپارٹی نے صوبائی وزیر کو ہدایات کی کہ کورونا سے محفوظ رہنے کے لئے سماجی فاصلے کی اہمیت کو اجاگر کیا جائے۔ بلاول بھٹو زرداری نے جام اکرام اللہ سے ان کے حلقے کے عوام کو کورونا سے بچاﺅ کے بارے اٹھائے جانے والے اقدامات کے بارے دریافت کرتے ہوئے انہیں ہدایات کی کہ منتخب نمائندے کے ناطے اپنے حلقے کے عوام سے رابطے میں رہیں۔

چیئرمین پیپلزپارٹی بلاول بھٹو زرداری نے رکن قومی اسمبلی خالد خان لنڈ کو ٹیلی فون کرکے ان کے حلقے میں کورونا وائرس اور ٹڈی دَل سے ہونے والے نقصانات سے آگاہی حاصل کی۔ چیئرمین پیپلزپارٹی نے خالد خان لنڈ سے گفتگو کرتے ہوئے کہا کہ کورونا وباءکی وجہ سے پوری دنیاپریشان ہے۔ آپ اپنے حلقے کے عوام کو اس وباءسے بچانے کے لئے کام کریں۔بلاول بھٹو زرداری نے انہیں ہدایت کی کہ وہ عوام کے مسائل حل کریں اور ٹڈی دَل سے ہونے والے نقصانات کے کوائف کی رپورٹ دیں۔