Category: کرونا اپڈیٹس

جنیوا: عالمی ادارہ صحت نے بھی دنیا کو کرونا کے حوالے سے بُری خبرسنا دی،اطلاعات کےمطابق عالمی ادارہ صحت نے خبردار کیا ہے کہ کورونا وائرس کے خاتمے کا امکان نہیں اس لیے دنیا کو اس مہلک وائرس کے ساتھ ہی جینے کا ڈھنگ سیکھنا ہوگا۔

عالمی ادارہ صحت (WHO) کے ڈائریکٹر برائے ہنگامی حالات مائیکل ریان نے ورچوئل پریس کانفرنس میں انکشاف کیا کہ کورونا وائرس کے دنیا سے ختم ہوجانے کا امکان ناپید ہوگیا ہے، اب ہمیں اس وائرس کے ساتھ ہی زندگی بسر کرنے کا ڈھنگ سیکھنا ہوگا اور آگہی و احتیاطی تدابیر کے ذریعے اس کی ہلاکت خیزی کا مقابلہ کرنا ہوگا۔

مائیکل ریان نے کورونا وائرس کے پھیلاؤ کو سنگین مسئلہ قرار دیتے ہوئے مزید کہا کہ دنیا سے اب تک ایچ آئی وی کا خاتمہ نہیں ہوسکا ہے اور اب ایک اور جان لیوا وائرس کی وبا کا سامنا ہے اور یہ بھی دنیا سے ختم ہوتا نظر نہیں آرہا ہے۔ وائرس کو سنجیدگی سے لیا جائے اور لاک ڈاؤن میں نرمی میں جلد بازی نہ کی جائے۔

عالمی ادارہ صحت کے شعبہ ہنگامی حالات کے ڈائریکٹر مائیکل ریان نے موثر اور کم قیمت ویکسین کی جلد از جلد تیاری کے لیے عالمی برادری پر زور دیتے ہوئے کہا کہ دوا کی دستیابی سے قبل حالات کا معمول پر آنا ناممکن نظر آتا ہے۔

واضح رہے کہ دنیا بھر میں کورونا وائرس سے ہلاک ہونے والوں کی تعداد 3 لاکھ کے قریب جا پہنچی ہے جب کہ اس مہلک وائرس سے متاثر ہونے والوں کی تعداد 5 لاکھ سے تجاوز کرگئی ہے۔ سب سے زیادہ ہلاکتیں امریکا میں ہوئی ہیں۔

سعودی عرب میں کرونا نے پکڑی سپیڈ، 24 گھنٹوں میں 2 ہزار سے زائد نئے مریض

باغی ٹی وی کی رپورٹ کے مطابق سعودی عرب میں کرونا وائرس کا پھیلاؤ جاری ہے، سعودی عرب میں 24 گھنتوں میں کرونا کے 2 ہزار سے زائد مریض سامنے آئے ہیں

سعودی وزارت صحت کے مطابق سعودی عرب میں گذشتہ 24 گھنٹوں کے دوران 10 ہلاکتیں ہوئیں جبکہ 2039 نئے مریض سامنے آئے جس کے بعد مریضوں کی مجموعی تعداد 46 ہزار آٹھ سو 69 تک پہنچ گئی ہے۔سعودی عرب میں کرونا سے دو سو 83 افراد جان کی بازی ہار چکے ہیں

سعودی وزارت صحت کے مطابق گذشتہ 24 گھنٹے کے دوران 14 سو 29 افراد صحت یاب ہوئے جس کے ساتھ اب تک اس مرض کو شکست دینے والے افراد کی تعداد 19ہزار 51 تک پہنچ چکی ہے۔ مجموعی مریضوں میں سے ایک سو 56 کی حالت نازک ہے جنہیں انتہائی نگہداشت کے یونٹ میں زیر علاج رکھا گیا ہے جبکہ 27 ہزار پانچ سو 35 مریضوں کی حالت تسلی بخش ہے۔

گذشتہ 24 گھنٹے میں کرونا سے ہلاک ہونے والوں کی عمریں 43 سے 90 برس کے مابین ہیں مجموعی مریضوں میں سے 41 فیصد سعودی اور 59 فیصد غیر ملکی ہیں۔

سعودی وزارت صحت نے شہریوں سے اپیل کی ہے کہ وہ کوروناوائرس کے پھیلاؤ کو روکنے کے لیے بنائے گئے تمام اصولوں پر کاربند رہیں۔ اور ان کی خلاف ورزی کرنے والی کسی بھی چیز سے دور رہیں، خاص طور پر اجتماعات یا غیر ضروری مقاصد کے لیے گھروں سے نکلنا، اپنے ہاتھوں کو دھونے کا عمل جاری رکھیں اور غیر ضروری چھونے سے پرہیز کریں، حفظان صحت سے متعلق تمام اقدامات کی پابندی کریں۔

باغی ٹی وی کی رپورٹ کے مطابق بھارت میں کرونا کا پھیلاؤ جاری ہے، کرونا سے 2700 کے قریب ہلاکتیں ہو چکی ہیں

بھارت میں کرونا کے پھیلاؤ کو روکنے کے لئے لاک ڈاؤن نافذ ہے جس میں‌ تیسری بار 17 مئی کو مزید توسیع کی جائے گی، ایسے میں ماہرین کا کہنا ہے کہ بھارت میں کرونا وائرس بچوں میں زیادہ پھیل رہا ہے اسلئے والدین بچوں پر توجہ دیں اورانہیں گھروں سے باہر نہ نکلنے دیں.

ایک رپورٹ کے مطابق اب تک کورونا وائرس کے مریضوں میں بھارت میں تقریباً 8.6 فیصد ایسے مریض ہیں جن کی عمر 20 سال سے کم ہے۔ یعنی بڑی تعداد میں بچے بھی کورونا کا شکار ہوئے ہیں۔ خصوصی طور پر غریب طبقات سے تعلق رکھنے والے اور چائلڈ کیئر انسٹی ٹیوشن میں رہنے والے بچے تیزی کے ساتھ کورونا انفیکشن کی زد میں آ رہے ہیں۔

بھارتی میڈیا میں شائع ہونے والی ایک رپورٹ کے مطابق مہاراشٹر میں کرونا کے سب سے زیادہ مریض ہیں،مہاراشٹر کے میڈیکل ایجوکیشن اینڈ ڈرگس ڈپارٹمنٹ نے 12 مئی کو بتایا کہ ریاست میں 10 سال سے کم عمر کے تقریباً 770 بچوں میں کرونا کی تشخیص ہوئی ہے جبکہ 10 سے 20 سال کی عمر کے 1579 بچوں میں بھی کرونا وائرس کی تشخیص ہوئی ہے۔ راجستھان، دہلی، مدھیہ پردیش، تلنگانہ میں بھی بڑی تعداد میں بچوں میں کرونا کی تشخیص ہو رہی ہے

بچوں میں کورونا وائرس پھیلنے کے حوالہ سے سیو دی چلڈرن نامی این جی او کی کارکن آنندت رائے چودھری کا کہنا ہے کہ ہم مسلسل کہہ رہے ہیں کہ کورونا وائرس بچوں کے لیے کم خطرناک ہے، اور اس سوچ کی وجہ سے پریشانی بڑھ سکتی ہے۔ کہیں نہ کہیں ہم ایسا کہہ کر بچوں کے لئے خطرے کو بڑھا رہے ہیں۔سچائی یہ ہے کہ کرونا وائرس کمزور قوت مدافعت والوں پر جلدی اثر کرتا ہے اور جو بچے عدم غذائیت کا شکار ہیں یا حساس ہیں، وہ بھی اس کی زد میں جلدی آتے ہیں۔ بدقسمتی سے محروم طبقات سے تعلق رکھنے والے یا یتیم بچوں میں یہ کمزوریاں پائی جاتی ہیں۔ یہی وجہ ہے کہ ان پر کورونا وائرس کا خطرہ زیادہ ہوتا ہے۔

بھارت میں کرونا کا تیزی سے پھیلاؤ جاری ہے،بھارت میں کرونا وائرس کے مریضوں کی تعداد 81 ہزار سے زیاد ہو گئی ہے جبکہ ہلاکتوں کی تعداد 2700 کے قریب ہو گئی ہے

بھارت میں گزشتہ 24 گھنٹوں میں کرونا کے 3722 نئے مریض سامنے آئے جبکہ 134 مزید ہلکاتیں ہوئیں، بھارت میں کرونا سے 26 ہزار سے زائد مریض صحتیاب بھی ہو گئے.

بھارتی وزارت صحت کے مطابق کرونا کے سب سے زیارہ مریض مہاراشٹر میں ہیں،مہاراشٹر میں 25922 مریض سامنے آ چکے ہیں اور 975 افراد ہلاک ہوچکے ہیں ۔ بھارتی ریاست گجرات میں اب تک 9267 افراد کرونا سے متاثر ہو چکے ہیں جبکہ وہاں 566 ہلاکتیں ہو چکی ہیں.

کرونا لاک ڈاؤن، شادی کی خواہش رہی ادھوری، پولیس نے دولہا کو جیل پہنچا دیا

کرونا لاک ڈاؤن، گھر میں فاقے، ماں نے 5 بچوں کو تالاب میں پھینک دیا،سب کی ہوئی موت

کرونا میں مرد کو ہمبستری سے روکنا گناہ یا ثواب

لاک ڈاؤن ختم کیا جائے، شوہر کے دن رات ہمبستری سے تنگ خاتون کا مطالبہ

لاک ڈاؤن، فاقوں سے تنگ بھارتی شہریوں نے ترنگے کو پاؤں تلے روند ڈالا

کرونا مریض اہم، شادی پھر بھی ہو سکتی ہے، خاتون ڈاکٹر شادی چھوڑ کر ہسپتال پہنچ گئی

کرونا لاک ڈاؤن، رات میں بچوں نے کیا کام شروع کر دیا؟ والدین ہوئے پریشان

لاک ڈاؤن ہے تو کیا ہوا،شادی نہیں رک سکتی، دولہا دلہن نے ماسک پہن کے کر لی شادی

کوئی بھوکا نہ سوئے، مودی کے احمد آباد گجرات کے مندروں میں مسلمانوں نے کیا راشن تقسیم

تامل ناڈو میں کرونا کے مریضوں کی تعداد 9227 تک پہنچ گئی ہے اور اس وائرس سے64افراد ہلاک ہوچکے ہیں ۔ دہلی میں کرونا مریضوں کی تعداد 8,000 کے قریب پہنچ گئی ہے ،دہلی میں 106 ہلاکتیں ہو چکی ہیں. راجھستان میں کرونا کے 4 ہزار سے زائد مریض سامنے آ چکے ہیں جبکہ 121 افراد ہلاک ہو چکے ہیں

باغی ٹی وی کی رپورٹ کے مطابق مودی سرکار پر تنقید کرنے والے اپوزیشن جماعت کے اراکین اسمبلی اور صحافیوں کو کرونا کے بہانے قرنطینہ مرکز بھجوا دیا، 5 اراکین اسبملی سمیت 10 افراد کو قرنطینہ مرکز بھجوایا گیا ہے

واقعہ بھارتی ریاست کیرالہ کا ہے جہاں کرونا مریض کے رابطے میں آنے کے بعد اپوزیشن جماعت کانگریس کے 5 اراکین اسمبلی سمیت 10 افراد کو قرنطینہ مرکز بھجوا دیا گیا ہے، ان تمام کے کرونا ٹیسٹ بھی کروائے جائیں گے

بھارتی میڈیا کے مطابق کانگریس کے اراکین اسمبلی اور میڈیا کے نمائندوں نے والیان میں ایک نوجوان سے ملاقات کی تھی جس میں کرونا کی تشخیص ہوئی اس کے بعد کانگریس کے اراکین پارلیمٹ ٹی این پرتاپن وی کے شری کانت اور ریمیا ہری داس اور دو رکن اسمبلی شفی پرمبل اور انل اکّارا کیرلا کو قرنطینہ مرکز بھجوا دیا گیا ہے

محکمہ صحت کے افسران کے مطابق کرونا سے متاثرہ مریض سے ملاقات کرنے والے صحافیوں کو بھی گھر میں قرنطینہ کر دیا گیا ہے،انکے اور انکی فیملی کے کرونا ٹیسٹ کروائے جائیں گے.

کرونا لاک ڈاؤن، شادی کی خواہش رہی ادھوری، پولیس نے دولہا کو جیل پہنچا دیا

کرونا لاک ڈاؤن، گھر میں فاقے، ماں نے 5 بچوں کو تالاب میں پھینک دیا،سب کی ہوئی موت

کرونا میں مرد کو ہمبستری سے روکنا گناہ یا ثواب

لاک ڈاؤن ختم کیا جائے، شوہر کے دن رات ہمبستری سے تنگ خاتون کا مطالبہ

لاک ڈاؤن، فاقوں سے تنگ بھارتی شہریوں نے ترنگے کو پاؤں تلے روند ڈالا

کرونا مریض اہم، شادی پھر بھی ہو سکتی ہے، خاتون ڈاکٹر شادی چھوڑ کر ہسپتال پہنچ گئی

کرونا لاک ڈاؤن، رات میں بچوں نے کیا کام شروع کر دیا؟ والدین ہوئے پریشان

لاک ڈاؤن ہے تو کیا ہوا،شادی نہیں رک سکتی، دولہا دلہن نے ماسک پہن کے کر لی شادی

کوئی بھوکا نہ سوئے، مودی کے احمد آباد گجرات کے مندروں میں مسلمانوں نے کیا راشن تقسیم

دوسری جانب کانگریس نے الزام لگایا کہ ارکان پارلیمنٹ اور ارکان اسمبلی کو جان بوجھ کر قرنطینہ مرکز بھجوایا گیا تا کہ وہ مودی سرکارکی ناکامیوں کا پول نہ کھول سکیں، پھر بھی ذمہ دار شہری کی حیثیت سے وہ قرنطینہ میں 14 روز مکمل کریں گے اور اسکے بعد مودی کی ناکامیوں کو عوام کے سامنے رکھیں گے