Category: کرونا اپڈیٹس

پی ٹی آئی رہنماجاوید بدر نے کرونا کے خلاف پنجاب حکومت کی کارکردگی کا پول کھول دیا

باغی ٹی وی : پی ٹی آئی رہنما و کارکُن جاوید بدر نے کرونا کے خلاف پنجاب حکومت کا پول کھول دیا. ملک میں جاری کورونا بارے حکومت اور محکمہ صحت کی کارکردگی پر سوالات اٹھاتے ہوئے جاوید بدر نے کہا کہ میں سمن آباد لاہور کا رہائشی ہوں ، میرے گھر کے پاس ہی ایک ساٹھ سالہ خاتوں بیمار تھی جس کی حالت بگڑ گئی.

گھروالوں نے 1122 کو کال کی ، جب وہ پنچے تو انہوں نے کہا کہ مریض کی علامات تو کرونا وائرس کی لگ رہی ہیں. ہم ان کو نہیں‌لے جا سکتے لہذا جو کرونا کی سپیشل ٹیم اور گاڑی ہے وہ لے کر جائے گی، اس پر مریضہ کے گھر والوں نے کہا کہ ہم اپنے اتنا انتظار نہیں‌کر سکتے . ہم اسے ہسپتال لے جار ہے ہیں. جب وہ ہپتال کے لیے نکلے تو رستے میں‌ہی ان مریضہ کی موت واقع ہوگئی.

جب ریسکیو والے آئے تو انہوں نے کہا کہ ہم اس مریضہ کو کروناتھا . اس خبر کے بعد پورے علاقے اور محلے میں خوف و ہراس پھیل گیا. انہوںنے کہا میں ریسکیو والوں اور محکمہ صحت والوں کو اپنا حوالے دیتا ہوئے کہا کہ ان اگر ان کو کرونا تھا تو آپ نے سب کے ٹیسٹ کیوں نہیں‌کیے اور پورے علاقے کو یوں ہی خطرے میں چھوڑ دیا . جاوید بدر کہتے ہیں،کہ 16 اپریل کا واقعہ ہے اور 17 کو کافی منت سماجت کے بعد محکمہ والے آئے اور نہوں نے اس خاتون کے خاوند اور بیٹے کا ٹیسٹ کیا اور ابھی تک 20 تاریخ ہوگئی ہے اور رزلٹ نہیں‌آیا.

جاوید بدر نے کہا کہ میری پوری کوشش کے بعد اتنا کچھ ہو سکا جبکہ میں حکومتی پارٹی کا بندہ ہوں . اتنی سستی اور تاخیر کے بعد لوگوں میں‌ کس قدر کرونا پھیل گیا ہوگا ، اس واقع سے پنجاب حکومت کی کارکردگی پر بھی سوال اٹھتا ہے . کہ وہ کس قدر غفلت سے کام لے رہے ہیں، انہوں نے کہا کہ میری وزیر اعلیٰ پنجاب سےدرخواست ہے کہ وہ اس واقع پر ایکشن لیں اور لوگوں کی زندگیوں کو محفظ بنائیںِ

شہباز شریف کرونا کا بہانہ کراحتساب سے بچنے کے لئے پتلی گلی سے بھاگ رہے ہیں۔ فیاض الحسن چوہان

باغی ٹی وی کی رپورٹ کے مطابق پنجاب کے صوبائی وزیر اطلاعات فیاض الحسن چوہان نے کہا ہے کہ شہباز شریف نے نیب پیشی سے استثنیٰ کے لیے تحریری معذرت نامہ پیش کیا ہے۔

فیاض الحسن چوہان کا کہنا تھا کہ شہباز شریف کہتے ہیں میں انہتر سالہ کینسر کا مریض ہوں، کرونا ہونے کا خدشہ ہے۔ شہباز شریف لندن سے کرونا کے خلاف جنگ لڑنے کی بڑھکیں مار کر پاکستان آئے تھے۔ اب احتساب سے بچنے کے لیے شہباز شریف کرونا وائرس کا بہانہ کر کے پتلی گلی سے بھاگ رہے ہیں۔

فیاض الحسن چوہان کا مزید کہنا تھا کہ ریاستی ادارے شہباز شریف کی منی لانڈرنگ، اقربا پروری، ٹی ٹی پر مبنی ڈاکوں کا حساب کتاب مانگ رہے ہیں۔ شہباز شریف جب سے ملک واپس آۓ ہیں، کرونا کے نام پر ڈرامے بازی کر رہے ہیں۔ کبھی لیپ ٹاپ لیڈر، کبھی ڈاکٹر اور صحافیوں کو مضحکہ خیز حفاظتی کٹس دے رہے ہوتے ہیں۔

فیاض الحسن چوہان کا مزید کہنا تھا کہ ن لیگ نے ایک صابن، ایک ماسک اور ایک ہینڈ سینیٹائزر کو خصوصی حفاظتی پیکج کا نام دیا۔ شہباز شریف کو اپنی کرپشن اور بددیانتی کا ہر حال میں حساب دینا ہو گا۔

واضح رہے کہ شہباز شریف کو نیب نے طلب کر رکھا تھا، شہباز شریف پیش نہیں ہوئے اور تحریری خط لکھ دیا جس پر نیب نے شہباز شریف کو دوبارہ 22 اپریل کو طلب کر لیا ہے

پانچ کمپنیوں میں 19 کروڑ کی منتقلی،حمزہ شہباز نیب کو مطمئن نہ کر سکے

شہباز شریف کو لائف ٹائم ایوارڈ برائے کرپشن دیا جائے: شہباز گل

حمزہ شہباز کے پروڈکشن آرڈر کے خلاف درخواست دائر

نیب نے شہباز شریف کو ایک سوالنامہ بھی بھجوایا ہے جس میں کہا گیا ہے کہ سال 1998 سے سال 2018 کے دوران فیملی کے اثاثے بڑھ کر 549 ارب ہوئے۔ پبلک آفس ہولڈر ہونے کی حیثیت سے ان اثاثوں میں اضافے کی وضاحت دیں۔ بیرون ملک کون کون سے اثاثے اور بینک اکاوَنٹس موجود ہیں ان کی تفصیلات فراہم کی جائیں۔ سال 2005 سے سال 2007 کے دوران لیے جانے والے قرض کی تفصیلات فراہم کی جائیں۔ فیملی کو دیے جانے والے اور موصول ہونے والے تمام تخائف کی تفصیلات فراہم کی جائیں اور سال 2008 سے سال 2019 کے دوران زرعی آمدنی کی تفصیلات بھی فراہم کی جائیں۔ ماڈل ٹاوَن 96 ایچ کتنے سال تک وزیر اعلیٰ کیمپ ہاوَس رہا، اس کا بھی جواب دیں

نیب میں پیش نہیں ہو سکتا، شہباز شریف نے کیوں کیا انکار؟

کاسمیٹکس مینو فیکچرنگ ایسوسی ایشن کی درخواست پر عدالت کا بڑا حکم

باغی ٹی وی کی رپورٹ کے مطابق لاہور ہائی کورٹ میں پاکستان کاسمیٹکس مینو فیکچرنگ ایسوسی ایشن کی درخواست پر سماعت ہوئی ،عدالت نے درخواست سماعت کے لئے منظورکر لی۔

عدالت نے کہا کہ درخواستگزار پاکستان سٹینڈرڈ اینڈ کوالٹی کنٹرول اتھارٹی سے منظوری کے بعد سینیٹائزرکی مارکیٹ میں فروخت کرے۔ وفاقی حکومت کے وکیل ڈپٹی اٹارنی جنرل سرفراز علی خان نے درخواست کی مخالفت نہ کی ،مسٹر جسٹس علی باقر نجفی نے رائے شعبان علی ایڈووکیٹ کی وساطت سے دائر درخواست پر سماعت کی ۔

درخواست مین ڈرگ ریگولیٹری اتھارٹی۔پاکستان سٹینڈرڈ اینڈ کوالٹی کنٹرول اتھارٹی اور ڈرگ انسپکٹر جنرل پنجاب کو فریق بنایا گیا ہے۔

درخواست گزار نے کہا کہ انکے کے تیار کردہ سینیٹائزر ڈبلیو ایچ او کے سٹینڈرڈ کے عین مطابق ہیں ۔ انکے تیار کردہ سینیٹائزر اعلی اور معیاری ہیں ۔انکے سینٹاہزر پی ایس کیو سی سے منظور کردہ ہیں ۔ییہ سینیٹائزر ڈرگ نہیں ہیں ۔اور یہ ڈریپ کے دائرہ اختیار میں نہیں اتے۔
انکو ناجائز تنگ اور حراسان کیا جا رہا ہے ۔

درخواست گزار نے عدالت سے استدعا کی کہ عدالت انکو ناجائز تنگ اور حراساں کرنے سے روکے۔ عدالت انکے تیار کردہ سینیٹائزر کو مارکیٹ میں فروخت کی اجازت دے

کرونا لاک ڈاؤن، تاجر بھی میدان میں ، نعیم میر نے عدالت میں درخواست دائر کر دی

باغی ٹی وی کی رپورٹ کے مطابق کورونا کے باعث جزوی لاک ڈاؤن،تاجروں نے دادرسی کیلئے عدالت عالیہ سے رجوع کرلیا

انجمن تاجران کے مرکزی سیکرٹری جنرل نعیم میر نے اسد منظور بٹ ایڈووکیٹ کی وساطت سے لاہور ہائی کورٹ سے رجوع کرلیا، عدالت میں دائر درخواست میں مرکزی اور صوبائی حکومت کے علاوہ وزیراعظم ریلیف فنڈز کے سربراہ کو فریق بنایا گیا ہے

درخواست گزار کی جانب سے کہا گیا ہے کہ کورونا وائرس کی وجہ سے ملک میں لاک ڈوان ہے، صوبائی اور وفاقی ادارے بند ہیں، کورونا وائرس کی وجہ سے تمام مکاتب فکر کے لوگ متاثر ہوئے ہیں، کورونا کی وجہ سے تاجر طبقہ بھی بری طرح متاثر ہوا، وزیر اعظم ریلف فنڈز کی وجہ سے غریب طبقہ کے لوگوں کو فی کس بارہ ہزار دیا جا رہا ہے ،

درخواست گزار کی جانب سے مزید کہا گیا کہ اس ریلیف فنڈز میں متاثر ہونے والے تاجروں کو محروم رکھا گیا ہے، عدالت وزیراعظم ریلف فنڈز کی رقم تاجروں کو بھی دینے کا حکم دے ،

لاک ڈاؤن، ملازمین کی برطرفیوں کے خلاف درخواست، قابل سماعت ہونے بارے فیصلہ محفوظ

لاک ڈاؤن، ملازمین کی برطرفیوں کے خلاف درخواست، قابل سماعت ہونے بارے فیصلہ محفوظ
باغی ٹی وی کی رپورٹ کے مطابق فیکٹریوں، کارخانوں اور پرائیویٹ اداروں سے لاکھوں ملازمین کی برطرفیوں کے خلاف درخواست کی سماعت ہوئی.

لاہور ہائیکورٹ کے چیف جسٹس نے درخواست کے قابل سماعت ہونے سے متعلق فیصلہ محفوظ کر لیا

چیف جسٹس قاسم خان نے ایڈوکیٹ اشتیاق چوہدری ایڈوکیٹ کی درخواست پر سماعت کی ،درخواست میں حکومت پنجاب، محکمہ صنعت و تجارت، محکمہ لیبر سمیت دیگر کو فریق بنایا گیا ہے

درخواست میں موقف اپنایا گیا ہے کہ کرونا وائرس کے پھیلاؤ کے پیش نظر ملک بھر میں لاک ڈائون کیا گیا ہے،پنجاب میں لاک ڈائون کی وجہ سے صنعتی اداروں، کارخانہ مالکان نے مزدوروں کو ملازمت سے نکال دیا،پنجاب میں صنعتی اداروں نے مزدوروں کی تنخواہوں میں بھی کمی کردی، سندھ اور بلوچستان حکومتوں نے مزدوروں کی ملازمت بچانے کیلئے اقدامات کیے،

درخواست میں مزید کہا گیا کہ پنجاب میں برطرفیوں سے لاکھوں مزدوروں کو مالی مشکلات کا سامنا ہے، درخواست میں عدالت سے استدعا کی گئی کہ عدالت حکومت پنجاب کو مزدوروں کی ملازمت پر بحالی کیلئے اقدامات کا حکم دے، عدالت حکومت پنجاب کو مزدوروں کیلئے مالی امداد مختص رقم کی تفصیلات کا حکم دے،

واضح رہے کہ پنجاب میں کرفیو کا آج 28 واں روز ہے، پنجاب میں بازار تعلیمی ادارے، شاپنگ مالز، شادی ہالز، پبلک ٹرانسپورٹ سب بند ہے،