Category: کرونا اپڈیٹس

لاہور:پاکستان میں وبائی صورتحال پیچیدہ، کورونا وائرس وبا میں مبتلا مریض بڑھنے لگے،پنجاب میں ایک مریض دم توڑگیال،اطلاعات کے مطابق ملک بھر میں روز بروز کورونا وائرس میں مبتلا شہریوں کی تعداد میں اضافہ ہو رہا ہے۔ اس وقت اس وبا سے متاثر ہونے والے افراد کی تعداد 6919 ہو چکی ہے۔

گزشتی چوبیس گھنٹوں کے دوران 141 نئے کیس سامنے آئے، 4 اموات ہوئیں جبکہ 5540 ٹیسٹ کیے گئے۔ اب تک پاکستان بھر میں کورونا وائرس کی تشخیص کیلئے 78979 ٹیسٹ کیے جا چکے ہیں۔

سرکاری اعدادوشمار کے مطابق کورونا وبا سے اموات کی تعداد 128 ہو چکی ہے جبکہ 1645 شہری مکمل صحتیاب ہو کر اپنے گھروں کو واپس جا چکے ہیں۔

ادھرآج لاہور میں کورونا وائرس سے ایک اور ہلاکت کی اطلاعات ہیں ، ہسپتال ذرائع کےمطابق کورونا وائرس سے 55 سالہ مریض جاں بحق ہوا، یہ بھی کہا جارہا ہےکہ 55 سالہ مریض کورونا وائرس کی تشخیص کے بعد میو اسپتال میں زیر علاج تھا

جاں بحق ہونے والے شخص کو کوئی اور بیماری نہیں تھی، 55 سالہ مریض اچھرہ کے علاقے کا رہائشی تھا، جاں بحق ہونے والا مریض 13 اپریل کو میو اسپتال داخل ہوا،

اعدادوشمار کے مطابق صوبہ سندھ میں 2008، صوبہ پنجاب میں 3291، اسلام آباد میں 145، بلوچستان میں 280، خیبر پختونخوا میں 912، آزاد کشمیر میں 46 جبکہ گلگت بلتستان میں 237 شہری اس موذی مرض میں مبتلا ہیں۔

شرح اموات کی بات کی جائے تو صوبہ سندھ میں 45، صوبہ پنجاب میں 34، اسلام آباد میں 1، صوبہ بلوچستان میں 3، خیبر پختونخوا میں 42، گلگت بلتستان میں 3 شہری اپنی جانوں سے ہاتھ دھو بیٹھے ہیں تاہم آزاد کشمیر سے کوئی اموات رپورٹ نہیں ہوئی ہے۔

نیشنل کمانڈ اینڈ کنڑول سینٹر کی جانب سے انکشاف کیا گیا ہے کہ پاکستان میں اب تک کورونا وائرس کے رپورٹ ہونے والے کیسز میں سے 58 فیصد کیسز مقامی طور پر ایک دوسرے میں منتقل ہوئے ہیں۔

رپورٹ میں کہا گیا ہے کہ ملک میں کورونا کے مصدقہ کیسز میں سے 42 فیصد کیسز کی ٹریول ہسٹری ہے جبکہ 58 فیصد کیسز ایسے ہیں جو مقامی طور پر ایک شخص سے دوسرے شخص میں وائرس منتقل ہوا۔

کمانڈ کنٹرول سینٹر کے مطابق ملک بھر میں بدھ تک مجموعی طور پر 78 ہزار سے زائد ٹیسٹ کیے جا چکے ہیں جن میں سے چھ ہزار سے زائد مصدقہ کیسز سامنے آئے جبکہ 128 افراد اب تک کورونا سے جاں بحق ہوچکے ہیں جبکہ ملک بھر میں کورونا سے صحتیاب افراد کی تعداد 1645 ہوگئی ہے۔

پنجاب سے کورونا وائرس کے مزید 216 کیس، تعداد 3232 ہو گئی

ترجمان پرائمری اینڈ سیکنڈری ہیلتھ کئیر کے مطابق 701 زائرین سینٹرز، 1236 رائے ونڈ سے منسلک افراد، 91 قیدیوں اور 1204 عام شہریوں میں کورونا وائرس کی تصدیق ہو چکی ہے۔

لاہور 59، سیالکوٹ 14، گوجرانوالہ 7، ڈی جی خان میں 9 اور بھکر میں 2 قیدیوں، ڈی جی خان میں 221 زائرین، ملتان میں 457 زائرین، فیصل آباد میں 23 زائرین، رائے ونڈ مرکز میں 577، شیخوپورہ 12، منڈی بہاء الدین 17، سرگودھا 64، میانوالی 7، وہاڑی 37، راولپنڈی 16، جہلم میں 41 تبلیغی ارکان، ننکانہ 2، گجرات 14، گوجرانوالہ 10، رحیم یار خان 45، بھکر 61، خوشاب 2، راجن پور 9، حافظ آباد 35، سیالکوٹ 19، لیہ 31، مظفر گڑھ 52، ناروال 19، بہاولنگر 13، فیصل آباد میں 6 تبلیغی ارکان، ملتان میں 108، ساہیوال 7 اور بہاولپور میں 30 تبلیغی ارکان میں کورونا وائرس کی تصدیق ہو چکی ہے۔

صوبائی وزیر صحت ڈاکٹر یاسمین راشد نے بتایا کہ صحتیاب ہونے والے بارہ مریضوں میں سے دس میو ہسپتال لاہور جبکہ دو پی کے ایل آئی میں زیر علاج تھے۔ لاہور میں ابھی تک 477 کووڈ کنفرم مریضوں میں سے مجموعی طور پر ایک سو ترتالیس مریض صحتیاب ہو کر اپنے گھروں کو واپس جا چکے ہیں۔

ڈاکٹر یاسمین راشد نے کہا ہے کہ پنجاب میں کورونا وائرس کے تشخیصی ٹیسٹوں کی صلاحیت بھی بڑھا دی گئی ہے۔ گذشتہ روز پنجاب میں کورونا وائرس کے دو ہزار چھ سو انتہر (2669) تشخیصی ٹیسٹ کئے گئے۔

صوبہ بھر میں ابھی تک مجموعی طور پر کورونا وائرس کے چھیالیس ہزار سے زائد تشخیصی ٹیسٹ کئے جا چکے ہیں۔ پنجاب میں کورونا وائرس کے مشتبہ اور کنفرم مریضوں کے اعدادوشمار کا جائزہ روزانہ کی بنیاد پر لیا جا رہا ہے۔ کورونا وائرس پر قابو پانے کی مکمل کوشش کی جا رہی ہے۔

صوبہ سندھ میں کورونا وائرس کے مریضوں کی تعداد میں اچانک اضافہ دیکھنے میں آیا ہے۔ اعدادوشمار کے مطابق گزشتہ چوبیس گھنٹوں میں مزید 340 کیسز اور چار اموات سامنے آئیں۔ ترجمان سندھ حکومت مرتضیٰ وہاب نے اپنی ٹویٹ میں بتایا کہ اب تک 18 ہزار 900 افراد کے ٹیسٹ کیے جا چکے ہیں جس میں 340 نئے کیسز کے بعد مثبت آنے والے کیسز کی تعداد 2008 ہوگئی ہے۔ انہوں نے بتایا کہ صوبے میں مزید 16 افراد کے ٹھیک ہونے کے ساتھ ہی مجموعی طور پر 576 افراد صحتیاب ہوئے ہیں جبکہ 45 افراد اب تک سندھ میں انتقال کر چکے ہیں۔

خیبر پختونخوا کے وزیر صحت کا کہنا ہے کہ لاک ڈاؤن کی وجہ سے وائرس کا پھیلاؤ کم ہوا لیکن یہ نہیں کہا جا سکتا کہ خطرہ ٹل گیا۔ اس وائرس کے ساتھ ہمیں کچھ عرصہ رہنا پڑے گا۔

تفصیل کے مطابق صوبائی وزیر صحت تیمور سلیم جھگڑا اور مشیر اطلاعات اجمل وزیر نے کابینہ روم میں مشترکہ پریس کانفرنس کی۔ وزیر صحت تیمور سلیم کا کہنا تھا کہ عوام نے احتیاط نہ کی تو مہینے کے اندر 80 ہزار کیسز ہوں جائیں گے۔ ہر ہفتے کورونا کیسز کی تعداد ڈبل ہو رہی ہے۔ صوبے کی 4 کروڑ عوام کو باخبر رکھنا چاہتے ہیں۔

محکمہ صحت کی رپورٹ کے مطابق حالیہ وفات کے بعد کورونا وائرس سے جاں بحق ہونے والوں کی تعداد 5 ہو گئی ہے۔ دوسری جانب بلوچستان میں کورونا وائرس کے مزید 32 کیسز سامنے آ گئے ہیں جس سے متاثرہ افراد کی تعداد 303 ہو گئی ہے۔ اب تک 12899 افراد کی سکریننگ کی گئی جن میں سے 4124 رپورٹس منفی آئی ہیں جبکہ 4490 مریض مشتبہ ہیں اور 142 مریض صحت یاب ہو چکے ہیں۔

لاہور:ڈاکٹر سعید الٰہی نے میو ہسپتال کےعملےکےلئے 200 حفاظتی کٹس پیش کیں،اطلاعات کے مطابق سابق مشیر صحت اور سابق چیئرمین ہلال حمر پاکستان ڈاکٹر سعید الٰہی نے میو ہسپتال کا دورہ کیا اور ہسپتال میں کام کرنے والے عملہ کے لئے 200 حفاظتی کٹس بطور تحفہ پیش کیں۔

ذرائع کےمطابق اس موقع پر ینگ ڈاکٹرز ایسوسی ایشن، پیرا میڈیکل سٹاف اور نرسز کے رہنما موجود تھے۔ ہسپتال کے ایم ایس، اے ایم ایس اور دیگر انتظامی عملہ نے بھی شرکت کی اور ڈاکٹر سعید الٰہی کا خصوصی طور پر شکریہ ادا کیا۔ ڈاکٹر سعید الٰہی نے کہا کہ میو ہسپتال کے سٹاف نے گرانقدر خدمات سرانجام دی ہیں اور اپنی جان ہتھیلی پر رکھ کر کرونا وائرس سے متاثرہ مریضوں کی خدمت کی ہے۔

ذرائع کےمطابق کرونا وارڈ میو ہسپتال اور ایکسپو سنٹر کا سارا نظام عملہ اور خدمات بھی میو ہسپتال کے طبی عملہ کے حوالے کی گئی ہیں۔ جو انہوں نے بطریق احسن نبھائی ہیں۔ تقریباً 400 کرونا مریضوں کی بے مثال خدمت اور علاج کیا گیا ہے اور اللہ کا شکر ہے کہ 400 مریضوں کے علاج کے باوجود کسی طبی عملہ کے ممبر یا رکن کو کرونا ٹیسٹ پازیٹو نہیں ہوا۔

ڈاکٹرسعید الٰہی کا یہ کہنا تھا کہ یہ اللہ کا ایک عظیم کرم ہے اور انتظامیہ کی محنت اور عملہ کی خدمت کا جیتا جاگتا ثبوت ہے۔ ڈاکٹر سعید الٰہی نے حکومت سے مطالبہ کیا کہ پنجاب میں کرونا وائرس کی تباہ کاریوں کو سنجیدگی سے لیا جائے اور عالمی ادارہ صحت کی ہدایات پر سختی سے عمل درآمد کیا جائے۔

اسلام آباد:سستی روٹی کےبعد اب سستے تندور،پیپلزپارٹی کا اعلان ،اطلاعات کےمطابق پاکستان پیپلز پارٹی نےملک بھر میں سستے تندور کھولنے کا بڑا فیصلہ کیا ہے،یہ بھی کہا گیا ہے کہ یہ فیصلہ چیرمین بلاول بھٹو کی ہدایات کے مطابق نیر بخاری کی پارٹی رہنماوں سے مشاورت سے کیا گیا ہے

پاکستان پیپلزپارٹی کا کہنا ہےکہ بڑی تعداد میں مخیرحضرات نے نیر بخاری کو بھرپور تعاون کی یقین دہانی کرائی ہے ،

نیر بخاری کا کہنا ہےکہ اسلام آباد کے بعد ملک بھر میں سستے تندور کھولیں جائیں ، یہ بھی کہا گیا ہےکہ دسترخوان پر لوگوں کو سستی روٹی اور سالن فراہم کیا جائیگا،ان کا یہ بھی کہنا ہےکہ کرونا وباء کے باعث سفید پوش لوگوں کو بھی شدید مشکلات کا سامنا ہے

نیر بخاری کہتے ہیں‌کہ لوگوں کو سستا کھانہ فراہم کرنے کے لئے ملک بھر میں دسترخوان کھولے جائیں ،پیپلز پارٹی کی شہری ضلحی ڈویژنل تنظیمیں زیادہ سے "عوامی تندور "کھول کر شہریوں کی مدد کریں

اسلام آباد:سیکرٹری جنرل اقوام متحدہ کرونا وائرس پرتحقیقاتی کمیشن بنائیں ، سینیٹررحمان ملک نے خط لکھ دیا ،باغی ٹی وی کےمطابق پاکستان پیپلزپارٹی کے مرکزی رہنما سینیٹر رحمان ملک کا بِل گیٹس سے جنرل سیکرٹری اقوام متحدہ پر کورونا وائرس پر تحقیقاتی کمیشن بنانے پر زور دینے کا مطالبہ کیا ہے

سینیٹررحمان ملک نے اپنے خط میں لکھا ہے کہ بِل گیٹس اپنا اثر رسوخ استعمال کرکے اقوام متحدہ کے جنرل سیکرٹری سے کورونا وائرس پر تحقیقاتی کمیشن بنوائے،انہوں نے کہاہے کہ اقوام متحدہ تحقیقاتی کمیشن معلوم کرے کہ کورونا وائرس قدرتی ہے یا بطور حیاتیاتی ہتھیار تیار کیا گیا ہے،

سینیٹررحمان ملک نے کہا ہے کہ بِل گیٹس نے 2015 سے کئی مواقع پر موجودہ وبائی مرض کورونا وائرس کی پیشنگوئیاں کئے تھے، کرونا وائرس سے متعلق سازشی تھیرویوں کے متعلق سینیٹر رحمان ملک و فیصل کریم کنڈی نے مشترکہ پریس کانفرنس کی

سینیٹررحمان ملک نے کہا ہےکہ بِل گیٹس نے بارہا حیاتیاتی دھشتگردی اور ہتھیار کے استعمال کی خدشات کا اظہار کیا تھا،بِل گیٹس نے کہا تھا کہ حیاتیاتی دھشتگردی سے چھ ماہ کے اندر لاکھوں لوگ ہلاک ہوسکتے ہیں، انہوں نے کہا کہ بِل گیٹس نے واضح کہا تھا کہ آنے والے وقت میں کروڑ سے زیادہ افراد کی ہلاکت جنگ کے بجائے وائرس سے ہوگی،

سینیٹر رحمان ملک نے کہا کہ بدقسمتی سے بین الاقوامی برادری و تنظیموں نے بل گیٹس کے حیاتیاتی دھشتگردی کے متعلق خدشات پر توجہ نہیں دی، دہشت گرد گروہ یا کوئی ریاست جینیٹک انجنیئرنگ کے ذریعے وائرسوں کو بطور دھشتگردی ہتھیار استعمال کرسکتے ہیں،کورونا وائرس کوویڈ ۔19 کے متعلق مختلف دعوے ، قیاس آرائیاں ، متنازع نظریات جنم لے چکے ہیں،

سینیٹر رحمان ملک نے کہا کہ دنیا بھر میں خوف و ہراس پایا جاتا ہے کہ کورونا وائرس کہیں بطور دھشتگردی ہتھیار تیار تو نہیں کیا گیا ہے،امید ہے بل گیٹس اپنا اثررسوخ استعمال کرتے ہوئے اقوام متحدہ سے کوویڈ۔19 پر تحقیقاتی کمیشن بنانے میں کامیاب ہونگے، کوویڈ ۔18 کی تحقیقیات سے حیاتیاتی ہتھیار و دھشتگردی کے متعلق خدشات کا خاتمہ ہو جائیگا،

پاکستان پیپلز پارٹی کے مرکزی رہنما اورسینیٹر رحمان نے کہا کہ وزیراعظم عمران خان سے اپیل ہے کہ الزام تراشی کی سیاست بند کا خاتمہ کرے،یہ وقت الزام تراشی کا نہیں بلکہ قومی یکجہتی کا ہے تاکہ ملک سے وبا کا خاتمہ ہو، اگر الزام تراشی کی سیاست سے باز نہیں آرہے تو مجھ سے زیادہ گولے کسی کے پاس نہیں، فیصل کنڈی نے کہا کہ ہمیں اپنے چئیرمین بلاول بھٹو زرداری نے الزام تراشی سے منع کیا ہے

فیصل کریم کنڈی نے کہا کہ ہم نہیں چاہتے کہ اس مشکل وقت میں ہم ایکدوسرے پر الزام تراشی کرتے رہے،انہوں نے مزید کہا کہ اگلے ہفتے ہزاروں پاکستانی افغانستان سے پاکستان داخل ہونگے،حکومت سے اپیل ہے کہ جو افغانستان سے پاکستان میں داخل ہو سب کے ٹیسٹ ہو، فیصل کنڈی نے مزید کہا کہ سینیٹر رحمان ملک کی خدمات بہت زیادہ اور قابل تعریف ہیں

لاہور:تفصیلات کے مطابق صوبائی دارالحکومت لاہور میں وزیراعلیٰ پنجاب عثمان بزدار کی زیرصدارت رمضان پیکج پر اجلاس ہوا جس میں پنجاب حکومت نے کرونا کے پیش نظر رمضان بازار نہ لگانے کا فیصلہ کیا۔

وزیراعلیٰ پنجاب نے رمضان میں عوام کو براہ راست ریلیف کی منظوری دیتے ہوئے کہا کہ عوام کو براہ راست کیش رقم ادا کی جائے گی۔سردار عثمان بزدار نے رقم کی شفاف تقسیم کا نظام وضع کرنے کی ہدایت کرتے ہوئے کہا کہ عوام کو ہر ممکن ریلیف دیا جائے گا۔

 

عقائد کی بنیاد پر کورونا مریضوں کے الگ وارڈز کا انکشاف،دنیا کی سخت تنقید

 

امریکہ اورچین کےدرمیان سرد جنگ جاری ،چین میں کرونا سے 2 کروڑہلاکتیں،امریکہ کا…

 

کورونا کی وجہ سے جب لوگ مرنے لگے توساحل پر مگر مچھوں نے ڈیرہ جمالیا

 

ملک میں کورونا سے مزید 10 اموات، ہلاکتیں 117 ہوگئیں، مجموعی کیسز 6300 تک جا پہنچے

 

رومان رئیس کا لاک ڈاؤن سے متاثرہ افراد کیلئے کرکٹ کا سامان نیلام کرنے کا اعلان

 

ٹھٹھہ میں کورونا کے پہلے کیس کی تصدیق، پورا گاؤں سیل کردیا گیا

‌

یاد رہے کہ گزشتہ ہفتے لاہور میں وزیراعلیٰ پنجاب عثمان بزدار کی زیرصدارت خصوصی کمیٹی کا اجلاس ہوا جس میں صوبے میں کرونا وبا کی صورتحال،حفاظتی اقدامات کا جائزہ لیاگیا تھا۔سردار عثمان بزدار کی زیرصدارت اجلاس میں فیصلہ کیا گیا تھا کہ صوبے میں دفعہ 144 کی خلاف ورزی برداشت نہیں کی جائے گی۔