راولپنڈی پولیس نےسرچ آپریشن کے دوران گاڑی سے اسلحہ برآمد کر لیا
باغی ٹی وی کی رپورٹ کے مطابق راولپنڈی پولیس نے سرچ آپریشن کے دوران گاڑی سے اسلحہ برآمد کر لیا،پولیس کے مطابق راولپنڈی کے علاقے گلشن آباد کے قریب سرچ آپریشن جاری تھا ناکے پر ایک گاڑی کو روکا گیا جس سے ایک کلاشنکوف، مشین گن، چار پستول اور ہزاروں گولیاں برآمد ہوئیں
پولیس نے کار میں سوار دو افراد کو گرفتار کر لیا، گاڑی بھی تحویل میں لے لی اور تھانے منتقل کر دی، ملزمان سے تحقیقات کی جائےگی کہ وہ اسلحہ کس کا ہے اور کہاں لے کر جا رہے تھے
قصور
تھانہ صدر پتوکی پولیس کی کاروائی 70 کلو سے زائد افیون اور چرس برآمد
تفصیلات کے مطابق تھانہ پتوکی صدر کی گاڑی معمول کے گشت پر تھی کہ ڈھولن چک نمبر 27 کے قریب سفید رنگ کی اسلام آباد نمبر کی کار ZB 580 کو رکنے کا اشارہ کیا مگر کار سواروں نے گاڑی دوڑا دی جس کا پولیس نے پیچھا کیا مگر ملزمان رش کا فائدہ اٹھا کر اپنی گاڑی چھوڑ کر فرار ہوگئے
پولیس نے گاڑی قبضہ میں لے کر تلاشی لی تو گاڑی کے خفیہ خانوں سے ستر کلو سے زاہد چرس و افیون برآمد ہوئی
پولیس نے نامعلوم ملزمان کے خلاف مقدمہ درج کر لیا
راجن پور:ظالم باپ پر وحشت طاری یا ماں ، بہن اور بیٹی کی عزت پیاری ، اطلاعات کے مطابق پنجاب کے ضلع راجن پور کے علاقے بستی بسم اللہ میں بد بخت سوتیلے باپ نے کم سن بیٹی سے زبردستی شادی کر لی۔
تفصیلات کے مطابق سوتلی بیٹی حنا تحفظ کے لیے تھانہ سٹی پہنچ گئی، پولیس نے سوتیلے باپ کے خلاف مقدمہ درج کر لیا۔پولیس کا کہنا ہے کہ حنا کی ماں نے اشرف سے دوسری شادی کی تھی، سوتیلی بیٹی سے شادی کرنے والے ملزم کو گرفتار کر لیا گیا ہے۔
گوجرانولہ:اجرت کیوں مانگتے ہو! گوجرانوالا میں ایک آرا مشین مالک نے مزدور کا ہاتھ ہی کاٹ دیا ، اطلاعات کےمطابق سی پی او گوجرانوالہ نے اب تک کی خبر پر ایکشن لیتے ہوئے آرا مشین کے مالک کو گرفتار کرلیا ہے۔
پولیس ذرائع کے مطابق اب تک نے گوجرانوالہ کے نواحی علاقے میں اجرت مانگنے پر پندرہ سالہ احتشام کے ہاتھ کاٹنے کی خبر نشر کی تھی، جس پر سٹی پولیس آفیسر نے معاملے کا نوٹس لیا پولیس نے سی پی او کے حکم پر ملزم حسین کو گرفتار کر کے کارروائی شروع کر دی ہے،پولیس کا کہنا ہے ملزم کے خلاف جلد ہی مقدمہ درج کر لیا جائے گا۔
لاہور : پسند کی شادی سے پہلے زندگی بھر ساتھ جینے مرنے کی قسمیں کھانے والی خاتون نے گھریلو جھگڑے سے دلبرداشتہ ہوکر خودکشی کر لی۔ ورثا کا پوسٹمارٹم کروانے سے انکار کردیا،
پولیس حکام کے مطابق کوٹ لکھپت کی سونیا نے کچھ عرصہ قبل ارشد نامی شخص سے پسند کی شادی کی مگر گھریلو ناچاکی سے دلبرداشتہ ہو کر زندگی کا خاتمہ کر لیا۔ کوٹ لکھپت شبنم کالونی کے رہائشی سونیا کے خاوند ارشد کا کہنا تھا کہ اس نے پہلی بیوی کو طلاق دے کر سونیا سے شادی کی تھی۔
دوسری طرف سونیا کے بھائی کا کہنا تھا کہ گزشتہ رات بھی سونیا کے ساتھ اس کے خاوند ارشد کا جھگڑا ہوا جس کی وجہ سے سونیا نے خود کو کمرے میں بند کر لیا۔ جب دروازہ توڑا گیا تو سامنے سونیا کی لاش پنکھے سے لٹک رہی تھی۔
شیخوپورہ (نمائندہ باغی ٹی وی) سرگودھا روڑ
پر ماچھیکے کے نزدیک تیز رفتار موٹر سائیکل ٹرک کے ساتھ ٹکرا گئی-
حادثے میں موٹر سائیکل پر سوار بھائی، بہن شدید زخمی ہو گئے –
ریسکیو 1122 شیخوپورہ کی امدادی ٹیم نے موقع پر پہنچ کر زخمیوں کو طبی امداد دینے کے بعد فورا” ڈسٹرکٹ ہیڈ کوارٹر ہسپتال شیخوپورہ منتقل کر دیا جہاں پر دونوں بہن بھائی زخموں کی تاب نہ لاتے ہوتے ہوئے دم توڑ گئے-
موٹر سائیکل پر سوار حیدر علی ولد اصغر علی اور رابعہ دختر اصغر علی فاروق آباد کی طرف جا رہے تھے کہ اچانک موٹر سائیکل کا اگلا ویل اور ہینڈل کھلنے سے موٹر سائیکل ٹرک کے ساتھ ٹکرا گئی جس سے موٹر سائیکل سوار شدید زخمی ہو گئے- ریسکیو اہلکاروں نے زخمیوں کو فورا” ہسپتال منتقل کر دیا جہاں پر وہ دم توڑ گئے
قصور الہ آباد
لیسکو ٹاسک فورس کا بجلی چوروں کے خلاف آپریشن درجنوں بجلی چور رنگے ہاتھوں گرفتار
تھانہ الہ آباد میں بجلی چوروں کے خلاف مقدمات درج کر لئے گئے
تفصیلات کے مطابق الہ آباد، تلونڈی،پکھوکی،ججل،بھیڑ سوہڈیاں،کوٹ سردار فیض گنجہ،دیو کھارا،فارو ق آباد و دیگر علاقوں میں لیسکو ٹاسک فورس نے ایس ڈی اوز محمد طارق اور عبدالرشید وٹو کی سربراہی میں بجلی چوروں کے خلاف سخت آپریشن کیا جس کے دوران درجنوں بجلی چور رنگے ہاتھوں بجلی چوری کرتے موقع پر ہی دھر لئے گئے نائٹ چیکنگ کے دوران صارفین کی بڑی تعداد بجلی چوری کرتی پائی گئی جنکے خلاف مقامی تھانے میں مقدمات درج کر لئے گئے اور انہیں ڈی بل کی صورت میں ہزاروں یونٹ ڈال دیے گئے ہیں
ایس ڈی اوز نے میڈیاسے گفتگو کرتے ہوئے کہا ایس ای قصور ناصر ایاز گورمانی کی ہدایت پر آخری بجلی چور کے پکڑے جانے تک یہ آپریشن دن رات جاری رہے گا
قصور
ڈاکوؤں کی گرفتاری ایس ایچ او الہ آباد ملک محمد طارق اعوان کی بہت بڑی کامیابی
تفصیلات کے مطابق ایس ایچ او تھانہ الہ آباد نے خطرناک ڈاکو گرفتار کر لئے چونکہ امن وامان کو قائم کرنا پولیس کی ذمہ داری ہے اچھے آفیسر کی کارکردگی پر عوام مطمئن ہو جاتی ہے بصورت دیگر عوام کا غم وغصہ پولیس رویہ کے ہوتا ہے
ان خیالات کا اظہار سابقہ ممبر ضلع کونسل حاجی محمد اسماعیل نے صحافیوں سے گفتگو کرتے ہوئے کیا انہوں نے کہا کہ پنجاب پولیس کا کلچر تشدد، رشوث خوری، اور اختیارات کا ناجائز استعمال جیسے جرائم کی وجہ سے عوام پولیس سے بدظن ہوچکی ہے لیکن محکمہ میں اچھے لوگ بھی موجود ہیں گزشتہ روز الہ آباد پولیس نے عوام کے ساتھ مل کر تاجر کے ساتھ ڈکیتی کرنے والے ملزمان کو تعاقب کر کے فوری طور پر پکڑ لیا جو کہ بہت خوش آئند بات ہے SHO الہ آباد دیگر پولیس ملازمین کے ساتھ ساتھ ببر کھائی کے نوجوان بھی خراجِ تحسین کے لائق ہیں جنہوں نے مسلح ڈاکوؤں کو قابو کر کے عوام کا حوصلہ بلند کیا حاجی محمد اسماعیل نے SHO ملک محمد طارق اعوان،دیگر ملازمین اور سول سوسائٹی کے نوجوانوں کا شکریہ ادا کیا ہے اور ڈی پی او قصور سے مطالبہ کیا ہے کہ ہم عوام ان کی حوصلہ افزائی کرتے ہیں محکمانہ طور پر بھی ان کے لئے انعامات کا اعلان کیا جائے
قصور کا ڈی ایچ کیو ہسپتال ملازمین کے قبضے میں
تفصیلات کے مطابق قصور ڈی ایچ کیو ہسپتال کے ایکسرے وارڈ میں بیٹھے سرکاری ملازمین نے محمد طفیل منڈی عثمان والا کے رہائشی سے منیر اور عاطف ملازمین ہسپتال نے MLC رپورٹ دینے کیلئے مبلغ 92 ہزار رقم وصول کی اور اسی طرح احسان علی جو کہ رحمان ٹاؤن کا رہائشی ہے نے بتایا کہ منیر ایکسرے انچارج اور عاطف نے مجھ سے MLC رپورٹ کیلئے 20 ہزار روپے مانگے جس کی رپورٹ میں نے میڈیا نمائندگان کو کی جب میڈیا کی ٹیم ایکسرے ڈیپارٹمنٹ میں پہنچہی تو منیر ایکسرے انچارج اور اس کے بیٹے نے میڈیا کا کیمرہ چھیننے کی کوشش کی ایکسرے ٹیکنیشن منیر احمد نے اپنے بیٹے عاطف اور رشتہ دار علی نامی نوجوان کو سرکاری ہسپتال میں پرائیویٹ طور پر افسران کی ملی بھگت سے رکھوا رکھا ہے جو کہ غیر قانونی طور پر ہسپتال میں سرکاری ملازم بن بیٹھے ہیں جن کو پوچھنے والا کوئی نہیں ہے ذرائع کے مطابق سرکاری ہسپتال میں ایکسرے فیس 60 روپے کے قریب ہے جب کہ سرکاری فیس کی مد میں ایکسرے فیس 250 روپے کے قریب وصول کی جاتی ہے مریضوں کو جعلی ایکسرے رپورٹ بنانے کی فیس 20 ہزار سے 1 لاکھ روپے تک وصول کی جاتی ہے جس سے ایکسرے ٹیکنیشن لاکھوں روپے کی دیہاڑیاں لگا کر اربوں کی جائیداد بنانے کے ساتھ ساتھ لگژری لائف سٹائل میں مصروف ہے اس ہسپتال میں آئے مریضوں کے لواحقین اور قصور کی سماجی تنظیموں کی جانب سے کہا گیا ہے کہ ڈی سی قصور اور ای ڈی او ہیلتھ ایکسرے ٹیکنیشن منیر احمد کے خلاف کرپشن کرنے پر سخت سے سخت کاروائی کریں آمدن سے زیادہ اثاثہ جات رکھنے اور لاکھوں روپے روزانہ کی کرپشن کرنے کے جرم میں ایکسرے ٹیکنیشن کے خلاف قانونی کاروائی عمل میں لائی جائے تاکہ لوگوں کو سرکاری ہسپتال سے ریلیف مل سکے
قصور
کوٹ رادہاکشن میں نجی موبائل کمپنی کے دفتر پر ڈاکہ
تفصیلات کے مطابق کوٹ رادہاکشن میں کل دن ایک بجے اعظم پلازہ میں ٹیلی نار فرنچائز پر دن دیہاڑے تین نامعلوم افراد نے فرنچائز میں داخل ہوتے ہی فائرنگ شروع کر دی فائرنگ کی زد میں آکر عبدالغفار نامی سیل مین گولی لگنے سے زخمی ہو گیا
واردات سے اعظم پلازہ میں بھگدڑ مچ گئی ڈاکوءوں نے تقریبا چار لاکھ روپے نقدی لوٹی اور نکل جانے میں کامیاب ہو گئے زخمی عبدالغفار کو ٹی ایچ کیو ہسپتال لیجایا گیا جہاں اسے لاھور ریفر کر دیا گیا
آئے روز کی ڈکیتیوں کی وجہ سے شہر میں شدید خوف وہراس پھیل گیا ہے شہریوں نے اعلی حکام سے امن و امان کو بحال رکھنے کی اپیل کی ہے