Category: جرائم و حادثات

لاہور، گرین ٹاؤن کے علاقہ میں ہاؤس رابری کی واردات میں قریبی رشتہ دار ہی ماسٹر مائنڈ نکلی۔

تفصیلات کے مطابق پولیس نے 15 پر موصول ہاؤس رابری کال پر فوری مقدمہ درج کرتے ہوئے تفتیش کا آغاز کیا۔ دورانِ تفتیش متاثرہ خاتون کے قریبی رشتہ دار کا رویہ مشکوک پایا گیا۔ دورانِ انکوائری متاثرہ خاتون کی نند انعم شہزادی واردات کی ماسٹر مائنڈ ثابت ہوئی۔ ملزمہ نے اپنے ساتھیوں کو بلا کر خود اپنے بھائی کے گھر رابری کروائی۔ملزمہ کی نشاندہی پر واردات میں ملوث دونوں ملزمان کو ٹریس کر کے گرفتار کر لیا گیا۔گرفتار ملزمان میں انعم شہزادی، اشرف علی اور قاسم علی شامل ہیں۔ ترجمان ڈی آئی جی آپریشنز کے مطابق 8 گھنٹے کے قلیل وقت میں مقدمہ کو حل کیا گیا۔ ملزمان سے واردات میں لوٹا جانے والا سامان بھی برآمد کیا جا چکااورواردات میں استعمال ہونے والا اسلحہ بھی برآمد کر لیا گیا۔ملزمان کو مزید تفتیش اور قانونی کاروائی کیلئے انویسٹی گیشن ونگ کے حوالے کر دیا گیا۔ ڈی آئی جی آپریشنز فیصل کامران نے بروقت کارروائی پر پولیس ٹیم کو شاباش دی۔

لاہور میں محکمہ انسداد دہشت گردی نے ایک کارروائی کے دوران کالعدم تنظیم القاعدہ سے مبینہ تعلق رکھنے والے شخص کو گرفتار کر لیا، جبکہ اس کے قبضے سے بین شدہ کتب اور دیگر مواد بھی برآمد کر لیا گیا۔

پولیس ذرائع کے مطابق یہ کارروائی 27 اپریل 2026 کی صبح تھانہ سی ٹی ڈی لاہور کی حدود میں کی گئی۔ ابتدائی اطلاعی رپورٹ کے مطابق سی ٹی ڈی اہلکار معمول کی گشت اور اشتہاری ملزمان کی تلاش میں مصروف تھے کہ اس دوران ایک خفیہ اطلاع موصول ہوئی۔ اطلاع میں بتایا گیا کہ مزنگ کے علاقے میں واقع مسجد حنفیہ خوشید مغل سرائے کے قریب ایک مشتبہ شخص کالعدم تنظیم القاعدہ کے لیے لوگوں کو اکسانے اور ممنوعہ لٹریچر تقسیم کرنے میں مصروف ہے۔اطلاع کو مصدقہ جانتے ہوئے پولیس ٹیم نے فوری طور پر چھاپہ مار کارروائی کی۔ کارروائی کے دوران ایک ملزم محمد سعد بن ریاض ولد محمد ریاض سکنہ بہاولپور کو موقع سے گرفتار کر لیا گیا۔ تلاشی کے دوران ملزم کے قبضے سے پانچ عدد بین شدہ کتب، ایک مبینہ ممبرشپ کارڈ اور نقدی برآمد ہوئی۔ جامہ تلاشی کے دوران ملزم سے بین شدہ کتابیں” شہید اسامہ صحرا سے سمندر تک ” برآمد ہوئیں اور مذکورہ کے ٹراؤزر کی دائیں سائیڈ والی جیب سے القاعدہ کا ممبر شپ کارڈ برآمد ہوا، پولیس کا کہنا ہے کہ برآمد ہونے والے مواد کو قبضے میں لے کر قانونی تقاضے پورے کرتے ہوئے شواہد کو سیل کر دیا گیا ہے۔ ملزم کے خلاف انسداد دہشت گردی ایکٹ 1997 کی متعلقہ دفعات کے تحت مقدمہ درج کر لیا گیا ہے۔حکام کے مطابق ملزم سے مزید تفتیش جاری ہے اور اس کے ممکنہ سہولت کاروں اور نیٹ ورک کے بارے میں بھی تحقیقات کی جا رہی ہیں۔ پولیس کا کہنا ہے کہ شہر میں کسی بھی قسم کی شدت پسندی یا غیر قانونی سرگرمیوں کے خلاف بلا امتیاز کارروائیاں جاری رہیں گی۔

تھانہ ٹیکسلا کی حدود میں ایک افسوسناک واقعہ سامنے آیا ہے جہاں ایک مدرسے کے 14 سالہ طالب علم کو مبینہ طور پر زیادتی کا نشانہ بنایا گیا ہے۔ پولیس نے طالب علم کے والد کی مدعیت میں مقدمہ درج کر کے کارروائی کا آغاز کر دیا ہے۔

ایف آئی آر کے مطابق مدعی جاوید خان نے پولیس کو بیان دیا کہ ان کا 14 سالہ بیٹا، جو نویں جماعت کا طالب علم ہے، گوہڈ موڑ ٹیکسلا میں واقع ایک مدرسے میں حفظ قرآن کر رہا ہے۔ 28 اپریل 2026 کو شام کے وقت جب ان کا بیٹا مدرسے سے واپس گھر آیا تو اس کی حالت غیر تھی اور وہ کافی سہما ہوا تھا،طالب علم نے اپنے والدین کو بتایا کہ مدرسے کے استاد زین علی ولد ذوالفقار احمد نے اسے مدرسے کی چھت پر واقع کمرے میں لے جا کر زبردستی زیادتی کا نشانہ بنایا۔ متاثرہ بچے کے مطابق، ملزم نے اسے واقعے کے بارے میں کسی کو بتانے پر سنگین نتائج کی دھمکیاں بھی دیں۔

پنجاب بھر میں کرائم کنٹرول ڈیپارٹمنٹ (سی سی ڈی) کے مبینہ پولیس مقابلوں میں ایک بار پھر تیزی دیکھنے میں آئی ہے، جہاں مختلف شہروں میں ایک ہی روز کے دوران 5 مقابلوں میں مجموعی طور پر 11 ملزمان ہلاک ہوگئے۔

پولیس حکام کے مطابق لاہور کے مختلف علاقوں ڈیفنس، اقبال ٹاؤن اور چوہنگ میں ہونے والے مبینہ مقابلوں میں 6 ملزمان مارے گئے۔ پولیس کا کہنا ہے کہ ہلاک ہونے والے افراد سنگین جرائم میں مطلوب تھے اور کارروائیاں خفیہ اطلاعات کی بنیاد پر کی گئیں۔ادھر شیخوپورہ میں سی سی ڈی اور اشتہاری ملزمان کے درمیان فائرنگ کے تبادلے کے دوران 3 ملزمان ہلاک ہوگئے۔ پولیس کے مطابق یہ ملزمان بھی مختلف مقدمات میں مطلوب تھے اور انہیں گرفتاری کے لیے چھاپے کے دوران مقابلے کا سامنا کرنا پڑا۔اسی طرح ساہیوال میں بھی سی سی ڈی کے ساتھ مبینہ مقابلے میں 2 ڈاکو مارے گئے۔ پولیس حکام کا کہنا ہے کہ ہلاک ملزمان جرائم پیشہ سرگرمیوں میں ملوث تھے اور علاقے میں خوف و ہراس کی علامت بنے ہوئے تھے۔

تھانہ ٹاؤن شپ پولیس کی بروقت کارروائی، سنگین واردات میں ملوث ملزم گرفتار کر لیا گیا

بیوی کو زہریلا محلول پلا کر قتل کرنے والا بے رحم شوہر گرفتار کر لیا گیا، ملزم وقار رسول کو چند گھنٹوں میں گرفتار کر لیا گیا مقتولہ نادیہ رمضان کے بھائی کی مدعیت میں مقدمہ درج کیا گیا، ٹاؤن شپ پولیس نے فوری کارروائی کرتے ہوئے ملزم کو گرفتار کر لیا ملزم سے مزید تفتیش کا آغاز کیا گیا ہے، اہم شواہد اکٹھے کر لیے گئے قائم مقام ایس پی صدر عبداللہ عمران چیمہ کا کہنا ہے کہ مظلوم خاندان کو ہر صورت انصاف فراہم کیا جائے گا، قانون ہاتھ میں لینے والے کسی رعایت کے مستحق نہیں ،

2 افراد کی 12 سالہ بچے سے اجتماعی ذیادتی کا واقعہ کاہنہ پولیس نے ہیومن انٹیلی جنس سے 2 ملزمان کو گرفتار کر لیا، ملزمان 12 سالہ حسنین کو ورغلا کر مہلنوال کے علاقے میں لے گئے، ملزمان نے زبردست کھیتوں میں لیجا کر اجتماعی ذیادتی کا نشانہ بنایا ملزمان بچے کو گھر کے قریب چھوڑ کو فرار ہو گئے ، ایس ایچ او کاہنہ کا کہا ہے کہ گرفتار ملزمان میں عدنان اور عمران شامل ہیں ، ایس پی ماڈل ٹاؤن اسد علی کا کہنا ہے کہ بچوں کا استحصال کرنے والے کسی رعایت کے مستحق نہیں،

تھانہ جاتلی کے علاقے دیوی میں لرزہ خیز واردات:سنگدل ماموں کی فائرنگ سے 35 سالہ بھانجا جاں بحق، ملزم فرار
دیوی داتا میں جائیداد کی دشمنی نے رشتوں کا تقدس پامال کر دیا، بھانجے کے قتل پر پولیس کی کارروائی، ملزم کی تلاش جاری
گوجرخان (قمر شہزاد) تھانہ جاتلی کے علاقے دیوی داتا کی ڈھوک دھمیال میں زمین کے دیرینہ تنازعے نے ایک ہنستے بستے گھر کو ماتم کدہ بنا دیا۔ سگے ماموں نے جائیداد کی ہوس میں اپنے ہی بھانجے کو بے دردی سے قتل کر دیا۔ مقتول کی شناخت 35 سالہ راجہ گلبدین کے نام سے ہوئی ہے۔

بتایا گیا ہے کہ ملزم اظہر مسعود اور مقتول گلبدین کے درمیان عرصے سے زمین کا تنازعہ چل رہا تھا، جس پر کئی بار تلخ کلامی بھی ہوئی، تاہم گزشتہ روز یہ جھگڑا اس وقت خونی رنگ اختیار کر گیا جب ماموں نے طیش میں آکر فائرنگ کر کے اپنے بھانجے کو موت کے گھاٹ اتار دیا اور موقع سے فرار ہونے میں کامیاب ہو گیا۔ واقعے کی اطلاع ملتے ہی تھانہ جاتلی پولیس کی بھاری نفری جائے وقوعہ پر پہنچ گئی اور جائے وقوعہ سے اہم شواہد جمع کیے۔ ریسکیو 1122 کی امدادی ٹیم نے نعش کو پوسٹ مارٹم کے لیے تحصیل ہیڈ کوارٹر ہسپتال گوجرخان منتقل کیا۔ پولیس نے مقتول کے لواحقین کی مدعیت میں مقدمہ درج کر کے تفتیش کا آغاز کر دیا ہے۔ پولیس حکام کا کہنا ہے کہ ملزم کی گرفتاری کے لیے مختلف مقامات پر چھاپے مارے جا رہے ہیں اور اسے جلد قانون کے کٹہرے میں لایا جائے گا۔ اس لرزہ خیز واقعے کے بعد پورے علاقے میں خوف و ہراس اور سوگ کی فضا برقرار ہے۔