Category: جرائم و حادثات

گجرات (نمائندہ باغی ٹی وی ) ایس ایچ او تھانہ شاہین احسان اللہ کی بر وقت کاروائی کمسن بچے سے رقم چھین کر فرار ہونے والے شخص کو فوری گرفتار کر لیا۔16سالہ جلال الدین کو رقم سمیت بحفاظت والدین کے حوالے کر دیا۔
تفصیلات کے مطابق ایس ایچ او تھانہ شاہین جو کہ اپنی ٹیم کے ہمراہ علاقہ گشت میں مصروف تھے کہ کمسن بچے سے رقم چھین جانے کی اطلاع موصول ہوئی جس پر ایس ایچ او شاہین SIاحسان اللہ اپنی ٹیم کے ہمراہ فوری طور پر موقع پر پہنچے اور ملزم کو پیچھا کر کے اسے گرفتار کر لیا ملزم جمشید ولد خورشید ساکن ٹبی گوریاں کے قبضہ سے چھینی گئی رقم بھی برآمد کر لی گئی۔ ایس ایچ او تھانہ شاہین نے بچے کے والدین سے رابطہ کر کے بچے کو چھینی گئی رقم سمیت والدین کے حوالے کر دیا اس فوری ایکشن پر بچے کے والدین اور اہل علاقہ نے ایس ایچ او تھانہ شاہین SIاحسان اللہ اور انکی ٹیم کا شکریہ ادا کیا۔

گجرات (نمائندہ باغی ٹی وی) ڈی پی اوگجرات سید علی محسن کی زیر قیادت گجرات پولیس کا ضلع بھرمیں جرائم پیشہ عناصر کے خلاف آپریشن جاری، کھاریاں کے علاقہ میں اسلحہ کے زور پرڈکیتاں کرنے والا 4چار رکنی خطرناک ڈکیت گینگ اسلحہ سمیت گرفتار،مال مسروقہ برآمد
تفصیلات کے مطابق ڈی پی او گجرات سید علی محسن کی زیر قیادت گجرات پولیس کی کامیابیوں کا سلسلہ جاری۔SHO تھانہ صدر کھاریاں SIسرفراز انجم نے اپنی ٹیم کے ہمراہ کاروائی کرتے ہوئے کھاریاں میں اسلحہ کے زور پر دیہاتیوں سے مال مویشی چھیننے والے چار رکنی خطرناک ڈکیت گینگ کو اسلحہ سمیت گرفتار کر لیا۔گرفتار ہونے والے ملزمان میں 1۔اصغر علی ولد مختار شاہ سکنہ کوٹ قطب دین 2۔عثمان ولد محمد صادق سکنہ کوٹ قطب دین 3۔غفور حسین ولد ذاکر حسین سکنہ ضلع فیصل آباد 4۔حسن ظہیر ولد محمد علی سکنہ ضلع فیصل آباد شامل ہیں۔ملزمان کے قبضہ سے مال مسروقہ 3لاکھ 75ہزار روپے نقدی،موبائل فون اور وارداتوں میں استعمال ہونے والا اسلحہ 2عدد پسٹل 30بور بھی برآمد کر لیے گئے۔ملزمان سے تفتیش جاری ہے جس میں مزید انکشافات متوقع ہیں۔ ڈسٹرکٹ پولیس آفیسر سید علی محسن نے ڈکیت گینگ کو گرفتار کر کے مال مسروقہ برآمد کرنے والی ٹیم کو خصوصی شاباش دی اور تعریفیسرٹیفکیٹ سے نوازا۔