گجرات(نمائندہ باغی ٹی وی) اقتدار ختم مزے ختم، سابقہ چئیرمن بلدیہ جلالپور جٹاں کی شامت آ گئی ذرائع کے مطابق رات گئے واپڈا کے ملازمین کا سابقہ چئیرمین بلدیہ جلالپورجٹاں کے ڈیرے پر چھاپہ بجلی چوری کرتے پکڑے گئے ڈیرے پر چھاپہ مارنے کے بعد گھر پر چیک کیا تو وہاں بھی بجلی چوری کرتے پکڑے گئے۔ واپڈا ملازمین نے فرض شناسی کا مظاہرہ کرتے ہوئے میٹر اتارا تو ہاشم شاہ ،قاسم شاہ اور انکے ساتھیوں نے ملاذمین کو تشدد کا نشانہ بنایا اور اسلحہ کی نوک پر میٹر اور سامان چھین لیا۔ واپڈا ملازمین نے قانونی چارہ جوئی کا آغاز کر دیا ہے جبکہ سابق چئیرمن بلدیہ سے ان کا موقف لینے کے لیے بار بار کوشش کی گئی لیکن رابطہ ممکن نا ہو سکا۔
Category: جرائم و حادثات
مظفرگڑھ میں ذخیرہ اندوزوں سے 65ہزار من چینی برآمد
مظفرگڑھ میں پولیس اسپیشل برانچ نے مشترکہ کارروائی کرتے ہوئے غیر قانونی طور پر ذخیرہ کی گئی 65ہزار من چینی برآمد کرلی۔غیر قانونی گودام سے 2 ذخیرہ اندوز بھی گرفتار کرلیے گئے.مظفرگڑھ کی تحصیل کوٹ ادو کے علاقے دائرہ دین پناہ میں سپیشل برانچ اور پولیس نے مشترکہ کارروائی کرتے ہوئے ایک گودام میں غیرقانونی طور پر ذخیرہ کی گئی 65 ہزار من چینی برآمد کرلی،پولیس کیمطابق ذخیرہ اندوزوں اسلم اور مشتاق نے ناجائز منافع حاصل کرنے کے لیے چینی ذخیرہ کررکھی تھی.دونوں ذخیرہ اندوزوں کو گرفتار کرکے گودام سیل کردیاگیا۔پولیس کیمطابق ذخیرہ اندوزوں کیخلاف تھانہ دائرہ دین پناہ میں مقدمہ درج کرلیاگیا۔
حساس ادارے کا جعلی کرنل گرفتار
مظفرگڑھ میں پولیس اور حساس اداروں نے مشترکہ کارروائی کرتے ہوئے حساس ادارے کے جعلی کرنل بن کر شہریوں کو لوٹنے والے کو گرفتار کر لیا،ملزم جعلی کرنل بن کر سرکاری آفیسران اور دفاتر میں فون کرتا اور اپنے کام نکلواتاتھا.مظفرگڑھ شہر میں حساس ادارے اور پولیس نے مشترکہ کاروائی کرتے ہوئے فوج کے جعلی کرنل کو گرفتار کرلیا.پولیس کیمطابق گرفتار شخص عامر کرنل بن کر کمشنرز،ڈپٹی کمشنرز اور ڈی پی اوز سمیت مختلف سرکاری آفیسران اور ادارےکو کالز کرتا اور اپنے کام نکلواتا تھا. ایس ایچ او تھانہ سول لائن چوہدری جاوید اختر کے مطابق ملزم سے جعلی کارڈز اور ہزاروں روپے بھی برآمد کر لیے گئے ہیں. ایس ایچ او کے مطابق ملزم کے خلاف تھانہ سول لائن میں مقدمہ درج کیا جارہا ہے.
حافظ آباد رمضان ایکٹ کی کھلم کھلا خلاف ورزی ہونے لگی،مذہبی جماعتیں سراپا احتجاج،
حافظ آباد(نمائندہ باغی ٹی وی)رمضان المبارک کے دوران ضلعی انتظامیہ کی غفلت اور لا پرواہی کے باعث جگہ جگہ ہوٹل کھلنے سے رمضان ایکٹ کی کھلم کھلا خلاف ورزی ہونے لگی جس پر مذہبی جماعتیں سراپا احتجاج بن گئیں۔جمعیت اہل حدیث کے ضلعی امیر چودھری محمد عارف امیر اور فنانس سیکرٹری حاجی عبدالحمید رحمانی نے ضلعی انتظامیہ سے احتجاج کرتے ہوئے کہا ہے کہ شہر میں مختلف مقامات پر غیر قانونی کھانے پینے کے اسٹالزبے روزہ لوگ اور نشیؤں کی آماجگاہ بنے ہوئے ہیں جبکہ ہوٹل مالکان دن کے وقت رمضان المبارک ہونے کے باوجود سارا دن کھانے پینے کی چیزیں سر عام تیار کرتے ہوئے اور فروخت کرتے دکھائی دیتے ہیں۔رمضان المبارک میں مدہریانوالہ بائی پاس، علی چوک کسوکی بائی پاس، گھوڑا چوک،گوجرانوالہ روڈ سمیت دیگر جگہوں پر نہ صرف سر عام کھانے پینے کی چیزوں کی فروخت جاری ہے بلکہ عام دنوں کی نسبت مہنگے داموں فروخت کرکے خوب جیبیں بھری جا رہی ہیں۔اُنہوں نے کہا کہ ایک طرف حکومت پنجاب روزہ داروں کے ریلیف کے لیے اربوں روپے خرچ کر رہی ہے تو دوسری طرف انتظامیہ کی غفلت اور لا پرواہی کے باعث سارا دن کھانے پینے کی چیزیں فروخت کرکے ہوٹل مالکان لوگوں کی جیبیں خالی کروانے میں مگن ہیں۔اُنہوں نے وزیر اعلیٰ پنجاب عثمان بزدار، کمشنر گوجرانوالہ اور ڈی سی حافظ آباد نوید شہزاد مرزاسے مطالبہ کیا ہے کہ اسلامی جمہوریہ پاکستان کے شہر حافظ آباد میں رمضان ایکٹ پر عمل کروایا جائے اور خلاف ورزی کرنے والے ذمہ داران کیخلاف کاروائی عمل میں لائی جائے اور شہر بھر میں غیر قانونی ہوٹلوں کو فی الفور بند کیا جائے۔
لودھراں نوجوان کی لاش 5 ماہ بعد مل گئی
دنیاپور (نمائندہ باغی ٹی وی) نواحی گاؤں چک نمبر 235/ڈبلیو بی سے پانچ ماہ قبل لاپتہ ہونے والے نوجوان عمر فاروق کی مسخ شدہ نعش برآمد
تفصیلات کے مطابق پولیس نے دوملزمان گرفتار کر کے تفتیش شروع کردی تھی ملزمان کی نشاندہی پر سترہ سالہ عمر فاروق کی نعش برامد ہوئی نعش رورل سنٹر 231/ڈبلیو بی پہنچا دی گئی ہے انتہائی سستی کا مظاہرہ کرتے ہوئے پولیس تھانہ صدر دنیاپور نے بچے کے اغوا کا مقدمہ ہی درج نہیں کیا تھاجس پر بچے عمر فاروق کی والدہ کوثر بی بی ڈی پی او لودہراں کی کھلی کچہری میں بھی پیش ہوئی تھی ڈی پی او کے حکم پر پولیس تھانہ صدر نے جنوری میں اغوا کیے گے بچے کا مقدمہ چار ماہ بعد اپریل میں درج کیا پولیس کچھ عرصہ تک ملزمان کی گرفتاری میں بھی میں ٹال مٹول کرتی رہی تھی
روات میں لڑکی سے پولیس اہلکاروں کی زیادتی کا مقدمہ درج
ہاسٹل میں رہنے والی لڑکی کے ساتھ پولیس اہلکاروں کی مبینہ زیادتی پر مقدمہ درج کر کے تین اہلکاروں کو گرفتار کر لیا گیا
باغی ٹی وی کی رپورٹ کے مطابق راولپنڈی کے علاقہ روات میں ایک 22سالہ لڑکی کی جانب سے تھانہ روات میں پولیس اہلکاروں کے خلاف مقدمہ درج کروایا گیا جس میں کہا گیا کہ ان پولیس اہلکاروں نے میرے ساتھ زیادتی کی ہے،لڑکی نے پولیس کی دی گئی درخواست میں موقف اختیا کیا ہے کہ کالے شیشوں والی گاڑی میں سوار پولیس اہلکاروں نے اسے ہاسٹل جاتے ہوئے گاڑی روک کر اغوا کیا۔ اسے گاڑی میں رات بھر گھماتے رہے اور ویران جگہ پر گاڑی میں ہی مبینہ زبردستی زیادتی کرتے رہے۔ ملزمان نے 30 ہزار روپے اور طلائی زیورات بھی چھین لیے .روات پولیس نے متاثرہ لڑکی کے بیان پر چار اہلکاروں کے خلاف مقدمہ درج کرکے تفتیش کا آغاز کردیا ہے، راولپنڈی پولیس کے ترجمان کے مطابق 4ملزمان میں سے 3 پولیس اہلکاروں کو معطل کر کے گرفتار کیا گیا ہے. لڑکی سے زیادتی کرنے والے پولیس اہلکاروں کے نام نصیر، راشد منہاس اور عظیم جب کہ عامر ان کا ساتھی ہے .پولیس کے مطابق خاتون کا میڈیکل ٹیسٹ، ڈی این اے رپورٹ فرانزک لیبارٹری لاہور بھیج دی گئی ہے .
لاہور میں چھ سالہ جڑواں بہن بھائی کھیلتے ہوئے جاں بحق
صوبائی دارالحکومت لاہور میں گھر میں کھیلنے کے دوران دو کمسن بچے آٹے کی پیٹی میں جاں بحق ہو گئے
باغی ٹی وی کی رپورٹ کے مطابق صوبائی دارالحکومت لاہور کے علاقے ہنجروال میں افسوسناک واقعہ پیش آ یا ہے، ہنجروال میں گھر میں جڑواں بہن بھائی جس کی عمریں 6 برس تھیں آٹے کی پیٹی کے ساتھ کھیل رہے تھے کہ اس کا ڈھکن بند ہو گیا، جس کے بعد گھٹن کے باعث بچوں کی سانس بند ہوگئی، بچوں کے گھر میں نظر نہ آنے پر والدین پریشان ہو گئے اور تلاش کرنا شروع کر دیا، آٹے کی پیٹی کا ڈھکن کھولنے کے بعد بچوں کو وہاں سے نکالا گیا .اورفوری طبی امداد کے لئے جناح ہسپتال منتقل کیا لیکن دونوں بچے دم توڑ گئے
آر پی او سرگودھا کا اچانک تھانہ خوشاب کا دورہ
سرگودھا(نمائندہ باغی ٹی وی)آر پی او سرگودھا سید خرم علی شاہ نے ڈی پی او شعیب محمود کے ہمراہ تھانہ خوشاب کا اچانک دورہ کیا اس دوران انہہوں نے تھانے میں درج ہونے والی شکایات کی کارکردگی کا جائزہ لیا اور امن وامان کو یقینی بنانے کیلیے متعلقہ حکام کو ہدایات دیں اپنے بیان میں انہوں نے کہا کہ عوام کے جان و مال کی خفاظت کرنا پولیس کی اولین ترجیح ہے معاشرے میں موجود کالی بھیڑوں کی نشاندہی کر کے انہیں سخت سزا دی جا ئے گی حال ہی میں متعلقہ تھانے سے آئی جی پنجاب کے احکامات پر ایس ایچ او ثقلین شاہ کا تبادلہ کر کے لاہور پولیس لائن رپورٹ کرنے کو کہا گیا ہے
نوجوان کو تیل چھڑک کر آگ کیوں لگائی گئی اہم خبر سامنے آ گئی
گجرات(طار ق محمود سے)بہن کے اغواءکے مقدمہ کی پیروی کرنے پرملزمان نے نوجوان پرتیل چھڑک کرآگ لگادی، تفصیلات کے مطابق اکیس سالہ نوجوان سکندرعباس صادق آبادمیں جی ٹی روڈ پرجارہاتھاکہ ظفر،شان علی پسران عاشق علی،عامرولدمحمدنذیر،علی ولدمحمداشرف نے سکندرعباس پرمٹی کاتیل چھڑک کرآگ لگادی جس سے سکندرعباس جھلس گیا،جسے عزیزبھٹی شہیدہسپتال گجرات داخل کرادیاگیاہے، صدر پولیس لالہ موسیٰ نے مضروب سکندرعباس کے والدمحمدرفیع سکنہ منڈی بہاﺅالدین کی رپورٹ پر ظفر،شان علی پسران عاشق علی،عامرولد محمد نذیر ،علی ولدمحمداشرف ،گڈی زوجہ خوشی محمد،محمداشرف سکنہ منڈی بہاﺅالدین کیخلاف مقدمہ درج کرلیاہے،وجہ عنادیہ ہے کہ مدعی مقدمہ کی بیٹی کے اغواءکومقدمہ 2017میں ملزمان کیخلا ف تھانہ رحمانیہ میں درج ہواتھاجس کاملزمان کورنج تھا۔
وزیر اعلی پنجاب کامبینہ قریبی رشتہ دار سی ای اوایجوکیشن معلمات کو ہراساں کرنے لگا
مظفرگڑھ کاچیف ایگزیکٹوآفیسر ایجوکیشن فیاض احمدخان بزدار اپنے آپ کو وزیراعلی پنجاب سردارعثمان بزدار کا قریبی رشتہ دار بتا تا ہے۔
فیاض احمد خان بزدارنےاپنے عہدے اور وزیر اعلی پنجاب سے مبینہ رشتہ داری کو ڈھال بناکر ضلع مظفرگڑھ کے مختلف سرکاری سکولز میں پڑھانے والی معلمات کو جنسی ہراساں کرنا معمول بنا لیا ہے ۔ذرائع کے مطابق سی ای او ایجوکیشن مظفرگڑھ فیاض احمد بزادر خواتین اساتذہ کو حیلے بہانوں سے اپنے دفتر بلاکر نازیبا گفتگو کرتا ہے اور مزاحمت کرنے والی معلمات کو نوکری سے برخاست کرنے کی دھمکیوں کے ساتھ ساتھ محکمانہ کروائیاں کرکے تنگ کرتا ہے باعزت گھرانے کی خواتین خاموشی اختیار کرکے اس مبینہ بااثر جنسی بھڑیے کی انتقامی کاروائیاں سہنے پر مجبور ہیں۔
متاثرہ معلمات کے مطابق فیاض بزدار کی جانب سے انہیں وٹس ایپ پر فحش پیغامات بھی بھیجے گئے ہیں وہ اپنے خاندانی پس منظر کے باعث منظرعام پر آنے سے قاصر ہیں اگر سی ای او ایجوکیشن کے موبائل کا فرانزک تجزیہ کروایا جائے تو اس کے کالے کرتوت دنیا کے سامنے لائے جاسکتے ہیں۔ چیف ایگزیکٹو آفیسر ایجوکیشن فیاض بزدار کے کالے کرتوتوں کا راز فاش ہونے پر ضلع کے صحافتی ،تعلیمی ،ادبی و سماجی حلقوں نے تشویش کا اظہار کرتے ہوئے معاملے کی آزادانہ تحقیقات کا اور سی ای او ایجوکیشن کے موبائل کا فرانزک تجزیہ کرانے کا مطالبہ کیا ہے ساتھ ہی وزیراعلی سے مطالبہ کیاہے کہ وہ فیاض بزدار سے اپنے تعلق کے حوالے سے ابہام دور کریں کیونکہ فیاض بزدار نا صرف اپنے آپ کو عثمان بزدار کا قریبی رشتہ دار بیان کرتا بلکہ اس حوالے سے اس نے اپنے فیس بک اکاونٹ پر وزیراعلی کے ہمراہ کچھ تصاویر بھی لگا رکھی ہیں۔
فیاض بزدار کے خلاف راجن پور کی ایک خاتون سرکاری استانی کی درخواست بھی منظر عام پر آئی ہے جس میں انہوں نے فیاض بزدار پر جنسی ہراسگی کا الزام عائد کرتے ہوئے حکام سے اس کے خلاف کاروائی کا بھی مطالبہ کیا ہے خاتون استانی کی درخواست کے مطابق فیاض بزدار کے موبائل تجزیہ سے جنسی ہراسگی ثابت ہونے پر اس کا راجن پور سے لاہور ٹرانسفر بھی کیا گیا تھا تاہم یہ اپنی سیاسی طاقت کی بنا پر معاملہ کو دبا کر دوبارہ راجن پور میں بطور ڈسٹرکٹ ایجوکیشن آفیسر بنا کر آگیا۔
