گوادر میں پرل کانٹینینٹل ہوٹل کی عمارت پر حملہ، ایک سیکورٹی اہلکار شہید، مہمانوں کو بحفاظت نکال لیا گیا. ڈی جی آئی ایس پی آر کے کے پرسنل ٹویٹر اکاؤنٹ کے مطابق آپریشن ابھی جاری ہے، تاہم تمام مہمانوں کو بحفاظت نکال لیا گیا تھا، حملہ آوروں نے ہوٹل کے مین گیٹ پر سیکیورٹی اہلکاروں پر حملہ کر کے انٹری کی تھی جس میں ایک اہلکار کی شہادت ہو گئی. مزید انکا کہنا تھا اطلاعات کیلئے آفیشل سورسز کا انتظار کریں، سوشل میڈیا پر من گھڑت خبریں پھیلانے والے کی معلومات پر یقین نا کریں، ان میں سے کوئی بھی وہاں موجود نہیں ہے. درست معلومات کی رسائی کیلئے انتظار کریں.
Category: جرائم و حادثات
گجرات پولیس ان ایکشن، خاتون سے ڈیڑھ کو چرس برآمد
(گجرات (نمائندہ باغی ٹی وی ) ڈی پی اوسید علی محسن کی قیادت میں گجرات پولیس کی ضلع بھر میں جرائم پیشہ افراد کے خلاف کارروائیاں جاری
صدر لالہ موسیٰ پولیس نے دوران کارروائی ٹھیکریاں کی رہائشی بدنام زمانہ منشیات فروش صغریٰ کی بیٹی کومل کو رنگے ہاتھوں گرفتار کرکے ڈیڑھ کلو گرام چرس اور 1500روپے وٹک برآمد کرلی
تفصیلات کے مطابق ڈی پی او سید علی محسن کی زیر قیادت گجرات پولیس کی ضلع بھر میں جرائم پیشہ افراد کے خلاف کارروائیاں جاری ہیں۔جس میں ڈی ایس پی لالہ موسیٰ سرکل ریاض الحق کی زیر نگرانی ایس ایچ او تھانہ صدرلالہ موسیٰ انسپکٹرطارق شفیع نے پولیس ٹیم کے ہمراہ کریک ڈاؤن کرکے ٹھیکریاں کی رہائشی بدنام زمانہ منشیات فروش صغریٰ کی بیٹی کومل دختر خضر حیات کو رنگے ہاتھوں گرفتار کرکے اس کے قبضہ سے 1560گرام چرس اور رقم وٹک 1500روپے برآمد کرکے مقدمہ درج کرلیا۔اس کے علاوہ جی ٹی روڈ علی چک کے قریب ملزم ذیشان ولد مظہر اقبال سکنہ وہند کو غیر قانونی کھل عام پٹرول و ڈیزل فروخت کرتے ہوئے گرفتار کرلیا۔ملزم کے قبضہ سے کھلا پٹرول و ڈیزل قبضہ پولیس میں لے کر مقدمہ درج کرلیا گیا۔
آسمانی بجلی گرنے سے ایک شخص جاں بحق
سرگودھا(نمائندہ باغی ٹی وی) سرگودھا کے نواحی گاؤں چک نمبر 160 شمالی میں آج صبح گرج چمک کے ساتھ ہونے والی بارش کے دوران اخلاق خان ولد احمد یار خان بلوچ آسمانی بجلی گرنے سے جاں بحق ہو گیا اخلاق خان اس وقت گھر کے باہر معمول کے کام کاج میں مصروف تھا کہ اچانک آسمانی بجلی اس پر آن گری اور وہ موقع پر ہی جان سے ہاتھ دھو بیٹھا.
سرگودھاپولیس کا فلیگ مارچ
سرگودہا(نمائندہ باغی ٹی وی )رمضان المبارک کے سلسلہ میں ڈی پی او حسن مشتاق سکھیرا کی زیر قیادت پولیس نے سٹی ایریا میں فلیگ مارچ کیا۔جو کہ ذکاء اللہ شہید پولیس لائن سے شروع ہوکرشہر کے مختلف راستوں ISIچوک، آزادی چوک، اوور ہیڈ برج، رمضان بازار، شاہین چوک، جامع مسجد حامد علی شاہ،پنجاب ہوٹل چوک، گول چوک، فیصل بازار،بلاک 12سرگودہا،امام بارگاہ بلاک19، شربت چوک، کلیار ہوٹل چوک، سٹی روڈ، خوشاب روڈ، خیام چوک سے پولیس لائن سرگودھا پہنچ کر اختتام پذیر ہوا۔جس میں ایس پی انوسٹی گیشن محمد امتیاز محمود، ڈی ایس پی سٹی سرکل خالد حسین تارڑ،ڈی ایس پی انوسٹی گیشن محمد تنویر ، ڈی ایس پی ٹریفک مقصود لون، سٹی سرکل کے ایس ایچ اوز، سٹی ایریا محافظ اسکواڈ،ایلیٹ فورس اورٹریفک پولیس کے افسران نے شرکت کی۔اس موقع پر صحافیوں سے گفتگو کرتے ہوئے ڈی پی او سرگودہانے کہا کہ رمضان المبارک ایک انتہائی مقدس اسلامی مہینہ ہے رمضان کے دوران امن وامان کا قیام محکمہ پولیس ودیگر قانون نافذ کرنے والے اداروں کی اولین ذمہ داری ہے۔سرگودہا پولیس سماج دشمن عناصر کے خلاف ہمہ وقت تیار ہے۔انہوں نے مزید کہا کہ اس فلیگ مارچ کا مقصد عوام کے اندر احساس تحفظ پیدا کرنا ہے۔عوام کو بھی چاہیے کہ جرائم پیشہ افراد پر کڑی نظر رکھیں اور پولیس کے ساتھ تعاون کریں۔ پولیس عوام ملکر ہی پرامن معاشرہ تشکیل دے سکتے ہیں۔
ریجنل پولیس آفیسرڈیرہ غازی خان کا اچانک مظفرگڑھ کا دورہ
ریجنل پولیس آفیسر ڈیرہ غازیخان محمد عمر شیخ نےرات گئے تھانہ سٹی مظفرگڑھ کا دورہ کیا۔آر پی او ڈیرہ غازی خان نے تھانہ سٹی میں فرنٹ ڈیسک پر جرائم کی صورتحال اور ریکارڈ کی جانچ پڑتال کی۔آر پی او نےپولیس رسیکیو سروس سنٹر15 کا بھی دورہ کیا اورکال ریکارڈز، ریسپانس ٹائم اور قانونی کارروائیوں سے متعلق کارکردگی کو چیک کیا۔ڈی پی او مظفرگڑھ صادق علی ڈوگر بھی آر پی او کے ہمراہ تھے۔
فیصل آباد، آسمانی بجلی گرنے سے کیا نقصان ہوا، افسوسناک خبر آ گئی
صوبہ پنجاب کے علاقے فیصل آباد میں مختلف مقامات پر آسمانی بجلی گرنے سے دو افراد جاں بحق ،تین زخمی ہو گئے.
باغی ٹی وی کی رپورٹ کے مطابق فیصل آباد کے مختلف علاقوں میں آسمانی بجلی گرنے کے واقعات ہوئے جس کے نتیجہ مین دو افراد جان کی بازی ہار گئے جبکہ تین زخمی ہو گئے جنہیں علاج کے لئے ہسپتال منتقل کیا گیا.ساٹھ سالہ محمد منشا اپنے بیٹے رمیض کے ساتھ باہر جا رہا تھا ، آسمانی بجلی گرنے سے منشا جاں بحق جبکہ بیٹا رمیض زخمی ہو گیا ۔ایک دوسرے واقعہ میں فیصل آباد کے نواحی علاقہ 272 سیم ناگہ میں اختر علی نامی شخص آسمانی بجلی گرنے سے جان کی بازی ہار گیا۔ چک 133 گ ب میں آسمانی بجلی گرنے سے نصرت زخمی ہو گیا جس کو علاج کے لئے ہسپتال منتقل کر دیا گیا۔ چک جھمرہ کے علاقے 25 ج ب میں بھی دس سالہ عاطف بھی بجلی گرنے سے زخمی ہو گیا۔ عاطف کوطبی امداد کے لئے ہسپتال منتقل کر دیا گیا
واضح رہے کہ پنجاب بھر میں موسم خوشگوار ہے اور بادل بنے ہوئے ہیں، کئی شہروں میں بارش بھی ہوئی ہے.
اولاد نہ ہونا جرم بن گیا، شوہر نے بیوی کو قتل کر دیا
ناروال کے علاقہ شکر گڑھ میں اولاد نہ ہونے کا بہانہ بنا کر شوہر نے بیوی کو قتل کر دیا
باغی ٹی وی کی رپورٹ کے مطاق صوبہ پنجاب کے علاقہ شکر گڑھ کے موقع تولہ میں شوہر نے گھر والوں کے ساتھ ملکر بیوی کو مبینہ طور پر قتل کر دیا ،مقتولہ ماریہ کے بھائی نے پولیس کو درخواست دی جس میں کہا گیا کہ میری بہن 24 سالہ ماریہ کی چار سال پہلے نصیر سے شادی ہوئی تھی، اولاد نہ ہونے کا بہانہ بنا کر شوہر ماریہ پر تشدد کرتا تھا اورگھر سے نکال دیتا تھا، اب اس نے ماریہ کو گلے میں پھندا ڈال کر قتل کر دیا ہے. ماریہ کے بھائی کا کہنا ہے کہ پوسٹ مارٹم کے باوجود پولیس مقدمہ درج نہیں کر رہی .
سائلین کوعزت واحترام دےکران کےمسائل ترجیحی بنیادوں پرحل کئےجائیں
ڈی پی او مظفرگڑھ صادق علی ڈوگر نےاپنے دفترکے سبزہ زار میں کھلی کچہری لگائی اور ضلع بھر سے آئے سائلین سے ان کے مسائل سنے۔تفصیل کے مطابق ڈی پی او صادق علی ڈوگر نے بعد نماز جمعہ دفتر پولیس کے سبزہ زار میں کھلی کچہری کا انعقاد کیا اور سائلین سےبراہ راست ان کےمسائل سنے۔سائلین کی پہلے سے جمع شدہ درخواستوں پر انسپکٹر مہر عبدالستار نے ڈسٹرکٹ پولیس آفیسر مظفرگڑھ صادق ڈوگرکو بریف کیا۔ ڈی پی او نے درخواست گذاروں کے مسائل کی تفصیلاً سماعت کی اور درخواستوں کی سماعت کے بعد کھلی کچہری میں بیٹھے افسران جن میں ایس پی انوسٹی گیشن سجاد احمد گجر، ڈی ایس پی انوسٹی گیشن ریحان الرسول خان افغان، ڈی ایس پی ہیڈ کوارٹرز سعد اللہ خان، ایس ایچ او تھانہ سول لائن چوہدری جاوید اختر، ایس ایچ او تھانہ سٹی مظفرگڑھ انسپکٹر فاروق آفاق، ایس ایچ او تھانہ صدر مظفرگڑھ ملک ایوب کو براہ راست احکامات جاری کئے۔اسی طرح کچہری میں غیر موجود مختلف افسران کو ٹیلی فونک ہدایات جاری کیں اورسائلین درخواستوں پرمسائل فوری حل کر کے رپورٹ جاری کرنے کی ہدایات کیں۔ڈی پی او کا کہنا تھا کہ متعلقہ افسران عزت و احترام کے ساتھ سائلین کے جائز مسائل فوری حل کریں اور رپورٹ دیں۔ سائلین کی درخواستوں پر غفلت اور لاپرواہی کا مظاہرہ کرنے والوں کے خلاف محکمانہ کارروائی عمل میں لائی جائیگی۔
خورد برد کیس: نیب نے لیگی رہنما رانا افضل کو بھی طلب کر لیا
فیصل آباد کے سابقہ ایم این اے سینئر رہنما پاکستان مسلم لیگ ن رانا افضل کو نیب نے خوردبرد کیس میں طلب کر لیا۔ نیب کی جانب سے رانا افضل خان کو 16 مئی سہ پہر تین بجے نیب پیش ہونے کا حکم دیا گیا۔ نیب لاوہر کی جانب سے رانا افضل کو فیصل آباد میں ساحل پرائیویٹ لمیٹڈ کی جاری انکوائری کے سلسلہ میں طلب کیا گیا ہے۔ نیب کی مشترکہ تحقیقاتی ٹیم رانا افضل سے تحقیقات کرے گی۔ رانا افضل خحان کو ساحل ہسپتال کے ڈائریکٹر کی حیثیت سے طلب کیا گیا ہے۔ رانا افضل نوازشریف دور میں وزیرمملکت برائے خزانہ رہ چکے ہیں۔
رمضان کی مناسبت سے مظفرگڑھ پولیس کا فلیگ مارچ
رمضان المبارک میں مظفرگڑھ کے شہریوں کو تحفظ کا احساس دلانے کے لیے پولیس کی جانب سے فلیگ مارچ کیاگیا،فلیگ مارچ کے دوران ڈی ایس پی آرگنائزڈ کرائم کی قیادت میں شہر بھر کا گشت کیاگیا.مظفرگڑھ میں ڈی ایس پی آرگنائزڈ کرائم ریحان الرسول کی قیادت میں پولیس نے فلیگ مارچ کیا.فلیگ مارچ میں ٹریفک پولیس اور محافظ اسکواڈ کے دستے بھی شامل تھے.فلیگ مارچ پولیس لائن سے شروع ہوا اور شہر کے تمام اہم شاہراہوں کا چکر لگاکر پولیس لائن پر ہی اختتام پذیر ہوا.پولیس ترجمان وسیم خان کے مطابق فلیگ مارچ کا مقصد شہریوں کو تحفظ کا احساس دلانا تھا.ان کا کہنا تھا کہ ماہ رمضان کے دوران کسی بھی ناخوشگوار واقعہ سے نمٹنے کے لیے سیکورٹی کے انتہائی سخت انتظامات کئے گئے ہیں.
