Category: جرائم و حادثات

گجرات (نمائندہ باغی ٹی وی)جٹووکل پھاٹک پر رات کو ڈاکو ناکہ ‘ شہری لٹنے لگے‘پولیس بے بس ہو گئی۔تھانہ رحمانیہ اور تھانہ سول لائن کے لنک راستے جٹو وکل پھاٹک عقب ایدھی سنٹر پر رات کو نامعلوم چار افراد کا گینگ متحرک ہو چکا ہے جنہوں نے کچھ دنوں پہلے پھاٹک کے پاس ڈاکیے سے اسلحہ کے زور پرنقدی چھین لی تھی ۔اس کے ایک ‘ دو دن بعد پرائیوٹ سکول کے چوکیدار سے چار نوجوانوں نے آتشی اسلحہ تان کر اس سے بندوق اور موبائل فونز چھین کر لے گئے تھے ۔گزشتہ شب تقریباً گیارہ بجے گاﺅں کا نوجوان لڑکا شہر سے واپس گھر آرہا تھا تو اس کو بھی آگے آ کر روکنے کی کوشش کی جو تیزی سے بھاگ نکلا اس نے بھی چار افراد اور اسلحہ سے لیس ہونے کی شہادت دی ۔چار افراد کا گینگ رات کو جٹووکل پھاٹک کے قریب ناکہ لگا لیتا ہے اور لو گوں کو لوٹتا ہء ۔جٹووکل پھاٹک سے چھ راستے نکلتے ہیں تین تھانہ سول لائن اور تین ہی تھانہ رحمانیہ کے علاقہ میں آتے ہیں۔

گجرات (طارق محمود سے) گجرات پولیس کا خطرناک مجرمان اشتہاریوں کے خلاف آپریشن جاری ،صدر سرائے عالمگیر پولیس نے عرصہ 12سال سے روپوش ڈکیتی کے مقدمہ میں مجرم اشتہاری ضلع قصور سے گرفتار کرلیا ۔تفصیلات کے مطابق ڈی پی او سید علی محسن کی زیر قیادت گجرات پولیس نے ضلع بھر میں خطرناک مجرمان اشتہاریوں کے خلاف خصوصی آپریشن شروع کررکھا ہے۔جس میں ایس ایچ او تھانہ صدر سرائے عالمگیر انسپکٹر محمد امجد اور اے ایس آئی افتخار احمد نے پولیس ٹیم کے ہمراہ جدید ٹیکنالوجی اور پیشہ ورانہ مہارت سے خطرناک مجرم اشتہاری جاوید ولد نور احمد قوم کمہار سکنہ گھروکی ضلع قصور کو گرفتار کرلیا۔مجرم اشتہاری تھانہ صدر سرائے عالمگیر پولیس کو عرصہ 12سال سے ڈکیتی کے مقدمہ میں مطلوب تھا،جس نے دوران انٹیروگیشن راجڑکلاں میں ڈکیتی کی واردات کا اعتراف کیا ہے جبکہ مزید انٹیروگیشن جاری ہے۔ڈی پی او گجرات نے خطرناک مجرم اشتہاری کو گرفتار کرنے والی پولیس ٹیم کو خصوصی شاباش دی اور تعریفی سرٹیفیکٹ سے نوازا۔

(گجرات (نمائندہ باغی ٹی وی ) ڈی پی اوسید علی محسن کی قیادت میں گجرات پولیس کی ضلع بھر میں جرائم پیشہ افراد کے خلاف کارروائیاں جاری
صدر لالہ موسیٰ پولیس نے دوران کارروائی ٹھیکریاں کی رہائشی بدنام زمانہ منشیات فروش صغریٰ کی بیٹی کومل کو رنگے ہاتھوں گرفتار کرکے ڈیڑھ کلو گرام چرس اور 1500روپے وٹک برآمد کرلی
تفصیلات کے مطابق ڈی پی او سید علی محسن کی زیر قیادت گجرات پولیس کی ضلع بھر میں جرائم پیشہ افراد کے خلاف کارروائیاں جاری ہیں۔جس میں ڈی ایس پی لالہ موسیٰ سرکل ریاض الحق کی زیر نگرانی ایس ایچ او تھانہ صدرلالہ موسیٰ انسپکٹرطارق شفیع نے پولیس ٹیم کے ہمراہ کریک ڈاؤن کرکے ٹھیکریاں کی رہائشی بدنام زمانہ منشیات فروش صغریٰ کی بیٹی کومل دختر خضر حیات کو رنگے ہاتھوں گرفتار کرکے اس کے قبضہ سے 1560گرام چرس اور رقم وٹک 1500روپے برآمد کرکے مقدمہ درج کرلیا۔اس کے علاوہ جی ٹی روڈ علی چک کے قریب ملزم ذیشان ولد مظہر اقبال سکنہ وہند کو غیر قانونی کھل عام پٹرول و ڈیزل فروخت کرتے ہوئے گرفتار کرلیا۔ملزم کے قبضہ سے کھلا پٹرول و ڈیزل قبضہ پولیس میں لے کر مقدمہ درج کرلیا گیا۔