Baaghi TV

Category: جرائم و حادثات

  • تورخم بارڈر پر بڑی کارروائی،غیر ملکی سیگریٹ ،انڈین میڈیسن پکڑی گئیں

    تورخم بارڈر پر بڑی کارروائی،غیر ملکی سیگریٹ ،انڈین میڈیسن پکڑی گئیں

    لنڈی کوتل(باغی ٹی وی رپورٹ )تورخم بارڈر پر بڑی کارروائی،غیر ملکی سیگریٹ ،انڈین میڈیسن پکڑی گئیں،ضلعی انتظامیہ خیبر کی طورخم بارڈر پر اسمگلنگ کیخلاف کارروائی لاکھوں روپے کے غیر ملکی سیگریٹ، پان اور ممنوعہ انڈین ادویات برآمد ڈپٹی کمشنر خیبر کیپٹن (ر) ثناء اللہ خان

    صوبائی حکومت کی ہدایت پر ضلعی انتظامیہ کی جانب سے طورخم بارڈر پر اسمگلنگ کیخلاف کارروائی کرتے ہوئے باچہ مینہ میں گودام سے لاکھوں روپے کی غیر ملکی سیگریٹ ممنوعہ انڈین ادویات اور پان سمیت دیگر اشیاء برآمد کرکے گودام کو سیل کردیا گیا ہے۔

    ڈپٹی کمشنر خیبر کیپٹن (ر) ثناء اللہ خان کی ہدایت پر اسسٹنٹ کمشنر لنڈیکوتل عدنان ممتاز کی سربراہی میں تحصیلدار طورخم داؤد آفریدی، تحصیلدار لنڈیکوتل تیمور آفریدی اور ایف سی (نارتھ) پر مشتمل خصوصی ٹیم نے خفیہ اطلاع پر رات گئے باچہ مینہ طورخم بارڈر پر واقع گودام میں کارروائی کی۔

    کارروائی کے دوران غیر قانونی طور پر گودام میں اسٹور کئے گئے غیر ملکی 12000 سے زائد سیگریٹ پیکٹس، ممنوعہ ادویات، پان اور دیگر اشیاء کے 272 پیکٹس برآمد کرلئے گئے ہیں۔

    ذرائع کے مطابق ممنوعہ ادویات، پان اور سیگریٹ طورخم بارڈر سے پشاور اور دیگر اضلاع منتقل کرنی تھی جس کی خفیہ اطلاع موصول ہونے پر رات گئے کارروائی عمل میں لائی گئی۔12000 سے زائد سیگریٹ اور 272 دیگر اشیاء کے پیکٹس کو سرکاری تحویل میں لیکر قانونی کارروائی عمل میں لائی جائیگی۔

    صوبائی حکومت کی ہدایت پر ضلعی انتظامیہ خیبر کی جانب سے مشترکہ چیک پوسٹ اور طورخم بارڈر پر چینی، یوریا اور دیگر غیر ممنوعہ اشیاء کیخلاف مسلسل کارروائیاں جاری ہیں۔

  • پنجاب کی ایک اور اہم شخصیت”ہنی ٹریپ”کاشکار،بن گئی نازیبا تصاویر

    پنجاب کی ایک اور اہم شخصیت”ہنی ٹریپ”کاشکار،بن گئی نازیبا تصاویر

    پنجاب میں ہنی ٹریپ کے واقعات بڑھنے لگے، ملتان کے محکمہ صحت کے افسر ہنی ٹریپ کا شکار ہو گئے

    ملتان کے سی ای او ہیلتھ ڈاکٹر فیصل قیصرانی ہنی ٹریپ کا شکار ہوگئے،پولیس نے تھانہ نیو ملتان میں سی ای او ہیلتھ ڈاکٹر فیصل قیصرانی کی مدعیت میں مقدمہ درج کرلیا ہے، درج مقدمہ میں کہا گیا ہے کہ میرے واٹس ایپ نمبر پر ایک نمبر سے میسج آنا شروع ہوئے، جب میں رابطہ کیاتو ایک امبر نامی خاتون تھیں،جس نے کہا کہ وہ غریب عورت ہے اور ملازمت کے لئے ملاقات کرنا چاہتی ہے، 20 جولائی کو امبر نامی خاتون سے الفلاح مارکیٹ میں ملاقات ہوئی، امبر اپنے 3 ساتھیوں کے ہمراہ میری گاڑی میں بیٹھ گئی،اس دوران ملزمان نے بوتل پینے کیلئے دی، جس کو پی کر بےہوش ہوگیا، 3 گھنٹے بعد ہوش آنے پر گاڑی سمیت حسن آباد پر موجود تھا، گاڑی سے 90 ہزار روپے، 40 ہزار کی عینک، گھڑی اور شناختی کارڈ غائب تھے،کچھ روز امبر نے دوبارہ کال کی اور کہا کہ سائل کی نازیبا ویڈیو اور تصاویر موجود ہیں، انہوں نے تاوان مانگا،

    پولیس کا کہنا ہے کہ ملزمہ نے سی ای او ہیلتھ سے نازیبا تصاویر کے عوض 50 لاکھ روپے طلب کر لیے، ملزمان نے ڈاکٹر فیصل قیصرانی سے 23 جولائی کو 5 لاکھ روپے بھتا وصول کیا،ملزمان میں پلوشہ عرف امبر، محمد آصف، مظہر عباس، محمد سجاد سمیت 6 ملزمان شامل ہیں، ان کی گرفتاری کیلئے مزید قانونی کارروائی کی جا رہی ہے۔

    خاتون کو لفٹ دینا مہنگا پڑ گیا،پولیس اہلکار کا بھتیجا ہنی ٹریپ کا شکار

    بچ کر رہنا،لڑکی اور اشتہاریوں کی مدد سے پنجاب پولیس نے ہنی ٹریپ گینگ بنا لیا

    ہنی ٹریپ،لڑکی نے دوستوں کی مدد سے نوجوان کیا اغوا

    قصور میں ایک اور جنسی سیکنڈل،خواتین کی عزت لوٹ کر ویڈیو بنا کر بلیک میل کرنیوالا گرفتار

    عبدالقوی باز نہ آئے، ایک اور نازیبا ویڈیو وائرل

    عمران ،بشریٰ بی بی غیر شرعی نکاح کیس ، عدالتی فیصلہ درست ہے، مفتی قوی

    اپنی ہی بیوی کو نازیبا ویڈیو لیک کرنے کی دھمکی دینے والاپہنچا جیل

    ویڈیو لیک ہونے سے کیسے بچا جا سکتا ہے؟ڈیٹا ریکوری کا طریقہ

    حریم شاہ ویڈیوز لیک کیس میں حریم شاہ کی پرانی دوست صندل خٹک کو گرفتار 

    صندل خٹک نے میڈیا کو بتایا کہ حریم نے مجھ سے اپنی بہن کی شادی کیلئے پیسے ادھار لئے تھے،

    حریم شاہ نے کہا ہے کہ میری پرائیویٹ وڈیوز میری سہیلوں نے وائرل کی ہیں

  • ننکانہ :اتائی ڈاکٹروں کیخلاف بلاتفریق اپریشن جاری ہے،ڈاکٹر رانا قربان

    ننکانہ :اتائی ڈاکٹروں کیخلاف بلاتفریق اپریشن جاری ہے،ڈاکٹر رانا قربان

    ننکانہ صاحب، باغی ٹی وی (نامہ نگار احسان اللہ ایاز)اتائی ڈاکٹروں کیخلاف بلاتفریق اپریشن جاری ہے،متعدد ڈاکٹرز منتھلی وصول کر کے اتائیوں کونا صرف اپنے نام کا بورڈ اور تحفظ فراہم کر رہے ہیں ڈاکٹرز وارننگ کے بعد اوچھے ہتھکنڈوں پر اتر آئے ہیں اور منفی پراپیگنڈا کر رہے ہیں چیف منسٹر پنجاب و سیکرٹری پرائمری اینڈ سکینڈری ہیلتھ کئیر کی ہدایات پر اینٹی کوئیکری آپریشن بلا امتیاز جاری رہے گا اوچھے ہتھکنڈے اورمنفی پراپیگنڈا کرنے والوں سے آہنی ہاتھوں سے نمٹا جائے گا۔سی ای او ہیلتھ ڈاکٹر قربان علی رانا

    تفصیلات کے مطابق ننکا نہ صاحب میں اتائیت کے خاتمے کیلئے ڈپٹی کمشنر ننکانہ صاحب چوہدری محمد ارشد کی ہدایت پر اور چیف منسٹر پنجاب کے ویژن کے عین مطابق بلا امتیاز کاروائیوں کا سلسلہ جاری ہے جس کیلئے مختلف ٹیمیں تشکیل دی گئی ہیں جو شہروں قصبوں اور دیہات میں اتائیت کے خاتمے کیلئے آپریشن کر رہی ہیں

    جبکہ کئی جگہ پر کچھ ڈاکٹرز جو کہ منتھلی وصول کر کے اتائیوں کونا صرف اپنے نام کا بورڈ دے رہے بلکہ انکو شلٹر فراہم کر رہے جن کی سرپرستی میں اتائی انسانی جانوں سے کھیل رہے ہیں ابتدائی طور پر ایسے تمام ڈاکٹرز کو وارننگ دی گئی ہے جو کہ اوچھے ہتھکنڈوں پر اتر آئے ہیں اور منفی پراپیگنڈا کر رہے ہیں جبکہ آئندہ کسی بھی اتائی کو تحفظ فراہم کرنے و اتاائیت کو فروغ دینے پر ان ڈاکٹرز کے خلاف بھی کارروائی عمل میں لائی جائے گی.

  • ڈسکہ :حدود تھانہ موترہ،تالاب میں بھینسیں نہلاتے ہوئے دو بھائی ڈوب کر جاں بحق

    ڈسکہ :حدود تھانہ موترہ،تالاب میں بھینسیں نہلاتے ہوئے دو بھائی ڈوب کر جاں بحق

    ڈسکہ، باغی ٹی وی (نامہ نگار ملک عمران سے) سرکل ڈسکہ کے علاقہ تھانہ موترہ کے محلہ اسلام آباد بڈیانہ روڈ پر واقع تالاب میں ڈوبنے کے باعث دو بھائی جاں بحق ہوگے

    ڈسکہ روڈ موترہ قصبہ میں محلہ اسلام آباد بڈیانہ روڈ پر 15 سالہ زین ولد محمد اقبال اور 12 سالہ رضوان ولد محمد اقبال دونوں بھائی تالاب میں بھینسیں نہلاتے ہوئے گہرے پانی میں ڈوبنے کے باعث جاں بحق ہو گئے۔

    ریسکیو 1122 نے موقع پر پہنچ کر دونوں بھائیوں کی ڈیڈ باڈیز کو تالاب سے باہر نکال لیا۔ اطلاع ملنے پر پورے علاقے کی فضا سوگوار ہر آنکھ پرنم اور اشکبار ہوگئی.

  • ننکانہ:ضلعی انتظامیہ میٹنگز میں مصروف،شہر سیوریج کے گندے پانی میں ڈوب گیا

    ننکانہ:ضلعی انتظامیہ میٹنگز میں مصروف،شہر سیوریج کے گندے پانی میں ڈوب گیا

    ننکانہ صاحب، باغی ٹی وی( نامہ نگار احسان اللہ ایاز)ضلعی انتظامیہ میٹنگز میں مصروف،شہر سیوریج کے گندے پانی میں ڈوب گیا،ڈرائیور بطور سپروائزر تعینات،کئی روز سے شہری گندے پانی کی اذیت کاشکار،پورا شہربدبو کی لپیٹ میں آگیا

    ننکانہ صاحب کو پوری دنیا میں احترام اور عزت کی نگاہ سے دیکھا جاتا ہے لیکن اس شہر اور یہاں کے باسیوں بدقسمتی کی انتہا کی انتہا ہوچکی ہے یہاں پر تعینات افسران اور سیاستدان صرف میٹنگزاور فوٹوسیشن تک محدود ہوچکے ہیں ،

    وزیراعلی پنجاب کاستھرا پنجاب ویژن آفیسران نے فائلوں میں گم کردیا ہے،آفیسران کی بے حسی کے باعث شہر بدبو اور تعفن کی لپٹ میں آ چکا ہے

    اس وقت ننکانہ صاحب کے بیشترعلاقے جن میں آفیسر کالونی , بھٹہ آبادی,کینڈا کالونی,مانوالہ موڑ,کیارہ صاحب ,آبادی کواٹرز, محلہ مال جی,ڈاکٹروں والا بازار, ہاؤسنگ کالونی روڈ, میونسپل کمیٹی والی گلی سمیت شہر کے دیگر علاقے گندے پانی میں ڈوبے ہوئے میں,

    میونسپل کمیٹی ننکانہ صاحب کے ذرائع کا کہنا ہے کہ سیوریج کی ابتر صورت حال کی سب سے بڑی وجہ غیر ذمہ داروں کی بطور سپروائزر ،چیف آفیسر میونسپل کمیٹی کی طرف سے تعیناتی ہے اور ستم ظریفی کی انتہا کے ایک ڈرائیور کو سپر وائزر تعینات کیا گیا ہے ,سیوریج کی ابتر صورت حال کی وجہ سے تو بہت سی جگہوں سے مین لائن کے پھٹ جانے کا خدشہ پیدا ہوچکا ہے،

    شہریوں نےڈپٹی کمشنر ننکانہ چوہدری محمد ارشد سے فوری نوٹس اور اصلاح احوال کا مطالبہ کیا ہے

  • سیالکوٹ: چونڈہ، عدالت گڑھا اور اگوکی روڈ پر ناجائز تعمیرات اور تجاوزات کے خلاف گرینڈ آپریشن

    سیالکوٹ: چونڈہ، عدالت گڑھا اور اگوکی روڈ پر ناجائز تعمیرات اور تجاوزات کے خلاف گرینڈ آپریشن

    سیالکوٹ،باغی ٹی وی( بیوروچیف شاہد ریاض سے)ضلع کونسل سیالکوٹ کا چونڈہ، عدالت گڑھا اور اگوکی روڈ پر ناجائز تعمیرات اور تجاوزات کے خلاف گرینڈ آپریشن ، ہیئوی مشینری کے ذریعے 105 تجاوزات کو مسمار کردیا گیا جبکہ 64 غیر قانونی اور نقشہ کے بغیر تعمیرو بلڈنگز کو سر بمہر کردیا۔

    تفصیلات کے مطابق چیف آفیسر ضلع کونسل فدا میر اور ڈسٹرکٹ آفیسر ریگولیشن رانا ثقلین محمود کی زیر نگرانی بلڈنگ/ انفورسمنٹ انسپکٹرز اور ریگولیشن کے عملہ نے تحصیل پسرور کے قصبہ چونڈہ 6 تجاوزات کو گرا دیا، 2 شاہراہ عام کو قبضہ مافیا سے واگذار کروا کر کھول دیا، 25 دکانوں کے بڑھے ہوئے تھڑوں اور چھپڑوں کو گرایا گیاجبکہ 20 عمارتیں جو بغیر نقشہ کی منظوری کی تعمیر کی گئیں تھی سیل کردیا۔

    اسی طرح عدالت گڑھا، اگوکی روڈ اور جلیاالی میں آپریشن کے دوران 85 تجاوزات کومسمار کردیا اور 44 غیرقانونی تعمیرات کو سیل کردیا۔ آپریشن کے دوران مجموعی طور پر 9 کلومیٹر روڈ سے تجاوزات کو مکمل طور پر کلیئر کردیا گیا۔

    تعمیراتی سامان روڈ پر لوڈ اور ان لوڈ کرنے والے ریت، بجری اور سریا فروشوں کو 60 ہزار روپے جرمانہ بھی کیا گیا اور آئندہ روڈ استعمال کرنے سے باز رہنے کی وارننگ جاری کی۔

    سی او ضلع کونسل فدا میر نے کہا کہ وزیر اعلی پنجاب مریم نواز شریف کے ویژن کے مطابق ڈپٹی کمشنر کی ہدایات کی روشنی میں ضلع کونسل میں غیر قانونی تعمیر اور تجاوزات مافیا کے خلاف بلا امتیاز کارروائیاں کی جارہی ہیں۔

    انہوں نے کہا کہ دکاندار اپنی حدود میں رہیں بصورت دیگر کارروائی عمل میں لائی جائے گی۔

  • خیبر:تاجروں نے آٹا پر ودہولڈنگ ٹیکس مسترد کردیا

    خیبر:تاجروں نے آٹا پر ودہولڈنگ ٹیکس مسترد کردیا

    ضلع خیبر (باغی ٹی وی رپورٹ ) آل خیبر پختونخوا آٹا ڈیلرز ایسوسی ایشن کا آٹے پر ودہولڈنگ ٹیکس اور سلز ٹیکس کے خلاف احتجاج جاری،آئی ایم ایف کی ایماء پر تاجروں پر ٹیکسسز لگانا بند کیا جائے

    پشاور کے ایک نجی ویڈنگ ہال میں آل کے پی کے آٹا ڈیلرز ایسوسی ایشن کے زیر اہتمام گرینڈ احتجاجی پروگرام کا انعقاد ہوا جس میں آل خیبرپختونخوا بشمول قبائلی اضلاع سے آٹا ڈیلرز نے کثیر تعداد میں شرکت کی اور آٹے پر ودہولڈنگ ٹیکس اور سلز ٹیکس کو مسترد کیا،آٹا ڈیلرز نے آئی ایم ایف کی ایماء پر تاجروں کا گلہ گھونٹنا مسترد کردیا۔

    احتجاجی تقریب میں ضلع خیبر سے آٹا ڈیلرز ایسوسی ایشن کے صدر حاجی عبدالمنان اور حاجی سید علی کی سربراہی میں آٹا ڈیلرز نے شرکت کی جبکہ اس موقع پر حاجی شیراز ،حاجی اختر علی،مشال،خانوادہ،مسعود اور اشفاق بھی موجود تھے۔

    آل خیبرپختونخوا اور قبائلی اضلاع کے آٹے ڈیلرز نے حکومت کے جانب سے آٹے پر ظالمانہ ودہولڈنگ ٹیکس اور سلز ٹیکس کو مسترد کردیا اور کہاکہ یہ غریب عوام کے ساتھ ظلم ہے کیونکہ ان ٹیکسسز کی وجہ سے آٹے کی قیمت میں اضافہ ہوگا جسکا براہ راست اثر غریب عوام پر پڑے گا۔

    انہوں نے کہاکہ وفاقی حکومت نے آئی ایم ایف کے شرائط پر آٹا ملز پر ودہولڈنگ ٹیکس لگایا تھا جن کے ساتھ حکومت نے مذاکرات کرکے معاملات طے کرلئے ہیں تاہم وفاقی حکومت نے ائی ایم ایف کے شرائط پر آٹا ڈیلرز پر ودہولڈنگ ٹیکس اور سلز ٹیکس لاگوں کردیا ہے جس سے آٹا ڈیلر مجبورا آٹا مہنگا فروخت کریگا اور اثر غریب عوام پر پڑے گا لہذا ان ظالمانہ ٹیکسسز کے نفاذ کا فیصلہ واپس لیکر غریب عوام پر رحم کیا جائے بصورت دیگر آٹا ڈیلرز سخت احتجاج پر مجبور ہونگے اور ایسے اقدامات سے تاجر برادری ملک میں تجارت ختم کرنے پر مجبور ہونگے۔

  • ڈہرکی :2 بچوں کی ماں، 22 سالہ خاتون کومبینہ زہر دیکر قتل کردیا گیا

    ڈہرکی :2 بچوں کی ماں، 22 سالہ خاتون کومبینہ زہر دیکر قتل کردیا گیا

    میرپورماتھیلو،باغی ٹی وی(نامہ نگارمشتاق علی لغاری)ڈہرکی میں 2 بچوں کی ماں، 22 سالہ خاتون کومبینہ زہر دیکر قتل کردیا گیا

    تفصیل کے مطابق گھوٹکی کے علاقہ نرلی گاؤں محمد بخش شر کی رہائشی خاتون مائی ساجدہ شر کو مبینہ زہر دیکر قتل کردیا گیا ہے

    ریتی پولیس کو اطلاع ملنے پر لاش سول ہسپتال ڈہرکی منتقل کیا گیا

    ورثا کا کہنا ہے کہ انصاف شر مائی ساجدہ سے دوستی کرنا چاہتا تھا اس نے عدلی شر سے مل کر زہردیا ہے

    دوسری طرف ڈہرکی کے تھانہ ریتی پولیس نے جاں بحق ہونے والی ساجدہ مائی کے شوہر یقوب شر اور والد نواز شر کو حراست میں لے لیاہے
    اور تحقیقات کا آغاز کردیا ہے

  • کندھ کوٹ: تنگوانی سے سکھر جانے والے وین کو ڈاکوؤں نے لوٹ لیا

    کندھ کوٹ: تنگوانی سے سکھر جانے والے وین کو ڈاکوؤں نے لوٹ لیا

    کندھ کوٹ،باغی ٹی وی (نامہ نگارمختیاراعوان ) تنگوانی سے سکھر جانے والے وین کو ڈاکوؤں نے لوٹ لیا

    تفصیل کے مطابق انڑ نہر کے قریب ڈاکوؤں نے اسلحہ کے زور پر تنگوانی سے سکھر جانے والے وین کو روک کر مسافروں سے لوٹ مار کی ۔ ڈاکو مسافروں سے موبائل فون نقد یاور دیگر سامان لوٹنے کے بعد فرار ہو گئے

    واقعہ کے خلاف متاثرین کا احتجاج،ڈاکوؤں کے خلاف کارروائی کرنے اور ڈکیتی کیا سامان ،نقدی اور موبائل فون واپس کرانے کا مطالبہ

    دوسری طرف اطلاع ملنے پر پولیس کی علاقے میں کچے کے داخلی اور خارجی راستوں پر ناکہ بندی ۔

  • قصور:کوٹ رادھاکشن میں گرفتار 2 ملزمان مبینہ ساتھیوں کی فائرنگ سے ہلاک

    قصور:کوٹ رادھاکشن میں گرفتار 2 ملزمان مبینہ ساتھیوں کی فائرنگ سے ہلاک

    قصور،باغی ٹی وی (بیوروچیف غنی محمود)کوٹ رادھاکشن میں گرفتار 2 ملزمان مبینہ ساتھیوں کی فائرنگ سے ہلاک

    پولیس ترجمان کے مطابق قصور پولیس کے زیر حراست دو ڈاکو اسد اور مظہر سکنائے بھچوکی ساتھیوں کی فائرنگ سے ہلاک ہو گئے جبکہ حملہ آور چار ملزمان فرار ہونے میں کامیاب رہے

    ہلاک ڈاکوؤں نے کچھ عرصہ قبل کوٹ رادھاکشن کے علاقہ میں دوران واردات معصوم شہری کو ناحق قتل کیا تھا ،تھانہ کوٹ رادھاکشن پولیس زیر حراست ڈاکوؤں کو مقدمہ 1022/24 بجرم 302/392 میں بعد از برآمدگی واپس آ رہی تھی کہ گھنیکے کے قریب چار ملزمان اپنے ساتھیوں کو پولیس حراست سے چھڑوانے کی نیت سے حملہ آور ہو گئے

    حملہ آور ملزمان پولیس وین پر مسلسل فائرنگ کرتے رہے جس کے باعث پولیس اہلکاروں نے بمشکل جانیں بچائیں، حملہ آور ملزمان زیر حراست ڈاکوؤں کو چھین کر فصلوں میں چھپ گئے اور مسلسل فائرنگ کرتے رہے پولیس نے بھی حق حفاظت خود اختیاری کے تحت جوابی فائرنگ کی

    ملزمان کی طرف سے فائرنگ رکی تو زیر حراست دونوں ڈاکو مردہ حالت میں پڑے تھے جو اپنے ساتھیوں کی فائرنگ سے ہلاک ہوئے حملہ آور ملزمان رات کی تاریکی فائدہ اٹھاتے ہوئے بھاگ جانے میں کامیاب ہو گئے

    تھانہ کوٹ رادھاکشن پولیس نے حملہ آور ملزمان کی گرفتاری کیلئے ٹیمیں تشکیل دے دی ہیں خطرناک ڈاکوؤں کی ہلاکت پر کوٹ رادھاکشن کے علاقہ مکینوں کا پولیس کو خراج تحسین.