Category: اہم خبریں

اسلام آباد:اسے کہتے ہیں غیرت،وزیراعظم عمران خان ملائیشیا کے لیے بھارتی فضائی حدود استعمال نہیں کریں‌ گے ،اطلاعات کےمطابق وزیراعظم عمران خان نے دورہ ملائیشیا کے لیے بھارت کی فضائی حدود استعمال نہ کرنے کا فیصلہ کرلیا۔

باغی ٹی وی ذرائع کے مطابق وزیراعظم عمران خان نے یہ فیصلہ قومی مفاد اور پاکستان کے دوٹوک موقف کی روشنی میں کیا ہے، یہ بھی معلوم ہوا ہےکہ وزیراعظم عمران خان کو کسی تیسرے ملک نے بھارتی فضائی حدود استعمال کرنے کا مشورہ دیا جسے سختی سے مسترد کردیا گیا ، جس کے بعد وزیراعظم نے فیصلہ کیا ہے کہ کچھ بھی ہوجائے وہ بھارت کی فضائی حدود استعمال نہیں کریں گے۔

ذرائع کا کہنا ہے کہ چین کی فضائی حدود استعمال کرنے سے سفر 4 سے 5 گھنٹے طویل ہوجائے گا۔ذرائع کا مزید کہنا ہے کہ بھارتی حدود استعمال نہ کرنے کا فیصلہ وزیراعظم نے مقبوضہ کشمیر میں جاری بھارتی مظالم پر کیا گیا ہے۔اطلاعات کےمطابق وزیراعظم نے اس عزم کا اظہار بھی کیا ہےکہ وہ کشمیریوں کی حمایت میں آخری حد تک جائیں گے جس کے لیے اگرانہیں بھارت سے اس سے بھی سخت معاملات کرنے پڑے تو وہ کریں گے

ترجمان دفتر خارجہ کا کہنا ہے کہ پاکستان اور ملائیشین وزیراعظم کی مشترکہ پریس بریفنگ بھی ہوگی، وزیراعظم ملائیشیا میں تھنک ٹینک سے بھی خطاب کریں گے۔عائشہ فاروقی کے مطابق وزیراعظم کے دورے کے دوران دو طرفہ معاہدے بھی کیے جائیں گے، وزیراعظم عمران خان مسئلہ کشمیر، انسانی حقوق کی خلاف ورزیوں کو اجاگر کریں گے۔

لاہور:چین میں پھنسے پاکستانی طلبا نے حکمرانوں سے مایوس ہوکرمبشرلقمان سے مدد کی اپیل کردی ،اطلاعات کےمطابق چین کے صوبے وہان میں پھنسے پاکستانی طلبانے بالآخرہرطرف مایوسی کے بعد معروف اینکرمبشرلقمان سے مدد کی اپیل کردی

باغی ٹی وی کےمطابق چین کے صوبے وہان جہاں سے کرونووائرس کی وبا پھوٹی ہے اور جس نے پوری دنیا کواپنی لپیٹ میں لےلیا ہے وہاں پھنسے پاکستانی طلبا‌ نے کھرا سچ پروگرام کے میزبان ، معروف اینکر،ممتاز صحافی مبشرلقمان سے ٹیلی فون پرگفتگو کرتے ہوئے اوراپنی بے بسی کا اظہارکرتے ہوئے یہ درخواست کی ہےکہ وہ براہ کرم ان پھنسے ہوئے پاکستانیوں‌کو وہان سے نکالنے کے لیے مدد کریں‌

باغی ٹی وی کو ملنے والی اطلاعات کےمطابق وہان صوبے سے مختلف تعلیمی اداروں میں زیرتعلیم پاکستانی طالبات کے ایک گروہ کی طالب علم رہنما نے مبشرلقمان سے گفتگوکرتے وہان صوبے کی صورت حال سے آگاہ کیا ، ٹیلی فون پرچینی صوبے وہان سے بات کرتے ہوئے اقرا منیرکہتی ہیں‌کہ اس وقت صورت حال بہت خراب ہے

معروف اینکرمبشرلقمان سے گفتگوکرتے ہوئے اقرا منیر نے انکشاف کیا کہ وہان یونیورسٹی میں زیرتعلیم دیگرملکوں کے طالب علموں کووہاں سے نکالا جا رہا ہے ، اقرا منیرنے چند ملکوں کا نام بتاتے ہوئے کہا کہ بنگلہ دیش ،بھارت ، ہالینڈ کی ایمبیسی کی طرف سے اگرایک دو یا تین بھی طالب علم وہاں زیرتعلیم ہیں انہوں‌نے ان کو نکال لیا ہے لیکن پاکستانی ایمبیسی کوہماری پرواہ تک نہیں کوئی ہماری بات ہی سنتا ، ہم کدھر جائیں

اقرا منیر نے مبشرلقمان سے گفتگوکرتے ہوئے وہاں کے تازہ ترین حالات سے آگاہی دیتے ہوئے کہا کہ اس وقت صورت حال یہ ہےکہ ہمیں‌ایک کمرے میں بند کردیا گیا ہے، ہمیں باہر نہیں‌نکلنے دیا جارہا ، دیگرملکوں کے طالب علم تو واپس اپنے اپنے ملکوں کوروانہ ہوچکے ہماری آہ و بکاپاکستانی حکومت سنتی ہی نہیں ، خدارا ہماری مدد کیجیئے

باغی ٹی وی کے مطابق اقرا منیر اپنے حالات سے مزید آگاہی دیتے ہوئے بتاتی ہیں‌ کہ پاکستانی ایمبیسی ہمیں‌قبول کرنے کےلیے تیار نہیں‌کیا ہم پاکستانی نہیں‌، وہ بتاتی ہیں‌کہ ہم ویسے تو کسی بھی قسم کے انفیکشن سے محفوظ ہیں‌ لیکن اس کے باوجود منہ پرماسک پہن کرکھانا وغیرہ لینے جاتے ہیں‌ تو اس دوران گردوغبارکے اثرات تومرتب ہوتے ہیں لیکن ہمیں‌ کوئی وائرس کا خطرہ نہیں ہے لیکن حیرانی اس بات کی ہے کہ اس کے باوجود ہم سے نفرت کی جارہی ہے اورہمیں‌پاکستان واپس نہیں‌لایا جارہا

اقرا منیر مبشر لقمان سے کہتی ہیں‌ کہ ان حالات میں جب دیگرممالک کے طالب علموں کوان کے ممالک واپس لے جارہے ہیں توپاکستان ایسا کیوں نہیں کرتا ، ہم ان سے ٹکٹ نہیں مانگتے ، ٹکٹ کے لیے پیسے نہیں‌ مانگتے ، ہم سکالرشپ پرتعلیم حاصل کررہتے ہیں کسی پربوجھ نہیں‌ہیں لیکن اس کےباوجود ہمیں نظر انداز کیا جارہا ہے، اقرا کہتی ہیں‌ کہ مبشربھائی خدا کے لیے ہماری مدد کیجیئے اورہماری آواز پاکستان کے کونے کونے تک پہنچائیے

اقرا منیر نے روتے ہوئے اپیل کی کہ اگرحکومت ہمیں پاکستان میں نہیں لے جارہی تویہ توکرسکتی ہے کہ ہمیں‌ اس متاثرہ شہرسے نکال کرچین کے کسی دوسرے محفوظ شہرمیں منتقل کردیں ،وہ کہتی ہیں‌کہ ہمارے گھر والے ، والدین ، بہن بھائی سب ہماری صورت حال سے پریشان ہیں ،اقرا بتاتی ہیں کہ میری والدہ رورہی ہیں‌ لیکن کوئی ان کی آہ وبکا کی آواز سننے کے لیے تیار نہیں کوئی ان کوتسلی دینے کے لیے تیار نہیں ،کوئی ان کی خبرگیری کرنے کے لیے تیارنہیں‌

آخر میں‌اقرامنیر مبشرلقمان سے بار بار گزارش کرتی ہیں‌کہ وہ جس طرح دکھی انسانیت کی آواز ہمیشہ اٹھاتے رہتے ہیں‌ پاکستان کی ان دکھی بیٹیوں کےلیے بھی اٹھائیں‌، اوار ان کو چین کے صوبے وہان سے نکالنے میں ان کی مدد کریں‌، اقرا منیر نے امید کا اظہارکرتے ہوئے کہا کہ مجھے امید ہےکہ آپ کی طرف سے اٹھائی گئی آواز سے ضرور امید کی کرن پیدا ہوگئی

کرونا وائرس کی تباہ کاریاں چین سے باہر پہنچ گئیں
باغی ٹی وی : کرونا وائرس کی تباہ کاریاں جاری ہے، چین سے باہر بھی ایک ہلاکت ہو گئی۔ فلپائن کے حکام نے خطرناک وائرس سے مرنے والے کی تصدیق کر دی، متعدد ممالک نے چین سے آنے والوں پر پابندی عائد کر دی۔ وائرس سے ہلاکتوں کی کل تعداد 304 تک پہنچ گئی، 15 ہزار سے زائد افراد متاثرہ ہیں۔روس، جرمنی اور تھائی لینڈ میں بھی کرونا وائرس سے متاثرہ افراد کی تعداد میں مزید اضافہ ہوا ہے۔ برطانیہ اور اسپین سمیت دنیا کے اکیس ممالک وائرس سے متاثر ہیں۔
اس سے متعلقہ خبریں

کرونا وائرس، چین میں ہلاکتوں میں اضافہ ،کتنے پاکستانی چین میں ہیں ؟ ترجمان دفتر خارجہ نے بتا دیا

کرونا وائرس پاکستان میں پھیلنے کا خدشہ، ملتان کے بعد لاہور میں بھی چینی باشندہ ہسپتال داخل

وفاقی دارالحکومت میں بھی کرونا وائرس کا مشتبہ کیس سامنے آ گیا

کرونا وائرس، بچاؤ کے لئے کیا کیا جائے؟ وفاقی کالجز کے پروفیسرزنے دی تجاویز

کرونا وائرس سے کتنے پاکستانی چین میں متاثر ہوئے؟ ترجمان دفتر خارجہ نے بتا دیا

کرونا وائرس ، معاون خصوصی برائے صحت نے ہسپتال سربراہان کو دیں اہم ہدایات

کرونا وائرس لاہور میں پھیلنے کا خدشہ، انتظامیہ نے بڑا قدم اٹھا لیا

کرونا وائرس، چین سے طالب علم پاکستان پہنچا تو اسکے ساتھ کیا ہوا؟

کرونا وائرس، مائیں رو رہی ہیں ،حکومت سو رہی ہے، مشاہد اللہ خان کی سینیٹ میں کڑی تنقید

اٹلی نے کرونا وائرس کی تصدیق کے بعد چین سے آنے اور جانے والی پروازوں پر پابندی عائد کر دی ہے۔ سنگاپور نے حال ہی میں چودہ دن چین رہنے والوں پر ملک میں داخل ہونے سے منع کر دیا ہے۔ اطالوی بندر گاہ پر 6ہزار مسافروں سے بھرے کروز شپ کو روک لیا گیا ہے۔
کرونا وائرس تیزی سے زندگیاں نگلنے لگا، دوسرے ملکوں میں بھی پنجے گاڑ لئے، چین سے باہر بھی ایک ہلاکت ہو گئی۔ فلپائن کے حکام نے خطرناک وائرس سے مرنے والے کی تصدیق کر دی، یہ شخص چینی شہر ووہان سے واپس آیا تھا۔
چین کے کم سے کم دس صوبوں میں تمام سرکاری اور غیرسرکاری سرگرمیوں پر پابندی عائد ہے اور لوگ اپنے گھروں میں رہنے پر مجبور ہیں۔ تمام تعلیمی ادارے، دفاتر اور فیکٹریاں بند ہیں۔ مقامی میڈیا کے مطابق حکومت نے کم سے کم دس فروری تک یہی صورتحال برقرار رہنے کا عندیہ دیا ہے۔

اسلام آباد:ایل او سی فائرنگ،بھارتی ہائی کمیشن کے سینئر سفارت کار کی دفتر خارجہ طلبی،اطلاعات کےمطابق بھارتی ہائی کمیشن کے سینئر سفارت کار کو دفترخارجہ طلب کر کے پاکستان نے شدید احتجاج کیا۔

ترجمان کا مزید کہنا تھا کہ بھارتی فوج کی فائرنگ سے 45سالہ شہری محمد سفیر زخمی ہوا،بھارتی فورسز ایل او سی پر مسلسل معصوم شہریوں کونشانہ بنا رہی ہیں،بھارتی اشتعال انگیزی خطے میں امن و سلامتی کے لیے خطرہ ہے،بھارت ایسی حرکتوں سے مقبوضہ کشمیر سے دنیا کی توجہ نہیں ہٹا سکتا،بھارت سکیورٹی کونسل کی قرار دادوں پر عمل درآمد یقینی بنائے۔

یاد رہے کہ آئی ایس پی آر کے مطابق بھارت کی جانب سے لائن آف کنٹرول پر جارحیت کا سلسلہ جاری ہے اور آج بھی بھارتی فوج نے لائن آف کنٹرول(ایل اوسی) کے ستوال سیکٹر پر بلا اشتعال فائرنگ کر دی جس کی زد میں آ کر امداد پور گاؤں کا 45سالہ رہائشی شدید زخمی ہو گیا۔

آئی ایس پی آر کا مزید کہنا تھا کہ بھارتی فوج نے جان بوجھ کر ایل او سی پر شہری آبادی کو نشانہ بنایا، بھارتی فوج کی فائرنگ سے زخمی 45 سالہ شخص کوقریبی اسپتال منتقل کر دیا گیا ہے۔آئی ایس پی آر کا مزید کہنا تھا کہ پاکستان کے بھرپور جواب سے بھارتی توپیں خاموش ہو گئیں۔

یاد رہے کہ بھارت کی جانب سےلائن آف کنٹرول( ایل او سی) پر فائرنگ معمول بن چکا ہے جس کا مقصد مسئلہ کشمیر اور شہریت بل سے توجہ ہٹانا ہے جبکہ وزیراعظم عمران خان اور وزیرخارجہ شاہ محمود قریشی کئی بار بھارت کی جانب سے فالس فلیگ آپریشن کی باتیں بھی کر چکے ہیں۔

اسلام آباد:مشرق وسطی میں جنگ پاکستان کی کوششوں سے ٹلی،ترکی کوبھی سی پیک میں شامل کریں گے،اطلاعات کےمطابق وزیراعظم عمران خان کا کہنا ہے کہ پاکستان کی کوششوں کی وجہ سے مشرق وسطی میں جنگ کی آفت ٹل گئی تاہم پائیدار امن کے لیے مزید کوششوں کی ضرورت ہے۔

ترک خبر رساں ادارے کو انٹرویو دیتے ہوئے وزیراعظم عمران خان کا کہنا تھا کہ پاکستان کی کوششوں کی وجہ سے مشرق وسطی میں جنگ کی آفت ٹلی تاہم مشرق وسطی کی صورتحال اب بھی کشیدہ ہے، پائیدارامن کے لیے مزید کوششوں کی ضرورت ہے۔

وزیراعظم کا کہنا تھا کہ جب ہم اقتدار میں آئے تو کرنٹ اکاؤنٹ خسارے کا سامنا تھا، معیشت کو مستحکم کرنے کے لیے بہت سے سخت اقدامات کرنا پڑے، میری معاشی ٹیم نے زبردست کام کیا، روپے کی قدرمستحکم ہوئی ہے اسٹاک مارکیٹوں میں تیزی آئی ہے فی الوقت مہنگائی ہے لیکن کرنسی مستحکم ہوگئی ہے ورثے میں ملنے والے معاشی بحران سے باہر آگئے ہیں۔

عمران خان نے کہا کہ ترک صدر فروری میں پاکستان آئیں گے اور ان کے ساتھ سرمایہ کاراور کاروباری افراد بھی ہوں گے، پاکستان ترکی کو سی پیک میں شامل کرنے کے لیے پرامید ہے، ترکی کان کنی سمیت کئی شعبوں میں پاکستان کی مدد کرسکتا ہے، کشمیریوں کے ساتھ کھڑا ہونے پر پاکستان ترکی کا مشکور ہے۔

وزیراعظم عمران خان کا کہنا ہے کہ پاکستان ترکی کو سی پیک میں شامل کرنے کے لیے پرامید ہے۔ وزیراعظم عمران خان نے ترک ٹی وی کو انٹرویو دیتے ہوئے کہا کہ پاکستان اور ترکی تمام شعبوں میں تعلقات مزید گہرے کرنے کے لیے پرعزم ہیں۔

وزیراعظم کا کہنا تھا کہ ترک صدر رواں ماہ پاکستان آئیں گے، ترک صدرکے ساتھ سرمایہ کار اور کاروباری افراد بھی ہوں گے، پاکستان ترکی کو سی پیک میں شامل کرنے کے لیے پرامید ہے۔انہوں نے کہا کہ ملائیشیا کا مسئلہ اتنا گھبمیر نہیں تھا جتنا پاکستان کا ہے،

ترک خبررساں ادارے کوانٹریودیتے ہوئے عمران خان نے کہا کہ ہم اقتدار میں آئے تو کرنٹ اکاؤنٹ خسارے کا سامنا تھا،معیشت کو مستحکم کرنے کے لیے اقدامات کرنا پڑے۔وزیراعظم پاکستان کا کہنا تھا کہ حکومت کو جو بحران ملا اس سے باہر نکل چکے ہیں، اپوزیشن خوفزدہ ہے ہم کامیاب ہوگئے تو ان کی سیاسی موت ہوگی۔

بھارت سے متعلق وزیراعظم کا کہنا تھا کہ بھارت میں فاشسٹ آر ایس ایس کی آئیڈیالوجی کا قبضہ ہوچکا ہے، 5 اگست کا بھارتی اقدام اقوام متحدہ کی قراردادوں کی خلاف ورزی ہے۔

کرونا وائرس سے متعلق وزیراعظم کا کہنا تھا کہ امید ہےچین کرونا وائرس پرقابو پانے میں کامیاب ہوگا، چین کے لیے دعا گو ہیں اور پاکستان جو مدد کرسکتا ہے کر رہا ہے اور کرتا رہے گا۔

راولپنڈی :بھارت کی ایل او سی ستوال سیکٹر پر فائرنگ،45سالہ رہائشی شدید زخمی،اطلاعات کےمطابق بھارتی فورسزکی لائن آف کنٹرول پر سیز فائر کی خلاف ورزیوں کاسلسلہ بدستور جاری ہے، ستوال سیکٹر پر بھارتی فائرنگ سے ایک شہری شدید زخمی ہوگیا۔

آئی ایس پی آر کے مطابق بھارتی فورسز نے ایل اوسی پر سیز فائر کی خلاف ورزیاں کیں اور ایل او سی پر اشتعال انگیزی کا مظاہرہ کرتے ہوئے ستوال سیکٹر پر شہری آبادی کو نشانہ بنایا، بھارتی فورسز کی فائرنگ سے 45 سالہ مقامی شہری شدید زخمی ہوگیا، آئی ایس پی آر کے مطابق زخمی کو طبی امداد کے لئے قریبی اسپتال منتقل کر دیا گیا ہے۔

گزشتہ ہفتے بھی بھارتی فوج کی جانب سے لائن آف کنٹرول چڑی کوٹ سیکٹر میں بلا اشتعال فائرنگ سے ایک خاتون شدید زخمی ہو گئی تھی۔یاد رہے کہ گزشتہ سال 26 دسمبر کو لائن آف کنٹرول پر بھارتی اشتعال انگیزی کے سبب پاک فوج کے 2 جوان شہید جب کہ جوابی کارروائی میں پاک فوج نے 3 بھارتی فوجی مارے تھے۔

خیال رہے کہ مقبوضہ کشمیر میں جاری بھارتی جارحیت سے توجہ ہٹھانے کے لیے بھی بھارتی فوج ایل او سی پر بلااشتعال فائرنگ کرتے ہیں۔ جبکہ عالمی دباؤ کے باوجود بھارت اپنے ناپاک عزائم سے باز نہ آیا۔انڈیا کی جانب سے رواں سال پانچ اگست کو اس کے زیرِ انتظام کشمیر کی خصوصی حیثیت کے ختم کر دی گئی تھی اور وہاں کرفیو نافذ کردیا گیا تھا۔

یاد رہے کہ بھارت کی جانب سےلائن آف کنٹرول( ایل او سی) پر فائرنگ معمول بن چکا ہے جس کا مقصد مسئلہ کشمیر اور شہریت بل سے توجہ ہٹانا ہے جبکہ وزیراعظم عمران خان اور وزیرخارجہ شاہ محمود قریشی کئی بار بھارت کی جانب سے فالس فلیگ آپریشن کی باتیں بھی کر چکے ہیں۔

نئی دہلی :’ بھارت میں محمد علی جناح کا دو قومی نظریہ جیت رہا ہے،اطلاعات کےمطابق بھارت کے سینیئر سیاستدان اور کانگریس کے رہنما ششی تھرور نے اعتراف کیا ہے کہ بھارت میں قائد اعظم محمد علی جناح کا دو قومی نظریہ جیت رہا ہے۔ششی کپور نے یہ گفتگو آج ایک اہم اجلاس میں اور کہاکہ بھارتی مسلمان اب جناح کے ادا کیئے ہوئے ہرجملے کو سچ اوراپنے فیصلے کوغلط مان رہے ہیں‌،ششی کپورکہتے ہیں کہ آج ہندوستانی مسلمانوں کوجناح بہت یاد آرہا ہے

ششی تھرور کا کہنا تھا کہ اسی طرح شہریت کے قانون سمیت دیگر متنازع قوانین جیسے این سی آر (نیشنل رجسٹریشن سرٹیفکیٹ) اور این پی آر (نیشنل پاپولیشن رجسٹریشن) کا اطلاق کیا گیا تو سمجھیں کہ محمد علی جناح کی جیت مکمل ہوگئی۔لوک سبھا(ایوان زیریں) کے رکن ششی تھرور کا کہنا تھا کہ اگر متنازع شہریت کے بل کو نافذ کیا گیا تو یہ بانی پاکستان محمد علی جناح کے نظریے کی جیت ہوگی۔ششی کپورنے کہا کہ بھارتی مسلمان کھلے عام کہہ رہے ہیں کہ جناح نے سچ کہا تھا کہ مسلمان اورہندو کبھی اکٹھے نہیں رہ سکتے

https://www.youtube.com/watch?v=OM9ihetQpkM

ان کا کہنا تھا کہ بھارتی حکومت کے غیرقانونی اور متنازع شہریت قانون سے خاص کمیونٹی کو نشانہ بنایا جارہا ہے اور اس لیے آج اگر جناح ہوتے تو وہ یہ کہ سکتے کہ ان کا دو قومی نظریہ حق پر تھا اور مسلمان ایک علیحدہ وطن کے حقدار تھے کیونکہ ہندو اور مسلمان ایک نہیں ہوسکتے۔ششی کپورنے خبردارکرتے ہوئے کہا کہ اس وقت بھارتی مسلمانوں کے شدت سے جناح کے اس نظریے کا احساس ہورہا ہے،

خیال رہے کہ بھارت میں دسمبر 2019 سے شہریت کے متنازع قانون کے خلاف احتجاج کیا جارہا ہے ۔اس قانون کے تحت پاکستان، بنگلا دیش اور افغانستان سے بھارت جانے والے غیر مسلموں کو شہریت دی جائے گی لیکن مسلمانوں کو نہیں۔متنازع شہریت کے قانون کو مختلف بھارتی ریاستیں نافذ کرنے سے انکار کرچکی ہیں جب کہ اس قانون کو سپریم کورٹ میں بھی چیلنج کیا گیا ہے۔