اسلام آباد: وزیر اعظم پاکستان عمران خان نے قوم سے کیا گیا وعدہ پورا کردیا .عمران خان قوم کی ایک ایک پائی کا پاسبان ہے. امریکہ جانے کے لیے کمرشل پرواز استعمال کرکے عمران خان نے اپنی قوم کے پیسوں کو ضائع ہونے سے بچایا ہے. عمران خان نے امریکہ جاکر بھی اپنے ہی ہم وطنوں کے ساتھ رات قیام کرکے حب الوطنی کا جو ثبوت دیا ہے اس سے پہلے اس کا تصور بھی نہیں‌کیا جاسکتا تھا .ان خیالات کا اظہار وزیر اعظم کی مشیر اطلاعات ڈاکٹر فردوس عاشق اعوان نے ایک پریس کانفرنس میں کیا .

ڈاکٹر فردوس عاشق اعوان نے کہا کہ قبائلی علاقوں میں پر امن الیکشن کروانے والے اداروں کے خلاف یہ پاکستان دشمن سیاسی نام نہاد لیڈر ان سیکورٹی اداروں کی کردار کشی کرتے ہیں.اس سے بڑھ کر کیا خوشی ہوسکتی ہے کہ جہاں دہشت گردی نے پنجے گاڑ لیے تھے وہاں پر امن الیکشن سے ہمیشہ ہمیشہ کے لیے ختم ہوگئے ہیں.ان علاقوں میں امن جیت گیا ،دہشت گردی ہار گئ

ڈاکٹر فردوس عاشق اعوان نے کہا کہ قبائلی علاقوں کے عوام کو مبارک دیتی ہوں جنہوں نےکل پاکستان کے لیے امن کا ساتھ دیا.میڈیا کو بھی خراج تحسین پیش کرتی ہوں جس نے قبائلی علاقوں میں مثبت رپورٹنگ کی .اس میڈیا سے بہت سی توقعات وابستہ ہیں. آج پھر اس میڈیا کو کردار ادا کرنا چاہیے کہ جس طرح وزیراعظم پاکستان نے ایک کمرشل طیارے کے ذریعے سفر کرکے سادگی اختیار کرنےکا جو وعدہ کیا تھا وہ پورا اکردیا اور میڈیا نے پاکستانی عوام کو اس انقلابی اقدام سے آگاہی دی.

ڈاکٹر فردوس عاشق اعوان نے میڈیا کو خراج تحسین پیش کرتے ہوئے کہا کہ میڈیا نے بھی اپنے وزیر اعظم کی طرح قوم کے پیسوں کوضائع ہونے سے بچایا.ڈاکٹر فردوس عاشق اعوان نے کہا کہ پہلے حکمرانوں نے قوم کا پیسہ عیاشیوں میں‌بہا دیا

جس طرح عمران خان نے امریکہ نے پاکستان ہاوس میں قیام کرکے اپنی سادگی کو برقرار رکھا اس پر بھی قوم کوخوش ہونا چاہیے کہ ان کا وزیر اعظم قوم کا پیسہ عیاشیوں میں ضائع نہیں کرے گے

لاہور:ایف اے ٹی ایف ، ایف آئی اے میں گھس گئی ،ایف آئی اے میں ایف اے ٹی ایف کا کمپلائنس یونٹ قائم کردیا گیا،ایف آئی اے حکام کے مطابق اس کا مقصد فنانشل ایکشن ٹاسک فورس پر عملدرآمد کیلئے اقدام، ایف اے ٹی ایف کمپلائنس یونٹ تشکیل دے دیا گیا۔

ذرائع کے حوالے سے یہ معلوم ہوا کہ ایف آئی اے کی جانب سے اس حوالے سے کوئی خاطر خواہ انتظامات نہ کرنے پر فنانشل ایکشن ٹاسک فورس کا کمپلائنس یونٹ تشکیل دینے کا فیصلہ کیا گیا، منظوری ڈی جی ایف آئی اے بشیر میمن کی جانب سے دی گئی، جس کیلئے نوٹیفکیشن بھی جاری کر دیا گیا۔

ڈائریکٹر بابر بخت قریشی کو فنانشل ایکشن ٹاسک فورس کا سربراہ مقرر کیا گیا ہے جبکہ ڈپٹی ڈائریکٹر سید شاہد حسن، اسسٹنٹ خرم سعید رانا کو ایف اے ٹی ایف یونٹ اسلام، ڈپٹی ڈائریکٹر محمد احمد، اسسٹنٹ ڈائریکٹر آفتاب بٹ ایف اے ٹی ایف پنجاب یونٹ تعینات کیا گیا۔یونٹ میں گریڈ 20 سے گریڈ 14 تک کے 11 افسر شامل ہیں، جس میں ملک بھر سے افسروں کا چناؤ کیا گیا، یونٹ دہشت گردوں کی فنڈنگ کے خلاف ملک بھر میں کارروائیاں کرے گا۔

ایف آئی اے کی طرف سے جاری کیے گئے نوٹیفکیشن کے مطابق اسسٹنٹ ڈائریکٹر سعید میمن ایف اے ٹی ایف سندھ یونٹ میں تعینات ہونگے، انسپکٹر رضوان شاہ ایف اے ٹی ایف خیبر پختونخوا یونٹ میں خدمات سر انجام دیں گے۔ انسپکٹر رحمت اللہ ڈومکی ایف اے ٹی ایف یونٹ سندھ اور انسپکٹر عامر عباس کو ایف اے ٹی ایف بلوچستان یونٹ میں تعینات کیا گیا، کمپلائنس یونٹ کو کارروائی کے لیے تمام دفاتر کو مدد فراہم کرنے کے بھی پابند ہوں گے۔

واشنگٹن :پاکستان بہلے سے زیادہ مضبوط اور زیادہ محفوظ ہے .کسی کو پاکستان کے بارے میں فکر مند ہونے کی ضروت نہیں‌ ان خیالات کا اظہا واشنگٹن کے پاکستانی سفارت خانے میں میڈیا سے گفتگو کرتے ہوئے ڈی جی آئی ایس پی آر میجر جزل آصف غفور نے کہا کہ پاکستانی عوام اور سیکورٹی اداروں کی کوششیں اور قربانیاں رنگ لا رہی ہیں۔

ترجمان پاک فوج نے کہا کہ پاک افغان سرحد پر باڑ لگانے سے سرحدی کنٹرول میں بہتری آرہی ہے،سرحدی باڑ لگنے سے دہشت گردوں کی مشکلات میں اضافہ اور دہشت گردی کے واقعات بتدریج کم ہوں گے۔

پاکستانی سفارتخانے میں پاکستانی سفارتی ٹیم کے ہمراہ گفتگو کرتے ہوئے میجر جزل آصف غفور کا کہنا تھا کہ بیرون ملک پاکستانی میڈیا کا پاکستان کے مثبت امیج کو اجاگر کرنے میں اہم کردار ہے، انہوں نے میڈیا کو بتایا کہ آرمی چیف وزیراعظم کے ہمراہ وائٹ ہاؤس ملاقات میں شرکت کریں گے اس کے علاوہ آرمی چیف پینٹاگون کا دورہ اور امریکی ملٹری قیادت سے بھی ملاقاتیں کریں گے۔ میجر جنرل آصف غفور کا کہنا تھا کہ افواج پاکستان نے پاکستانی سرحدوں کا بہادری سے بھر پور دفاع کیا،یہی وجہ ہے کہ پاکستان کی داخلی سلامتی صورتحال پہلے سے بہت بہتر ہے۔

واشنگٹن سے ذرائع کے مطابق ایک موقع پر بلوچستان سے متعلق کئے گئے سوال پر ترجمان پاک فوج کا کہنا تھا کہ بلوچستان میں حکومتی ترقیاتی منصوبے فوج کی مدد سے جاری ہیں، اس کے علاوہ میجر جزل آصف غفور نے فروری کی پاک بھارت کشیدگی سے متعلق بھی آگاہی دی۔

واشنگٹن:پاکستان کے وزیر اعظم عمران خان کا دورہ امریکہ بہت ہی اہمیت کا حامل ہے. دورہ امریکہ کے حوالے سے امریکی حکام نے وزیراعظم عمران خان کےدورہ وائٹ ہاؤس کو تعلقات بہتربنانےکاموقع قراردیا ہے۔تفصیلات کے مطابق وزیراعظم کے واشنگٹن پہنچنے پر جاری بیان میں ٹرمپ انتظامیہ نے کہا کہ پاکستان کو پیغام پہنچاناچاہتے ہیں کہ تعلقات کی بہتری کے لئے دروازےکھلےہیں۔

وزیراعظم عمران خان کےدورہ وائٹ ہاؤس کو تعلقات بہتربنانےکاموقع قرار دیتے ہوئے کہا کہ پاکستانی وزیر اعظم کے دورہ کو امریکہ میں‌ بڑی اہمیت دی جارہی ہے. ۔ٹرمپ انتظامیہ کے مطابق ٹرمپ عمران خان ملاقات میں انسداد دہشت گردی پر بات ہوگی،اس کے علاوہ خواتین کےحقوق،میڈیاکی آزادی اور دیگر امور بھی زیر غور آئیں گے، اپنے بیان میں ٹرمپ انتظامیہ نے افغان امن عمل میں پاکستانی کردار کی تعریف بھی کی۔

واشنگٹن: وزیر اعطم عمران خان نے امریکہ جاتے ہی معیشت کی بہتری کے لیے اقدامات شروع کردئیے ،سب سے پہلے وزیراعظم عمران خان سے واشنگٹن میں مقیم پاکستانی کاروباری شخصیات کے وفد نے ملاقات کی ہے، وفد کی سربراہی کاروباری شخصیت طاہر جاوید نے کی۔عمران خان نے اس موقع پر کہا کہ پاکستان دنیا کا معاشی مرکز بننے جارہا ہے

واشنگٹن سے ذرائع کے مطابق اس موقع پر وزیراعظم عمران خان نے ملاقات میں پاکستانی کاروباری شخصیات کو پاکستان میں سرمایہ کاری کی دعوت دیتے ہوئے کہا کہ شوکت خانم ہسپتال کے لئے اورسیز پاکستانیوں نے ہمیشہ کھلے دل سے فنڈز بھیجے اور ہمیشہ اوورسیز پاکستانیوں نے پاکستان کی ترقی کے لئے بڑھ چڑھ کر حصہ ڈالا ہے۔