Category: اہم خبریں

بھارت میں الیکشن کے نتائج آنے کے بعد بھارتی وزیر اعظم نریندر مودی نے مرکزی کابینہ کا اجلاس طلب کر لیا

باغی ٹی وی کی رپورٹ کے مطابق بھارتی کابینہ کا اجلاس جمعہ کو ہو گا،جس میں نئی حکومت کی نئی کابینہ کے لئے پرانی کابینہ کو مستعفی ہو نا پڑے گا، بھارتی وزیر اعظم نریندر مودی بھی اپنا استعفیٰ دیں گے وہ اپنا استعفیٰ بھارتی صدر رامناتھ کووند کو پیش کریں گے .
واضح رہے کہ بھارتی وزیر اعظم نریندر مودی کی جماعت بی جے پی کو الیکشن میں 291 سیٹیں مل چکی ہیں. کسی بھی پارٹی کو حکومت بنانے کے لیے 272 نشستیں درکار تھیں ، اب بی جے پی دوبارہ حکومت بنائے گی .

بھارتی الیکشن ،بی جے پی کی واضح اکثریت، سشما کی مودی کو مبارکباد

بھارت الیکشن نتائج، مودی بمقابلہ راہل،کون بنے گا انڈین پی ایم؟

بھارت کے سترہویں لوک سبھا الیکشن میں گنتی جاری ہے، بی جے پی ایک بار پھر حکومت بنانے جا رہی ہے، بھارتی وزیر خارجہ سشما سوراج نے مودی کو الیکشن میں بی جے پی کی کامیابی پر مبارکباد دی ہے

باغی ٹی وی کی رپورٹ کے مطابق بھارتی وزیر اعظم نریندر مودی کی جماعت کو الیکشن میں 291 سیٹیں مل چکی ہیں. کسی بھی پارٹی کو حکومت بنانے کے لیے 272 نشستیں درکار تھیں ، اب بی جے پی دوبارہ حکومت بنائے گی. بھارت کی کل 542 سیٹیں ہیں.الیکشن کے نتائج کے مطابق کانگریس 51 نشستوں پر،ترنمول کانگریس 25،وائی ایس آر کانگریس 24 اور دراوڑ مننترکژگم (ڈی ایم کے) 22 نشستوں پر آگے ہے ۔ بی جے پی کے اتحادی شیو سیناکو ابھی تک 19 سیٹیں ملی ہیں، جنتا دل متحدہ کو 16 اور لوک جن شکتی پارٹی کو 6 سیٹیں ملی ہیں ،جموں کشمیر میں پانچ نشستوں میں سے تین پر نیشنل کانفرنس، بی جے پی دو اور آزاد امیدوار ایک سیٹ پر آگے ہے .

الیکشن میں بی جے پی کو واضح اکثریت ملنے پر وزیر خارجہ سشما سوراج نے بھارتی وزیر اعظم نریندر مودی کو مبارکباد دی ہے. سماجی رابطے کی ویب سائٹ ٹویٹر پر سشما نے کہا کہ وزیر اعظم، آپ کو بہت بہت مبارک ہو کہ بھارتیہ جنتا پارٹی کو اتنی بڑی فتح حاصل ہوئی۔میں ملک کے عوام کے لئے دل سے تعریف کرتی ہوں .

بھارت میں انتخابات کے بعد آج نتائج آنا شروع ہو گئے، ابتدائی نتائج کے مطابق مودی کے دوربارہ وزیر اعظم بننے کے امکانات ہیں تا ہم آخری نتیجہ آنے تک کچھ نہیں کہا جا سکتا. کسی بھی پارٹی کو حکومت بنانے کے لیے 272 نشستیں درکار ہیں

باغی ٹی وی کی رپورٹ کے مطابق بھارت میں سات مراحل میں ہونے والے الیکشن کا نتیجہ آج جاری ہوگا، گیارہ اپریل تا انیس مئی جاری رہنے والے بھارتی لوک سبھا الیکشن میں دوہزار سے زائد پارٹیوں نے لوک سبھا کی پانچ سو تینتالیس نسشتوں کے لیے آٹھ ہزار کے قریب امیدوار میدان میں اتارے تھے۔ بھارتی میڈیا کا کہنا ہے کہ 542 میں سے 357 نشستوں کی گنتی مکمل ہو گئی ہے جس کے مطابق بی جے پی کا اتحاد نیشنل ڈیموکریٹس الائنس 158نشستوں کیساتھ پہلے نمبر پر ہے، کانگریس کا اتحاد یونائیٹڈ پروگریسو الائنس 99 نشستوں کے ساتھ دوسرے نمبر پر ہے جبکہ دیگرجماعتوں کو 102 نشستیں ملی ہیں۔

مدھیہ پردیش میں 29، راجستھان میں 25، دہلی میں 7، ہماچل پردیش میں 4، اتراکھنڈ میں 5 پارلیمانی سیٹیں ہیں اور ان تمام سیٹوں پر بی جے پی کے امیدوار آگے ہیں۔ کئی ریاستوں میں بی جے پی محض ایک یا دو سیٹ پر پیچھے ہے اور بقیہ پارلیمانی سیٹوں پر آگے چل رہی ہے۔ ابھی تک کے نتائج کے مطابق بی جے پی حکومت بناتی نظر آ رہی ہے. پنجاب میں 13 پارلیمانی حلقے ہیں جن میں سے 9 لوک سبھا سیٹوں کانتیجہ سامنے آیا ہے۔ کانگریس 7 سیٹوں پر جب کہ بی جے پی 2 سیٹوں پر آگے چل رہی ہے۔کانگریس صدر راہل گاندھی اتر پردیش کی امیٹھی اور کیرالہ کی وائناڈ دونوں پارلیمانی نشستوں‌پر آگے ہیں تا ہم حتمی نتیجہ ابھی نہیں آیا.

پاکستانی وزیر خارجہ شاہ محمود قریشی اور ہندوستانی وزیر کارجہ سشما سوراج کے درممیان وزرائے خارجہ کونسل اجلاس کے بعد ملاقات ہوئی ہے جس میں مختلف امور پر تبادلہ خیال کیا گیا. اس موقع پر سشما سوراج نے کہاکہ میں آپ کیلئے مٹھائی لائی ہوں‌ تاکہ آپ کا لہجہ میٹھا ہو جائے.

باغی ٹی وی کی رپورٹ‌کے مطابق شاہ محمود قریشی اور سشما سوراج کے درمیان ہونے والی ملاقات سے متعلق پاکستانی وزیر خارجہ کا کہنا تھا کہ میں نے ہندوستانی وزیر خارجہ سے کہا تمام معاملات مذاکرات سے حل کر لیں، وزیر اعظم عمران خان نے اپنی پہلی تقریر میں‌ ہی یہ پیش کش کی تھی کہ انڈیا ایک قدم آگے بڑھیں‌ہم دو قدم آگے بڑھیں‌گے.

شاہ محمود قریشی کا کہنا تھاکہ سشما کو شکوہ تھا کہ ہم بعض اوقات کڑوا بولتے ہیں اس لئے میں‌مٹھائی لائی ہوں جس پر میں نے ان سے کہا کہ ہم کڑوی باتیں نہیں‌کرتے بلکہ آپ کی جانب سے ایسی حرکتیں‌کی جاتی ہیں.

یاد رہے کہ قبل ازیں کرغیز ستان کے دارالحکومت بشکیک میں شنگھائی تعاون تنظیم کی وزرائے خارجہ کونسل کے اجلاس کے موقع پر سشما سوراج اور شاہ محمود قریشی ایک دوسرے کی بغل میں کھڑے تھے تاہم جب گروپ فوٹو کی باری آئی تو بھارتی وزیر خارجہ بوکھلا گئیں اور انہوں نے فوری طور پر اپنی جگہ تبدیل کر لی تاہم بعد میں انہوں نے شاہ محمود قریشی سے ملاقات کی.

یاد رہے کہ پلوامہ حملہ کے بعد پاکستان اور بھارت میں ایک مرتبہ پھر زبردست کشیدگی پیدا ہو گئی تھی جس کے بعد بالا کوٹ میں‌نام نہاد سرجیکل سٹرائیک کی گئی اور پھر پاکستان کی طرف سے دو بھارتی طیارے بھی گرادیے گئے تھے.