Category: اہم خبریں

کام کام اور کام، بانی پاکستان قائداعظم محمد علی جناح کے فرمودات پر عمل کرتے ہوئے وزیراعظم عمران خان نے اتوار کو چھٹی کے دن بھی دو اہم ترین اجلاس طلب کر لئے.

باغی ٹی وی کی رپورٹ کے مطابق وزیراعظم عمرا ن خان آج بنی گالہ میں دو الگ الگ اجلاسوں کی‌صدارت کریں گے. ایک اجلاس میں پنجاب اور خیبر پختونخواہ کے وزراء اعلیٰ اور وزیر قانون کو دعوت دی گئی ہے. اجلاس میں وفاقی وزیر قانون بھی شریک ہون گے. اجلاس میں ججز کے خلاف ریفرنس کے حوالہ سے اپوزیشن جماعتوں کے احتجاج پر غورو خوض کیا جائے گا.اجلاس میں وکلاء کی جانب سے تحریک کا بھی جائزہ لیا جائے گا. دوسرے اجلاس میں وزیراعظم عمران خان نے تمام حکومتی ترجمانوں کو بلایا ہے، اس اجلاس میں بجٹ کے حوالہ سے اپوزیشن کے ممکنہ احتجاج کے حوالہ سے غوروخوض کیا جائے گا.بجٹ پرایوان میں اپوزیشن کی حکمت عملی کےجواب کامعاملہ بھی اجلاس میں زیرغورآئےگا

واضح ہے کہ ججز کے خلاف ریفرنس کے حوالہ سے اپوزیشن اور وکلاء نے تحریک چلانے کی دھمکی دی ہے،.وکلاء نے اعلان کیا ہے کہ سڑکوں پر نکلنے کی بجائے عدالتوں کی تالہ بندی کریں گے ،اپوزیشن جماعتوں نے بھی اس پر احتجاج کیا، حکومتی اتحادی رہنما اختر مینگل بھی ججز کے خلاف ریفرنس پر حکومت سے الگ ہوگئے

پاکستان کے آرمی چیف جنرل قمر جاوید باجوہ نے عمرہ کی سعادت حاصل کر لی

باغی ٹی وی کی رپورٹ کے مطابق آرمی چیف جنرل قمر جاوید باجوہ سعودی عرب پہنچے جہاں انہوں نے عمرہ ادا کیا. آرمی چیف جنرل قمر جاوید باجوہ کیلیے خصوصی طور پر خانہ کعبہ کا دروازہ کھولا گیا.آرمی چیف جنرل قمر جاوید باجوہ نے پاکستان کی ترقی ،خوشحالی ،استحکام اورامن کیلیے خصوصی دعائیں کیں.

واضح رہے کہ پاکستان کے وزیراعظم عمران خان نے بھی رمضان المبارک کے دوران عمرہ ادا کیا تھا انہوں نے او آئی سی کے اجلاس میں بھی شرکت کی تھی .اور خطاب کیا تھا جس میں انہوں نے حرمت رسول صلی اللہ علیہ وسلم کا مسئلہ خصوصی طور پر اٹھایا تھا

پاک فوج کے ریٹائرڈ آفیسرز اور جوانوں نے اعلان کیا ہے کہ دشمن سن لے، جنگ مسلط کی گئی تو 35 لاکھ ریٹائرڈ فوجی پاک فوج کے شانہ بشانہ اگلے مورچوں پر ہوں گے

باغی ٹی وی کی رپورٹ کے مطابق پاکستان ایکس سروس مین سوسائٹی کی ایگزیکٹو باڈی کا اجلاس مقامی ہوٹل میں ہوا جس کی صدارت سوسائٹی کے مرکزی صدر لیفٹیننٹ جنرل(ر) امجد شعیب نے کی. اجلاس میں مرکزی عہدیداران ‘کرنل ظفر ، کرنل ممتاز، جنرل اعجاز اعوان اکوال ، کرنل نجم الحسن ، کرنل غلام حیدر راجہ صدر چکوال نے بھی شرکت کی اجلاس کا آغاز تلاوت کلام پاک سے ہوا جس کی سعادت قاری عبدالرحمان نے حاصل کی، اور نعت قاری عمر نے پڑھی. جنرل ر امجد شعیب نے ملکی موجودہ صورت حال پر تمام ممبران کو اعتماد میں لیتے ہوئے کہا کہ وقت کا تقاضا ہے کہ پاکستان کے 35 لاکھ سابق فوجی فوری طور پر ملکی اندرونی اور بیرونی جارحیت کا مقابلہ کرنے کےلئے تیار ہو جائیں- ھم نے پاکستان کی سالمیت اور حفاظت کےلئے جو حلف اٹھایا تھا وہ مرتے دم تک قائم رہے گااور اب اسی حلف کی پاسداری کا وقت آگیا ہے- انہوں نے کہا کہ اگر دشمن نے پاکستان پر جنگ مسلط کرنے کی کوشش کی تو ھم 35 لاکھ سابق فوجی اپنی پاک افواج کے شانہ بشانہ دشمن کو منہ توڑ جواب دیں گے- انہوں نے تمام عہدیداران کو کہا کہ پاکستان کے تمام سابق فوجیوں کو مرکز سے لے کر یونین کونسل کی سطح پر فعال کرنے کا کام فوری طور پر شروع کردیا جائے- جنرل ر امجد شعیب نے مزید کہا کہ ھمیں اپنے تمام اسلامی ممالک کے ساتھ دوستانہ تعلقات بحال رکھنے چاہئیں- او- آئ- سی کو چاہیئے کہ کشمیر ‘ فلسطین اور روہنگیا کے مسلمانوں پر بڑھتے ہوئے ظلم کے خلاف اقدامات اٹھائے- پلواما کا ذکر کرتے ہوئے انہوں نے کہا کہ انڈیا نے پلواما ڈرامہ رچا کے پاکستان کو بدنام کرنے کی ناکام کوشش کی جب اس میں وہ بری طرح ناکام ہوگیا تو پاکسان کی حدود میں داخل ہو کر جارحیت کی کوشش کی تو وھاں بھی منہ کی کھانی پڑی اور اپنے جہازوں کی تباہی کے ساتھ ساتھ ھماری افواج نے ان کے پائلٹ کو بھی گرفتار کر لیا اور انڈیا دنیا بھر میں رسوا ہوا لیکن پاکستان نے خطے میں امن کی خاطر پائلٹ کو بحفاظت انڈیا کے حوالے کردیا- جبکہ انڈیا نے اسی پائلٹ کو انڈیا پہنچنے پر پاکستان کے خلاف بیان نہ دینے پر فوری تمام مراعات دے کر ریٹائرڈ بھی کردیا ہے- انہوں نے مزید کہا کہ ھم انڈیا کو باور کرانا چاہتے ہیں کہ پائلٹ کو واپس بھیجنا پاکستان کی کمزوری نہ سمجھا جائےاور اگر دوبارہ ایسی حرکت کی تو پاک افواج کے ساتھ ساتھ پاکستان کے 35 لاکھ سابق فوجی اور پاکستان کا ہر شہری اپنی افواج کے شانہ بشانہ اںڈیا کے سامنے سیسہ پلائی ہوئی دیوار بن جائے گا- اس پروگرام میں سردار منصور حیات ٹمن ، کرنل سلطان سرخرو اعوان ، میجر طاہر اقبال ،چوہدری شیر علی ، ملک سلیم بلال ، ملک اکرم منارہ ، میجر یعقوب سیفی ، سمیت تلہ گنگ اور گردونواح سے سابق ریٹایرڈ فوجیوں نے بڑی تعداد میں شرکت کی، شرکاء پاک فوج زندہ باز، پاکستان زندہ باد کے نعرے لگاتے رہے.

قومی اسمبلی میں اپوزیشن لیڈر شہباز شریف لاہور پہنچ گئے، مسلم لیگ ن کے پارٹی قائدین کے ساتھ ایک درجن موٹر سائیکل سوار کارکنان استقبال کے لئے پہنچے تو شہباز شریف نے مایوسی کا اظہار کرتے ہوئے پارٹی رہنماوں کو کھری کھری سنا دیں

باغی ٹی وی کی رپورٹ کے مطابق مسلم لیگ ن کے صدر اور قومی اسمبلی میں اپوزیشن لیڈر شہباز شریف پی آئی اے کی پرواز کے ذریعے لندن سے لاہور پہنچے ،مسلم لیگ ن کے رہنما احسن اقبال، امیرمقام، ملک احمد خان، خواجہ عمران نذیر، عظمیٰ بخاری، خواجہ احمد حسان، مجتبیٰ شجاع الرحمان، سیف الملک کھوکھر، پرویزملک، شائستہ ملک، وحیدعالم، سہیل شوکت ودیگر نے شہبازشریف کا ایئرپورٹ پراستقبال کیا،ان کے ہمراہ ایک درجن سے زائد موٹر سائیکل سوار کارکنان تھے، مسلم لیگ ن کے صدر شہبازشریف ایئرپورٹ سے باہر نکلے تو انہوں نے ہاتھ ہلا کرکارکنوں کے نعروں کا جواب دیا۔اپوزیشن لیڈر میاں شہبازشریف لاہور ایئرپورٹ سے ایک درجن گاڑیوں اور ایک درجن موٹرسائیکلوں کے قافلے کی صورت میں ماڈل ٹاؤن میں اپنی رہائش گاہ پہنچے۔ جہاں انہوں نے پارٹی رہنماوں کو کھری کھری سنا دیں اور کہا کہ کل تو دعوے کئے جا رہے تھے کہ کارکنان ائیر پورٹ پہنچنے کے لئے بیتاب ہیں ،کارکنان بھر پور استقبال کریں گے لیکن ائیرپورٹ پر کتنے کارکنان پہنچے؟ نواز شریف نے پارٹی رہنماوں کی کارکردگی پر شدید کا مایوسی کا اظہار کیا.

جعفریہ الائنس کے سربراہ علامہ عباس کمیلی وفات پا گئے.

باغی ٹی وی کی رپورٹ کے مطابق لامہ عباس کمیلی چار ماہ سے سولجر بازار میں واقع ہسپتال میں زیر علاج تھے. وہ سابق سینیٹر بھی رہے ہیں. علامہ عباس کمیلی گزشتہ کئی عرصے سے علیل تھے اور گزشتہ دنوں اُن کی طبیعت کافی ناساز تھی جس کے باعث انہیں اسپتال میں بھی داخل کیا گیا تھا، آج ان کی وفات مقامی ہسپتال میں ہوئی ہے. علامہ عباس کمیلی کےاہل خانہ کی جانب سے تدفین اور نمازِ جنازہ کا حتمی اعلان نہیں کیا گیا۔

وزیراعلیٰ سندھ سید مراد علی شاہ نے علامہ عباس کمیلی کی وفات پر گہرے دکھ کا اظہار کرتے ہوئے کہا کہ مرحوم ایک اچھے عالم اور اچھے انسان تھے، مرحوم کی فرقہ واریہ یکجہتی کیلیے خدمات ہمیشہ یاد رکھی جائیں گی،وزیراعلیٰ سندھ نے مرحوم کی مغفرت کے لیے دعا کی.

نیب نے بڑی کاروائی کرتے ہوئے سابق چیئرمین بی ڈی اے انورسادات کے فرنٹ مین کو گرفتارکر لیا ہے

باغی ٹی وی کی رپورٹ کے مطابق نیب کے ترجمان نے کہا کہ ملزم کوخضدارسےگرفتارکیاگیا،ملزم سابق چیئرمین کی کروڑوں روپےمالیت کی جائیدادوں کا بےنامی دارتھا،نیب نےملزم کا4روزہ ریمانڈ حاصل کرلیا ہے .ڈی جی نیب بلوچستان نے تمام مفرورملزمان کی گرفتاری کیلئےکوششیں تیزکرنےکی ہدایات دی ہیں. نیب انٹیلی جنس نےملزمان کی گرفتاری کیلئےلائحہ عمل تیارکرلیا ہے.

وفاقی وزیر ریلوے شیخ رشید احمد نے کہا ہے کہ نواز شریف اور شہباز شریف کی سیاست مختلف ہے، مجھے اب پتہ چلا کیہ چینی مافیا سبسڈی لے گیا ہے، پاک فوج کے جوانوں نے جانوں کا نذرانہ پیش کر کے ملکی سلامتی کو یقینی بنایا

باغی ٹی وی کی رپورٹ کے مطابق شیخ رشید احمد نے لاہور میں ہفتہ وار اجلاس کے بعد میڈیا سے گفتگو کرتے ہوئے کہا کہ عمران خان نے جو کیا بہتر کیا، اس وقت دنیا کے نشانے پر پاکستان ہے، ہمیں اپنا راستہ بنانا ہے، لوگ ہماری اکانومی تباہ کر کے گئے ہیں. انہوں نے کہا کہ اسوقت ملک میں سب کچھ ہو سکتا ہے نواز شریف اور زرداری کی حکومت نہیں ہو سکتی، شہباز شریف کو چیئرمین پی اے سی بنانا ہماری بڑی غلطی تھی، عمران خان کی مخالفت میں تمام لٹیرے اکٹھے ہو گئے ہیں، مولانا فضل الرحمان ڈیرہ اسماعیل خان میں اپنی زمینوں کی حفاظت کریں. شیخ رشید احمد نے مزید کہا کہ میں نمبر ون سے دوستی اور دشمنی کرتا ہوں. میں اسد عمر کو وزیر دیکھنا چاہتا ہوں. اسد عمر کے گھر مٹھائی بھیجی تھی پتہ چلا کہ گھر خالی ہو گیا ہے. شیخ رشید احمد نے مزید کہا کہ ریلوے نے عید پر تاریخی ایک ارب روپے کمائے ہیں. ریلوے کےپاس 5 روز کے تیل کا ذخیرہ موجود ہے، شیخ رشید احمد نے مزید کہا کہ اضافی ٹرینیں چلانے کے باوجود ریلوے تاریخی خسارہ کم کرے گا ،لاہور کینٹ،کوٹ لکھپت اور رائیونڈ ریلوے اسٹیشن اپ گریڈ کریں گے ،اسٹیشنز کو اپ گریڈ کرنے کامقصد لاہور ریلوے اسٹیشن پر رش کم کرنا ہے،انہوں نے کہا کہ تھل ایکسپریس میں600کی جگہ تھی لیکن1700افراد سوار ہوئے،میں نہیں چاہتا پاکستان ریلوے بحران کا شکار ہو،شیخ رشید احمد نے مزید کہا کہ 28اگست کو اپنےآپ کو قوم کے سامنے پیش کروں گ اور بتاوَں گا خسارہ کتنا کم کیا ہے ،میں نے 30ٹرینیں چلائیں اور20لاکھ لٹر آئل بچایا.

شیخ رشید کی جانب سے سندھ کو ایڈزستان کہنے پر بلاول نے کیا کام کیا؟

بلاول کے شہر لاڑکانہ میں مزید 617 افراد میں ایڈز کی تشخیص

ایڈز سے متاثرہ افراد کو تنہا نہیں چھوڑیں گے، بلاول

نیب متحرک، ایڈزکنٹرول پروگرام کے مالی امور،فنڈنگ کی تفصیلات طلب