فیصل آباد: چائلڈ لیبر کے خاتمے کے عالمی دن کے موقع پر محکمہ محنت کے زیر اہتمام آگاہی واک کی گئی۔ جس کی قیادت ڈائریکٹر لیبر ملک منور احمد اعوان نے کی۔ واک لیبر آفس سے شروع ہو کر جیل روڈ پر پہنچ کر اختتام پذیر ہوئی۔ اسسٹنٹ ڈائریکٹرز لیبر یسین سرفراز، مدثر رضوان،افتخاراحمد،سپرنٹنڈنٹ محمدانور،دیگرافسران،اہلکار،مزدور رہنما محمد اسلم وفا اور شہری بھی شریک تھے۔ڈائریکٹر لیبر نے اظہار خیال کرتے ہوئے کہا کہ چائلڈ لیبر کے خاتمے کے لئے موثر اقدامات کئے جارہے ہیں اس ضمن میں آگاہی سیمینارز اور واکس کے انعقاد کا سلسلہ بھی جاری ہے۔انہوں نے بتایا کہ خلاف ورزی کرنیوالوں کیخلاف قانونی کارروائی بھی عمل میں لائی جارہی ہے اور رواں سال ایک سو سے زائد مقدمات درج کرائے گئے ہیں۔انہوں نے کہا کہ چائلڈ لیبرکی روک تھام کے لئے ٹیمیں سرگرم ہیں اور آئندہ بھی متعلقہ قوانین پر عملدرآمد کویقینی بنائیں گے۔دیگرمقررین نے بھی چائلڈ لیبر کے خاتمے پر زور دیتے ہوئے کہا کہ اس سلسلے میں عوامی آگاہی ناگزیر ہے۔
Category: صحت
فیصل آباد سمیت 5 مختلف شہروں میں ایچ آئی وی پازیٹو کے مریضوں میں خطرناک حد تک اضافہ
فیصل آباد سمیت پنجاب کے 5 اضلاع میں ایچ آئی وی پازیٹو کا شکار افراد کی تعداد میں خطرناک حد تک اضافہ ہونے کا انکشاف ہوا ہے جس کے باعث محکمہ صحت پنجاب میں کھلبلی مچ گئی ہے – ان پانچوں اضلاع سے پنجاب ایڈز کنٹرول پروگرام کے تحت مفت ادویات کے حصوصل کے لئے 3 ہزار کے قریب افراد نے رابطہ کیا جس سے یہ معاملہ سامنے آیا ہے – واضح رہے کہ ایچ آئی وی پازیٹو کے حامل افراد کا تعلق فیصل آباد، چنیوٹ، جھنگ، ساہیوال اور ننکانہ صاحب شامل ہیں۔
پنجاب ایڈز کنٹرول پروگرام کا فیصل آباد یونٹ الائیڈ ہسپتال کے کمرے میں قائم کیا گیا ہے جو ایچ آئی وی/ایڈز کے رجسٹرڈ مریضوں کو مفت ادویات فراہم کررہا ہے جبکہ ان 5 اضلاع سے ماہانہ 70 سے 90 کیسز اس بیماری کے موصول ہورہے ہیں جبکہ ان مریضوں میں زیادہ تر کو اپنی حالت کے بارے میں خون عطیہ کرنے، بیرون ملک جانے یا سرجری سے گزرنے سے قبل کیے گئے اسکریننگ ٹیسٹ کے ذریعے معلوم ہوا۔
پنجاب ایڈز کنٹرول پروگرام کے جاری کردہ اعداد و شمار کے باوجود فیصل آباد ڈویژن کے تین اضلاع فیصل آباد،چنیوٹ اور جھنگ سمیت ساہیوال اور ننکانہ میں ابھی تک ضلعی انتظامیہ خاموشی کا مظاہرہ کررہی ہیں کیونکہ ابھی تک ضلعی حکومتوں کی جانب سےایک بھی ضلع میں کسی بھی مقام پر کوئی اسکریننگ کیمپ نہیں لگایا گیا۔ جبکہ یہ بھی وارننگ دی گئی ہے کہ پی اے سی پی کا متعلقہ سٹاف کسی کو بھی بیماری کے حوالے سے کوئی معلومات کسی کو دے گا نہ کوئی رپورٹ لیک کرے گا بصورت دیگراس کے خلاف سخت کارروائی کی جائے گی۔
گجرات: عطائیوں کے خلاف کریک ڈاؤن تیز، 2 کلینک سیل
گجرات(نمائندہ باغی ٹی وی) اسسٹنٹ کمشنر گجرات محمد جمیل نے محکمہ صحت کی ٹیم کے ہمراہ کامیاب کاروائی کرتے ہوئے کٹھالہ چناب اور غازی چک کے علاقہ میں دو عطائیوں کے کلینک سیل کر دیے ہیں۔ ڈپٹی کمشنر گجرات کی ہدایت پر جاری کریک ڈاؤن کے دوران ٹیم نے غازی چک جابر حسین اور کٹھالہ کے علاقہ میں قمر اعجاز کے کلینکس کی چیکنگ کی جہاں یہ دونوں ہو میو ڈاکٹرز مریضوں کو ایلو پیتھک ادویات دے رہے تھے۔ اسسٹنٹ کمشنر اور انکی ٹیم نے دونوں کلینکس کو سیل کرکے وہاں سے بڑی مقدار میں ایلو پتھک ادویات قبضہ میں لے لی ہیں اور انکے خلاف کیسز مجاز اتھارٹی کو بھجوادیے ہیں۔
شہریوں کا کوئی پرسان حال نہیں گلیاں جوہڑ تالاب کا منظر پیش کرنے لگیں
سرگودہا(نمائندہ باغی ٹی وی )اسلام پورہ گلی نمبر 2 اور3 میں سیاسی ہٹ دھرمی اور انتقامی کاروائی کی وجہ سے نمازیوں کا مسجد کو جانے کا راستہ بند گٹروں کے ڈھکن اور کنارے نہ بنانے کی وجہ سے روزانہ رکشے الٹ جاتے ہیں.اسلام پورہ گلی نمبر 3 سوئیپر صفائی کے بھی ہزاروں روپے رشوت مانگنے لگے انتظامیہ خاموش تماشائی بن گئی ان علاقوں کا کوئی پرسان حال نہیں گلیاں محلے جوہڑ اور تالاب کا منظر پیش کرنے لگے
سرگودہا میں موجود غیر قانونی کچرا کنڈی کا تعارف
سرگودہا(نمائندہ باغی ٹی وی)استقلال آباد كالونى(منی)سرگودھا
کی غیر قانونی کچرا کنڈی کا تعارف
اس کچرا کنڈی کے اندر کھڑے سیاسی سماجی کارکن، چیمبر آف کامرس کے رکن محمد جاوید اقبال کے دائیں طرف الاخلاق پبلک ہرائیویٹ اسکول اور بل مقابل بوائز اسکول،انکے بائیں جانب ھیلتھ ڈسپنری، بچیوں کا پرائمری اسکول اور سڑک کے دوسری جانب لڑکیوں کا ھائی اسکول،ان کی پشت پر مرکزی جامع مسجد، انکے سامنے لاکھوں روپے سے نو تعمیر شدہ پارک ھے-
اس کچرہ کنڈی سے اٹھنے والے تعفن کے باعث اسکول جانے والی بچیاں بچےنمازی اور راہ گیر منہ پر ھاتھ یا کپڑا رکھ کر گزرتے ھیں اس کچرہ کنڈی میں کوڑا کرکٹ کو لگائی گئی آگ سے گرد و نواح کی رھائشی آبادی اور گزرنے والے لوگوں کا سانس لینا دوبھر ھو جاتا اور آلودہ فضا سانس کی بیماریوں کا باعث بنتی ھے-
کشمنر سرگودھا ڈویثزن
ڈپٹی کمشنر ضلع سرگودھا
محكمه ماحوليات ضلع سرگودها
ایڈمنسٹریڑ میونسپل کارپویشن سرگودھا
ھیلتھ آفیسر میونسپل کاریوریشن سرگودھا
اس غیرقانونی کچرہ کنڈی کا خاتمہ کرکے سکولز، مسجد اور پارک میں سیروتفریح کے لئے آنے والوں کو اس زھر آلود ماحولیاتی آلودگی سے نجات دلائیںڈپٹی کمشنر گوجرانوالہ کا دیہی مرکز صحت کا اچانک دورہ
گوجرانوالہ: ڈپٹی کمشنر نائلہ باقر کا دیہی مرکز صحت سوہدرہ کا اچانک دورہ
ڈپٹی کمشنر نے حکومت پنجاب کی جانب سے لازمی قرار دی گئیں 32 ادویات کے سٹاک، ڈاکٹرز کی حاضری، مسائل کا جائزہ لیا ۔ لیبر روم،ریکوری روم، وارڈز، ادویات سٹور، ڈسپنسری کا بھی دورہ کیا۔
ڈپٹی کمشنر کا رجسٹری برانچ وزیرآباد کا بھی دورہ، ریکارڈ کی حفاظت کے لیے سیکیورٹی کیمرے لگانے کی ہدایت کی
تحصیل آفس میں رجسٹریشن، انتقال، فرد ملکیت اور دیگر خدمات کے حصول کے لیے آئے سائلین سے بھی معیار بارے استفسار کیا
سائلین نے خدمات اور افسران کی دستیابی پر اطمینان کا اظہار کیا۔
ڈپٹی کمشنر کا رجسٹریشن برانچوں میں ریکارڈ چوری اور ردوبدل کی روک تھام کے لیے جدید کیمرے نصب کرنے کا حکم دیا اور سائلین کی درخواست پر بیٹھنے کا انتظام، پینے کاصاف پانی اور پنھکے کی سہولت فراہم کرنے کی ہدایت
گجرات میں ڈینگی کی روک تھام کے لیے آگاہی واک کا اہتمام
گجرات(نمائندہ باغی ٹی وی) ۔شہریوں میں ڈینگی بارے شعور کیلئے آگاہی واک، ڈپٹی کمشنر ڈاکٹر خرم شہزاد نے قیادت کی تفصیلات کے مطابق گجرات میں ڈینگی کی روک تھام کیلئے آگاہی واک میں سی ای او ہیلتھ ڈاکٹر زاہد تنویر، محکمہ صحت کے افسران، ملازمین اور مختلف شعبہ ہائے زندگی کے افراد کی شرکت، اس موقع پر ڈی سی گجرات ڈاکٹر خرم شہزاد نے کہا کہ محکمہ صحت کی ٹیمیں ڈینگی سرویلنس کو مزید موثر بنائیں۔ تالابوں، بڑی فیکٹریوں، قبرستانوں کی انسپکشن یقینی بنائی جائے انسداد ڈینگی میں رکاوٹ، ڈینگی کے فروغ کا سبب بننے والوں کے خلاف ایکشن لیا جائے ۔ انسداد ڈینگی ٹیموں کی استعداد بڑھانے کیلئے ٹریننگ پر خصوصی توجہ دی جائے۔
سرکاری ادویات کی چوری ، عملہ سے نارواسلوک ، پٹرول کی جعلی رسیدیں ، بجٹ میں خوردبرد کرنے سمیت دیگر الزامات درست
کوٹ رادھا کشن: ڈی ڈی ایچ او فراز رشید کے حوالے سے انکوئری مکمل کر لی گئی ہے اور الزامات ثابت ہو چکے ہیں۔
رپورٹ ڈی سی او قصور کو ارسال کردی گئی ہے۔
ڈی ڈی او فراز رشید کی انکوئری کئی ماہ بعد مکمل کر لی گئی ہے۔
انکوئری رپورٹ میں الزامات کی تصدیق کرتے ہوئے کہا گیا ہے کہ سرکاری ادویات چوری ، ماتحت عملہ سے گالی گلوچ ، پٹرول کی جعلی رسیدیں ، فلیڈ میں جعلی وزٹ اور بجٹ میں خوردبرد کرتا رہا ہے۔
ڈپٹی ڈسٹرکٹ ہیتلھ آفسر رشید کے خلاف چند ماہ قبل ان کے ماتحت عملہ کی طرف سے مقامی اسسٹنٹ کمشنر کو درخواست دی گئی جس میں درخواست گزار کا کہنا تھا کہ فراز رشید اپنے عملہ سے نارواسلوک رکھتا ہے اور فحش گالیاں دیتا ہے اس کے علاوہ گھر یلو کام کاج بھی کرواتا ہے۔
پسماندہ اضلاع میں مصنوعی اعضاء سنٹرز بنائے جائیں گے: ڈاکٹر ثانیہ نشتر
احساس پروگرام کی چیئر پرسن ڈاکٹر ثانیہ نشتر نے کہا ہے کہ بیس پسماندہ اضلاع میں معذورفرادکےلیےمصنوعی اعضاء کے سینٹرزبنائےجائیں گے.
باغی ٹی وی کی رپورٹ کے مطابق ڈاکٹر ثانیہ نشتر نے پی آئی ڈی میں پریس کانفرنس کرتے ہوئے کہا کہ بہت سے اداروں نےرضاکارانہ طورپربجٹ میں کٹوتی کا فیصلہ کیاہے، تمام وزارتوں نے بجٹ میں کٹوتی کا اعلان کیا ہے بجٹ کٹوتی کا فیصلہ فلاحی ریاست کی جانب اہم قدم ہے ،انہوں نے کہا کہ انصاف کارڈ کے ذریعے معذور افراد کو مفت ویل چیئراورسفید چھڑی فراہم کی جائےگی ، معذورافراد کواحساس پروگرام کے تحت کارڈ جاری کرنے کا فیصلہ کیا گیا ہے،معذوری میں نابینا اورسماعت سےمحروم افراد بھی شامل ہیں ،ڈاکٹرثانیہ نے مزید کہا کہ اس تمام عمل کوشفاف بنانےکےلیےعملی اقدامات کیے جا رہے ہیں ،قانون کےتحت سرکاری ملازمتوں معذورافرادکو2فیصدکوٹہ رکھا گیا ہے حکومت نےمعذورافراد کوہرممکن معاونت فراہم کرنےکا فیصلہ کیا ہے،نادرا کےتحت رجسٹرمعذورافرادکوسہولیات فراہم کرنےکافیصلہ کیا گیا
ڈسٹرکٹ ہسپتال سکردو کی حالت راز
بلتستان یا مسائلستان
زیر نظر تصویر ڈسٹرکٹ ہسپتال سکردو کی ہے, بلتستان ڈویژن کی واحد بڑا ہسپتال جہاں روزانہ سینکڑوں مریضوں کا علاج ہوتا ہے مگر ہسپتال کی حالت زار دیکھنے کے بعد لگتا ہے یہ کباڑ خانہ ہے, ایسے ماحول میں خدا جانے کس مرض کا علاج ہوتا ہے, یہ تو الٹا بیماریوں کو دعوت دینے کے مترادف ہے, کچرے سے بھرا ہسپتال جہاں ہر جگہ گندگی کی ڈھیر پڑی ہے,نہ صفائی ستھرائی کا مناسب انتظام ہے نہ دوائیاں ملتی ہیں,ایک بیٹ پر دو سے تین مریضوں کو بٹھایا جاتا,طبعی سہولتوں سے محروم اس ہسپتال کے ساتھ لفظ "ہسپتال” لکھنا ہی مناسب نہیں سمجھتا, باہر سے روغن اور چونا لگا کر ہسپتال کو خوبصورت بنانے کی بھرپور کوشش کر رہے ہیں مگر حقیقی چونا تو بے چارے عوام کو لگ رہا ہے, ووٹ لے کر, بلند و بانگ نعرے بلند کرتے عوامی نمائندوں کو جب کرسی نصیب ہوتی ہے تو پھر گدھے کے سر سے سینگ کی طرح غائب ہو جاتے ہیں,.
میرا دیس اب بلتستان کی جگہ مسائلستان بن چکا ہے, جہاں ہر جگہ مسائل ہیں مگر ان کا حل ڈھونڈنے والا نہیں..
نام نہاد عوامی نمائندے اور ہسپتال انتظامیہ دونوں اس میں برابر کے شریک ہیں,جب تک صاف ستھرا ماحول میسر نہ ہو مریض کی مرض کا علاج ممکن نہیں,ایک بیماری کی علاج کے چکر میں کئی بیماریوں کو دعوت دے رہی ہے…
خدارا کچھ ہوش کے ناخن لیں اور بیچارے عوام پر رحم کریں, یہاں انسان علاج و معالجے کی غرض سے آتے ہیں جانور نہیں..
ایک ایشو پر آواز اٹھاوں تو دوسرا لبیک کہتا ہوا خود حاضر ہوتا ہے.
از قلم : فیصل آکاش
