گجرات (نمائندہ باغی ٹی وی)عزیز بھٹی شہید ٹیچنگ ہسپتال میں PMA ضلع گجرات ، YDAضلع گجرات AHP,YNA اور کلاس فور ملازمین کا MTI ایکٹ کے خلاف مشترکہ احتجاج آٹھویں روز بھی جاری۔دور دراز سے علاج کے لیے آنے والے مریضوں کو شدید مشکلات کا سامنا۔ایمرجنسی میں رش بڑھنے پر ہسپتال عملے اور مریضوں کے لواحقین کے درمیان تکراراور جھگڑے کے واقعات معمول بنتے جا رے ہیں۔ایک طر ف ڈاکٹر اور پیرا میڈیکل سٹاف اپنے مطالبات کے لیے سر اپا احتجاج ہیں اور اپنے مطالبات کی منظوری تک کام کرنے سے انکاری ہیں تو دوسری طر ف انتظامیہ اور حکومتی نمائیدے خاموش تماشائی بنے ہوئے ہیں ۔ہیلتھ منسٹر ڈاکٹر یاسمین راشد کا کہنا ہے کہ ڈاکٹرز بلاوجہ احتجاج کر رہے ہیں اس ایکٹ کے نفوذ میں سب سے زیادہ فائدہ ڈاکٹرز اور ہسپتال عملے کو ہو گا اور پروٹوکول کی حوصلہ شکنی ہو گئی کیونکہ فری والا تصور ختم ہو جائے گا۔دوسری طرف ڈاکٹرز کا موقف ہے کہ وہ MTI ایکٹ کو موجودہ حالت میں تسلیم نہیں کریں گے اگر حکومت پنجاب ایسا کوئی ایکٹ نافذ کرنا چاہتی ہے تو وہ ہیلتھ سے متعلق تمام سٹیک ہولڈرز کو اعتماد میں لے اور ایسا ایکٹ متعارف کروائے جس میں غریب مریضوں کو فری طبی سہولیات با آسانی میسر آہیں کیونکہ فری علاج کی سہولیات مہیا کر نا حکومت وقت کی ذمہ داری ہے اور مریضوں کا جمہوری حق بھی۔
Category: صحت
دمہ کے عالمی دن کی مناسبت سے ریلی
مظفرگڑھ میں دمہ کے عالمی دن کے موقع پرشہریوں میں شعور اجاگر کرنے کے لئے ڈسٹرکٹ ہسپتال مظفرگڑھ میں ریلی نکالی گئی۔ جس کی قیادت میڈیکل سپرنٹنڈنٹ ڈاکٹر مہر محمد اقبال نے کی ۔ریلی میں ڈاکٹرز، پیرا میڈیکل سٹاف، نرسز اور شہریوں کی کثیرتعدادنےشرکت کی۔ ریلی کے شرکاء نے پلے کارڈز اور بینرز اٹھار کھے تھے جن پر دمہ کے حوالے سے تحریریں درج تھیں۔ریلی کے شرکاء سے خطاب کرتے ہوئے ڈاکٹر عبدالحمید غوری نے دمہ کی علامات اور اس کے علاج پر روشنی ڈالی۔ ڈاکٹر عبدالحمید غوری کا کہنا تھا کہ دمہ قابل علاج مرض ہے اس کی علامات ظاہر ہونے کی صورت میں گھبرانے کی بجائے ڈاکٹر سے رجوع کیا جائے۔
پوری دنیا میں آج تھیلیسیمیا کا عالمی دن منایا جارہا ہے کمشنر فیصل آباد محمود جاوید بھٹی نے آگاہی واک میں شرکت کی
فیصل آباد، پوری دنیا میں آج تھیلیسیمیا کا عالمی دن منایا جارہا ہے ، کمشنر فیصل آباد محمود جاوید بھٹی نے گلستان کالونی میں سندس فائونڈیشن کے دفتر کا دورہ کیا اور مریض بچوں کی عیادت کی اور آگاہی واک میں شرکت کی ، سندس فائونڈیشن کے منتظمین کا کہنا تھا انکی فائونڈیشن کے زیر اہتمام روزانہ کی بنیاد پر فیصل آبا د میں 2 سے زائدتھیلیسیمیا کے بچوں کو خون لگایا جاتا ہے۔
اب سرکاری ہسپتال بھی پرائیویٹ ہوں گے ایک اور تبدیلی آگئی
سرگودہا(عمیر ضیاء) ڈسٹرکٹ ہیڈ کوارٹرٹیچنگ ہسپتال سرگوہا کو پرائویٹائز کرنے کے معاملے پر ینگ ڈاکٹرز ایسو ای ایشن کا پانچ روز سے اجتجاج جاری ہے جس کے باعث شہریوں کو شدید مشکلات کا سامنا ہے ایمرجنسی وارڈ ہو کا عالم پیش کر رہا ہے جس کی وجہ ڈاکٹرز کی ہڑتال ہے جو ہسپتال کو پرائیویٹ کرنے کو حوالے سے شدید غصہ میں ہیں سرگودہا ڈی ایچ کیو ہسپتال وہ واحد ہسپتال ہے جہاں پورے ڈویژن بھکر،خوشاب،میانوالی اور ملحقہ علاقوں سے مریضوں کا علاج کیا جاتا ہے ان کو طبی سہولیات فراہم کی جاتی ہیں لیکن اس کو پرائیویٹ کرنے کے حکومتی فیصلے سے نہ صرف ڈاکٹرز بلکہ سول سوسائٹی اور عام شہری بھی سراپا اجتجاج ہیں شہریوں کو اس وقت علاج معالجے کے حوالے سے شدید مشکلات کا سامنا ہے حکومت سے شہری اس کا فوری نوٹس لینے کا مطالبہ وزیر اعطم پاکستان اور چیف جسٹس پاکستان سے کر رہے ہیں
ممکنہ سیلاب سے نمٹنے کرنے کے لیے ریسکیو 1122 کی فرضی مشقیں
شیخوپورہ (نمائندہ باغی ٹی وی) حکومت پنجاب کی ہدایت کے مطابق ریسکیو 1122 شیخوپورہ نے ایڈیشنل ڈپٹی کمشنر ریونیو رانا شکیل اسلم کی زیرنگرانی خانپور نہر پر ممکنہ سیلاب کی تباہ کاریوں سے نمٹنے کیلئے فرضی مشقوں کا اہتمام کیا- ان فرضی مشقوں میں ریسکیو 1122 سمیت، محکمہ صحت، سول ڈیفنس، محکمہ انہار، لائیو سٹاک اور دیگر اداروں نے شرکت کی اور کیمپس لگائے-ایڈیشنل ڈپٹی کمشنرریونیو رانا شکیل احمد اور ڈسٹرکٹ ایمرجنسی آفیسر انجینئر رانا اعجاز احمد نے فرضی مشقوں کا معائینہ کیا- فلڈ موک ایکسر سائز کا مقصد ممکنہ سیلاب سے نمٹنے کیلئے پہلے سے تیاری کرنا اور اداروں کی کارکردگی کا جائزہ لینا ہے- اس موقع پر نمائندہ پرونشل ڈیزاسٹرمینجمنٹ اتھارٹی(PDMA) جمیل احمد بھی موجود تھے- ریسکیو 1122 کی طرف سے سیلاب میں پھنسے افراد کے انخلاء اور زخمیوں کو فوری ہسپتال منتقلی کا عملی مظاہرہ کیا گیا-
پنجاب اسمبلی کے سامنے دھرنے کا اعلان ہو گیا، حکومت بات کرے ورنہ، بڑی خبر آ گئی
لاہور میں پانچ روز سے ہڑتال کرنے والے ینگ ڈاکٹرز نے اعلان کیا ہے کہ اسمبلی کے اگلے سیشن کے دوران پنجاب اسمبلی کے باہر دھرنا دیں گے
باغی ٹی وی کی رپورٹ کے مطابق ینگ ڈاکٹرز کے نمائندہ چیرمین گرینڈہیلتھ الائنس ڈاکٹرسلمان حسیب سمیت دیگر نے پریس کانفرنس کرتے ہوئے کہا کہ اسپتالوں کوکاروباری مراکزبنانے کےخلاف تمام تنظیمیں متحدہیں ابھی تک حکومت نےباقاعدہ مذاکرات کی کوشش نہیں کی جب تک حکومت بات نہیں سنتی تمام اسپتالوں کےآؤٹ ڈوربند رہیں گے، تین دن میں مطالبات منظورنہ ہوئےتو ان ڈور میں بھی کام بند کردیں گے، انہوں نے مزید کہا کہ وزیر صحت ڈاکٹر یاسمین راشد غیر ذمہ دارانہ بیان دیتی ہیں، پنجاب اسمبلی سیشن کے دوران اسمبلی کے باہر دھرنا دیں گے. ہسپتالوں کو دیہاڑی دار ٹھیکیدار نہیں چلا سکتے، پنجاب بھر میں ہسپتالوں کی نجکاری کو مسترد کرتے ہیں ،سول سرونٹ ایکٹ کوختم کرنے کی مخالفت کرتے ہیں
پاک آرمی کے زیر اہتمام فری میڈیکل کیمپ کا انعقاد
گجرات(نمائندہ باغی ٹی وی)چیئرمین چودھری ولایت اللہ اویس ڈوئیاں کی خصوصی کاوشوں سے پاک آرمی کے زیر اہتمام بی ایچ یو دلاور پور میں اےک روزہ فری میڈیکل کیمپ کاشاندار انعقاد۔فری میڈیکل کیمپ میں 1000کے تقریب مریضوں کا چیک اپ اور میڈیسن دی گئی جن میں 600کے قریب بچوں اور خواتین کو اور 400کے قریب مردوں کو چیک اپ اور میڈیسن دی گئی فری میڈیکل کیمپ میںمحکمہ ہےلتھ تحصےل کھارےاں اور ملٹری ہےلتھ کے ڈاکٹر ز، لےڈی ڈاکٹر ، مےڈےکل سپشلسٹ ،آئی سپشلسٹ، چلڈ سپشلسٹ اورسرجن ڈاکٹروں کی ٹیم نے بی ایچ یو دلاور پور کے انچارچ منصور جلےل اور مقامی ٹےم اور معززےن ےوسی دلاورپور کی معاونت سے مرےضوں کا معائنہ کےا اور مفت ادوےات بھی مہےا کی گئےں ،کیمپ کے تمام تر انتظامی امور کی نگرانی چیئرمین چودھری ولایت اللہ اویس ڈوئیاں خود کرتے رہے اور آغاز سے اختتام تک پےش پےش رہے ،کیمپ مےں چےف اےگزےکٹو آفےسر ہےلتھ ڈاکٹر زاہد تنوےر ، سابق چےئرمےن چودھری منور ڈوئےاں ،جنرل کونسلر راجہ غلام عباس جگواں ، سابق جنرل کونسلر راجہ رشےد ، چودھری عبدالستار گل ڈھوڈے ،چودھری ذوالفقار نہرےا سمےت سےاسی سماجی شخصےات نے خصوصی طور وزٹ کےا اور کامےاب مےڈےکل کیمپ کے انعقاد پر چیئرمین چودھری ولایت اللہ اویس ڈوئیاں ،بی ایچ یو دلاور پور انتظامےہ کو زبردست الفاظ مےں خراج تحسین پیش کیا۔
ینگ ڈاکٹرز کی ہڑتال جاری، سرکاری ہسپتالوں میں مریضوں کا چیک اپ بند
لاہور میں ینگ ڈاکٹرز کی مطالبات کی منظوری کے لئے پانچ روز سے ہڑتال جاری ہے جس کی وجہ سے سرکاری ہسپتالوں میں آنے والے مریضوں کو شدید مشکلات کا سامنا ہے
باغی ٹی وی کی رپورٹ کے مطابق ینگ ڈاکٹرزنے میڈیکل ٹیچنگ انسٹیٹیوٹ ایکٹ کے خلاف ہڑتال کی ہوئی ہے، آج ڈاکٹرز کی ہڑتال کو پانچواں دن ہے .سرکاری اسپتالوں میں ہڑتال کے باعث مریضوں کو چیک اپ کرانے میں مشکلات کا سامنا ہے .سرکاری ہسپتالوں میں نرسز اور پیرا میڈیکل سٹاف بھی ہڑتال پر پے. ینگ ڈاکٹرز نے دھمکی دی ہے کہ جب تک اسپتالوں کی نجکاری کا عمل نہیں رکتا احتجاج جاری رکھیں گے.
واضح رہے کہ پنجاب حکومت کی جانب سے اسمبلی میں پیش ہونےو الے بل ،میڈیکل ٹیچنگ انسٹی ٹیوشنز ایکٹ کے خلاف ینگ ڈاکٹرز ، نرسز اور پیرامیڈیکس پانچ روز سے ہڑتال پرہیں، صوبائی دارالحکومت لاہور سمیت صوبہ بھر کے ٹیچنگ ہسپتالوں کے آؤٹ ڈور میں ہڑتال کی گئی ہے اور کام بند ہےجس کی وجہ سے ہزاروں مریض علاج کی سہولت سے محروم ہیں۔
صوبائی وزیر کے ایک ٹکٹ میں دو مزے
صوبائی وزیر توانائی ڈاکٹر اختر ملک مظفرگڑھ میں پی ایم اے کی تقریب میں شرکت کے لئےنجی میرج کلب آئے تو تقریب تاخیر کا شکار ہوتی دیکھ کر چند قدم کے فاصلہ پر موجود ڈسٹرکٹ ہیڈ کوارٹر ہسپتال مظفرگڑھ کا "اچانک” دورہ کرڈالا،اس موقع پر انھوں نے ہسپتال کے مختلف وارڈز کا معائنہ کیا اور مریضوں سے انکے مسائل دریافت کئے.صوبائی وزیر توانائی ڈاکٹر اختر ملک پاکستان میڈیکل ایسوسی ایشن مظفرگڑھ کی تقریب میں شرکت کے لئے سیال میر ج کلب میں آئے تو تقریب کچھ تاخیر کا شکار ہوتی دیکھ انہوں نے اپنی کارکردگی دیکھانے کے لئے میرج ہال سے چند قدم کے فاصلہ پر موجود ڈی ایچ کیو ہسپتال مظفرگڑھ کا دورہ کرلیا،صوبائی وزیر توانائی نے مختلف وارڈز کا معائنہ کیا اور مریضوں سے مسائل دریافت کیے.اس موقع پر میڈیا سے گفتگو کرتے ہوئے صوبائی وزیر توانائی ڈاکٹر اختر ملک کا کہنا تھا کہ ڈی ایچ کیو ہسپتال میں بیڈز کی کمی ہے جس کے حوالے سے وہ صوبائی وزیر صحت ڈاکٹر یاسمین راشد سے بات کریں گے.صوبائی وزیر ڈاکٹر اختر ملک کا کہنا تھا کہ ملتان میں نشتر ہسپتال 2 کا افتتاح کردیا گیا ہے جو 2 سال کے عرصے میں مکمل ہوجائے گا.ان کا کہنا تھا کہ جنوبی پنجاب کے عوام کو بہترین سہولیات فراہم کی جائیں گی.
بہت ہو گیا، یاسمین راشد استعفیٰ دیں، ایسا کس نے کہا؟ بڑی خبر آ گئی
مسلم لیگ ن نے پنجاب اسمبلی میں صوبائی وزیر صحت ڈاکٹر یاسمین راشد کے استعفی کا مطالبہ کرتے ہوئے قرارداد جمع کروا دی
باغی ٹی وی کی رپورٹ کے مطابق مسلم لیگ ن کی جانب سے پنجاب اسمبلی میں جمع کروائی گئی قرارداد میں کہا گیا کہ صوبائی دارالحکومت لاہور میں پولیو کے کیسز سامنے آئے ہیں تو دوسری جانب لاہور میں پولیو ٹیموں پر حملے ہو رہے ہیں ،وزیر صحت ڈاکٹر یاسمین راشد کو معصوم بچوں کی جانوں سے کھیلنے کی اجازت نہیں دی جا سکتی، قرار داد میں مطالبہ کیا گیا کہ یاسمین راشد وزارت سے فوری استعفیٰ دیں.
لاہور میں گزشتہ روز پولیو کا ایک اور کیس سامنے آیا تھا محکمہ صحت کا کہنا ہے کہ داتا گنج بخش ٹاون میں تیرہ ماہ کی بچی میں پولیو وائرس کی تصدیق ہوئی ہے، متاثرہ بچی کی پولیو ویکسیشنین کی ہسٹری نہیں تھی. صوبائی دارالحکومت لاہور میں گزشتہ تین ماہ میں پولیو کے تین کیس آئے ہیں ۔اس سے قبل لاہور کے علاقے سبزہ زار کے رہائشی دس سالہ مبشر میں پولیو وائرس کی تصدیق ہوئی تھی. اس بچے کے خون کے ںمونے دو اپریل کو نیشنل انسٹی ٹیوٹ آف ہیلتھ اسلام آباد ٹیست کے لئے بھجوائے گئے تھے جہاں این آئی ایچ نے بچے کے خون میں پولیو وائرس کی تصدیق کی ۔ انسداد پولیو پروگرام کے مطابق رواں سال پنجاب میں پولیو کا یہ تیسرا کیس سامنے آیا ہے ہے جبکہ دوہزار انیس میں ملک بھر میں پولیو کیسز کی مجموعی تعداد دس ہوگئی ہے۔
واضح رہے کہ پاکستان کے مختلف علاقوں میں پولیو ویکسین بچوں کو پلانے والی ٹیموں کو مزاحمت کا سامنا کرنا پڑ رہا ہے اور کچھ علاقوں میں پولیو ٹیموں پر حملے بھی کئے گئے ہیں
