فیصل آباد میں منافع خوروں نے پھلوں اور سبزیوں کی قیمتوں میں پچاس فیصد تک بڑھا دی ہیں، رمضان المبارک میں ضلعی انتظامیہ اور مارکیٹ کمیٹیاں قیمتیں کنٹرول کرنے میں مکمل ناکام دکھائی دیتی ہیں۔
رمضان المبارک کی آمد کے ساتھ ہی مہنگائی کے نام پر، منافع خوروں نے عوام کی جیبوں پر ڈاکہ ڈالنے کے لئے کمر کس لی۔ پھلوں، سبزیوں سمیت اشیاء خورونوش کی قیمتوں میں پچاس فیصد تک اضافہ کر دیا۔ سیب 200 روپے سے بڑھ کر 350 روپے کلو ہو گئے، کیلا 150 روپے درجن تک جا پہنچا اور فالسہ 400 روپے کلو تک فروخت ہونے لگا۔
کجھور 70 روپے کے اضافے سے 250 روپے کلو تک پہنچ گئی، سبزیوں میں گرمی کی سوغات کریلے 70 روپے فی کلو سے بڑھ کر 150 روپے ہو گئے۔ کھانوں کا لازمی جز لہسن اور ادرک کی قیمت میں 50 سے 60 فیصد اضافہ کر دیا گیا ہے۔ لہسن 100 روپے اضافے کے ساتھ 225 روپے کلو
جبکہ ادرک 60 روپے اضافے کے ساتھ 190 روپے کلو ہو گیا۔
گرمی کا توڑ لیموں 320 روپے کلو تک جا پہنچے، گاہک کہتے ہیں دکاندار مارکیٹ کمیٹی کی طرف سے جاری کردہ نرخ نامے آویزاں کرنے کی بجائے خود ساختہ قیمتیں مقرر کر کے پھل اور سبزیاں بیچتے ہیں۔
دوسری جانب دکاندار حضرات کہتے ہیں اگر پھلوں سبزیوں کی قیمتوں کو کنٹرول کرنا ہے تو انتظامیہ آڑھتیوں کو قابو میں کریں۔
Category: صحت
-
فیصل آباد رمضان بازاروں میں منافع خوروں نے پھلوں اور سبزیوں کی قیمتوں میں 50 فیصد تک بڑھا دی ہیں، حکومت قیمتیں کنٹرول کرنے میں ناکام
-
رمضان بازاروں میں سستی چینی کی خریداری کے سلسلے میں صارفین کی مشکلات کو دور کیا جائے
فیصل آباد: ڈپٹی کمشنر سردار سیف اللہ ڈوگر نے کہا ہے کہ رمضان بازاروں میں سستی چینی کی خریداری کے سلسلے میں صارفین کی مشکلات کو دور کیا جارہا ہے اور کوشش کی جارہی ہے کہ ضلع فیصل آباد کے لئے سستی چینی کے کوٹہ سے زیادہ سے زیادہ صارفین مستفید ہوں۔ انہوں نے یہ بات مختلف رمضان بازاروں کے معائنہ کے دوران سستی چینی کی خریداری سے متعلق صارفین کی شکایت سنتے ہوئے کہی۔ ڈپٹی کمشنر نے کہا کہ رمضان بازاروں میں چینی کی سپلائی بلاتعطل جاری ہے جسکا عام مارکیٹ کی نسبت فی کلو گرام ریٹ کم ہونے کی وجہ سے خریداروں کا رش زیادہ ہے جس کے باعث لوگوں کو درپیش مشکلات کا ازالہ کریں گے۔ انہوں نے مختلف سٹالز پر پھلوں‘ سبزیوں‘ دالوں اور دیگر اشیاء کا معیار چیک کیا اور نگران افسران کو ہدایت کی کہ صارفین کو غیر معیاری اشیاء کی فروخت کی شکایت نہیں ہونی چاہئے۔ انہوں نے سستے آٹے کے معیار اور تھیلے کے وزن کی جانچ پڑتال بھی کی اور کہا کہ غیر معیاری آٹا ہونے کی ہونے کی صورت میں فلور ملز کے خلاف کارروائی عمل میں لائی جائے گی۔ ڈپٹی کمشنر نے سیکورٹی اور صفائی ستھرائی کے امور پر نظر رکھنے کی بھی ہدایت کی اور کہا کہ رمضان بازاروں میں خریداری کے لئے صاف ستھرے اور خوشگوار ماحول کا تاثر ابھرنا چاہئے۔ انہوں نے رمضان بازار سرسید ٹاؤن میں اشیاء کی سپلائی اور دیگر انتظامی معاملات کو مزید بہتر بنانے کی ہدایت کی اور کہا کہ مارکیٹ کمیٹی کی فیئر پرائس شاپ پر صبح بروقت فروخت کا آغاز ہو جانا چاہئے۔انہوں نے ضلع کے تمام رمضان بازاروں کو طوفان و بادوباراں سے محفوظ بنانے کی بھی ہدایت کی اور کہا کہ آندھی یا بارش کی صورت میں رمضان بازاروں میں خرید و فروخت کے امور متاثر نہیں ہونے چاہئیں۔
-
کھانے پینے کی اشیاء مہنگے داموں فرخت کرنے کی پاداش میں 11 گرانفروشوں کو جرمانہ
فیصل آباد، ڈپٹی کمشنر سردار سیف اللہ ڈوگر کی ہدایت پر ایڈمن آفیسر/سپیشل پرائس کنٹرول مجسٹریٹ ریاض حسین انجم نے کھانے پینے کی اشیاء مہنگے داموں فرخت کرنے کی پاداش میں 11گرانفروشوں کو 19ہزارروپے کے جرمانے کئے۔پرائس کنٹرول مجسٹریٹ نے ملت روڈ،گلستان کالونی،نشاط آباد،شیخوپورہ روڈ اور دیگر علاقوں میں گوشت،دودھ،پھل اورسبزیوں کی زائد قیمت وصول کرنے والے دکانداروں کو موقع پر ہی مختلف مالیت کے جرمانے کئے.
-
ڈاکٹرز کس پر برہم خبر آ گئ
8سرگودھا(نمائندہ باغی ٹی وی) پنجاب میں سرکاری ہسپتالوں کی مجوزہ نجکاری کے خلاف گرینڈ ہیلتھ الائنس کی جانب سے سرگودھا میں دسویں روز بھی ڈاکٹر ز، نرسز، پیرا میڈیکل سٹاف نے ڈی ایچ کیو ہسپتال سرگودھا میں آﺅٹ ڈور بند کر کے ہڑتال کی اور احتجاجی مظاہرہ کیا، ایم ایس آفس کے باہر دھرنا دیا۔ جس سے ہسپتال میں علاج معالجہ کا عمل ٹھپ ہو کر رہ گیا، او پی ڈی مکمل بند ہونے کے باعث دور دراز سے آنے والے ہزاروں مریضوں کو مایوس واپس لوٹنا پڑا۔پنجاب بھر کی طرح سرگودھا میں بھی ہسپتالوں کی مجوزہ نجکاری کے خلاف اور چارٹر آف ڈیمانڈ کے حق میں ہفتہ کے روز بھی مکمل ہڑتال کی گئی اور ڈاکٹر ز و نرسوں نے مکمل طور پر بائیکاٹ کیا اور اور پیرامیڈیکل ہیلتھ الاﺅنس نے بھی اظہاریکجہتی کےلئے کام بند کئے رکھا،جس سے علاج معالجہ کا عمل درہم برہم اورآﺅٹ ڈور اور وارڈز کے مریض رل کر رہ گئے تاہم ایمرجنسی میں طبی امداد کا عمل جاری رہا، گرینڈ ہیلتھ الائنس کے زیر اہتمام احتجاجی مظاہرہ بھی کیا گیا۔ اور ہسپتالوں کی نجکاری کا فیصلہ فوری واپس لینے کا مطالبہ کیا گیا ہے، ا س موقع پر وائی ڈی اے پنجاب کے صدر ڈاکٹر قاسم اعوان، سینئر نائب صدر حامد جگ، سینئر نائب صدر ڈاکٹر عثمان امتیاز، چیئر مین سرگودھا ڈاکٹر وقاص لطیف بیگ، جنرل سیکرٹری اسامہ بن سعید اور پیرا میڈیکل کے صدر مجتبیٰ نے اظہار خیال کرتے ہوئے بتایا کہ چارٹر آف ڈیمانڈ کے حق میں گرینڈ الائنس قائم کیا گیا ہے، حکومت ہسپتالوں کی نجکاری کرنا چاہتی ہے جبکہ ہسپتالوں کی نجکاری کا کے پی کے میں کیا جانے والا تجربہ ناکام ہو چکا ہے۔ کسی بھی صورت پنجاب میں ہسپتالوں کی نجکاری نہیں ہونے دیں گے اور جب تک حکومت یہ فیصلہ واپس نہیں لیتی اس وقت تک احتجاج جاری رکھیں گے، اور آئندہ ہفتے پنجاب بھر کے ڈاکٹر لاہور میں وزیر اعلیٰ سیکرٹریٹ اور وزیر اعلیٰ ہاﺅس کے باہر دھرنا دیں گے۔ اگر حکومت نے کسی قسم کی تادیبی یا انتقامی کاروائی جس کا ہمیں کہا جا رہا ہے کی کوشش کی تو بھرپور مزاحمت کے ساتھ ساتھ پنجاب بھر کے ہسپتالوں کا نظام مکمل بند کر دیں گے۔
-
پولیو کیسز،لاہور میں انسداد پولیو مہم شروع کرنے کا فیصلہ
محکمہ صحت پنجاب نے لاہور میں انسداد پولیو مہم شروع کرنے کا فیصلہ کیا ہے
باغی ٹی وی کی رپورٹ کے مطابق مہم ان علاقوں میں شروع کی جائے گی جہاں پولیو کا خطرہ ہے، لاہور شہر میں امسال تین پولیو کے کیسز رپورٹ ہو چکے ہیں. محکمہ صحت نے اسی لئے پولیومہم شروع کرنے کا فیصلہ کیا ہے .انسداد پولیومہم لاہورکی 94 یونین کونسلوں میں 13 سے 19 مئی تک جاری رہے گی .
-
تھیلسیمیا ٹیسٹ کے لئے قانون سازی کی جائے
تھیلسیمیا کے عالمی دن کے موقع پرعوامی سطح پر آگاہی کےلئےڈی ایچ کیو ہسپتال مظفرگڑھ میں ریلی نکالی گئی۔ڈسٹرکٹ ہیڈکوارٹر ہسپتال مظفرگڑھ میں تھیلسیمیا کے حوالے سے عوامی سطح پر شعور اجاگر کرنے کے لئے نکالی گئی ریلی میں ڈاکٹرز،نرسز، پیرامیڈکل سٹاف اور محکمہ صحت کے افسران نے شرکت کی۔ ریلی کی قیادت ایم ایس ڈسٹرکٹ ہیڈ کوارٹر ہسپتال مظفرگڑھ ڈاکٹر مہر محمد اقبال نے کی۔ ریل کے شرکاء نے پلے کارڈز اور بینرز اٹھارکھے تھے جن پر تھیلسیمیا سے بچاو کے حوالے سے تحریریں درج تھیں۔ریلی کے شرکاء سے خطاب کرتے ہوئے مقررین کا کہنا تھا کہ تھیلسیمیا کے مرض پر قابو پانے کے لئے شادی سے پہلے تھیلسیمیا ٹیسٹ انتہائی ضروری ہے اور دوران حمل اگر خواتین کا تھیلسیمیا ٹیسٹ کرا لیا جائے تو بروقت سدباب ممکن ہوسکتاہے۔ ریلی کے شرکاء نے تھیلسیمیا کے مرض پر قابو پانے کیلئے شادی سے قبل تھیلسیمیا ٹیسٹ کو ضروری قرار دینے کے لئے قانون سازی کی ضرورت پر زور دیا۔
-
کڈنی سنٹر کے بورڈ آف گورنرز کا اجلاس، ڈاکو مینٹری فلم جلد چلانے کا فیصلہ
گجرات (نمائندہ باغی ٹی وی) کڈنی سنٹر گجرات کے بورڈ آف گورنرز کا اجلاس صدر میاں محمد اعجاز کی صدارت میں ہوا جس میں جنرل سیکرٹری جاوید بٹ نے سابقہ ماہ کی کارروائی رپورٹ پڑھ کر سنائی۔ اجلاس میں صدر میاں محمد اعجاز نے بتایا کہ کڈنی سنٹر کی ڈاکومنٹری فلم تیار ہو چکی ہے اور بورڈ آف گورنرز کی منظوری کے بعد ڈاکو منٹری فلم کو سوشل میڈیا اور مختلف فورم پر چلایا جائے گا تاکہ لوگوں کو پتہ چلے کہ گجرات کے کڈنی سنٹر میں دکھی انسانیت کی خدمت کیسے کی جا رہی ہے۔ اجلاس میں یہ بھی فیصلہ کیا گیا کہ لیتھو تھراپی مشین کی جلد سے جلد فراہمی کے لئے چوہدری عمر سعید سے دوبارہ ملاقا ت کی جائے گی۔ میاں محمد اعجاز نے بورڈ آف گورنر ز کو بتایا کہ فضل دین اینڈ سنز کمپنی کو چوہدری عمر سعید نے ذمہ داری سونپی ہے کہ وہ لیتھو تھراپی مشین فراہمی کے لئے اقدامات کریں۔ انہوں نے بتایا کہ اب ہر ماہ 60 لاکھ روپے مخیر حضرات سے اکٹھے ہوں گے جس سے کڈنی سنٹر میں مستحق مریضوں کے مفت ڈائلسز ہوںگے۔ جاوید بٹ نے بتایا کہ 2016 ءسے لے کر اب تک 28 ہزار 905ڈائلسز ہو چکے ہیں اور روزانہ 67 ڈائلسز ہو رہے ہیں۔ میاں محمد اعجاز نے بتایا کہ ماہ اپریل میں 45 لاکھ ، 1653 روپے کے اخراجات ہوئے جبکہ 19 کروڑ ،57 لاکھ ، 75 ہزار روپے کے اخراجات بلڈنگ اور مشینری پر خرچ ہوئے ہیں اور 21کروڑ، 36 لاکھ ، 76ہزار856 روپے کے عطیات اور انکم ہوئی جبکہ اس وقت ایک کروڑ 79 لاکھ روپے موجود ہیں اور کڈنی کے مریضوں کی تعداد میں بھی اضافہ ہو رہا ہے۔ اجلاس میں چوہدری اظہر حسین، چوہدری اعجاز وڑائچ شاہدولہ ٹاو¿ن، الحاج امجد فاروق، جاوید بٹ، ڈاکٹر طاہر عباس گوندل، احمد حسن مٹو، طارق بلال ملک، ڈاکٹر عابد غوری، عاصم مشتاق بٹ، چوہدری نواز ریحانیہ بھی شریک ہوئے۔ چوہدری نواز ریحانیہ کی طرف سے 6لاکھ روپے، طارق بلال ملک کی طرف سے 2لاکھ روپے جبکہ طارق محمود(نواب سٹیل )کی طرف سے ایک لاکھ روپے کا عطیہ دیا گیا۔ اجلاس میں فیصلہ کیا گیا کہ فنڈ ریزنگ کے لئے رمضان کے آخری ہفتے میں افطار ڈنر کا اہتمام کیا جائے گا۔ جس میں فنڈ ریزنگ کی جائے گی۔ تمام ممبران کوکڈنی سنٹر کی ڈاکو منٹری بھی دکھائی گئی اور اس کے لئے مزید تجاویز بھی دی گئیں۔
-
ڈسٹرکٹ ہیڈ کوارٹر گجرات میں ڈاکٹروں کی ہڑتال آٹھویں روز میں داخل، مریض خوار
گجرات (نمائندہ باغی ٹی وی)عزیز بھٹی شہید ٹیچنگ ہسپتال میں PMA ضلع گجرات ، YDAضلع گجرات AHP,YNA اور کلاس فور ملازمین کا MTI ایکٹ کے خلاف مشترکہ احتجاج آٹھویں روز بھی جاری۔دور دراز سے علاج کے لیے آنے والے مریضوں کو شدید مشکلات کا سامنا۔ایمرجنسی میں رش بڑھنے پر ہسپتال عملے اور مریضوں کے لواحقین کے درمیان تکراراور جھگڑے کے واقعات معمول بنتے جا رے ہیں۔ایک طر ف ڈاکٹر اور پیرا میڈیکل سٹاف اپنے مطالبات کے لیے سر اپا احتجاج ہیں اور اپنے مطالبات کی منظوری تک کام کرنے سے انکاری ہیں تو دوسری طر ف انتظامیہ اور حکومتی نمائیدے خاموش تماشائی بنے ہوئے ہیں ۔ہیلتھ منسٹر ڈاکٹر یاسمین راشد کا کہنا ہے کہ ڈاکٹرز بلاوجہ احتجاج کر رہے ہیں اس ایکٹ کے نفوذ میں سب سے زیادہ فائدہ ڈاکٹرز اور ہسپتال عملے کو ہو گا اور پروٹوکول کی حوصلہ شکنی ہو گئی کیونکہ فری والا تصور ختم ہو جائے گا۔دوسری طرف ڈاکٹرز کا موقف ہے کہ وہ MTI ایکٹ کو موجودہ حالت میں تسلیم نہیں کریں گے اگر حکومت پنجاب ایسا کوئی ایکٹ نافذ کرنا چاہتی ہے تو وہ ہیلتھ سے متعلق تمام سٹیک ہولڈرز کو اعتماد میں لے اور ایسا ایکٹ متعارف کروائے جس میں غریب مریضوں کو فری طبی سہولیات با آسانی میسر آہیں کیونکہ فری علاج کی سہولیات مہیا کر نا حکومت وقت کی ذمہ داری ہے اور مریضوں کا جمہوری حق بھی۔
-
دمہ کے عالمی دن کی مناسبت سے ریلی
مظفرگڑھ میں دمہ کے عالمی دن کے موقع پرشہریوں میں شعور اجاگر کرنے کے لئے ڈسٹرکٹ ہسپتال مظفرگڑھ میں ریلی نکالی گئی۔ جس کی قیادت میڈیکل سپرنٹنڈنٹ ڈاکٹر مہر محمد اقبال نے کی ۔ریلی میں ڈاکٹرز، پیرا میڈیکل سٹاف، نرسز اور شہریوں کی کثیرتعدادنےشرکت کی۔ ریلی کے شرکاء نے پلے کارڈز اور بینرز اٹھار کھے تھے جن پر دمہ کے حوالے سے تحریریں درج تھیں۔ریلی کے شرکاء سے خطاب کرتے ہوئے ڈاکٹر عبدالحمید غوری نے دمہ کی علامات اور اس کے علاج پر روشنی ڈالی۔ ڈاکٹر عبدالحمید غوری کا کہنا تھا کہ دمہ قابل علاج مرض ہے اس کی علامات ظاہر ہونے کی صورت میں گھبرانے کی بجائے ڈاکٹر سے رجوع کیا جائے۔
-
پوری دنیا میں آج تھیلیسیمیا کا عالمی دن منایا جارہا ہے کمشنر فیصل آباد محمود جاوید بھٹی نے آگاہی واک میں شرکت کی
فیصل آباد، پوری دنیا میں آج تھیلیسیمیا کا عالمی دن منایا جارہا ہے ، کمشنر فیصل آباد محمود جاوید بھٹی نے گلستان کالونی میں سندس فائونڈیشن کے دفتر کا دورہ کیا اور مریض بچوں کی عیادت کی اور آگاہی واک میں شرکت کی ، سندس فائونڈیشن کے منتظمین کا کہنا تھا انکی فائونڈیشن کے زیر اہتمام روزانہ کی بنیاد پر فیصل آبا د میں 2 سے زائدتھیلیسیمیا کے بچوں کو خون لگایا جاتا ہے۔