Category: بین الاقوامی

تل ابیب: اسرائیل میں لاکھوں افراد نیتن یاہو حکومت کے خلاف سڑکوں پر نکل آئے۔

غیر ملکی میڈیا کے مطابق مظاہرین نے غزہ میں موجود یرغمالیوں کی رہائی کے لیے حماس کے ساتھ معاہدہ کرنے، اسرائیل میں نئے انتخابات کے انعقاد اور نیتن یاہو سے مستعفیٰ ہونے کا مطالبہ کیا، تل ابیب میں سیکڑوں افراد نے آگ لگا کر کئی سڑکیں بلاک کر دیں، اسرائیلی پولیس اور مظاہرین کے درمیان چھڑپیں بھی ہوئیں اور متعدد مظاہرین کو گرفتار کر لیا گیا۔

دوسری جانب یروشلم اور قیصریہ میں ہزاروں مظاہرین نے وزیراعظم نیتن یاہو کی رہائش گاہوں کے باہر احتجاج کیا، مظاہرین نے غزہ جنگ اور حزب اللہ کے ساتھ تنازع سے نمٹنے میں ناکامی پر حکومت پر سخت تنقید کی۔

غزہ جنگ : دو امریکی فوجیوں نے اپنی خدمات جاری رکھنے سے معذرت کرلی

علاوہ ازیں غزہ جنگ کی امریکی حمایت کے خلاف احتجاج ،امریکی ائیر فورس کے دو پائلٹوں نے فوج میں اپنی خدمات سے معذرت کرلی،امریکی ائیر فورس کے دو پائلٹوں نے باضمیر احتجاج کرتے ہوئے فوج میں اپنی خدمات سے معذرت کرلی ان فوجیوں کا کہنا ہے کہ غزہ میں جنگی جرائم اور مسخ شدہ بچوں کی ہزاروں ویڈیوز جو ہمارے فونز تک پہنچ رہی ہیں، فوج کے اندر اور باہر امریکی عوام کے ضمیر کو جھنجھوڑ رہی ہیں،ہم ایسی انتظامیہ کے لیے خدمات جاری نہیں رکھ سکتے جو امریکی اور بین الاقوامی قوانین کی خلاف ورزی کر رہی ہے۔

پاکستانی وفد بھارت سے مذاکرات کیلیے جموں پہنچ گیا

جنگ مخالف ایک امریکی تنظیم کے مطابق امریکی فوج کے دیگر 40 اہلکار بھی غزہ جنگ کے خلاف مستعفی ہونے پر غور کر رہے ہیں جکہ غزہ جنگ میں اسرائیل کی حمایت پر بائیڈن انتظامیہ کے کئی عہدیدار بھی مستعفی ہوچکے ہیں۔

غزہ جنگ کی امریکی حمایت کے خلاف احتجاج ،امریکی ائیر فورس کے دو پائلٹوں نے فوج میں اپنی خدمات سے معذرت کرلی۔

عالمی میڈیا کے مطابق امریکی ائیر فورس کے دو پائلٹوں نے باضمیر احتجاج کرتے ہوئے فوج میں اپنی خدمات سے معذرت کرلی ان فوجیوں کا کہنا ہے کہ غزہ میں جنگی جرائم اور مسخ شدہ بچوں کی ہزاروں ویڈیوز جو ہمارے فونز تک پہنچ رہی ہیں، فوج کے اندر اور باہر امریکی عوام کے ضمیر کو جھنجھوڑ رہی ہیں،ہم ایسی انتظامیہ کے لیے خدمات جاری نہیں رکھ سکتے جو امریکی اور بین الاقوامی قوانین کی خلاف ورزی کر رہی ہے۔

جنگ مخالف ایک امریکی تنظیم کے مطابق امریکی فوج کے دیگر 40 اہلکار بھی غزہ جنگ کے خلاف مستعفی ہونے پر غور کر رہے ہیں جکہ غزہ جنگ میں اسرائیل کی حمایت پر بائیڈن انتظامیہ کے کئی عہدیدار بھی مستعفی ہوچکے ہیں۔

گزشتہ روز اپنے شعبے میں مستعفی امریکی اہلکاروں میں سب سے سینیئر اور امریکی محکمہ خارجہ میں اسرائیل فلسطینی امور کے ماہر اینڈریو ملر نے اچانک اپنے عہدے سے استعفیٰ دیدیا۔

اینڈریو ملر امریکی محکمہ خارجہ میں بطور نائب معاون وزیر برائے اسرائیل و فلسطینی امور کام کر رہے تھے، اینڈریو ملر نے استعفیٰ کی وجہ خاندانی ذمہ داریاں قراردیں امریکی میڈیا کے مطابق اینڈریو ملر کا کہنا تھا کہ جنگ کے سبب مصروفیات کی وجہ سے خاندان کو وقت نہیں دے پایا تھا، یہ ذمہ داریاں نہ ہوتیں تو ملازمت پر برقرار رہتا، اینڈریو ملر اسرائیل نواز پالیسیوں کیخلاف تھے، مستعفی اینڈریو ملر فلسطینیوں کے حقوق اور فلسطینی ریاست کے حق کے حامی تھے۔

دبئی : یو اے ای میں جنسی زیادتی یا محرم رشتہ داروں کے جنسی تعلق کے نتیجے میں ٹھہرنے والے حمل کو چند شرائط کے ساتھ ضائع کرنے کی اجازت دے دی۔

باغی ٹی وی: عالمی میڈیا کے مطابق :متحدہ عرب امارات کی کابینہ کی طرف سے ایک قرارداد منظور کی گئی ہے، جس میں کہا گیا ہے کہ اگر حمل کسی خاتون کے ساتھ جنسی زیادتی یا اس کی رضامند کے بغیر ٹھہرا ہو یا حمل کا سبب بننے والا خاتون کا محرم ہو، اس صورت میں اسقاط حمل کی اجازت ہے۔

قرار داد میں اسقاط حمل کے لیے ایک شرط طے کی گئی ہے کہ حمل 120دن تک کا ہو، اس سے زائد مدت کے حمل کو گرانے کی اجازت نہیں ہو گی اس کے علاوہ یہ قانون ایسے لوگوں پر لاگو ہو گا جو کم از کم ایک سال سے متحدہ عرب امارات میں مقیم ہوں، اسقاط حمل کے عمل کو طبی پیچیدگیوں سے پاک اور خواتین کے لیے محفوظ بنایا جائے،یہ قرار داد متحدہ عرب امارات کے صدر اور وزیراعظم کی توثیق کے بعد نافذ العمل ہو جائے گی۔

غزہ: اسرائیلی فوج نے غزہ میں اقوام متحدہ کے امدادی ادارے اونرا کے ایک اور مرکز کو نشانہ بنایا،حملے کے وقت وہاں درجنوں افراد موجود تھے۔

اقوام متحدہ کے ادارے اونرا کے ترجمان نے بتایا کہ اسرائیلی حملے میں متعدد افراد زخمی ہوگئے جنھیں اسپتال منتقل کردیا گیا۔ اسپتال میں دوران علاج 4 افراد نے دم توڑ دیا جب کہ 6 زخمیوں کی حالت نازک ہے ترجمان نے اپنے بیان میں یہ نہیں بتایا کہ اسرائیلی حملے میں جاں بحق ہونے والے اونرا کے ملازمین تھے یا امداد لینے کے لیے جمع ہونے والے فلسطینی تھے۔

خیال رہے کہ اقوام متحدہ کی امدادی تنظیم اونرا کے مرکز پر یہ پہلا حملہ نہیں بلکہ اس سے قبل بھی اسرائیلی فوج نے امدادی سامان کے لیے جمع ہونے والے فلسطینی پناہ گزینوں کو نشانہ بنایا گیا تھاایسے واقعات میں شہید اور زخمی ہونے والوں کی تعداد 2 ہزار سے تجاوز کرگئی ہے اور عالمی رہنماؤں سمیت انسانی حقوق کی تنظیموں نے ان واقعات کی شدید مذمت کی تھی لیکن اسرائیل ہٹ دھرمی پر قائم ہے۔

واضح ہے کہ غزہ میں اسرائیلی فوج کی جارحیت کا سلسلہ بلا تعطل 7 ماہ سے جاری ہے اور ہلاکتوں کی مجموعی تعداد 37 ہزار 598 ہوگئی۔

بیروت: لبنان کے مشرقی علاقے میں اسرائیلی فوج نے ایک کار کو فضائی حملے کا نشانہ بنایا جس میں جماعت اسلامیہ کے سرکردہ رہنما ایمن غطمہ جاں بحق ہوگئے۔

عرب میڈیا کے مطابق اسرائیلی فوج نے مشرقی لبنان کی مغربی وادیٔ بقاع کے الخیارہ ٹاؤن چوک پر ایک کار کو نشانہ بنایا، ڈرون حملے میں کار مکمل طور پر تباہ ہوگئی اسرائیلی فوج کے ترجمان کی جانب سے جاری بیان میں کہا گیا ہے کہ جماعت اسلامی کے رہ نما ایمن غطمہ ایک دہشت گرد تھا جو حماس اور جماعت اسلامی لبنان کو ہتھیار فراہم کرتا تھا انٹیلی جنس بنیادوں پر حاصل ہونے والی معلومات کی بنیاد پر جماعتہ السلامیہ کے رہنما کی کار کو نشانہ بنایا جو دہشت گردی منصوبہ بندی کے لیے بلائی گئی میٹنگ میں جا رہا تھا۔

واضح رہے کہ اسرائیلی فوج نے گزشتہ چند دنوں کے دوران جنوبی لبنان میں متعدد کاروں کو نشانہ بنایا ہے جس میں حزب اللہ کے کمانڈرز سوار تھے دو روز قبل اسرائیلی میزائل حملے میں ایک کار تباہ ہوگئی تھی جس کے نتیجے میں حزب اللہ کے کمانڈر عباس ابراہیم حمزہ حمادہ المعروف ’فضل‘ جاں بحق ہوگئے تھے اسرائیلی بمباری میں جنوبی لبنان کے علاقے حومین الفوقا قصبے میں ایک اور کار کو بھی نشانہ بنایا تھا جس میں حزب اللہ کے رہنما محمد جمعہ کا بیٹا شہید ہو گیا تھا۔

آرکنساس: امریکا کی ریاست آرکنساس کی سپر مارکیٹ میں مسلح شخص کی فائرنگ سے 3 شہری ہلاک اور دو پولیس افسران سمیت 10 افراد زخمی ہوگئے۔

روئٹرز کی رپورٹ کے مطابق آرکنساس اسٹیٹ پولیس کے ڈائریکٹر مائیک ہیگار نے فائرنگ کے واقعے کے حوالے سے بتایا کہ پولیس کے ساتھ فائرنگ کے تبادلے میں مشتبہ حملہ آور بھی زخمی ہوگیا ہے فائرنگ کا واقعہ لٹل راک کے جنوب میں 70 میل کے فاصلے پر واقعے 3 ہزار 200 آبادی پر مشتمل قصبے فورڈیس میں ایک سپر مارکیٹ میں پیش آیا بدقسمتی سے تصدیق کی جاتی ہے کہ 11 بے گناہ شہریوں کو گولیاں لگی ہیں اور ان میں سے 3 دم توڑ چکے ہیں، فائرنگ کے تبادلے کے دوران قانون نافذ کرنے والے ادارے کے دو افسران بھی زخمی ہوگئے ہیں۔

انہوں نے فائرنگ کی وجوہات سے آگاہ کیے بغیر کہا کہ مشتبہ حملہ آور کو بھی گولی لگی ہے اور اس کو حراست میں لے لیا گیا ہےزخمی حملہ آور اور دونوں پولیس اہلکاروں کی حالت خطرے سے باہر ہے جبکہ زخمی شہریوں میں چند ایک کی حالت بہتر ہے لیکن چند کی حالت تشویش ناک ہے۔

انسداد دہشت گردی کیلئے آپریشن ’عزمِ استحکام’ کی منظوری

سماجی رابطے کی ویب سائٹ ایکس پر آرکنساس کی گورنر سارا ہوکبی سینڈرز نے کہا کہ انہیں فائرنگ کے واقعے سے آگاہ کردیا گیا ہے اور قانون نافذ کرنے والے اداروں کی بدولت اور ان کی بہادری کے نتیجے میں بڑے پیمانے پر جانی نقصان نہیں ہوا قانون نافذ کرنے والے اداروں کے اہلکاروں کی فوری کارروائی سے زیادہ نقصان نہیں ہوا تاہم اس ہولناک حادثے میں متاثر ہونے والے افراد کے لیے دعاگو ہوں۔

سابق گورنر سندھ محمدزبیر پی ٹی آئی میں شامل ہوناچاہ رہے ہیں،رؤف حسن