Baaghi TV

Category: بین الاقوامی

  • بھارت میں لالچی بہو نے 300 کروڑ روپے کی جائیداد کیلئے سسر کو قتل کروا دیا

    بھارت میں لالچی بہو نے 300 کروڑ روپے کی جائیداد کیلئے سسر کو قتل کروا دیا

    ناگپور: بھارت میں لالچی بہو نے 300 کروڑ روپے کی جائیداد کیلئے سسر کو قتل کروا دیا۔

    باغی ٹی وی : بھارتی میڈیا کے مطابق ریاست مہارشٹرا کے شہر ناگپور کی رہائشی پلاننگ ڈپارٹمنٹ کی اسسٹنٹ ڈائریکٹر ارچنا منیش نے خاندانی جائیداد ہتھیانے کیلئے 82 سالہ سسر کو بے دردی سے قتل کروا دیا۔

    پولیس کے مطابق سرکاری خاتون افسر نے سسر کے قتل کو حادثے کا رنگ دینے کیلئے اپنے شوہر کے ڈرائیور اور اس کے دو ساتھیوں کے ساتھ مل کر سسر کو گاڑی سے ٹکر مارنے کی منصوبہ بندی کی جبکہ بہو نے اپنے سسر کو قتل کروانے کیلئے ایک کروڑ بھارتی روپے کا معاوضہ بھی ادا کیا۔

    سوناکشی سنہا اور ظہیر اقبال کی شادی کا ڈیجیٹل دعوت نامہ لیک ہو گیا

    پولیس کےمطابق سسر اپنی بیمار اہلیہ سے ملنے کے بعد اسپتال سے واپس آرہا تھا کہ ملزمان نے گاڑی کی ٹکر مار کر خاتون افسر کے سسر کو کچل ڈالا جس سے ان کی موت واقعہ ہو گئی، واقعے کا علم ہوتے ہی پولیس نے کارروائی کرتے ہوئے بہو کو گرفتار کر لیا جب کہ کیس کی تحقیقات سے معلوم ہوا کہ ارچنا منیش نے ٹاؤن پلاننگ ڈپارٹمنٹ میں اسسٹنٹ ڈائریکٹر ہونے کی وجہ سے بڑی بے ضابطگیاں بھی کی ہیں، ارچنا کے سیاسی تعلقات ہونے کے سبب ان کا گھیرا بھی کبھی تنگ نہیں کیا جا سکا اور اب ان کےخلاف اپنے سسر کا قتل کرنے کے ساتھ ساتھ بے ضابطگیوں پر بھی کیس چلایا جا رہا ہے۔

    10 سالہ بچے نے فرمائش پوری نہ کیے جانے پر خودکشی کرلی

  • سعودی ولی عہد کی حج کی وجہ سے جی 7 سمٹ میں شامل ہونے سے معذرت

    سعودی ولی عہد کی حج کی وجہ سے جی 7 سمٹ میں شامل ہونے سے معذرت

    ریاض: سعودی ولی عہد شہزادہ محمد بن سلمان نے حج کی وجہ سے اٹلی میں ہونے والی جی 7 سمٹ میں جانے سے معذرت کرلی۔

    باغی ٹی وی : سعودی حکومت کی جانب سے جاری بیان میں بتایا گیا ہے کہ اٹلی میں جمعہ سے شروع ہونے والی جی 7 سمٹ میں محمد بن سلمان شرکت نہیں کریں گے سعودی ولی عہد 14 جون سے شروع ہونے والے حج سیزن کی وجہ سے سمٹ میں اپنی شرکت کو ممکن نہیں بنا سکیں گے جس کیلئے محمد بن سلمان نے اطالوی وزیر اعظم جارجیا میلونی سے معذرت بھی کرلی ہے،سعودی حکومت کے مطابق اس سال حج کیلئے دنیا بھر سے 15 لاکھ سے زائد عازمین حج ادا کریں گے۔

    واضح رہے کہ اقتصادی فورم جی 7 گروپ میں کینیڈا، فرانس، جرمنی، اٹلی، جاپان، برطانیہ اور امریکا شامل ہیں، گروپ کا اجلاس اٹلی میں کل سے ہوگا جس میں سعودی ولی عہد نے بھی شرکت کرنا تھی۔

    10 سالہ بچے نے فرمائش پوری نہ کیے جانے پر خودکشی کرلی

    جون کے آخر میں بارش کے دو سلسلے ملک میں داخل ہوں گے،محکمہ موسمیات

    امریکی محکمہ خزانہ کے وفد کی وفاقی وزیر پاور سردار اویس لغاری سے ملاقات

  • لال قلعہ حملہ کیس،عارف کی رحم کی اپیل بھارتی صدر نے کی مسترد

    لال قلعہ حملہ کیس،عارف کی رحم کی اپیل بھارتی صدر نے کی مسترد

    لال قلعہ حملہ کیس،پاکستانی محمد عارف کی رحم کی اپیل بھارتی صدر نے مسترد کر دی

    بھارت کے لال قلعہ میں 2000 میں ہونے والے حملے کیس میں سزا یافتہ پاکستانی شہری محمد عارف کی سزا کے خلاف رحم کی اپیل بھارتی صدر نے مسترد کر دی ہے،24 برس قبل بھارت میں لال قلعہ پر حملہ کیا گیا تھا،بھارتی صدر نے 25 جولائی 2022 کو عہدے سنبھالنے سے اب تک یہ دوسری رحم کی اپیل مسترد کی ہے، 3 نومبر 2022 کو بھارتی سپریم کورٹ نے بھی ملزم عارف کی نظرثانی کی درخواست مسترد کی تھی اور سزائے موت کو برقرار رکھا تھا

    قانونی ماہرین کا خیال ہے کہ سزائے موت کا ملزم اب بھی آئین کے آرٹیکل 32 کے تحت سپریم کورٹ میں درخواست کر سکتا ہے کہ رحم کی درخواست مسترد ہونے کے باوجود طویل تاخیر کی بنیاد پر اپنی سزا میں کمی کی جائے۔ صدر کے سیکرٹریٹ کے 29 مئی کے بیان کے مطابق، عارف کی جانب سے 15 مئی کو جمع کرائی گئی اپیل 27 مئی کو خارج کر دی گئی۔

    22 دسمبر 2000 کے لال قلعہ پر حملے میں تین فوجی اہلکار مارے گئے تھے جس میں حملہ آوروں نے لال قلعہ کے میدان کے اندر تعینات 7 راجپوتانہ رائفلز رجمنٹ پر فائرنگ کی تھی۔ اس واقعے کے چار دن بعد، دہلی پولیس نے ایک پاکستانی شہری عارف کو گرفتار کیا تھا جس کا تعلق لشکی طیبہ سے بتایا گیا تھا،بھارتی سپریم کورٹ نے 2022 میں ملزم محمد عارف عرف اشفاق کو بھارت میں غیر قانونی طور پر داخل ہونے، حملے کی منصوبہ بندی کرنے،اور حملہ کرنے کا قصور وار ٹھہرایا تھا، ٹرائل کورٹ نے اکتوبر 2005 میں اسے مجرم قرار دیا۔ فیصلے کی بعد دہلی ہائی کورٹ اور سپریم کورٹ میں اپیلیں کی گئی تھیں جو مسترد ہوئی۔ ٹرائل کورٹ نے کہا تھا کہ سری نگر میں دو افراد ایک گھر جہاں عارف اور تین دیگر لشکر طیبہ کے رکن 1999 میں غیر قانونی طور پر داخل ہونے کے بعد ٹھہرے ہوئے تھے، لال قلعہ پر حملے کی سازش اس گھر میں کی گئی تھی،

    لال قلعہ حملہ کے وقت تین حملہ آور ابو شاہد، ابوبلال اور ابوحیدر مارے گئے تھے،اگست 2011 میں، سپریم کورٹ نے بھی سزائے موت کے حکم کی حمایت میں فیصلہ کیا جو اسے دیا گیا تھا۔ بعد ازاں، اگست 2012 میں، نظرثانی کی درخواست کی سماعت اعلیٰ ترین عدالت کے دو ججوں کے پینل نے کی، جس نے اسے خارج کر دیا۔ جنوری 2014 میں، علاج معالجے کی درخواست کو بھی اسی طرح مسترد کر دیا گیا تھا۔ اس کے بعد عارف نے ایک اور درخواست دائر کی جس میں درخواست کی گئی کہ تین ججوں پر مشتمل بنچ ان مقدمات میں نظرثانی کی درخواستوں پر غور کرے،ستمبر 2014 کے ایک فیصلے میں، عدالت عظمیٰ کے آئینی پینل نے طے کیا کہ وہ تمام مقدمات جن میں ہائی کورٹ نے سزائے موت سنائی ہے، انہیں تین ججوں کی بنچ کے سامنے لایا جانا چاہیے۔ سزائے موت کے قیدیوں کی نظرثانی اور علاج کی درخواستوں کو پبلک ٹربیونلز میں سننے کی بجائے ستمبر 2014 کے حکم سے قبل چیمبر کے عمل میں حل کیا گیا تھا۔ ایک آئینی بنچ نے جنوری 2016 میں اعلان کیا تھا کہ عارف ایک ماہ کے اندر عوامی عدالت میں سماعت کے لیے نظرثانی کی درخواستوں کو خارج کرنے کے لیے دوبارہ کھولنے کی درخواست کر سکتا ہے۔ 3 نومبر 2022 کو سپریم کورٹ نے نظرثانی درخواست کو مسترد کرتے ہوئے ایک فیصلہ جاری کیا۔

    یہ فیصلہ اس وقت آیا ہے جب صدر مرمو نے گزشتہ سال ایک الگ کیس میں ایک اور رحم کی درخواست کو مسترد کر دیا تھا، جس میں گھناؤنے جرائم کے معاملات پر سخت موقف کا مظاہرہ کیا گیا تھا

    سائفر کیس، اسلام آباد ہائیکورٹ کا حکم امتناع،اڈیالہ جیل میں سماعت ملتوی

    سائفر کیس، شاہ محمود قریشی کی درخواست ضمانت مسترد

    اسلام آباد ہائیکورٹ کا سائفر کیس کی سماعت روکنے کا حکم

    سائفر کی ماسٹر کاپی وزارت خارجہ کے پاس موجود ہے،اعظم خان کا بیان

  • سوناکشی سنہا اور ظہیر اقبال کی شادی کا ڈیجیٹل دعوت نامہ لیک ہو گیا

    سوناکشی سنہا اور ظہیر اقبال کی شادی کا ڈیجیٹل دعوت نامہ لیک ہو گیا

    ممبئی: بالی ووڈ اداکارہ سوناکشی سنہا اور اُن کے ہونے والے شوہر ظہیر اقبال کی شادی کا دعوت نامہ لیک ہوگیا۔

    باغی ٹی وی : بھارتی میڈیا کے مطابق سوناکشی سنہا اور ظہیر اقبال رواں ماہ 23 جون کو رشتہ ازدواج میں منسلک ہوجائیں گے، شادی سے دس دن قبل جوڑے کی شادی کا ڈیجیٹل دعوت نامہ لیک ہوگیا ہے،اس ڈیجیٹل دعوت نامے میں ایک آڈیو پیغام آتا ہے جس میں سوناکشی سنہا اور ظہیر اقبال اپنے سات سالہ تعلقات کو شادی کے رشتے میں تبدیل کرنے کا انکشاف کرتے ہیں۔

    ظہیر اقبال نے آڈیو پیغام میں کہا کہ ہماری شادی کی یہ خوشیاں عزیز و اقارب اور دوستوں کے بغیر ادھوری ہیں اس لیے آپ سب لوگ جہاں کہیں بھی مصروف ہیں سب کام چھوڑ کر ہماری شادی کی تقریب میں شرکت کریں، ہمیں آپ کا انتظار رہے گا۔

    کویت،عمارت میں آتشزدگی سے 42 بھارتیوں کی موت،فضائیہ لاشیں واپس لائیگی

    دعوت نامے کے مطابق شادی کی تقریب باسٹیان، ممبئی میں رات 8 بجے منعقد ہوگی جس میں مہمان شادی کے روایتی ملبوسات زیب تن کرکے شرکت کریں گےسوناکشی سنہا اور ظہیر اقبال نے دعوت نامے میں مزاحیہ انداز میں درخواست کی کہ مہمان سُرخ لباس پہننے سے گریز کریں۔

    واضح رہے کہ سوناکشی سنہا کی شادی کی خبروں کے بعد، اداکارہ کے والد اور بالی ووڈ کے سینئر اداکار شترو گھن سنہا نے بیٹی کی شادی سے لاعلمی کا اظہار کرتے ہوئے کہا تھا کہ سوناکشی نے مجھے شادی سے متعلق کچھ نہیں بتایا جو کچھ پتا چلا میڈیا سے معلوم ہوا ہے۔

    پنجاب اسمبلی، بجٹ پیش،اپوزیشن کا احتجاج،پیپلز پارٹی کا بائیکاٹ

    دوسری جانب بھارتی میڈیا آئی دیوا سے بات کرتے ہوئے سوناکشی سنہا نے اپنی شادی کی افواہوں پر ردِ عمل کا اظہار کرتے ہوئے کہا تھا کہ پہلی بات یہ ہے کہ میری شادی سے کسی اور کو کوئی سروکار نہیں ہونا چاہیے اور دوسری بات یہ کہ یہ میری مرضی ہے، اس لیے مجھے نہیں معلوم کہ لوگ اس کے بارے میں اتنے پریشان کیوں ہیں’لوگ مجھ سے میری شادی کے بارے میں میرے والدین سے زیادہ پوچھتے ہیں، اس لیے مجھے یہ بہت مضحکہ خیز لگتا ہے’-

  • مردانہ طاقت کی دوا بیچنے والے یوٹیوبر کی نوکری کے بہانے لڑکی سے زیادتی

    مردانہ طاقت کی دوا بیچنے والے یوٹیوبر کی نوکری کے بہانے لڑکی سے زیادتی

    مردانہ طاقت کی دوائی بیچنے والے یوٹیوبر نے خاتون کو نوکری کے بہانے بلا کر عزت لوٹ لی، نازیبا ویڈیو بھی بنا لیں اور انہیں وائرل کرنے کی دھمکی دے دی، خاتون نے مقدمہ درج کروا دیا

    واقعہ بھارتی ریاست اتر پردیش کا ہے،جہاں مردانہ طاقت کی دوا کا کام کرنے والے، یوٹیوبر عبداللہ پٹھان نے ایک خاتون کو ملازمت کے بہانے بلایا، اسے کام پر رکھا اور گھر لے جا کر جنسی زیادتی کر ڈالی، عبداللہ پٹھان نے خاتون کی نازیبا ویڈیو بھی بنا لیں،ریاست اتر پردیش کے ضلع مرادآباد میں، ایک خاتون نے یوٹیوبر اور مردانہ طاقت کی دوا فروخت کرنے والے عبداللہ پٹھان پر گینگ ریپ کا الزام لگایا ہے۔ متاثرہ خاتون کا تعلق ضلع گورکھپور سے ہے۔ اس نے عبداللہ پٹھان پر نوکری کے بہانے بلانے اور نشہ آور چیز کھلانے کے بعد زیادتی کا الزام لگایا ہے۔ملزم نے متاثرہ لڑکی کی فحش ویڈیو بنا کر اسے بلیک میل کرکے اسقاط حمل پر بھی مجبور کیا ، اس کیس میں عبداللہ کے ساتھ ان کے بھائی عبدالمالک کا بھی نام ہے۔ پولیس نے پیر (10 جون 2024) کو عبداللہ پٹھان کے خلاف ایف آئی آر درج کرکے تفتیش شروع کردی ہے۔

    مقدمہ تھانہ کنڈرکی میں درج کیا گیا، خاتون نے عبداللہ پٹھان اور اس کے بھائی کے ساتھ ایک اور نامعلوم شخص کے خلاف شکایت درج کرائی ۔ شکایت میں متاثرہ نے بتایا کہ سال 2021 میں اس کی عبداللہ پٹھان سے سوشل میڈیا کے ذریعے واقفیت ہوئی۔ کچھ دیر بعد عبداللہ نے گورکھپور کی خاتون کو مراد آباد میں اپنی ڈسپنسری میں 15 سے 20 ہزار روپے کی نوکری دینے کا لالچ دیا۔ اس نے متاثرہ کو یقین دلایا کہ اس کے کلینک میں بہت سی خواتین پہلے سے کام کرتی ہیں۔عبداللہ نے کہا تھا کہ ان کی طرف سے دی گئی ملازمت کی پیشکش میں رہائش اور کھانا مفت ہوگا۔ عبداللہ کی باتوں سے مطمئن ہو کر خاتون جولائی 2021 میں گورکھپور سے مراد آباد پہنچی، وہاں ملزم نے متاثرہ کو کرائے کے کمرے میں رکھا۔ 4 ماہ تک کلینک میں کام کرنے کے بعد عبداللہ نے خاتون کو یہ کہہ کر واپس اپنے گھر بھیج دیا کہ وہ اسے جلد دوبارہ بلائیں گے۔ جنوری 2023 میں عبداللہ پٹھان خود گورکھپور گیا اور لڑکی کو اپنے ساتھ مرادآباد لے آیا۔ اس بار اس نے لڑکی کو کنڈرکی کے علاقے میں اپنے ہی ایک گھر میں رکھا۔ اسی گھر میں عبداللہ پٹھان نے جنوری 2023 میں متاثرہ لڑکی کو منشیات دے کر زیادتی کا نشانہ بنایا، جنسی زیادتی کے دوران اس نے لڑکی کی فحش ویڈیو بنائی۔ اور پھر لڑکی کے گاؤں میں ویڈیو وائرل کرنے کی دھمکی دے کر عبداللہ نے ہر روز متاثرہ کی عصمت دری کرنا شروع کر دی۔ جب زیادتی کی وجہ سے متاثرہ لڑکی حاملہ ہوئی تو اس نے دسمبر 2023 میں بچے کا اسقاط حمل کروا دیا۔ جمعرات (6 جون) کو عبداللہ کا بھائی عبدالمالک ایک نامعلوم شخص کے ساتھ متاثرہ کے کمرے میں آیا۔ اس نے لڑکی پر دباؤ ڈالا کہ وہ اپنے ساتھ آنے والے شخص سے جسمانی تعلقات استوار کرے۔

    متنازعہ ٹک ٹاکر حریم شاہ کی ایک اور نازیبا ویڈیو”لیک”

    حریم شاہ مبشر لقمان کے جہاز تک کیسے پہنچی؟ حقائق مبشر لقمان سامنے لے آئے

    حریم شاہ کے خلاف کھرا سچ کی تحقیقات میں کس کا نام بار بار سامنے آیا؟ مبشر لقمان کو فیاض الحسن چوہان نے اپروچ کر کے کیا کہا؟

    حریم شاہ..اب میرا ٹائم شروع،کروں گا سب سازشیوں کو بے نقاب، مبشر لقمان نے کیا دبنگ اعلان

    میں آپکی بیویوں کے کرتوت بتاؤں گی، حریم شاہ کی دو سیاستدانوں کو وارننگ

    حریم شاہ کے ہاتھ میں شراب کی بوتلیں اور….ویڈیو وائرل

    ٹک ٹاک گرلز کے نئے دھماکے، عمران خان کی ساکھ کو شدید نقصان، مبشر لقمان نے کیے اہم انکشافات

    حریم شاہ کی دبئی میں کر رہے ہیں بھارتی پشت پناہی، مبشر لقمان نے کئے اہم انکشاف

    حریم شاہ کو کریں گے بے نقاب، کھرا سچ کی ٹیم کا بندہ لڑکی کے گھر پہنچا تو اسکے والد نے کیا کہا؟

    مبشر صاحب ،گند میں نہ پڑیں، ایس ایچ او نے حریم شاہ کے خلاف مقدمہ کی درخواست پر ایسا کیوں کہا؟

    خاتون نے اپنی شکایت میں کہا کہ جب اس نے انکار کیا تو عبدالمالک اور اس کے ساتھ موجود شخص نے باری باری اس کے ساتھ زیادتی کی۔ اس دوران عبدالمالک نے خاتون کے سر پر بندوق رکھ دی اور شور مچانے پر جان سے مارنے کی دھمکی دی۔ بعد میں جب لڑکی نے عبداللہ پٹھان کو اپنے بھائی کی حرکت کے بارے میں بتایا تو وہ خاموش رہا۔ اس نے خاتون کو اپنے اعلیٰ تعلقات کے بارے میں بتایا اور اسے سب کچھ بھول جانے کا مشورہ دیا۔ اس کے ساتھ عبداللہ نے یہ دھمکی بھی دی کہ اگر اس نے منہ کھولا تو وہ فحش ویڈیو وائرل کر دے گا۔لڑکی کے صبر کا پیمانہ لبریز ہوا،تو اس نے مقدمہ درج کروا دیا، خاتون کی شکایت پر پولیس نے عبداللہ پٹھان، اس کے بھائی عبدالمالک اور ایک اور نامعلوم شخص کے خلاف ایف آئی آر درج کر لی ہے۔ یہ ایف آئی آر آئی پی سی کی دفعہ 376-D، 313 اور 506 کے تحت درج کی گئی ہے۔

    عبداللہ پٹھان یوٹیوب پر فٹنس سے متعلق بلاگز بھی پوسٹ کرتا ہے۔ یوٹیوب اور فیس بک پر ان کے فالوورز کی اچھی خاصی تعداد ہے۔ عبداللہ پر مردانہ طاقت کی دوائی بیچنے کے نام پر کئی لوگوں کو دھوکہ دینے کا بھی الزام ہے۔ 16 اکتوبر 2023 کو ریاستی محکمہ صحت کی ایک ٹیم نے مراد آباد ضلع میں عبداللہ پٹھان کے مبینہ اسپتال پر چھاپہ مارا۔ اس چھاپے کے بعد خود کو ’سیکس ڈاکٹر‘ کہنے والے عبداللہ کے اسپتال کو سیل کر دیا گیا تھا.

    سابق وزیراعلیٰ پنجاب پرویز الہیٰ جیل کے واش روم میں گر گئے

    جامعہ کراچی کے واش روم سے طالب علم کی لاش برآمد،پوسٹمارٹم کی رپورٹ آ گئی

    دوران سفر جہازکے واش روم میں "گھناؤنا کام” کرنیوالا گرفتار

    عمران خان کے سیل کے سامنے واش روم پر کوئی کیمرہ نہیں ہے. سرفراز بگٹی

    کالج کی طالبات نے ساتھی طالبات کی واش روم میں فحش ویڈیو بنا کر وائرل کردیں

  • کویت،عمارت میں آتشزدگی سے 42 بھارتیوں کی موت،فضائیہ لاشیں واپس لائیگی

    کویت،عمارت میں آتشزدگی سے 42 بھارتیوں کی موت،فضائیہ لاشیں واپس لائیگی

    کویت میں عمارت میں آگ لگنے سے 42 بھارتی شہریوں کی موت ہوئی ہے جن کی لاشوں کو واپس لانے کے لئے بھارتی فضائیہ کا طیارہ کویت جائے گا، لاشوں کا ڈی این اے کیا جا رہا ہے، شناخت کا مرحلہ مکمل ہونے کے بعد لاشیں بھارت واپس لائی جائیں گی

    کویتی میڈیا کے مطابق جنوبی کویت کے شہر المنقف میں 12 جون کی صبح رہائشی عمارت میں آگ لگی، صبح 6 بجے حکام کو آتشزدگی کے بارے میں بتایا گیا تھا ، جس عمارت میں آگ لگی وہ محنت کشوں کی رہائش کے لیے استعمال ہوتی ہےمتاثرہ عمارت میں ایک ہی کمپنی کے 160 ملازمین رہائش پذیرتھے، جن میں سے متعدد کو بچا لیا گیا،تاہم 49 افراد کی موت ہوئی جن میں سے 42 بھارتی شہری تھے، آگ لگنے کے بعد ہ زیادہ تر ہلاکتیں آگ کے دھویں کے باعث دم گھٹنے سے ہوئیں،کویتی حکام کا کہنا ہے کہ ہم ہمیشہ کمپنیوں کو خبردار کرتے ہیں کہ بہت زیادہ ورکرز کو ایک جگہ نہ رکھا جائے،

    بھارتی وزیر اعظم نریندر مودی کی ہدایت پر وزیر مملکت برائے امور خارجہ کیرتی وردھن سنگھ کویت پہنچے،کویت پہنچنے کے بعد کیرتی کا کہنا تھا کہ عمارت میں مرنے والے افراد کی لاشوں کی شناخت کے لیے ڈی این اے کروایا جا رہا ہے، بہت سی لاشیں بری طرح جھلس چکی ہیں جن کی شناخت ممکن نہیں،لاشوں کو واپس لانے کے لئے بھارتی فضائیہ کا طیارہ کویت آئے گا، اور لاشوں کو بھارت منتقل کیا جائے گا.بھارتی وزیر مملکت برائے امور خارجہ کیرتی وردھن سنگھ نے حادثے میں زخمی ہونے والوں کی ہسپتال میں عیادت بھی کی،انہوں نے چھ زخمیوں سے ملاقات کی اور حکومت کی طرف سے ہر ممکن تعاون کی یقین دہانی کروائی.

    کویتی حکام کے مطابق عمارت میں آگ لگنے سے 49 افراد کی موت ہوئی جن میں سے 42 بھارتی شہری جبکہ باقی فلپائن، مصر اور نیپال سے تعلق رکھتے ہیں، کویت ٹائمز کی رپورٹ کے مطابق آتشزدگی کے واقعہ کی تحقیقات شروع کر دی گئی ہیں۔ کویت کے نائب وزیراعظم، وزیر دفاع اور وزیر داخلہ شیخ فہد الیوسف الصباح نے بدھ کو جائے وقوعہ کا دورہ کیا، عمارت کے کویتی مالک اور عمارت کے مصری گارڈ کو گرفتار کرنے کا حکم دیا۔

    بھارتی ریاست کیرالہ کی وزیر صحت وینا جارج بھی کویت کے لیے روانہ ہوں گی تاکہ کویت میں آگ لگنے سے ہلاک ہونے والے کیرالہ کے لوگوں کی لاشیں واپس لائی جائیں۔ریاستی سرکار نے واقعہ میں مرنے والوں کے لواحقین کو فی کس 5 لاکھ روپے اور زخمیوں کو ایک ایک لاکھ روپے کا معاوضہ دینے کا بھی فیصلہ کیا ہے،کیرلہ کے 14 افراد کی واقعہ میں موت ہوئی جس میں 13 کی شناخت ہو گئی،تامل ناڈو کے بھی پانچ افراد کی واقعہ میں موت ہوئی ہے،مرنیوالوں کا تعلق ریاست کے تھانجاور، رامناتھ پورم اور پیراورانی علاقوں سے تھا اور ان کی شناخت رام کروپن، ویراسامی ماریپن، چننا دورئی کرشنامورتی، محمد شریف اور رچرڈ کے طور پر ہوئی ہے.

    پنجاب بجٹ،ہتک عزت قانون کیخلاف صحافیوں کا احتجاج کا فیصلہ

    وزیراعلی پنجاب مریم نواز نے بجٹ دستاویز 2024-25 پر دستخط کر دئیے

    آئی ایم ایف کے علاوہ کوئی دوسرا راستہ نہیں،مہنگائی میں کمی ہو رہی،وزیر خزانہ

    جبری مشقت بارے آگاہی،انٹرنیشنل لیبر آرگنائزیشن کی لاہور میں میڈیا ورکشاپ

    بہت ہو گیا،طوائفوں کی ٹیم، محسن نقوی ایک اور عہدے کے‌خواہشمند

    قومی اسمبلی،غیر قانونی بھرتیوں پر سپیکر کا بڑا ایکشن،دباؤ قبول کرنے سے انکار

    سماعت سے محروم بچوں کے والدین گھبرائیں مت،آپ کا بچہ یقینا سنے گا

    حاجرہ خان کی کتاب کا صفحہ سوشل میڈیا پر وائرل،انتہائی شرمناک الزام

    جمخانہ کلب میں مبینہ زیادتی،عظمیٰ تو پرانی کھلاڑی نکلی،کب سے کر رہی ہے "دھندہ”

    بجٹ میں 1800 ارب روپے کے اضافی ٹیکسز لگائے گئے ہیں، چئیر مین ایف بی آر

    وفاقی بجٹ میں صحافیوں اور میڈیا ورکرز کے لئے ہیلتھ انشورنس کا اعلان

    بجٹ میں تنخواہ دار طبقے کےلیے انکم ٹیکس میں کتنا اضافہ ہوا؟

    ہائبرڈ اور لگژری الیکٹرک گاڑیوں کی درآمد پر دی جانے والی رعایت ختم

  • آئس کریم کون سے انسانی انگلی نکل آئی

    آئس کریم کون سے انسانی انگلی نکل آئی

    آئس کریم کی کون سے انسانی انگلی برآمد ہوئی ہے

    واقعہ بھارت کا ہے ، ممبئی کے علاقے ملاڈ میں ایک خاتون آئس کریم کھا رہی تھی کہ کون سے انسانی انگلی برآمد ہوئی ہے، خاتون نے آئسکریم کی کون میں انسانی انگلی کی تصویر بنا کر پولیس کو بھیجی اور پولیس کو اطلا ع دی، خاتون کے مطابق انہوں نے آئس کریم آن لائن منگوائی تھی.

    پولیس موقع پر پہنچی اور پولیس نے خاتون کے اس دعوے کی تصدیق کی کہ آئس کریم کون میں انسانی انگلی موجود تھی، تا ہم پولیس نے مزید تحقیقات کے لئے انسانی جسم کے حصے کو ایف ایس ایل بھجوا دیا ہے، خاتون نے پولیس کو بتایا کہ اس نے آدھی آئس کریم کھا لی تھی کہ اسے شک ہوا کہ اس میں کچھ ہے، اسی دوران اس نے آئس کریم میں "انسانی انگلی” دیکھی جو کٹی ہوئی تھی،میں نے آئس کریم آن لائن منگوائی تھی،پولیس نے آئس کریم کمپنی یمو کے خلاف مقدمہ درج کر لیا ہے اور واقعہ کی تحقیقات کا آغاز کر دیا ہے.

    جس خاتون کی آئس کریم سے "انسانی انگلی” نکلی اس کا نام برینڈن سیراؤ ہے اور اسکی عمر 27 برس جبکہ اورلیم کی رہائشی ہے،خاتون کا کہنا تھا کہ انہیں اندازہ نہیں تھا کہ آئس کریم میں "انسانی انگلی” ہو گی،انہوں نے دعویٰ کیا کہ تقریبا دو سینٹی میٹر لمبی انسانی انگلی کا حصہ آئس کریم میں تھا،خاتون پیشے کے اعتبار سے ڈاکٹر ہیں

    خاتون کی بہن کے مطابق اس کی بہن صبح کے وقت ایک آن لائن ڈیلیوری ایپ کے ذریعے گروسری کا آرڈر دے رہی تھی جب اس نے اسے فہرست میں تین بٹرسکوچ کون آئس کریم شامل کرنے کو کہا۔ آئس کریم کی ڈیلیوری ہوئی تو اس نے کون کھولا تو انگلی کا ٹکڑا نکل آیا .پولیس نے آئس کریم فیکٹری پر بھی چھاپہ مارا ہے اور تحقیقات کا دائرہ وسیع کر دیا ہے.

    آئی ایم ایف کے علاوہ کوئی دوسرا راستہ نہیں،مہنگائی میں کمی ہو رہی،وزیر خزانہ

    جبری مشقت بارے آگاہی،انٹرنیشنل لیبر آرگنائزیشن کی لاہور میں میڈیا ورکشاپ

    بہت ہو گیا،طوائفوں کی ٹیم، محسن نقوی ایک اور عہدے کے‌خواہشمند

    قومی اسمبلی،غیر قانونی بھرتیوں پر سپیکر کا بڑا ایکشن،دباؤ قبول کرنے سے انکار

    سماعت سے محروم بچوں کے والدین گھبرائیں مت،آپ کا بچہ یقینا سنے گا

    حاجرہ خان کی کتاب کا صفحہ سوشل میڈیا پر وائرل،انتہائی شرمناک الزام

    جمخانہ کلب میں مبینہ زیادتی،عظمیٰ تو پرانی کھلاڑی نکلی،کب سے کر رہی ہے "دھندہ”

  • ایلون مسک پر ملازم خاتون نے لگایا مبینہ زیادتی کا الزام

    ایلون مسک پر ملازم خاتون نے لگایا مبینہ زیادتی کا الزام

    سماجی رابطے کی ویب سائٹ ایکس اور اسپیس ایکس کے سی ای او ایلون مسک پر اسکے پاس کام کرنے والی دو خواتین کی جانب سے زیادتی کا الزام لگایا گیا ہے،

    جن دو خواتین نے ایلون مسک پر زیادتی کا الزام عائد کیا اس میں ایک انٹرن بھی شامل ہے، میڈیا رپورٹس کے مطابق ایلون مسک پر ماضی میں بھی اس طرح کے الزام لگ چکے ہیں،ایلون مسک پر کام کے دوران منشیات استعمال کرنے کا الزام بھی عائد ہے،ایلون مسک کے دفتر میں خواتین کو جنسی ہراساں کرنے کے لطیفے عام ہو چکے ہیں، ایلو ن مسک کے دفتر میں خواتین کو مردوں کی نسبت زیادہ تنخواہ اور سہولیات دی جاتی ہیں،جو مرد کم تنخواہ کی شکایت کرے اسے نوکری سے نکال دیا جاتا ہے،اب ایلون مسک پر خاتون نے زیادتی کا الزام لگایا ہے.

    میڈیا رپورٹس کے مطابق ایلون مسک پر جس خاتون نے زیادتی کا الزام لگایا ،اس کی ایلون مسک سے 2010 میں ملاقات ہوئی تھی جب وہ خاتون انٹرن شپ کے لئے ایلون مسک کے پاس گئی تھی، خاتون اس وقت کالج میں انجینئرنگ کی تعلیم حاصل کر رہی تھی،ملاقات کے بعد ایلون مسک اور خاتون انٹرن رات کھانے کے لیے باہر گئے ،اس دوران دونوں‌نے آپس میں کمپنی کی بہتری بارے بات چیت کی، اس واقعہ کے بعد دونوں میں قربت ہونے لگی، مسک اور انٹرن کئی بار یورپ بھی گئے، اور ساتھ رہے، 2017 میں مسک نے انٹرن شپ کے لئے آنے والی خاتون کو ایگزیکٹو اسٹاف میں جگہ دی جس کے بعد ایلون مسک کا خاتون کے ساتھ رویہ بدل گیا وہ اسے کہیں بھی چھوتے اور جنسی ہراساں کرتے.

    انٹرن نے واقعہ کے بارے میں بتایا کہ” وہ ایلون مسک کے ساتھ تعلقات میں نہیں تھی۔ وہ اپنے کام سے بھی خوش نہیں تھی، کیونکہ کسی نے بھی اس کے خیالات کو سنجیدگی سے نہیں لیا وہ کمپنیوں میں درپیش مسائل کے درمیان مسک سے ان کے گھر پر ملتی تھیں۔ ایلون مسک اسے ہمیشہ پیغامات دیتے رہے۔ وہ اسے اپنے گھر آنے اور اس کے ساتھ جنسی تعلق قائم کرنے کو کہتے رہے، 2019 میں اس نے حالات کو دیکھتے ہوئے کمپنی چھوڑنے کا فیصلہ کیا

    اسی دوران 2013 میں اسپیس ایکس چھوڑنے والی ایک اور خاتون نے الزام لگایا ہے کہ ایلون مسک نے اسے مسلسل اپنے بچے پیدا کرنے کے لیے کہا، شیون جلیس نامی خاتون کا کہنا ہے کہ مسک نے انہیں بتایا کہ انسانی آبادی کو بچانے کے لیے بچے پیدا کرنا ضروری ہے۔

    ہوشیار، آپکی جمع پونجی پر بڑا ڈاکہ تیار،الرحمان ڈیویلپرز ،اربن سٹی کی دو نمبریاں پکڑی گئیں

    بحریہ ٹاؤن،چوری کا الزام،گھریلو ملازمین کو برہنہ کر کے تشدد،الٹا بھی لٹکایا گیا

    بحریہ ٹاؤن کے ہسپتال میں شہریوں کو اغوا کر کے گردے نکالے جانے لگے

    سماعت سے محروم بچوں کے لئے بڑی خوشخبری

    تجوری ہائٹس کا پلاٹ گورنر سندھ کی اہلیہ کے نام پر تھا،سپریم کورٹ میں انکشاف

    چیف جسٹس کا نسلہ ٹاور کی زمین بیچ کر الاٹیز کو معاوضے کی ادائیگی کا حکم

    امجد بخاری کی "شادی شدہ” افراد کی صف میں شمولیت

    ضمنی انتخابات میں مریم نواز کا جادو کیسے چلا؟ اہم انکشافات

    مریم نواز نے پولیس وردی پہنی،عثمان انور نے ساڑھی کیوں نہیں پہنی؟ مبشر لقمان کا تجزیہ

  • حماس نے امریکی روڈ میپ کی منظوری کے لیے شرائط رکھ دیں

    حماس نے امریکی روڈ میپ کی منظوری کے لیے شرائط رکھ دیں

    غزہ: حماس نے امریکی روڈ میپ کی منظوری کے لیے شرائط رکھ دیں-

    باغی ٹی وی : امریکی صدر جوبائیڈن نےغزہ میں مستقل جنگ بندی، فلسطینی قیدیوں کے بدلے اسرائیلی یرغمالیوں کی رہائی اور تباہ حال انفرا اسٹریکچر کی تعمیر نو پر مشتمل روڈ میپ 31 مئی کو پیش کیا تھا جس پر اسرائیلی وزیراعظم نیتن یاہو نے مثبت ردعمل دیا تھا تاہم حماس کی جانب سے باضابطہ طور پر کوئی جواب موصول نہیں ہوا تھا۔

    تاہم اب حماس اور اسلامی جہاد نے اپنا جواب قطری وزیراعظم شیخ محمد بن عبدالرحمان الثانی کو دیدیا جس کی تصدیق ثالثوں مصر، قطر اور امریکا نے بھی کردی، العربیہ نیوز کے مطابق حماس نے امریکی روڈ میپ کی منظوری کے لیے کچھ شرائط رکھی ہیں۔ پہلی شرط غزہ سے تمام اسرائیلی فوجیوں کی اپنی سرحدوں پر واپسی ہے،حماس کی دوسری شرط جنگ بندی کا عارضی نہیں بلکہ مستقل ہونا ہے اور تیسری شرط بے گھر فلسیطنیوں کی غزہ میں اپنے گھروں میں دوبارہ آبادکاری ہے۔

    پیپلز پارٹی کا بجٹ اجلاس کے بائیکاٹ کا فیصلہ

    واضح رہے کہ اسرائیل صرف مخصوص علاقوں سے اپنی فوجیں واپس بلانے کے لیے رضامند ہے اور مستقل جنگ بندی کے بجائے جز وقتی جنگ بندی پر مُصر ہے،اسرائیل نے نوجوان کی واپسی کو مسترد کرتے ہوئے بے گھر فلسطینیوں میں سے صرف بزرگوں، خواتین اور بچوں کی واپسی اور آبادکاری پر ہامی بھری تھی، جبکہ حماس نے خواتین اور خواتین فوجیوں کے علاوہ 18 سال سے کم عمر کے 33 اسرائیلی قیدیوں کو رہا کرنے کی پیشکش کی ہے-

    وفاقی کابینہ نے مالی سال 2024-25 کیلئے بجٹ کی منظوری دے دی

  • رواں سال شدید گرمی عازمین حج کیلئےسب سے بڑا چیلنج ،سعودی حکومت کے اقدامات

    رواں سال شدید گرمی عازمین حج کیلئےسب سے بڑا چیلنج ،سعودی حکومت کے اقدامات

    المکہ: رواں سال شدید گرمی کے پیش نظر سعودی عرب کی وزارت صحت نے حجاج کرام کو خبراد کرتے ہوئے کہا کہ اس سال
    شدید گرمی سب سے بڑا چیلنج ہے جو عازمین حج کی صحت کو متاثر کر سکتی ہے۔

    باغی ٹی وی : سعودی محکمہ موسمیات کے مطابق رواں سال حج کے دوران مکہ اور دیگر مقدس مقامات پر اوسط درجہ حرارت میں ڈیڑھ ڈگری اضافہ دیکھا جائے گا،زیادہ سے زیادہ درجہ حرارت 44 ڈگری سینٹی گریڈ تک ریکارڈ کیا جا سکتا ہے جبکہ اس دوران ہیٹ ویو کا بھی امکان ہے۔

    ادھر وزارت صحت نے عازمین حج کو گرمی سے بچنے کیلئے احتیاطی تدابیر اختیار کرنے کی ہدایت کی ہےوزارت صحت نے تمام افراد کو چھتری اور زیادہ سے زیادہ پانی کا استعمال کرنے کے ساتھ کسی بھی قسم کی تکلیف اور تھکن کی صورت میں کچھ دیر آرام کرنے کی ہدایت کی ہے۔

    دوسری جانب سعودی حکومت کے اقدامات کے باعث 40 سالوں میں حج سیزن کے دوران گرمی اور لُو سے ہونے والی اموات میں 47.6 فیصد اور فالج کے واقعات میں 74.6 فیصد کی کمی رپورٹ کی گئی ہے۔

    حال ہی میں شہزادہ فیصل اسپیشلسٹ اسپتال اینڈ ریسرچ سینٹر کے زیر اہتمام ’مکہ جانے والے عازمین حج کیلئے موسمیاتی صحت سے متعلق خطرات میں اضافے‘ کے عنوان سے ایک تحقیقی رپورٹ جرنل آف ٹریول میڈیسن میں شائع کی گئی، تحقیقاتی رپورٹ میں40 سالوں میں حج سیزن کے دوران ماحول کے درجہ حرارت میں اضافے اور صحت کی صورتحال کے درمیان تعلق کا جائزہ لیا گیا۔

    تحقیقاتی رپورٹ میں بتایا گیا کہ ہر سال 180 سے زائد ممالک سے لاکھوں عازمین حج سعودی عرب کا رخ کرتے ہیں جبکہ مکہ میں ہر 10 سال کے دوران درجہ حرارت میں 0.4 ڈگری سینٹی گریڈ کا اضافہ ریکارڈ کیا جا رہا ہے درجہ حرارت میں اضافے کے باوجود سعودی حکومت کے اقدامات سود مند ثابت ہوئے اور 40 سال کے حج سیزن کے دوران گرمی اور لو سے ہونے والی اموات میں 47.6 فیصد اور فالج کے واقعات میں 74.6 فیصد کمی ریکارڈ کی گئی۔

    سعودی حکومت کی جانب سے ہر برس حجاج کیلئے گرمی کے پیش نظر صحت کولاحق خطرات کم کرنے کے لیے متعدد اقدامات سامنے آتے ہیں،ان اقدامات میں کھلی جگہوں پر ہوا کو ٹھنڈا کرنے کے لیے mist fan کا استعمال، پانی اور چھتری کی تقسیم کے ساتھ ساتھ 2010 سے مقدس مقامات پر شروع کی گئی المشاعر ٹرین سمیت ائیر کنڈیشنڈ گاڑیاں بھی شامل ہیں۔

    سعودی حکومت نے قدرتی ہوا کو بہتر بنانے اور مقدس مقامات پر درجہ حرارت کو کم کرنے کیلئے طویل المدتی اقدامات شروع کیے ہیں جن میں ماحولیاتی انجینئرنگ اور عمارت کے ڈیزائن کی حکمت عملیوں کو مربوط کرنے جیسے اقدامات قابل غور ہیں، عازمین حج کیلئے کیے گئے سعودی اقدامات میں سایہ دار جگہوں میں اضافہ اور رش کو کم کرنے کی کوششیں بھی شامل ہیں۔