نیوجرسی: سابق امریکی صدر ڈونلڈ ٹرمپ نے کہا ہے کہ وہ اقتدار میں آنے کے بعد غزہ میں جاری جنگ رکوادیں گے۔

باغی ٹی وی: سوشل میڈیا پر ریپبلکن پارٹی کی طرف سے امریکا کے صدارتی امیدوار ڈونلڈ ٹرمپ کی سابق مکس مارشل آرٹ خبیب نُرماگومیڈوف کے ساتھ ایک ویڈیو تیزی سے وائرل ہورہی ہے،ویڈیو میں ڈونلڈ ٹرمپ خبیب کو یقین دہانی کروا رہے ہیں کہ اگر وہ انتخابات میں کامیاب ہوگئے تو غزہ میں جاری جنگ رکوا دیں گے۔

میل آن لائن کے مطابق سابق صدر ٹرمپ نے ریاست نیوجرسی کے شہر نیوآرک میں پروڈینشل سینٹر میں منعقدہ یو ایف سی 302 ایونٹ میں شرکت کی، جہاں ان کی ملاقات سابق یو ایف سی لائٹ ویٹ چیمپئن سے ہوئی اور دونوں شخصیات کے درمیان خوشگوار ماحول میں بات چیت ہوئی، خبیب نُرماگومیڈوف نے ڈونلڈ ٹرمپ سے کہا وہ جانتے ہیں آپ فلسطین جنگ رکوادیں گے، جس پر سابق امریکی صدر نے انہیں جواب دیا اقتدار میں آنے کے بعد وہ یہ جنگ رکوادیں گے۔

واشنگٹن: امریکا کا کہنا ہے کہ پاکستان تحریک انصاف کے بانی عمران خان کے خلاف قانونی کارروائی کا فیصلہ پاکستانی عدالتوں کو کرنا ہے۔

باغی ٹی وی : واشنگٹن میں ہونے والی پریس بریفنگ میں بانی تحریک انصاف کی سائفر کیس میں بریت سے متعلق سوال کیا گیا اس پر ملر کا کہنا تھا کہ بانی پی ٹی آئی سے متعلق سوالات کا کئی بار جواب دے چکے ہیں بانی پی ٹی آئی کے خلاف قانونی کارروائی کا فیصلہ پاکستانی عدالتوں کو کرنا ہے، ہم مختلف ممالک سے متعلق فیصلے کیلئے مناسب حالات اور سیاق وسباق کو مدنظر رکھتے ہیں۔

03 جون تاریخ کے آئینے میں

ترجمان امریکی محکمہ خارجہ سے بانی پی آئی کے عدت کیس سے متعلق بھی سوال کیا گیا جس پر انہوں نے جواب دیا کہ فیصلہ پاکستانی عدالتوں کو کرنا ہے۔

واضح رہے کہ اسلام آباد ہائیکورٹ نے عمران خان اور شاہ محمود قریشی کی سائفر کیس میں سزا کالعدم قرار دیتے ہوئے بری کردیا،آفیشل سیکرٹ ایکٹ کی خصوصی عدالت نے سائفر کیس میں بانی پی ٹی آئی عمران خان اور شاہ محمود قریشی کو 10،10 سال قید کی سزا سنائی تھی۔

پی آئی اےکی نجکاری کیلئے 6کمپنیوں نے پری کوالیفائی کرلیا

اوٹاوا: کینیڈا کے بدنام زمانہ سیریل کلر کو جیل میں قتل کر دیا گیا۔

باغی ٹی وی : میل آن لائن کے مطابق 74سالہ رابرٹ پکٹن نے 47خواتین کو قتل کرنے کا اعتراف کیا، تاہم پراسیکیوٹرز کے خیال میں یہ تعداد اس سے کہیں زیادہ تھی رابرٹ پکٹن ان جرائم کی پاداش میں عمر قید کی سزا کاٹ رہا تھا، جہاں گزشتہ دنوں اسے موت کے گھاٹ اتار دیا گیا۔

رپورٹ کے مطابق رابرٹ پکٹن کینیڈا کے شہر وینکوور کے قریب سؤوروں کے ایک فارم کا مالک تھاوہ خواتین کو ورغلا کر اپنے فارم پر لے جاتا ہے اور جنسی زیادتی کا نشانہ بنانے کے بعد انہیں قتل کرتا اور ان کی لاشوں کے ٹکڑے کرکے اپنے پالتو سؤروں کو کھلا دیتا تھا۔

کینیڈین جیل حکام کے مطابق رابرٹ پکٹن پر 19مئی کو ایک اور 51سالہ قیدی نے حملہ کیا، جس میں وہ شدید زخمی ہو گیا، اسے ہسپتال داخل کرایا گیا تھا جہاں دوران علاج وہ زخموں کی تاب نہ لاتے ہوئے چل بسااس نے 1990ء اور 2000ء کی دہائیوں میں ان خواتین کو قتل کیا تھا۔

ممبئی پولیس نے بالی ووڈ سٹار سلمان خان پر قاتلانہ حملے کی کوشش کے پیچھے پاکستان کا ہاتھ ڈھونڈ نکالا-

باغی ٹی وی : گزشتہ دنوں نوی ممبئی پولیس نے سلمان خان پر قاتلانہ حملے کی دوسری کوشش ناکام بناتے ہوئے لارنس بشنوئی گینگ کے چار کارندوں کو گرفتار کیا ہے جو پنویل کے علاقے میں سلمان خان کی کار پر حملے کی منصوبہ بندی کر رہے تھے۔

تاہم اب نوی ممبئی پولیس کی طرف سے کہا گیا ہے کہ ملزمان نے ایک پاکستانی اسلحہ سپلائر سے ہتھیار حاصل کرنے کی منصوبہ بندی کر رکھی تھی، جس کے ذریعے انہوں نے سلمان خان پر حملہ کرنا تھا، پولیس کی طرف سے ایف آئی آر میں 17 ملزمان کو نامزد کیا گیا ہے جن میں لارنس بشنوئی، انمول بشنوئی، سمپت نہرا اور گولڈی براڑ شامل ہیں۔

آئی ایم ایف نے چاروں صوبوں، آزاد کشمیر اور گلگت بلتستان کے نئے سالانہ …

پولیس کے مطابق گرفتار ہونے والے چار ملزمان میں دھننجے عرف اجے کیشپ، گورو بھاٹیہ عرف ناہوی، وسپی خان عرف وسیم چکنا اور رضوان خان عرف جاوید خان شامل ہیں،اجے کیشپ نے مبینہ طور پر سلمان خان کے گھر اور فارم ہاؤس کی ریکی کی اس منصوبہ بندی میں ’ڈوگر‘ نامی ایک پاکستانی بھی ملوث پایا گیا ہے، جسے ملزمان نے ایک ویڈیو کال کے ذریعے کلاشنکوف و دیگر اسلحہ فراہم کرنے کو کہا تھا۔

اپنی پسند کی شادی کے لیے 8 سال تک مشکلات سے گزرنا پڑا ،محمد رضوان

پولیس کے مطابق لارنس بشنوئی اور سمپت نہرا گینگز کے 60سے 70ملزمان ممبئی، رائے گڑھ، نوی ممبئی، ٹھانے، پونے اور گجرات سمیت دیگر جگہوں پر سلمان خان کی نگرانی کر رہے تھے منصوبہ بندی کے مطابق ملزمان نے سلمان خان پر حملہ کرنے کے بعد کنیا کماری سے کشتی کے ذریعے فرار ہو کر سری لنکا پہنچنا تھا۔

مئی کے دوران کالعدم تنظیموں کے 44 دہشت گردگرفتار’اسلحہ برآمد

لزبن: پرتگال میں ایک ایئر شو کے دوران کرتب دکھاتے ہوئے دو طیارے باہم ٹکرانے سے ایک پائلٹ ہلاک ہو گیا۔

باغی ٹی وی : عالمی میڈیا کے مطابق اس ایئرشو کا انعقاد پرتگالی فضائیہ کے زیراہتمام کیا گیا،یہ چھوٹے طیارے تھے جو ٹکر کے بعد گر کر تباہ ہو گئے اور ان میں سے ایک طیارے کا پائلٹ ہلاک ہو گیا،جبکہ دوسرے طیارے کے پائلٹ کو شدید زخمی حالت میں ہسپتال پہنچایا گیا جہاں اس کو طبی امداد دی جا رہی ہے،زخمی ہونے والا پائلٹ پرتگالی شہری تھا-

ہلاک ہونے والا پائلٹ ہسپانوی شہری تھا,پرتگالی فضائیہ کی طرف سے جاری ایک بیان میں اس افسوسناک واقعے کی تصدیق کرتے ہوئے بتایا گیا ہے کہ شو میں کل6طیاروں نے حصہ لیا ان میں سے ایک طیارہ نیچے سے اوپر اٹھتے ہوئے اپنے اوپر آنے والے طیارے سے ٹکرا گیا، اس حادثے کے بعد ایئر شو کو منسوخ کر دیا گیا-

اپنی پسند کی شادی کے لیے 8 سال تک مشکلات سے گزرنا پڑا ،محمد رضوان

وزیر اعلیٰ مریم نواز نے چیف منسٹر ہمت کارڈپراجیکٹ کی منظوری دیدی

آئی ایم ایف نے چاروں صوبوں، آزاد کشمیر اور گلگت بلتستان کے نئے سالانہ …

واشنگٹن: سائنسدانوں نے اب تک کا سب سے کم وزن سیارہ دریافت کیا ہے-

باغی ٹی وی : کچھ سیارے اتنے گرم ہوتے ہیں کہ ان کی فضا میں پگھلے پتھروں کی بارشیں ہوتی رہتی ہیں جبکہ کچھ اتنے ٹھنڈے ہوتے ہیں کہ انہیں برف کا دیو کہا جاتا ہے اب سائنسدانوں نے WASP-193b نامی نیا سیارہ دریافت کیا ہے یہ دنیا سے بھی کئی گنا بڑا سیارہ ہے لیکن اس کی کثافت اتنی کم ہے کہ سائنسدانوں نے اسے گُڑیا کے بال (cotton candy) سے تشبیہ دی ہے۔

نیچر فلکیات کے جریدے میں شائع ہونے والی رپورٹ کے مطابق سیارہ ہماری زمین سے 1,200 نوری سال کے فاصلے پر ہےیہ مشتری سے تقریباً 1.5 گنا بڑا ہے لیکن دلچسپ بات یہ ہے کہ حساب کتاب کے بعد اس کی کثافت کی پیمائش 0.059 گرام فی کیوبک سینٹی میٹر کی گئی ہے جو کہ فومز، کم کثافت والے پلاسٹک اور ایروجیلز کی طرح ہے۔

جسٹس بابر ستارکیخلاف مہم ، وزارت دفاع کی رپورٹ مسترد، دوبارہ جمع کرانے کا حکم

رپورٹ کے مصنف جولین ڈی ویٹ نے کہا کہ اس سیارے کو کاٹن کینڈی کہنے کی وجہ یہ ہے کہ یہ بنیادی طور پر بہت ہی ہلکا ہے سیارے کا ماحول بنیادی طور پر ہائیڈروجن اور ہیلیم جیسے ہلکے عناصر سے بنا ہوا ہے جو اسے تیرتے ہوئے پھولے ہوئے ابر آلود کرہ کی شکل دیتا ہے۔

ناسا کے مطابق اس سیارے کا سائز ان ماڈلز پر لاگو نہیں کیا جا سکتا جو تابکاری گیسوں سے بھرے ہوتے ہیں اور دیو ہیکل سیاروں کی شکل اختیار کرلیتے ہیں، اس کی وجہ یہ ہے کہ اس سیارے میں کوئی ٹھوس سطح موجود نہیں ہے۔

اپنی پسند کی شادی کے لیے 8 سال تک مشکلات سے گزرنا پڑا ،محمد رضوان

تہران: ایران کے سابق صدر محمود احمدی نژاد بھی صدارتی انتخاب کی دوڑ میں شامل ہوئے انہوں نے ابراہیم رئیسی کے انتقال کے بعد 28 جون کو شیڈول صدارتی انتخاب کے لیے اپنا نام رجسٹر کروالیا ہے۔

باغی ٹی وی :ایران کے سرکاری نشریاتی ادارے نے رپورٹ کیا کہ سابق سخت گیر صدر محمود احمدی نژاد نے بھی صدارتی انتخاب کے لیے رجسٹریشن کروالیا ہے،صدارتی امیدواروں کی حتمی فہرست 11 جون کو جاری کی جائے گی اور کونسل کی جانب سے احمدی نژاد کا نام روکا بھی جا سکتا ہے۔

واضح رہے کہ پاسداران انقلاب کے سابق رکن احمدی نژاد پہلی مرتبہ 2005 میں ایران کے صدر منتخب ہوئے تھے اور 2013 میں اپنی مدت پوری کرکے سبکدوش ہوگئے تھےبعد ازاں 2017 میں انہیں کونسل کی جانب سے روکا گیا تھا اور سپریم لیڈر آیت اللہ خامنہ ای نے خبردار کرتے ہوئے کہا تھا کہ صدارتی دوڑ میں شامل ہونا نہ تو ان کے مفاد میں ہے اور نہ ہی اس میں ملک کا مفاد ہے،تاہم گزشتہ ماہ ہیلی کاپٹر حادثے میں صدر ابراہیم رئیسی کے انتقال کے بعد محمود احمدی نژاد رواں ماہ کے آخر میں شیڈول صدارتی الیکشن کی دوڑ میں شامل ہوگئے ہیں۔

اسرائیلی جنگی کابینہ نے امریکی صدر کی جنگ بندی تجاویز کی منظوری دیدی

احمدی نژاد کی جانب سے آیت اللہ خامنہ ای کے اختیارات پر اعتراض اٹھایا گیا تھا اور اس کے نتیجے میں اختلافات سامنے آگئے تھے اور 2018 میں احمدی نژاد نےسپریم لیڈر پر تنقید کرتے ہوئے آزاد انتخابات کا مطالبہ کیا تھا،سپریم لیڈر آیت اللہ خامنہ ای نے 2009 میں احمدی نژاد کے دوبارہ انتخاب کے بعد ملک میں احتجاج برپا ہونے کے باوجود ان کی حمایت کی تھی حالانکہ اس احتجاج کے دوران درجنوں افراد جاں بحق اور سیکڑوں گرفتار ہوگئے تھے۔

اسلام آباد میں ڈاکوؤں نے سعودی شہریوں کو لُوٹ لیا

محمود احمدی نژاد کے علاوہ سابق پارلیمانی اسپیکر علی لاریجانی بھی رجسٹر ہونے والے امیدواروں میں شامل ہیں، اس کے علاوہ مرکزی بینک کے سابق گورنر عبدالناصر ہمتی بھی صدارتی امیدوار ہیں۔

تل ابیب: اسرائیلی جنگی کابینہ نے امریکی صدر کی جنگ بندی تجاویز کی منظوری دے دی ہے۔

باغی ٹی وی : اسرائیلی حکام نے کہا ہے کہ اسرائیلی جنگی کابینہ نے امریکی صدر کی جنگ بندی تجاویز کی منظوری دے دی ہے اور انہیں اب حماس کے ردعمل کاانتظار ہے،اسرائیلی حکام نے یہ بھی کہا کہ اسرائیلی وزیراعظم نیتن یاہو جنگی مقاصد پورے ہونے، مغویوں کی رہائی اور حماس کی تباہی تک مستقل جنگ بندی کے لیے رضامند نہیں ہوں گے۔

دوسری طرف امریکی قومی سلامتی کونسل کے ترجمان جان کربی نے کہا ہے کہ اگر حماس امریکی تجاویز پر رضامند ہوجائے تو اسرائیل بھی مان جائے گا،امریکا کی دی گئی تجاویز اسرائیلی تجاویز تھیں، حماس مان جائے تو اسرائیل بھی ہاں کہہ دے گا۔

غزہ میں مستقل جنگ بندی اور اسرائیلی فوج کے انخلا کے لیے نیا جنگ بندی …

گزشتہ روز فلسطینی مزاحمتی تنظیم حماس نے امریکی صدر جوبائیڈن کی جانب سے غزہ میں مستقل جنگ بندی اور اسرائیلی افواج کے انخلا کے لیے پیش کردہ تجاویز کی حمایت کی تھی،حماس کی جانب سے جاری بیان میں کہا گیا تھا کہ امریکی صدر کی جانب سے پیش کیا گیا مجوزہ جنگ بندی معاہدہ جس میں ‘اسرائیلی افواج کا انخلا، غزہ کی تعمیر نو اور قیدیوں کا تبادلہ’ شامل ہیں کو ہم مثبت سمجھتے ہیں کسی بھی ایسی تجویز پر مثبت اور تعمیری انداز میں عمل درآمد کے لیے تیار ہیں جس سے غزہ کی تعمیر نو ہوسکے اور بے گھر افراد کی اپنے گھروں میں واپسی ممکن ہوسکے۔

حماس کی امریکی صدر کی غزہ میں مستقل جنگ بندی کے لیے پیش کردہ تجاویز کی حمایت

واضح رہے کہ صدر بائیڈن کے تین مراحل پر مشتمل مجوزہ منصوبے کے پہلے مرحلے میں 6 ہفتے کی جنگ بندی، اسرائیلی فوج کا غزہ سے انخلا، یرغمالیوں اور فلسطینی قیدیوں کی رہائی، غزہ کے بے گھر فلسطینیوں کی واپسی، امداد کی فراہمی، دوسرے مرحلے میں مستقل جنگ بندی کی بات چیت اور تیسرے مرحلے میں غزہ کی تعمیر نو شامل ہے۔