Category: بین الاقوامی

بھارتی الیکشن میں بی جے پی کی کامیابی کے بعد اقلیتوں پر تشدد کا سلسلہ شروع ہو گیا، گائے کے گوشت کے الزام میں خاتون سمیت مسلمان خاندان پر ہندو انتہا پسندوں نے شدید تشدد کا نشانہ بنایا.

باغی ٹی وی کی رپورٹ کے مطابق بھارت کی ریاست مدھیہ پردیش کے ضلع سیونی میں بھارتی نتائج والے روز ایک مسلمان خاندان کو ہندو انتہا پسندوں نے یہ کہہ کر تشدد کا نشانہ بنایا کہ وہ گائے کا گوشت لے کرجا رہے تھے. شری رام سینا کے صدر شبھم بگھیل نے گائے کا گوشت لے جانے کا الزام لگا کر مسلمان نوجوانوں کو بہیمانہ تشدد کا نشانہ بنایا.شبھم بگھیل اپنے غنڈوں اور ہندو انتہا پسندوں کے ہمراہ مسلمان خاندان کے پاس گیا اور گاڑی میں موجود افراد پر تشدد کیا اور ان سے ’جے شری رام‘ کے نعرے بھی لگوائے۔ اس موقع پر لوگ جمع ہوئے لیکن وہ تماشا دیکھتے رہے. شبھم بگھیل کی جانب سے مسلمان خاندان پر تشدد کی ویڈیو سوشل میڈیا پر وائرل ہو چکی ہے. شبھم بگھیل مسلمانوں پر تشدد کے حوالہ سے مشہور ہے ماضی میں بھی وہ مسلمانوں پر تشدد کرتا رہا ہے اسی وجہ سے اسے 6 فروری کو ضلع بدر کیا گیا تھا لیکن وہ واپس آیا اور پھر مسلمان خاندان کو تشدد کا نشانہ بنایا.

واضح رہے کہ مدھیہ پردیش سے دہشت گردی می نامزدسادھوی پراگیا نے الیکشن جیتا ہے جس کے بعد ہندو انتہا پسندوں نے مسلمانوں پر حملے شروع کر دئیے .

بھارتی الیکشن میں شکست کے بعد کانگریس کے‌ صدر راہل گاندھی نے پارٹی صدارت سے استعفیٰ دینے کی پیشکش کی جسے رد کر دیا گیا

باغی ٹی وی کی رپورٹ کے مطابق بھارتی الیکشن میں کانگریس کی شکست کے بعد کانگریس کا پارٹی اجلاس ہوا جس میں راہل نے اخلاقی طور پر پارٹی صدارت سے استعفیٰ دینے کا کہا جسے پارٹی کے دیگر عہدیداران نے مسترد کر دیا.کانگریس کے پارٹی اجلاس میں سونیا گاندھی، سابق وزیر اعظم منموہن سنگھ، پارٹی جنرل سکریٹری کے سی وینوگوپال، سینئر لیڈر اے کے انٹونی، پرینکا گاندھی، پارٹی خزانچی احمد پٹیل، کیپٹن امریندر سنگھ ، شیلا دکشت سمیت تقریبا تمام اراکین موجود تھے. اجلاس میں الیکشن میں شکست کے حوالہ سے غوروخوض کیا گیا. اجلاس میں راہل نے الیکشن میں شکست پر پارٹی سے استعفیٰ دینے کے پیشکش کی جسے اراکین نے رد کر دیا.

واضح رہے کہ بھارتی الیکشن میں مودی کی پارٹی اور ا ن کے اتحادیوں نے 350 سے زائد نشستیں حاصل کی ہیں جبکہ کانگریس کو ایک سو نشستیں بھی نہیں مل سکیں.

بھارتی ریاست گجرات کے شہر سورت میں ٹیوشن سنٹر میں آتشزدگی سے 17 طلبا جاں بحق ہو گئے جبکہ 17 زخمی ہو گئے

باغی ٹی وی کی رپورٹ کے مطابق بھارتی ریاست گجرات کے شہر سورت کے علاقے سرتھانہ میں ایک ٹیوشن سنٹر میں اچانک آگ لگنے سے ٹیوشن سنٹر میں موجود 17 طالب علم جاں بحق ہو گئے جبکہ 17 زخمی ہوئے. افسوسناک واقعہ اس وقت پیش آیا جب ٹیوشن سنٹر میں کلاسز جاری تھیِں طلبا کو نکالنے کی کوشش کی گئی تاہم آگ اتنی تیز تھی کہ 17 طلبا جل کر جاں بحق ہو گئے. بھارتی وزیراعظم مودی نے واقعہ پر دکھ کا اظہار کیا ہے. بھارت کی ریاستی حکومت نے مرنے والوں کے لواحقین کو چار لاکھ فی کس امداد دینے کا اعلان کیا ہے، ریاستی وزیراعلیٰ وجے روپانی نے آتشزدگی کی تین دن میں رپورٹ طلب کر لی ہے. آگ لگنے کی وجہ معلوم نہیں ہو سکی.

بھارتی لوک سبھا انتخابات میں 26 مسلمان امیدوار بھی الیکشن جیتے ہیں

باغی ٹی وی کی رپورٹ کے مطابق بھارتی الیکشن میں مودی کی پارٹی کو ایک بار پھر واضح اکثریت ملی ہے، مودی دوبارہ بھارت کے وزیر اعظم بنیں گے وہیں اس بار الیکشن میں 26 مسلمان امیدواروں کو بھی کامیابی ہوئی ہے. بھارت کے 17ویں لوک سبھا میں مسلم ارکان پارلیمنٹ کی تعداد 26 تک پہنچ گئی ہے اور اس میں کشمیر سے فاروق عبداللہ و حیدر آباد سے اسد الدین اویسی بھی شامل ہیں۔ سابقہ لوک سبھا میں 23 مسلمان اراکین تھے، اس الیکشن میں مسلمانوں کی تین نشستوں کا اضافہ ہوا ہے. 1980 میں سب سے زیادہ 49 مسلمان امیدوار پارلیمنٹ میں پہنچے تھے ،پارلیمنٹ پہنچنے والے مسلمان اراکین کا تعلق یوپی سے چھ، مغربی بنگال سے چھ، جموں کشمیر اور کیرالہ سے تین تین، بہار اور آسام سے دو دو جبکہ لکش دیپ اور پنجاب سے ایک ایک ہے .

برطانیہ کی وزیراعظم تھریسا مے نے مستعفی ہونے کا اعلان کر دیا ہے

باغی ٹی وی کی رپورٹ کے مطابق برطانوی وزیراعظم تھریسامے نے بریگزیٹ پلان میں ناکامی کی وجہ سے مستعفیٰ ہونے کا اعلان کر دیا ہے ، تھریسامے کا کہنا تھا کہ وہ 7 جون کو استعفیٰ دے دیں گی.تھریسامے کا مزید کہنا تھا کہ یورپی یونین سے علیحدہ ہونے کے لئے بھرپور کوشش کی لیکن اس میں کامیابی نہیں ہوئی. ان کا مزید کہنا تھا کہ برطانیہ کا وزیر اعظم رہنا میرے لئے اعزاز کی بات تھی،

واضح رہے کہ بریگزیٹ میں ناکامی پر برطانوی وزیراعظم تھریسامے کو شدید تنقید کا سامنا تھا اور ان سے مستعفیٰ ہونے کا مطالبہ کیا جارہا تھا ، اس سے قبل وزیر اعظم تھریسا مے کے پانچ وزراء نے عہدوں سے استعفیٰ دے دیا اس سے قبل ڈیوڈ کیمرون بھی بریگزیٹ سے متعلق معاملے پر ہی استعفیٰ دے چکے ہیں ۔

جون 2016 میں ریفرنڈم میں 52 فیصد برطانوی عوام نے یورپی یونین سے الگ ہونے کے حق میں ووٹ دیا تھا جبکہ مخالفت میں4 فیصد ووٹ پڑے تھے۔