Category: بین الاقوامی

خلیج تعاون کونسل نے امریکہ کی طرف سے ایران کے مقابلہ کیلئے اپنی فوج خلیجی ملکوں‌ اور ان کی سمندری حدود میں تعینات کرنے کیلئے کی جانے والی درخواست کو قبول کر لیا ہے.

باغی ٹی وی کی رپورٹ‌ کے مطابق عرب روزنامہ الشرق الاوسط نے دعویٰ کیا ہے کہ سعودی عرب سمیت خلیج تعاون کونسل میں‌شامل دیگر ملکوں نے امریکی فوج کو خلیج کے پانیوں تک رسائی کی اجازت دے دی گئی ہے.

رمضان المبارک کے آخری ایام میں مکہ معظمہ میں عرب سربراہ کانفرنس کے انعقاد کا بھی فیصلہ کیا گیا ہے جس میں‌ ایران تنازعہ پر بھی غوروفکر کیا جائے گااور آخر میں مشترکہ لائحہ عمل کا اعلان کیا جائے گا. ادھر کہا گیا ہے کہ خلیجی ملکوں‌کی طرف سے امریکہ کو اپنے پانیوں‌ تک رسائی کی اجازت دو طرفہ معاہدہ کی وجہ سے دی گئی ہے جس کا مقصد ایران کی جانب سے خلیجی ممالک کو عدم استحکام سے دوچار کرنے کی کوششوں‌ پر قابو پانا ہے.

خلیج میں‌موجود امریکی جہاز ایرانی میزائلوں‌ کے نشانے پر ہیں اور ہمارے تھوڑے فاصلے تک مار کرنے والے میزائل خلیج کے پانیوں‌ میں‌موجود امریکی جہازوں‌ کو باآسانی نشانہ بنا سکتے ہیں.

باغی ٹی وی کی رپورٹ‌ کے مطابق یہ بات ایرانی پاسداران انقلاب کے ڈپٹی چیف برائے پارلیمانی امور محمد صالح جوکار نے کی ہے. انہوں نے امریکی بحری جہازوں‌پر حملوں‌ کی واضح دھمکی دیتے ہوئے کہا کہ امریکہ کسی طور ایک نئی جنگ کا متحمل نہیں‌ہو سکتا.

ایرانی پاسداران انقلاب کے ڈپٹی چیف کی طرف سے یہ بیان ایسے وقت میں دیا گیا ہے کہ جب امریکہ نے ایران کے تیل پر مکمل پابندی لگا دی ہے اور اس کے بعد سے دونوں‌ ملکوں‌ کی جانب سے ایک دوسرے کے خلاف تندوتیز بیانات کا سلسلہ شروع ہو گیا ہے. امریکہ نے اپنے بحری بیڑی خلیجی ممالک میں پہنچا دیے ہیں‌ جبکہ دوسری جانب حال ہی میں‌ ایرانی سپریم لیڈر آیت اللہ خامنہ ای نے بیان دیا ہے کہ اگرچہ امریکہ اور ایران کے درمیان سخت کشیدگی موجود ہے تاہم دونوں‌ملکوں‌ کے درمیان اس کے باوجود جنگ نہیں‌ ہو گی.
ایران

بھار ت میں ہندو انتہاپسند لیڈر سوامی اسیمانند نے ہرزہ سرائی کرتے ہوئے کہا ہے کہ مسلمان صرف ہندوستان ہی نہیں‌پوری دنیا کے لئے مسئلہ ہیں.

باغی ٹی وی کی رپورٹ‌ کے مطابق ہندوانتہاپسند لیڈر نے اپنے ایک انٹرویو میں‌کہا ہے کہ مسلمانوں‌ کی آبادی میں جس تیزی سے اضافہ ہو رہا ہے یہ پوری دنیا پر کنٹرول کر لیں‌ گے.

ہندو معاشرہ مسلمانوں سے پریشان ہے. مجھے سمجھوتہ ایکسپریس کا پتہ نہیں تھا لیکن مجھے سرنڈر کرنے کیلئے کہا گیا اور پھنسایا گیا.

یاد رہے کہ سوامی اسیمانند مکہ مسجد اور اجمیر درگاہ دھماکوں کے اہم ملزمان میں سے ہیں. مذکورہ ہندو لیڈر کو این آئی اے کی عدالت نے کچھ عرصہ قبل بری کر دیا تھا.

انتخابی ضابہ اخلاق کے حوالہ سے ہندوستانی الیکشن کمیشن میں اختلافات کھل کر منظر عام پر آ گئے ہیں.

باغی ٹی وی کی رپورٹ کے مطابق ہندوستانی الیکشن کمشنر اشوک لواسا نے سنیل اروڑہ جو کہ چیف الیکشن کمشنر ہیں، کو ایک خط لکھا ہے جس میں‌ کہا گیا ہے کہ بھارتی الیکشن کمیشن کے فیصلوں‌ میں کمشنروں کے مابین پائے جانے والے اختلافات کو بھی سرکاری ریکارڈ کا حصہ بنایا جائے.

اس خط کے جواب میں‌ ہندوستانی چیف الیکشن کمشنر سنیل اروڑہ نے بھارتی الیکشن کمشنر اشوک لواسا کے مطالبہ کو تسلیم کرنے انکار کرتے ہوئے کہا ہے کہ میں بحث سے نہیں‌ ڈرتا مگر ہر چیز کا ایک وقت ہوتا ہے. میڈیا میں اس نتازعہ کو لیکر آنا نفرت انگیز ہے. اس سے بچا جاسکتا تھا لیکن ایسا نہیں‌ کیا گیا. انہوں نے کہاکہ ماضی میں افسر ریٹائرمنٹ کے بعد ایسی متنازعہ باتیں‌ کتابوں‌ میں‌ لکھا کرتے تھے مگر اب ایسا نہیں‌ ہے.

یاد رہے کہ بھارتی الیکشن کمیشن میں‌پائے جانے والے اختلافات میڈیا پر آنے کی وجہ سے انڈیا میں عوامی سطح‌پر زیر بحث‌ ہیں.

غاصب اسرائیل کی طرف سے نہتے فلسطینیوں‌ کے خلاف بھیانک جرائم اور نسل پرستانہ واقعات بے نقاب کرنے کیلئے انسانی حقوق کارکنان نے یورپ کے مختلف ممالک میں‌ایک نئی ابلاغی مہم شروع کی ہے.

باغی ٹی وی کی رپورٹ‌ کے مطابق یورپی ممالک میں یہ مہم سوشل میڈیا پر شروع کی گئی ہے. اس مہم کا مقصد فلسطین پر صیہونی ریاست اسرائیل کے قیام کے 71 برس مکمل ہونے پر نہتے فلسطینی مسلمانوں‌ پر ڈھائے جانے والے وحشیانہ مظالم اور ظلم ودہشت گردی کے خلاف شروع کی گئی ہے. اس مہم میں‌ فلسطینی انسانی حقوق کارکنان بڑی تعداد میں حصہ لے رہے ہیں.

انسانی حقوق کارکنان کا کہنا ہے کہ یہ مہم ایک ماہ تک جاری رکھی جائے گی. اس مہم کے دوران اسرائیلی مظالم اور دہشت گردی سے متعلق تصاویراور دیگر مواد سوشل میڈیا پر شیئر کیا جائے گا. اسی طرح یورپی پارلیمنٹ ، سول سوسائیٹی اور انسانی حقوق کی بین الاقوامی تنظیموں‌ تک فلسطینی مسلمانوں کی حمایت میں پیغام پہنچائے جائیں گے.

وزیر خارجہ شاہ محمود قریشی دو روزہ دورے پر کویت پہنچ گئے ہیں، کویت کے ڈپٹی وزیر خارجہ، پاکستانی سفیر اور سفارتخانے کے افسران نے وزیر خارجہ کا استقبال کیا

باغی ٹی وی کی رپورٹ کے مطابق وزیر خارجہ شاہ محمود قیرشی کویت پہنچ گئے ہیں. کویت میں وزیر خاجہ کی کویت کے امیرشیخ صباح الاحمد الصباح سے ملاقات ہو گی اور وہ وزیر اعظم عمران خان کی جانب سے انہیں خصوصی خط پیش کریں گے۔وزیر خارجہ شاہ محمود قریشی کی کویت میں ان کی اپنے ہم منصب سے ملاقات بھی ہوگی اور وفود کی سطح پر مذاکرات ہوں گے، ان مذاکرات میں ویزہ کے مسائل سمیت دیگر دوطرفہ معاملات پر گفتگو ہو گی

ایران کے ساتھ کشیدہ صورتحال کی وجہ سے امریکا نے اپنی ایئر لائنز کو خلیجی فضائی حدود میں محتاط رہنے کا کہہ دیا ہے.

غیر ملکی خبر رساں ادارے کے مطابق امریکی فیڈرل ایوی ایشن ایڈمنسٹریشن نے اپنی ایئر لائنز کو وارننگ دی ہے کہ ایران کے ساتھ کشیدہ حالات کی وجہ سے خلیج میں پروازوں کے دوران محتاط رہیں.

واضح رہے کہ ایران اور امریکا کے مابین گزشتہ کئی دنوں سے کشیدگی میں اضافہ ہو رہا ہے. خلیج میں سعودی تیل کے ٹینکرز پر حملوں کا الزام امریکہ نے ایران پر لگایا ہے.

سعودی عرب کی آئل تنصیبات پرمیزائل حملوں کا الزام امریکہ نے ایران پر لگا دیا
چین اور ایران کا دشمن ایک

 تیل کی فراہمی بحال 

امریکی صدر ڈونلڈ ٹرمپ نے کہا ہے کہایران جلد امریکا کے سامنے جھک جائے گا

سعودی عرب کی پٹرولیم کمپنی آرامکو نے ڈرون حملے میں متاثر ہونے والی تیل پائپ لائن کی مرمت کے بعد تیل کی فراہمی بحال کر دی ہے۔

باغی ٹی وی کی رپورٹ کے مطابق سعودی عرب کی تیل کی تنصیبات پر ڈرون حملوں کے بعد آرامکو نے تیل کی سپلائی معطل کر دی تھی جس کے بعد عالمی سطح پر تیل کی قیمتوں میں اضافہ دیکھنے میں آیا تھا، اب آرامکو نے تیل کی سپلائی بحال کر دی ہے. آرامکو کے ایک عہدیدار کا کہنا ہے کہ مشرقی سعودی عرب سے مغربی ساحل میں ینبع بندرگاہ تیل کی سپلائی متاثر ہوئی تھی، جسے دو دن میں بحال کر دیا گیا ہے.

ایران امریکا جنگ کا خطرہ، ایران اور چین کا دشمن ایک،خطے میں کیا ہونیوالا ہے

واضح رہے کہ سعودی عرب کا کہنا ہے کہ حوثی باغیوں نے تیل کی تنصیبات پر ڈرون حملے کئے تھے جس سے پائپ لائنز متاثر ہوئی تھیں.

امریکی صدر ڈونلڈ ٹرمپ نے کہا ہے کہ ایران جلد امریکا کے سامنے جھک جائے گا

باغی ٹی وی کی رپورٹ کے مطابق امریکی صدر ڈونلڈ ٹرمپ نے کہا ہے کہ امریکہ نے ایران پر جو پابندیاں لگائی ہیں اس کے بعد ایران جلد امریکہ سے مذاکرات کے لئے تیار ہو جائے گا.

ایران امریکا جنگ کا خطرہ، ایران اور چین کا دشمن ایک،خطے میں کیا ہونیوالا ہے

امریکی صدر کے مذاکرات کے بیان کے بعد ایرانی وزیر خارجہ جواد ظریف نے امریکا کے ساتھ مزاکرات کو مسترد کر دیا ہے.