بھارت سرکار نے پاکستان کا ایک بار پھر پانی روکنے کی دھمکی دی ہے
باغی ٹی و کی رپورٹ کے مطابق بھارت کے مرکزی وزیر نتن گڈکری نے پاکستان کے خلاف ہرزہ سرائی کرتے ہوئے کہا کہ پاکستان دہشت گردوں کو نہیں روکتا تو بھارت پاکستان کی طرف جانے والے پانی کو روک سکتا ہے. وزیر نے مزید کہا کہ 1960 میں ہونے والے معاہدے کے مطباق بھارت کی چھ میں سے تین ندیوں کا پانی پاکستان کو دیا گیا تھا. اب بھارت وہ پانی روک سکتا ہے.
بھارتی سپریم کورٹ نے مودی کے مقابلے میں الیکشن لڑنے والے بھارتی فوج کے سابق جوان تیج بہادر کے کاغذات نامزدگی مسترد کرنے پر الیکشن کمیشن سے جواب طلب کر لیا
باغی ٹی وی کی رپورٹ کے مطابق بھارتی سپریم کورٹ کے چیف جسٹس رنجن گوگوئی کی سربراہی میں بینچ نے تیج بہادر کی درخواست پر سماعت کی اور الیکشن کمیشن کو ہدایت کی کہ الیکشن کمیشن کل تک اس درخواست پر اپنا موقف دے.تیج بہادر کی جانب سے وکیل پرشانت بھوشن نے سپریم کورٹ کے ایک سابقہ حکم کا حوالہ دیتے ہوئے کہا کہ انتخابات سے متعلق درخواسیتں مثالی ضابطہ اخلاق (ایم سی سی) کے دوران دائر کی جا سکتی ہیں۔
واضح رہے کہ بھارتی وزیر اعظم نریندر مودی کے مقابلے میں بھارتی فوج کے معطل فوجی تیج بہادر نے کاغذات نامزدگی مسترد ہونے پر بھارتی سپریم کورٹ سے رجوع کیا تھا تیج بہادر نے مودی کے مقابلے میں بھارتی ریاست اترپردیش کے علاقے وارانسی سے کاغذات نامزدگی جمع کروائے تھے جو الیکشن کمیشن نے مسترد کر دئیے . تیج بہادر نے بھارت کے معروف وکیل پرشانت بھوشن کے ذریعے سپریم کورٹ سے رجوع کیا ہے.
بھارتی وزیر اعظم نریندر مودی کے مقابلے میں بھارتی فوج کے معطل فوجی تیج بہادر نے کاغذات نامزدگی مسترد ہونے پر بھارتی سپریم کورٹ سے رجوع کر لیا
باغی ٹی وی کی رپورٹ کے مطابق تیج بہادر نے مودی کے مقابلے میں بھارتی ریاست اترپردیش کے علاقے وارانسی سے کاغذات نامزدگی جمع کروائے تھے جو الیکشن کمیشن نے مسترد کر دئیے .اج تیج بہادر نے سپریم کورٹ سے رجوع کر لیا. انہوں نے بھارت کے معروف وکیل پرشانت بھوشن کے ذریعے سپریم کورٹ سے رجوع کیا ہے.
اسرائیل نے گزشتہ روز فلسطین پر بمباری کی جس کے نتیجے میں 23 فلسطینی شہید جبکہ سینکڑوں زخمی ہو گئے. اسرائیل نے یہ حملے حماس پر راکٹ حملے کا الزام لگاتے ہوئے کیے. اسرائیل کے مطابق حماس نے دارالحکومت تل ابیب پر راکٹ حملہ کیا جسکے نتیجے میں 4 اسرائیلیوں کی ہلاکت ہوئی. اسرائیل نے اپنے شہریوں کی ہلاکت کا بدلہ لینے کیلئے فلسطین پر حملہ کیا جس کے بعد بچوں اور حاملہ خاتون سمیت 23 فلسطینی شہید ہو گئے.
1948 سے اب تک اسرائیل اب تک ہزاروں فلسطینیوں کو شہید اور گرفتار جبکہ لاکھوں کو زخمی کر چکا ہے. شہید اور گرفتار افراد میں بڑی تعداد بچوں کی ہے. اقوام متحدہ سمیت دیگر ممالک نے حالیہ اسرائیلی حملے کی مزمت کی ہے.
بھارتی ریاست اترپردیشن کے علاقے نوئیڈا میں فارم ہاوس پر چھاپے کے دوران 31 لڑکیوں سمیت 192 افراد کو گرفتار کر لیا ہے
باغی ٹی وی کی رپورٹ کے مطابق بھارتی ریاست اترپردیش کے علاقے نوئیڈا میں پولیس نے ایک فارم ہائوس پر چھاپہ مارا جہاں سے 31 لڑکیوں سمیت 192 افراد کو گرفتار کیا گیا ہے. فارم ہاوس پر ہونے والی پارٹی کا ٹکٹ 10 ہزار روپے رکھا گیا تھا جبکہ لڑکیوں کی انٹری فری تھی. سوشل میڈیا ویب سائٹس فیس بک اور دیگر کے ذریعے پارٹی کے لئے بکنگ کی گئی تھی. پولیس نے چھاپے کے دوران فارم ہاوس سے شراب، حقہ، تمباکو، لیپ ٹاپ سمیت قابل اعتراض سامان قبضے میں لے لیا ہے .فارم ہاوس سے گرفتار ہونے والوں میں سے اکثریت کا تعلق دہلی اور ہریانہ سے ہے. پولیس کا کہنا ہے کہ پارٹی میں پول ڈانس کے ساتھ باتھ ڈانس کا بھی انتظام تھا. پولیس نے ملزمان کو گرفتار کر کے مقدمہ درج کر لیا ہے.
نئی دلی کے وزیراعلیٰ کیجری وال کوریلی کے دوران تھپڑ پڑ گیا
باغی ٹی وی کی رپورٹ کے مطابق نئی دہلی کے وزیر اعلی کیجری وال کو ریلی کے دوران تھپڑ مارا گیا ہے، تھپڑ لگنے پر ریلی میں افرا تفری مچ گئی، بھارتی پولیس نے تھپڑ مارنے والے کو گرفتار کر لیا ہے .
بھارت میں یہ پہلا تھپڑ نہیں ہے بلکہ اس سے پہلے کانگریس کے رہنما کو بھی تھپڑ پڑ چکا ہے اس کو بھی تھپڑ الیکشن مہم کے دوران ایک جلسہ میں خطاب کے دوران پڑا ہے. کانگریس میں چند ماہ قبل شامل ہونے والے رہنما ہاردک پٹیل اپنی آبائی ریاست گجرات میں جلسہ سے خطاب کر رہے تھے کہ ایک شخص نے اسٹیج پر آ کر ان کے منہ پر تھپڑ رسید کر دیا، تھپڑ مارنے والے شخص کو سیکورٹی اہلکاروں نے حراست میں لے لیا ہے.
بھارتی ریاست میں اسامہ بن لادن کا انسٹا گرام اکاونٹ بنانے اور گاڑی پر اسامہ بن لادن کی تصویر لگانے والے کو گرفتار کر لیا گیا
باغی ٹی وی کی رپورٹ کے مطابق بھارتی ریاست کیرالا میں ایک شہری نے پولیس کو اطلاع دی کہ ایک گاڑی شہر کی سڑکوں پر گھوم رہی ہے جس پر اسامہ بن لادن کی تصویر لگی ہوئی ہے. اطلاع ملنے پر پولیس کی دوڑیں لگ گئیں اور سیکورٹی اداروں نے کار میں سوار شخص کو گرفتار کر لیا. کیرالا کے شہر کولم میں گرفتار 22 سالہ محمد حنیف نے دوران تفتیش بتایا کہ اس نے انسٹا گرام پر بھی بن لادن کے نام کا اکاونٹ بنایا ہوا ہے.
بھارتی ریاست گجرات کے سابق وزیر اعلیٰ شنکر سنگھ واگیلا نے کہا ہے کہ پلوامہ حملہ بی جے پی کی سازش تھی، بارود سے بھری جو گاڑی استعمال کی گئ اس پر گجرات کی نمبر پلیٹ لگی ہوئی تھی. بالا کوٹ ائیر سٹرائک میں دنیا نے دیکھا کوئی نہیں مارا گیا.
باغی ٹی وی کی رپورٹ کے مطابق بھارتی ریاست گجرات کے سابق وزیر اعلیٰ شنکر سنگھ واگیلا نے حکمران جماعت بی جے پی کو شدید تنقید کا نشانہ بناتے ہوئے کہا کہ پلوامہ کا حملہ جس کا الزام پاکستان پر لگایا گیا وہ بی جے پی کی سازش تھی ،اس حملے میں جو گاڑی استعمال ہوئی اس پر گجرات کا نمبر تھا، انہوں نے مزید کہا کہ الیکشن جیتنے کے لئے بی جے پی دہشت گردی کا سہارا لیتی ہے. بالا کوٹ میں ائیر سٹرائک میں دو سو لوگ مارنے کا دعویٰ کیا گیا لیکن دنیا نے دیکھا کہ وہاں کوئی نہیں مرا، مودی سرکار نے جھوٹ بولا ،
امریکی جہاز فلوریڈا دریا میں گرنے سے 21 افراد زخمی ہوئے ہیں تاہم کوئی ہلاکت نہیں ہوئی، جہاز میں 143 لوگ سوار تھے.
باغی ٹی وی کی رپورٹ کے مطابق کیوبا سے آنے والا طیارہ بوئنگ737- فلوریڈا دریا میں جا گرا، جس کی وجہ سے طیارے میں سوار اکیس مسافر زخمی ہو گئے. فلوریڈا کے میئر کا کہنا تھا کہ طیارے میں سوار تمام لوگ زندہ ہیں .طیارہ مکمل طور پر پانی میں نہیں ڈوبا جس کی وجہ سے کوئی ہلاکت نہیں ہوئی. طیارے میں 136 مسافر اور سات عملے کے ارکان سوار تھے.
بھارتی الیکشن میں حکمران جماعت نے شکست کے خوف سے فوج کے ذریعے دھاندلی کرنی شروع کر دی
باغی ٹی وی کی رپورٹ کے مطابق بھارت کی حکمران جماعت بی جے پی نے الیکشن میں فوج کو استعمال کرنا شروع کر دیا، سوشل میڈیا پر ایک وائرل ویڈیو میں بھارتی فوج کے اہلکار پولنگ سٹیشن پر حکمران جماعت کے لئے جعلی ووٹ ڈال رہے تھے عوام کے احتجاج پر بھارتی فوجی بھاگ گئے ،بھارتی عوام کی جانب سے جعلی ووٹ ڈالنے پر شدید غم و غصہ دیکھنے میں آیا، بھارتی شہریوںکا کہنا ہے کہ فوج مودی کے ووٹ ڈال رہی ہے، مودی دھاندلی کے ذریعے وزیر اعظم بنا تو قبول نہیں کریں گے