Category: بین الاقوامی

اقوام متحدہ کے ادارے یونیسیف نے کہا ہے ہے کہ افغانستان میں تقریبا چھ لاکھ بچوں کے غذائی قلت کے سبب متاثر ہونے کا اندیشہ ہے اور اگر انہیں جلد ضروری امداد نہ پہنچائی گئی تو ان بچوں کی زندگی کو خطرہ لاحق ہو سکتا ہے.

باغی ٹی وی کی رپورٹ کے مطابق یونیسیف کے ترجمان کرسٹوف باؤلرك نے جنیوا میں گفتگو کرتے ہوئے کہا کہ جنگ کے شکار ملک افغانستان میں انسانوں کی حالت زمین پر بدترین آفات جیسے حالات میں ہے۔

انہوں نے متاثر ہ بچوں کی مدد کے لئے فوری طور 70 لاکھ امریکی ڈالر کی مدد دینے کی وکالت بھی کی ہے ۔ واضح رہے کہ اتحادی ملکوں‌کی آئے دن بمباری اور جنگ مسلط کرنے سے افغان عوام کی طرح بچے بھی بہت بڑی تعداد میں‌ متاثر ہوئے ہیں اور ان کی زندگیوں‌کو سخت خطرہ درپیش ہے.

بھارتی وزیر اعظم نریندر مودی کی حلف برداری کی تقریب میں بین الاقوامی رہنماؤں‌ کو مدعو کرنے سے متعلق فیصلہ جلد کریں‌ گے.

باغی ٹی وی کی رپورٹ کے مطابق نریندر مودی کی جانب سے ابھی اس سلسلہ میں‌کوئی واضح فیصلہ نہیں‌کیا گیا. بھارتی سرکاری ذرائع نے میڈیا میں آنے والی ان خبروں کے بعد یہ ردعمل ظاہر کیا ہے کہ حلف برداری کی تقریب میں دنیا کے بڑے سیاستدانوں اور شخصیات کو مدعو کیا جائے گا۔

یاد رہے کہ نریندر مودی 30 مئی کو حلف لے سکتے ہیں اور حلف برداری کی تقریب میں امریکہ، روس، فرانس، چین، اسرائیل اور دیگر ملکوں‌کے بڑے رہنمائوں‌کو شرکت کی دعوت دیے جانے کی توقع ہے. 2014 میں‌ پاکستانی وزیر اعظم نواز شریف کو بھی شرکت کی دعوت دی گئی تھی تاہم ابھی یہ فیصلہ نہیں‌کیا گیا کہ اس مرتبہ وہ وزیر اعظم عمران خان کو بھی حلف برداری تقریب میں شرکت کیلئے مدعو کرتے ہیں‌ یا نہیں.

میڈیا رپورٹس میں کہا گیا ہے کہ اس سلسلہ میں جب بھی کوئی فیصلہ کیا جائے گا حکومت اسے میڈیا اور عوام کے ساتھ شیئر کرے گی.

بھارتی صدر رام ناتھ کووند نے حالیہ الیکشن نتائج کے بعد 16 ویں لوک سبھا کو تحلیل کردیاہے۔

باغی ٹی وی کی رپورٹ‌ کے مطابق جمعہ کے دن ہندوستانی کابینہ کے اجلاس میں‌ بھارتی صدرسے 16 ویں لوک سبھا کو تحلیل کرنے کی سفارش کی گئی تھی جس پر رام ناتھ کووند نے کابینہ کے مشورہ کو قبول کرکے لوک سبھا کو تحلیل کرنے کے حکم پر ہفتہ کو دستخط کردیے ہیں۔

بھارت میں‌ 16 ویں لوک سبھا کی میعاد 3 جون کو ختم ہونا تھا۔ ہندوستانی صدر نے بھارتی آئین کے آرٹیکل 85 کے تحت یہ قدم اٹھایا ہے۔

یاد رہے کہ نریندر مودی اور ان کی کابینہ نے الیکشن نتائج کے بعد استعفیٰ‌ دے دیا ہے اور وہ جلد دوبارہ وزارت عظمی کا حلف اٹھائیں‌گے.

بھارتی الیکشن میں بی جے پی کی کامیابی کے بعد اقلیتوں پر تشدد کا سلسلہ شروع ہو گیا، گائے کے گوشت کے الزام میں خاتون سمیت مسلمان خاندان پر ہندو انتہا پسندوں نے شدید تشدد کا نشانہ بنایا.

باغی ٹی وی کی رپورٹ کے مطابق بھارت کی ریاست مدھیہ پردیش کے ضلع سیونی میں بھارتی نتائج والے روز ایک مسلمان خاندان کو ہندو انتہا پسندوں نے یہ کہہ کر تشدد کا نشانہ بنایا کہ وہ گائے کا گوشت لے کرجا رہے تھے. شری رام سینا کے صدر شبھم بگھیل نے گائے کا گوشت لے جانے کا الزام لگا کر مسلمان نوجوانوں کو بہیمانہ تشدد کا نشانہ بنایا.شبھم بگھیل اپنے غنڈوں اور ہندو انتہا پسندوں کے ہمراہ مسلمان خاندان کے پاس گیا اور گاڑی میں موجود افراد پر تشدد کیا اور ان سے ’جے شری رام‘ کے نعرے بھی لگوائے۔ اس موقع پر لوگ جمع ہوئے لیکن وہ تماشا دیکھتے رہے. شبھم بگھیل کی جانب سے مسلمان خاندان پر تشدد کی ویڈیو سوشل میڈیا پر وائرل ہو چکی ہے. شبھم بگھیل مسلمانوں پر تشدد کے حوالہ سے مشہور ہے ماضی میں بھی وہ مسلمانوں پر تشدد کرتا رہا ہے اسی وجہ سے اسے 6 فروری کو ضلع بدر کیا گیا تھا لیکن وہ واپس آیا اور پھر مسلمان خاندان کو تشدد کا نشانہ بنایا.

واضح رہے کہ مدھیہ پردیش سے دہشت گردی می نامزدسادھوی پراگیا نے الیکشن جیتا ہے جس کے بعد ہندو انتہا پسندوں نے مسلمانوں پر حملے شروع کر دئیے .

بھارتی الیکشن میں شکست کے بعد کانگریس کے‌ صدر راہل گاندھی نے پارٹی صدارت سے استعفیٰ دینے کی پیشکش کی جسے رد کر دیا گیا

باغی ٹی وی کی رپورٹ کے مطابق بھارتی الیکشن میں کانگریس کی شکست کے بعد کانگریس کا پارٹی اجلاس ہوا جس میں راہل نے اخلاقی طور پر پارٹی صدارت سے استعفیٰ دینے کا کہا جسے پارٹی کے دیگر عہدیداران نے مسترد کر دیا.کانگریس کے پارٹی اجلاس میں سونیا گاندھی، سابق وزیر اعظم منموہن سنگھ، پارٹی جنرل سکریٹری کے سی وینوگوپال، سینئر لیڈر اے کے انٹونی، پرینکا گاندھی، پارٹی خزانچی احمد پٹیل، کیپٹن امریندر سنگھ ، شیلا دکشت سمیت تقریبا تمام اراکین موجود تھے. اجلاس میں الیکشن میں شکست کے حوالہ سے غوروخوض کیا گیا. اجلاس میں راہل نے الیکشن میں شکست پر پارٹی سے استعفیٰ دینے کے پیشکش کی جسے اراکین نے رد کر دیا.

واضح رہے کہ بھارتی الیکشن میں مودی کی پارٹی اور ا ن کے اتحادیوں نے 350 سے زائد نشستیں حاصل کی ہیں جبکہ کانگریس کو ایک سو نشستیں بھی نہیں مل سکیں.

بھارتی ریاست گجرات کے شہر سورت میں ٹیوشن سنٹر میں آتشزدگی سے 17 طلبا جاں بحق ہو گئے جبکہ 17 زخمی ہو گئے

باغی ٹی وی کی رپورٹ کے مطابق بھارتی ریاست گجرات کے شہر سورت کے علاقے سرتھانہ میں ایک ٹیوشن سنٹر میں اچانک آگ لگنے سے ٹیوشن سنٹر میں موجود 17 طالب علم جاں بحق ہو گئے جبکہ 17 زخمی ہوئے. افسوسناک واقعہ اس وقت پیش آیا جب ٹیوشن سنٹر میں کلاسز جاری تھیِں طلبا کو نکالنے کی کوشش کی گئی تاہم آگ اتنی تیز تھی کہ 17 طلبا جل کر جاں بحق ہو گئے. بھارتی وزیراعظم مودی نے واقعہ پر دکھ کا اظہار کیا ہے. بھارت کی ریاستی حکومت نے مرنے والوں کے لواحقین کو چار لاکھ فی کس امداد دینے کا اعلان کیا ہے، ریاستی وزیراعلیٰ وجے روپانی نے آتشزدگی کی تین دن میں رپورٹ طلب کر لی ہے. آگ لگنے کی وجہ معلوم نہیں ہو سکی.