Category: بین الاقوامی

اسرائیل کی جانب سے غزہ جنگ بندی معاہدے کی خلاف ورزیوں پر حماس نے یرغمالیوں کی رہائی غیر معینہ مدت تک روک دی۔

فلسطینی مزاحمتی تنظیم حماس کے عسکری ونگ القسام بریگیڈز کے ترجمان ابو عبیدہ نے اپنے بیان میں یرغمالیوں کی رہائی روکنے کا اعلان کیا۔ابو عبیدہ نے بیان میں کہا کہ گزشتہ 3 ہفتوں کے دوران مزاحمتی گروہوں نے اسرائیل کی جانب سے جنگ بندی معاہدے کی متعدد خلاف ورزیوں کو نوٹ کیا جن میں بے گھر فلسطینیوں کی شمالی غزہ واپسی میں تاخیر کرنا اور ان پر بمباری کرنا بھی شامل تھا۔

انہوں نے کہا کہ غزہ کی پٹی کے متعدد علاقوں میں طے شدہ طریقے کے مطابق امداد بھی نہیں پہنچائی گئی جبکہ مزاحمتی گروہوں نے معاہدے کی مکمل پاسداری کی۔ابو عبیدہ نے کہا کہ ان وجوہات کے باعث ہفتے کے روز یعنی 15 فروری 2025 کو اسرائیلی یرغمالیوں کی ہونے والی رہائی کو اگلے احکامات تک روک دیا گیا ہے۔ان کا کہنا تھا کہ یہ رہائی اس وقت تک نہیں ہوگی جب تک اسرائیل معاہدے میں طے شدہ نکات پر عمل نہیں کرتا اور اس حوالے سے ہونے والے نقصان کی تلافی نہیں کرتا۔

ابو عبیدہ نے مزید کہا جب تک اسرائیل جنگ بندی معاہدے پر عمل کرتا رہے گا تب تک وہ بھی معاہدے پر عمل درآمد کریں گے۔واضح رہے کہ حماس نے اس سے قبل بھی اسرائیل کی جانب سے معاہدے کی پاسداری نہ کرنے کا الزام عائد کیا گیا تھا۔حماس نے کہا تھا کہ اسرائیل نے غزہ میں طے شدہ تعداد کے مطابق خمیے اور پہلے سے تیار گھر داخل ہونے نہیں دیے جبکہ اسرائیل سڑکیں کھولنے اور ملبہ ہٹانے کے لیے بھاری مشینری بھی غزہ میں داخل نہیں ہونے دے رہا۔ اسرائیل تعمیراتی سامان بھی غزہ میں داخل ہونے سے روک رہا ہے۔

دوسری جانب امریکی صدر ڈونلڈ ٹرمپ کہتے ہیں غزہ منصوبے کے تحت فلسطینیوں کو غزہ واپس آنے کا حق حاصل نہیں ہو گا۔فلسطینیوں کو غزہ کی نسبت کہیں بہتر رہائش مل جائے گی ،میں فلسطینیوں کیلئے ایک مستقل جگہ بنانے کی بات کر رہا ہوں ،فلسطینیوں کو واپس بھی آنا ہو تو کئی سال لگ جائیں گے کیونکہ غزہ ابھی رہنے کے قابل نہیں۔غزہ کے 20لاکھ سے زائد فلسطینیوں کیلئے خوبصورت رہائشی علاقے بنائیں گے ،اردن اور مصر کے ساتھ معاہدہ کر کے فلسطینیوں کو وہاں بسانے کا منصوبہ بنا سکتے ہیں۔

انسٹاگرام پر پرانے فیچر واپس آنے شروع

پاکستان میں دہشتگردی بیرونی سازش کے تحت کروائی جا رہی ہے، وزیراعلی سندھ

اسلام آباد ہائیکورٹ: تین ججز سے ذمہ داری واپس لے لی گئی

نجی بجلی گھروں کو سینکڑوں ارب کی ٹیکس چھوٹ کا انکشاف

صدر زرداری کی پرنس رحیم سے ملاقات، پرنس کریم کے انتقال پر تعزیت

شارٹ ویڈیو شیئرنگ ایپلی کیشن انسٹاگرام پر نصف دہائی پرانے فیچر کو دوبارہ پیش کرنے کا اعلان کردیا گیا۔

انسٹاگرام کے سربراہ نے کچھ دن قبل ویڈیو پیغام میں بتایا تھا کہ ایپلی کیشن پر 2019 میں ختم کیے گئے فیچر کو دوبارہ پیش کیا جائے گا۔انسٹاگرام پر نصف دہائی قبل ختم کیے گئے فیچر کو واپس متعارف کرانے کا مقصد ایپلی کیشن کے صارفین کو اپنے دوستوں کی پسند سے متعلق آگاہی فراہم کرنا بھی ہے۔فیچر کے تحت جو صارفین کسی بھی ویڈیو یا پوسٹ کو لائیک کریں گے یا پھر کہیں بھی کمنٹ کریں گے تو ان کے دوستوں کو نوٹی فکیشن موصول ہوگا کہ ان کے دوست نے کس پوسٹ پر کمنٹ کیا ہے یا کس ویڈیو کو پسند کیا ہے۔مذکورہ فیچر کو بہتر انداز میں پیش کرنے کا اعلان کیا گیا ہے، اب انسٹاگرام انتظامیہ کی کوشش ہوگی کہ صارفین کو اپنے ان دوستوں کی لائیکس اور کمنٹس سے متعلق آگاہ کیا جائے جو کہ انہوں نے کسی ویڈیو پر کیے ہوں گے۔

پہلے مذکورہ فیچر کے تحت ہر لائیک اور کمنٹ کا نوٹی فکیشن موصول ہوتا تھا لیکن اب کوشش کی جا رہی ہے کہ صرف ویڈیوز پر کیے گئے کمنٹس یا ویڈیوز کو لائیک کیے جانے کے نوٹی فکیشن تک محدود رکھا جائے۔مذکورہ فیچر پہلے انسٹاگرام سمیت فیس بک پر بھی مقبول ہوتا تھا لیکن کچھ عرصے سے اس فیچر کو محدود یا ختم کردیا گیا تھا اور اب اسے دوبارہ واپس شروع کرنے کا اعلان کیا گیا ہے۔بعض صارفین مذکورہ فیچر کو اپنی پرائیویسی کےخلاف سمجھتے ہیں اور ان کا ماننا ہے کہ ان کی پسند یا ناپسند سے متعلق ان کے دوستوں یا فالوورز کو معلوم نہیں ہونا چاہیے۔مذکورہ فیچر تک ترتیب وار صارفین کو رسائی دی جائے گی اور بعض ممالک کے صارفین کو اس تک رسائی دی جا چکی ہے۔

پاکستان میں دہشتگردی بیرونی سازش کے تحت کروائی جا رہی ہے، وزیراعلی سندھ

اسلام آباد ہائیکورٹ: تین ججز سے ذمہ داری واپس لے لی گئی

نجی بجلی گھروں کو سینکڑوں ارب کی ٹیکس چھوٹ کا انکشاف

صدر زرداری کی پرنس رحیم سے ملاقات، پرنس کریم کے انتقال پر تعزیت

موبائلز فونز کی درآمدات میں کمی، چینی کمپنی پاکستان آ گئی

صدر مملکت آصف علی زرداری نے پرنس رحیم الحسینی سے ملاقات کرکے ان کے والد اور اسمٰعیلی مسلمانوں کے 49ویں امام شہزادہ کریم الحسینی آغا خان چہارم کے انتقال پر اظہار تعزیت کیا۔

باغی ٹی وی کے مطابق ایوان صدر کے پریس ونگ کی جانب سے جاری بیان میں کہا گیا ہے کہ صدر مملکت آصف علی زرداری نے پاکستان کے عوام اور حکومت کی جانب سے دلی ہمدردی کا اظہار کیا۔ صدر مملکت آصف علی زرداری نے کہا کہ پوری قوم ایک سچے دوست اور عظیم انسان دوست شخصیت سے محروم ہونے پر سوگوار ہے، مرحوم آغا خان سے ذاتی تعلق تھا، انتقال سے گہرا صدمہ پہنچا۔صدر مملکت نے مرحوم آغا خان کے پاکستان کی سماجی اور معاشی ترقی میں کردار کو سراہتے ہوئے کہا کہ ان کی دور اندیش قیادت نے پاکستان اور دنیا کے دیگر خطوں میں لوگوں کی زندگیوں کو بہتر کیا۔انہوں نے بتایا کہ چین کے سرکاری دورے کے دوران آغا خان کے انتقال کی خبر ملی، مرحوم آغا خان کی انسان دوستی اور انسانیت کے لیے زندگی بھر کی خدمات کو خراج تحسین پیش کرنے پرتگال کے دارالحکومت لزبن آیا ہوں۔

ان کا کہنا تھا کہ انسانیت کے لیے مرحوم آغا خان کی خدمات کو ہمیشہ یاد رکھا جائے گا، صدر مملکت آصف علی زرداری نے امید ظاہر کی کہ اسمٰعیلی برادری کے 50ویں روحانی پیشوا پرنس رحیم الحسینی انسانیت کی خدمت کے اپنے والد کے مشن کو جاری رکھیں گے۔یاد رہے کہ صدر مملکت پرنس کریم آغا خان مرحوم کی وفات پر تعزیت اور انہیں خراج عقیدت پیش کرنے کے لیے لزبن کے دورے پر ہیں۔

سالی سے تعلقات، شوہر نےجواں سال بیوی کو قتل کردیا

غیر قانونی کرنسی ایکسچینج میں ملوث ملزم گرفتار، ملکی و غیرملکی کرنسی برآمد

سونے کی قیمت میں بڑا اضافہ، نئی قیمت 3 لاکھ 3 ہزار

اسلام آباد ہائیکورٹ، ججز کی سینیارٹی تبدیلی پر 5 ججز کی درخواستیں مسترد

سعودی عرب نے اسرائیلی وزیر اعظم نیتن یاہو کے بیان کو سختی سے مسترد کر دیا۔

غیر ملکی خبر رساں ایجنسی کے مطابق سعودی عرب میں فلسطینی ریاست قائم کرنے سے متعلق اسرائیلی بیان کو مسترد کیا گیا۔ سعودی وزارت خارجہ نے اپنے بیان میں کہا کہ صہیونی وزیر اعظم فلسطینیوں کی جبری بےدخلی کا بیان غزہ میں سنگین جنگی جرائم سے توجہ ہٹانے کی کوشش ہے۔فلسطینیوں کی جبری بےدخلی منظور نہیں ہے۔ اور فلسطینیوں کو ان کا جائز حق مل کر رہے گا یہ ان سے کوئی نہیں چھین سکتا۔

اسرائیلی وزیر اعظم کے بیان پر دیگر عرب ممالک کی جانب سے بھی شدید ردعمل سامنے آیا۔مصر نے اسرائیلی وزیر اعظم نیتن یاہو کے بیان کو سعودی عرب کی خودمختاری کے خلاف قرار دیا۔ متحدہ عرب امارات نے بھی اسرائیلی وزیر اعظم کے بیان کی شدید مذمت کی ہے۔واضح رہے کہ گزشتہ روز اسرائیلی وزیر اعظم نے کہا تھا کہ سعودی عرب فلسطینی ریاست اپنے ملک میں بنا سکتا ہے۔

ایم کیو ایم میں کوئی اختلاف نہیں،مصطفیٰ کمال

سعودی عرب میں 21 ہزار سے زائد غیر قانونی تارکین وطن گرفتار

نئی دہلی کی وزیراعلیٰ بھی مستعفی ہو گئیں

امریکا ، جاپان سمیت 16ممالک سے مزید 118پاکستانی بے دخل

نئی دہلی کی وزیر اعلیٰ آتشی نے انتخابی نتائج کے اعلان کے ایک روز بعد اپنے عہدے سے استعفیٰ دے دیا۔

واضح رہے کہ نئی دہلی الیکشن میں بھارت کی حکمران جماعت بی جے پی نے 70 میں سے 48 سیٹوں پر کامیابی حاصل کی، جب کہ عام آدمی پارٹی صرف 22 سیٹیں جیتنے میں کامیاب رہی۔ وزیراعلیٰ آتشی مارلینا نے آج گورنر وی کے سکسینہ سے ملاقات کی اور انہیں اپنا استعفیٰ پیش کردیا۔ گورنر وی کے سکسینہ نے بھارتی دارالحکومت نئی دہلی کی ساتویں قانون ساز اسمبلی کو بھی تحلیل کردیا ہے۔

عام آدمی پارٹی کنوینر اور ان کے پیشرو اروند کیجریوال کے بدعنوانی کے الزامات سامنے آنے پر مستعفی ہونے کے بعد آتشی نے گزشتہ برس ستمبر میں وزیراعلیٰ کا عہدہ سنبھالا تھا۔بی جے پی نے 70 میں سے 48 اسمبلی نشتیں حاصل کر کے 27 سال بعد دہلی میں واپسی کی ہے، وہیں عام آدمی پارٹی نے 22 پر کامیابی حاصل کی، جبکہ راہول گاندھی کی جماعت کانگریس 5 فروری کے انتخابات میں کوئی بھی سیٹ جیتنے میں ناکام رہی۔

سعودی عرب میں 21 ہزار سے زائد غیر قانونی تارکین وطن گرفتار

بالٹک ممالک نے روس سے بجلی لینا بند کردی

انجری ،حارث رؤف جنوبی افریقا کیخلاف اہم میچ سے باہر

امریکا ، جاپان سمیت 16ممالک سے مزید 118پاکستانی بے دخل

صدر ذرداری پرنس کریم آغا خان کے انتقال پر تعزیت کے لیے لزبن روانہ

گزشتہ ہفتے سعودی عرب میں غیر قانونی تارکین کے خلاف کام کرنے والی مشترکہ کمیٹی نے 21 ہزار 477 غیر قانونی تارکین وطن کو گرفتار کیا ہے۔

عرب میڈیا کے مطابق جاری بیان میں کہا گیا ہے کہ 30 جنوری سے 5 فروری 2025 کے درمیان ہونے والی گرفتاریوں میں سے 13638 اقامہ قوانین کی خلاف ورزی،4663 گرفتار شدگان سرحدی قوانین کی خلاف ورزی کے مرتکب تھے جبکہ 3176 تارکین لیبر قوانین کی خلاف ورزی میں ملوث تھے۔مذکورہ عرصے کے دوران 1316 افراد گرفتار ہوئے ہیں جو سرحد عبور کرکے ملک میں غیر قانونی طور پر داخل ہونے کی کوشش کر رہے تھے جن میں سے 40 فیصد یمنی، 58 فیصد ایتھوپی جبکہ دوفیصد دیگر ممالک کے تارکین تھے۔کمیٹی کی جانب سے مزید کہا گیا ہے کہ غیر قانونی تارکین کو سہولت فراہم کرنے پر 13 افراد گرفتار کئےگئے ہیں۔

امریکا ، جاپان سمیت 16ممالک سے مزید 118پاکستانی بے دخل

وزیراعلیٰ سندھ سے سابق وزیراعظم راجا پرویز اشرف کی ملاقات

صدر ذرداری پرنس کریم آغا خان کے انتقال پر تعزیت کے لیے لزبن روانہ

عوام سڑکوں پر آگئے تو ایوانوں میں زلزلہ برپا ہوگا، مولانا فضل الرحمان

خیبر پختونخوا :سیکیورٹی فورسز کی کارروائیوں میں7 خارجی ہلاک