Category: بین الاقوامی

واشنگٹن: صدر ڈونلڈ ٹرمپ کے حکم کے بعد امریکی فوج نے صومالیہ میں داعش کے ٹھکانوں پر فضائی حملہ کیا گیا جس کے نتیجے میں متعدد دہشتگرد ہلاک ہوگئے۔

باغی ٹی وی : امریکی میڈیا کے مطابق صدر ڈونلڈ ٹرمپ نے صومالیہ میں فضائی حملوں کی منظوری دی تھی ٹرمپ کا کہنا تھا کہ مارے گئے دہشت گرد امریکا اور اتحادیوں کے لیے خطرہ تھے فضائی حملے میں داعش کی اعلی قیادت کو نشانہ بنایا گیا امریکی فورسز کے حملے میں متعدد دہشت گرد مارے گئے، حملے کے دوران کسی شہری کو نقصان نہیں پہنچا۔

ڈونلڈ ٹرمپ نے صومالیہ پر فضائی حملے سے متعلق اپنے سوشل میڈیا اکاؤنٹ پرپیغام میں لکھا کہ امریکا نے غاروں میں چھپے چند دہشت گردوں کو ڈھونڈ کر ہلاک کیا ٹرمپ کے مطابق یہ دہشت گرد امریکا اور اس کے اتحادیوں کے لیے بہت بڑا خطرہ تھے۔

حکومت کا بجلی کے نرخوں میں نمایاں کمی کا فیصلہ

دوسری جانب صومالیہ کے صدرحسن شیخ محمد کا بیان سامنے آیا تھا جس میں انہوں نے بتایا کہ امریکا نے انہیں حملے کی اطلاع کردی تھی۔

نیتن یاہو نے ریٹائرڈ میجر کو اسرائیلی فوج کا نیا چیف مقرر کردیا

تل ابیب: اسرائیلی وزیر اعظم نیتن یاہو نے ریٹائرڈ میجر جنرل ایال ضمیر کو اسرائیلی فوج کا نیا چیف آف اسٹاف مقرر کر دیا۔

باغی ٹی وی : اسرائیلی میڈیا رپورٹ کے مطابق 7 اکتوبر 2023 کو حماس کے حملے کو روکنے کی ذمہ داری قبول کرتے ہوئے سابق چیف آف اسٹاف جنرل ہرزی حلوی کے مستعفی ہونے کے بعد یہ فیصلہ کیا گیانیتن یاہو کے دفتر نے ایک بیان جاری کیا کہ وزیراعظم نیتن یاہو اور وزیر دفاع اسرائیل کاٹز نے آج شام میجر جنرل (ریزرو) ایال ضمیر کو (اسرائیلی فوج کے اگلے چیف آف اسٹاف کے طور پر تقر ری پر اتفاق کیا ہے۔

رپورٹ کے مطابق ریٹائرڈ میجر جنرل ایال ضمیر اسرائیلی فوج میں 28 سال کا تجربہ رکھتے ہیں، انہوں نے 2018 سے 2021 تک ڈپٹی چیف آف اسٹاف کے طور پر فرائض انجام دیے، اس سے پہلے، انہوں نے غزہ کی سرحد کے ساتھ ملٹری آپریشنز اور دفاع کی نگرانی کر تے ہوئے سدرن کمانڈ کی سربراہی کی، ضمیر نے وزیر اعظم بنجمن نیتن یاہو کے ملٹری سیکرٹری کے طور پر بھی خدمات انجام دیں۔

لاہور، سندھ اور بلوچستان ہائیکورٹ سے 3 ججز کا اسلام آباد ہائیکورٹ میں تبادلہ

نئے چیف آف اسٹاف کےطور پر ایال ضمیر کی تقرری اسرائیل کے لیے ایک انتہائی مشکل وقت میں ہوئی ہے یہ ملک اس وقت غزہ میں ایک طویل اور شدید تنازع میں الجھا ہے، سبکدوش ہونے والے اسرائیلی فوج کے سابق سربراہ ہرزی حلوی نے نئے آرمی چیف ایال ضمیر کو ان کے نئے عہدے پر مبارکباد دی اور اقتدار کی ہموار منتقلی کا وعدہ کیا، حلوی 6 مارچ کو باضابطہ طور پر سبکدوش ہو جا ئیں گے۔

سپریم کورٹ میں چندلوگ اسٹیبلشمنٹ کا ساتھ دے رہے ہیں،حامد خان

ویڈیو اسٹریمنگ پلیٹ فارم یوٹیوب نے صارفین کے لیے ایک نیا فیچر متعارف کرانے کا اعلان کر دیا۔

غیر ملکی خبر رساں ایجنسی کے مطابق یوٹیوب نے اپنے صارفین کو ڈبل اسپیڈ میں ویڈیو دیکھنے کی سہولت فراہم کر دی۔ اب یوٹیوب صارفین چار گنا زیادہ رفتار سے یوٹیوب ویڈیو دیکھ سکیں گے۔یوٹیوب کا مقصد اس کے صارفین سست رفتار ویڈیو کو تیزی کے ساتھ دیکھ سکیں۔اب نئے فیچر کے بعد صارفین ویڈیو کو اور بھی زیادہ رفتار یعنی چار گنا رفتار سے دیکھ سکیں گے۔ صارفین فیچر کو فائن ٹیون کرتے ہوئے ویڈیو کو 3.15 گنا رفتار سے بھی دیکھ سکیں گے۔پلیٹ فارم پر دیگر نئے فیچرز میں ایک آپشن بھی شامل ہو گا جس کے استعمال سے ویڈیو کو آسانی کے ساتھ آگے بڑھایا جا سکے گا۔ “جمپ آ ہیڈ” نامی بٹن دبا کر صارفین ویڈیو کو تیزی سے آگے بڑھا سکیں گے۔

کراچی ، لوٹ مارکی وارداتوں میں ملوث ڈاکووں کا 5 رکنی گینگ گرفتار

پنجاب یونین آف جرنلسٹس کے انتخابات، نعیم حنیف بلا مقابلہ صدر منتخب

لاہور، سندھ اور بلوچستان ہائیکورٹ سے 3 ججز کا اسلام آباد ہائیکورٹ میں تبادلہ

دوحہ: ایران کے وزیر خارجہ عباس عراقچی نے خبردار کیا ہے کہ اگر امریکہ یا اسرائیل نے ایران کی جوہری تنصیبات پر حملہ کیا تو اس کے نتیجے میں پورا خطہ "مکمل جنگ” کی لپیٹ میں آ جائے گا۔

باغی ٹی وی: قطر میں الجزیرہ عربی کو دیئے گئے ایک انٹرویو میں عباس عراقچی نے کہا کہ ایران اپنی جوہری تنصیبات پر کسی بھی حملے کا فوری اور فیصلہ کن جواب دے گا اور اس طرح کا حملہ امریکہ کی تاریخ کی "سب سے بڑی غلطیوں میں سے ایک” ہوگا۔

ایران میں یہ خدشات بڑھ رہے ہیں کہ امریکی صدر ڈونلڈ ٹرمپ اپنے دوسرے دور حکومت میں اسرائیلی وزیر اعظم نیتن یاہو کو ایران کے جوہری مراکز پر حملے کی اجازت دے سکتے ہیں عراقچی نے اپنے دورہ قطر کے دوران وزیر اعظم اور وزیر خارجہ شیخ محمد بن عبدالرحمٰن بن جاسم الثانی سے ملاقات کی اور خطے کی اہم صورتحال پر تبادلہ خیال کیا، انہوں نے قطر کے غزہ میں جنگ بندی کے لیے کردار کی تعریف کرتے ہوئے امید ظاہر کی کہ باقی مسائل بھی جلد حل ہو جائیں گے۔

باغی ٹی وی کی 13ویں سالگرہ، نمایاں صحافتی خدمات پر سرٹیفکیٹ تقسیم

قطر میں اپنے قیام کے دوران عراقچی نے حماس کے عہدیداروں سے بھی ملاقات کی اور کہا کہ فلسطینی عوام نے غزہ میں اسرائیلی جار حیت کے باوجود فتح حاصل کی ہے غزہ میں اسرائیل کی جانب سے قتل و غارت اور تباہی کے باوجود فلسطینی عوام نے اپنی جدوجہد جا ر ی رکھی جو ان کے اصولوں کی فتح کی علامت ہےاسرائیلی فوج نے حماس کو ختم کرنے اور اپنے یرغمالیوں کو باز یا ب کرانے کی پوری کوشش کی، لیکن آخرکار انہیں حماس سے مذاکرات کرنا پڑے جو کہ حماس کی ایک بڑی کامیابی ہے۔

شام کی صورتحال پر گفتگو کرتے ہوئے عراقچی نے کہا کہ ایران شام میں ایک ایسی حکومت کے قیام کی حمایت کرتا ہے جس میں معاشر ے کے تمام طبقات کی نمائندگی ہو، ایران کا ہدف شام میں استحکام اور اس کی علاقائی سالمیت کا تحفظ ہےایران کسی بھی ایسی حکو مت کی حمایت کرے گا جسے شامی عوام قبول کریں کیونکہ شام میں استحکام پورے خطے کے امن کے لیے ضروری ہے۔

فلسطینیوں کے لیے اجتماعی کوششوں کی ضرورت ہے، مولانا فضل الرحمان

امریکی انتخابات میں ٹرمپ کی دوبارہ کامیابی پر تبصرہ کرتے ہوئے ایرانی وزیر خارجہ نے کہا کہ ایران اور امریکہ کے تعلقات کی تاریخ دشمنی اور بداعتمادی سے بھری ہوئی ہے گزشتہ ٹرمپ انتظامیہ نے ایران کے ساتھ جوہری معاہدے سے دستبرداری اختیار کی تھی اور ایران کی پاسداران انقلاب کی قدس فورس کے سربراہ جنرل قاسم سلیمانی کو قتل کیا تھا، جس نے دونوں ممالک کے تعلقات مزید خراب کر دئیے۔

عراقچی کا کہنا تھا کہ اگر امریکہ ایران کے ساتھ تعلقات میں بہتری چاہتا ہے تو اسے عملی اقدامات کرنے ہوں گے انہوں نے واضح کیا کہ ایران امریکہ کے ساتھ براہ راست مذاکرات کے خلاف نہیں لیکن بات چیت کو صرف جوہری مسئلے تک محدود رکھنا چاہتا ہے۔

ملک کے مزید 26 اضلاع کے ماحولیاتی نمونوں میں پولیو وائرس کی تصدیق

کیلیفورنیا: امریکی ریاست کیلیفورنیا کے شہر لاس اینجلس میں لگنے والی خوفناک آگ پر بالآخر 3 ہفتوں بعد قابو پالیا گیا۔

باغی ٹی وی : غیر ملکی خبر ایجنسی کے مطابق کیلیفورنیا فائر ڈیپارٹمنٹ نے تصدیق کی ہےکہ 7 جنوری 2025 کو لگنے والی آگ پر اب مکمل طور پر قابو پالیا گیا ہے آگ سے 37,000 ایکڑ سے زیادہ رقبہ اور 10,000 سے زائد گھر جل گئے جس سے تقریباً 30 افراد ہلاک اور ہزاروں بےگھر ہوگئے۔

خبر ایجنسی کے مطابق آگ سے نقصانات کا تخمینہ 250 سے 275 ارب ڈالر تک لگایا گیا ہے،7 جنوری کو لگنے والی آگ کی اصل وجہ معلوم نہیں ہوسکی ہے، تاہم ماہرین کے مطابق موسمیاتی تبدیلیوں اور خشک سالی نے اس خطرناک صورت حال کو جنم دیا ہے۔

مریم نواز کی دعوت پر 16ملکوں کے ڈیفنس اتاشیوں کا دورہ شاہی قلعہ

لاس اینجلس کے میئر کیرن باس نے کہا ہےکہ بحالی کا عمل تیز کیا جا رہا ہے تاکہ متاثرہ افراد جلد از جلد اپنے گھروں کو واپس جاسکیں آگ بجھانے کی کوششوں کے دوران قانون نافذ کرنے والے اداروں کو آتش زنی کے متعدد واقعات سے بھی نمٹنا پڑا اور حکام نے آتش زنی کے الزام میں کم از کم 8 افراد کو گرفتار کیا ان افراد پر الزام تھا کہ انہوں نے متاثرہ علاقوں میں درختوں، جھاڑیوں، پتوں اور کچرے کو آگ لگائی۔

پنجاب پولیس کچے کے ڈاکوؤں کیساتھ پکے کے ڈاکوؤں کو بھی پکڑے گی،عظمی بخاری

حکام کا کہنا ہے کہ کیلیفورنیا میں جنگلات میں لگنے والی آگ کے 95 فیصد واقعات انسانی سرگرمیوں کا نتیجہ ہوتے ہیں، چاہے وہ آتش زنی ہو، گرے ہوئے بجلی کے تار ہوں یا غیر محتاط آتشبازی، یہ واقعات بڑے پیمانے پر تباہی کا سبب بنتے ہیں، 2020 میں آتش زنی کے نتیجے میں 44 ہزار ایکڑ سے زائد رقبہ جل کر خاک ہوگیا تھا جب کہ گزشتہ سال کیلیفورنیا میں آتش زنی کے الزام میں مجموعی طور پر 109 گرفتاریاں ہوئیں۔

ایڈیشنل ایڈووکیٹ جنرل خیبر پختونخواہ نے استعفیٰ دے دیا