Category: برطانیہ

برطانیہ کے شہر برمنگھم میں چاقو کے حملے میں 18 سالہ برٹش پاکستانی نوجوان جاں بحق ہوگیا۔

پولیس کے مطابق واقعہ جمعے کی شب نمازِ تراویح کے وقت اولڈبری جامع مسجد کی کار پارکنگ میں پیش آیا۔ اطلاع ملنے پر پولیس اور امدادی ٹیمیں فوری طور پر موقع پر پہنچ گئیں حملے میں 19 اور 22 سال کے دو نوجوان زخمی بھی ہوئے جنہیں طبی امداد کے لیے اسپتال منتقل کر دیا گیا، جبکہ 18 سالہ نوجوان ذیشان افضل جانبر نہ ہو سکا –

پولیس کا کہنا ہے کہ جمعہ کو رات تقریباً 9 بجے سے کچھ پہلے سینڈویل کے سمیتھ وِک روڈ پر واقع جامع مسجد کے باہر جھگڑے کی اطلاع ملی،اطلاع ملتے ہی پولیس اور امدادی ٹیمیں موقع پر پہنچ گئیں،واقعے کے وقت رمضان المبارک کے باعث مسجد میں عشا کی نماز کی ادائیگی کے لیے اچھا خاصا رش تھا۔

موقع پر متعدد ایمبولینسیں، ایک پیرا میڈک افسر اور ایئر ایمبولینس کی گاڑی بمعہ کریٹیکل کیئر پیرا میڈکس بھی موجود تھے ویسٹ مڈلینڈ پولیس نے واقعے کو قتل قرار دیتے ہوئے تحقیقات کا آغاز کر دیا ہے پولیس نے عینی شاہدین سے اپیل کی ہے کہ وہ معلومات فراہم کریں تاکہ ملزمان کو گرفتار کیا جا سکے۔

پولیس ترجمان کا کہنا تھا کہ ابتدائی طور پر اس واقعے کو مذہبی یا نسلی بنیاد پر کیا گیا حملہ قرار نہیں دیا جا رہا سمیتھ وِک میں ایک نوجوان کی ہلاکت کے بعد قتل کی تحقیقات شروع کر دی گئی ہیں، پولیس سی سی ٹی وی فوٹیج کا جائزہ لے رہی ہے اور علاقے میں دیگر شواہد بھی اکٹھے کیے جا رہے ہیں۔

برطانوی میڈیا نےدعویٰ کیا ہے کہ امریکی صدر ڈونلڈ ٹرمپ نے امریکی فوج کے سب سے ایلیٹ یونٹ جوائنٹ اسپیشل آپریشنز کمانڈ کو گرین لینڈ پر ممکنہ فوجی کارروائی اور قبضے کا خفیہ منصوبہ تیار کرنے کی ہدایت دی ہے۔

برطانوی اخبار نے اپنی رپورٹ میں باخبر ذرائع کے حوالے سے دعویٰ کیا ہے کہ ٹرمپ انتظامیہ کے سخت گیر حلقے جن کی قیادت اسٹیفن ملر کر رہے ہیں، حالیہ خفیہ آپریشنز کی کامیابی کے بعد اس قدر پرجوش ہیں کہ اب آرکٹک کے اس اسٹریٹجک جزیرے کو بھی طاقت کے ذریعے امریکی اثر و رسوخ میں لانے کا خواب دیکھ رہے ہیں۔

برطانیہ کے سنڈے ڈیلی میل نے رپورٹ کیا ہے کہ امریکی صدر ڈونلڈ ٹرمپ نے اپنے اعلیٰ سپیشل فورسز کے کمانڈروں کو ہدایت کی ہے کہ وہ گرین لینڈ پر حملے کے لیے ہنگامی منصوبے تیار کریں، جس کی مبینہ طور پر سینئر امریکی فوجی رہنما مزاحمت کر رہے ہیں دی میل آن سنڈے کے حوالے سے ذرائع کے مطابق، ٹرمپ کے قریبی مشیر، خاص طور پر سیاسی حکمت عملی کے ماہر اسٹیفن ملر، وینزویلا کے رہنما نکولس مادورو کو پکڑنے کے لیے کیے گئے حالیہ آپریشن سے حوصلہ افزائی کر رہے ہیں، اور وہ آرکٹک جزیرے پر قبضہ کرنے کے لیے تیزی سے کارروائی کرنا چاہتے ہیں اس سے پہلے کہ روس یا چین کوئی اقدام کریں۔

ٹرمپ انتظامیہ ایران میں فوجی کارروائی پر سنجیدگی سے غور کر رہی ہے، امریکی اخبار کا دعویٰ

ذرائع کے مطابق اس ممکنہ منصوبے کے پیچھے تین بڑے مقاصد بتائے جا رہے ہیں، جس میں امریکا میں معاشی دباؤ سے عوام کی توجہ ہٹانا، مڈٹرم انتخابات سے قبل ایک بڑی فتح دکھانا اور آرکٹک میں روس اور چین کے بڑھتے اثر کو روکنا شامل ہے۔

برطانوی سفارتی ذرائع کا خیال ہے کہ ٹرمپ ملکی سیاسی محرکات سے بھی متاثر ہو سکتے ہیں، امید ہے کہ ڈرامائی خارجہ پالیسی کارروائی اس سال کے وسط مدتی انتخابات سے قبل کمزور اقتصادی کارکردگی سے امریکی ووٹروں کی توجہ ہٹا سکتی ہے تاہم، اس منصوبے نے سینئر فوجی شخصیات کو خوف زدہ کر دیا ہے، امریکی نظام کے اندر ہی شدید مزاحمت سامنے آ گئی ہے-

امریکی ٹیرف اور تجارتی معاہدے کی ناکامی، مودی حکومت کی خارجہ پالیسی پر سوالات

رپورٹ کے مطابق امریکی فوج کے اعلیٰ جنرلز اور جوائنٹ چیفس آف اسٹاف نے اس منصوبے کو کھلے الفاظ میں غیر قانونی، ناقابلِ عمل اور تباہ کن قرار دے دیا ہے عسکری قیادت کا مؤقف ہے کہ نہ تو کانگریس اس کی اجازت دے گی اور نہ ہی نیٹو اس کے نتائج برداشت کر سکے گا۔

ڈنمارک کے ساتھ گرین لینڈ کے تعلقات منقطع کرنے کے لیے طاقت یا زبردستی کے استعمال سے لے کر "سمجھوتہ کرنے والے منظر نامے” تک، جس میں ڈنمارک نے روس اور چین کو باضابطہ طور پر روکتے ہوئے امریکہ کو توسیعی فوجی رسائی کی اجازت دی ہے، سفارت کاروں نے مبینہ طور پر جنگی نوعیت کے کئی منظرنامے پیش کیے ہیں دی میل کے ذریعہ نقل کردہ ایک سفارتی کیبل میں متنبہ کیا گیا کہ انتہائی انتہائی صورت حال "نیٹو کی اندر سے تباہی کا باعث بن سکتی ہے۔”

انڈونیشیا کے تلاؤد جزیرے پر 6.8 شدت کا زلزلہ

برطانیہ کے شہر برمنگھم میں رات گئے آسمان اچانک گہرے گلابی اور سرخی مائل رنگ میں ڈھل گیا،جس سےخوف اور تجسس کی فضا پیدا ہو گئی-

العربیہ کے مطابق یہ واقعہ ایسے وقت پیش آیا جب شہر شدید برف باری کی زد میں تھا خراب موسمی حالات کے باعث آمدورفت بری طرح متاثر ہوئی، سڑکوں پر مشکلات بڑھ گئیں اور کئی سہولیات عارضی طور پر معطل کرنا پڑیں انہی حالات کے دوران آسمان کا یہ غیر فطری رنگ لوگوں کے لیے مزید خوف کا باعث بن گیا۔

برمنگھم کے رہائشیوں نے فوراً موبائل فونز کے ذریعے تصاویر اور ویڈیوز بنا کر سوشل میڈیا پر شیئر کرنا شروع کردیں ان مناظر میں شمالی لندن کے قریب واقع اس شہر کے آسمان پر چھایا گلابی رنگ واضح طور پر دیکھا جا سکتا تھا شہریوں کی جانب سے یہ خدشہ ظاہر کیا گیا کہ شاید یہ منظر اس برفانی طوفان یا کسی قدرتی آفت سے جڑا ہولیکن تحقیقات سے معلوم ہوا کہ آسمان کا یہ رنگ کسی قدرتی مظہر کا نتیجہ نہیں بلکہ انسانی سرگرمیوں سے پیدا ہونے والی روشنیوں کا اثر تھا۔

برطانوی اخبار ’’میٹرو‘‘ کے مطابق مختلف تصاویر کے جائزے سے پتا چلا کہ یہ گلابی روشنی صرف برمنگھم کے چند مخصوص علاقوں تک محدود تھی اور برطانیہ کے کسی دوسرے شہر میں ایسا منظر دیکھنے میں نہیں آیا برمنگھم سٹی فٹبال کلب کے اسٹیڈیم سے نکلنے والی طاقتور ایل ای ڈی لائٹس اس رنگ کا سبب بنیں شدید برف باری اور گھنے بادلوں میں موجود ذرات نے ان روشنیوں کو بکھیر دیا، جس کے نتیجے میں یہ گلابی روشنی پورے آسمان پر پھیلتی ہوئی نظر آنے لگی۔

رپورٹ میں بتایا گیا کہ اسٹیڈیم میں یہ خصوصی لائٹس میدان کی گھاس کو محفوظ رکھنے اور تیزی سے بحال کرنے کے لیے استعمال کی جاتی ہیں، خاص طور پر بارش یا خراب موسم کے بعد، فضائی تصاویر میں بھی اسٹیڈیم کی روشنیاں اسی وقت نمایاں دکھائی دیں جب شہری اس عجیب منظر کو کیمرے کی آنکھ میں محفوظ کر رہے تھےاسٹیڈیم کے قریب لی گئی تصاویر میں آسمان کا رنگ زیادہ گہرا اور روشن دکھائی دیا، جبکہ جیسے جیسے فاصلے میں اضافہ ہوا، اس کی شدت کم ہوتی چلی گئی۔

ماہرین کے مطابق برف اور بادلوں میں موجود ذرات عام حالات کے مقابلے میں روشنی کو زیادہ منعکس کرتے ہیں، جس کے باعث زمینی روشنی خلا میں جانے کے بجائے واپس زمین کی طرف پلٹ آتی ہے اور پورے شہر میں عجیب رنگ بکھیر دیتی ہے-

برطانیہ میں ایک مشہور ٹرک جس پر سابق پاکستانی وزیراعظم عمران خان کی تصویر والا پوسٹر لگا تھا،پرنامعلوم افراد نے سیاہی پھینک دی جس کی ویڈیو سوشل میڈیا پر وائرل ہو رہی ہے۔

وائرل ویڈیو میں دیکھا جا سکتا ہے کہ ٹرک پر لگی ہوئی عمران خان کی تصویر پر کالی سیاہی گرائی گئی ہے جس پر پی ٹی آئی کے حامی صارفین کی جانب سے شدید ردعمل ظاہر کیا جا رہا ہے، ایک صارف نے لکھا ہے کہ اب برطانیہ میں ہر جگہ ہی ردعمل میں خان کی تصویروں والے ٹرک نظر آئیں گے۔

چیف جسٹس یحییٰ آفریدی کا عدالتی اصلاحات کا اعلان

شہباز گل نے کہا کہ یہ لوگ عمران خان اور اس کی تصویر سے اتنی نفرت کرتے ہیں کہ یہ کچھ بھی کرنے کو تیار ہو جاتے ہیں-

ارم جعفری نے کہا کہ انہیں شاید یہ اندازہ نہیں ہےیہاں ہزاروں گاڑیوں پر عمران خان کی تصاویر ہیں۔ ریسٹورنٹس، دکانوں میں تصاویر ہیں، تم ایک ہٹاؤ گے ہم دس لگائیں گے۔

سال 2026 ے آغاز کے ساتھ ہی یو اے ای میں کئی پالیسیوں میں تبدیلی

ہونڈا سوک کے نئے ماڈلز کی تعارفی قیمتوں کا اعلان ہو گیا

چینل ٹنل میں بجلی کی فراہمی میں اچانک خرابی کے باعث یورو اسٹار نے لندن سے پیرس، برسلز اور ایمسٹرڈیم جانے والی تمام ٹرینیں غیر معینہ مدت تک منسوخ کر دی ہیں، جس کے نتیجے میں ہزاروں مسافر شدید مشکلات کا شکار ہو گئے ہیں-

عالمی خبررساں ادارے کے مطابق لندن کے سینٹ پینکریاز اسٹیشن پر موجود عملے نے مسافروں کو ہدایت کی ہے کہ وہ اپنے سفری منصوبے مؤخر کریں اور بعد کی تاریخ کے لیے دوبارہ بکنگ کروائیں، گزشتہ روز برطانیہ، فرانس، بیلجیم اور نیدرلینڈز کے درمیان کم از کم ایک درجن یورو اسٹار سروسز منسوخ ہو چکی تھیں جبکہ متعدد ٹرینیں تاخیر یا روٹ میں تبدیلی کا شکار رہیں،نیشنل ریل کے مطابق یہ بڑا خلل دن کے اختتام تک جاری رہنے کا امکان ہے۔

یورو اسٹار انتظامیہ کا کہنا ہے کہ چینل ٹنل میں اوور ہیڈ پاور سپلائی کے مسائل کے بعد لی شٹل کی ایک ٹرین خراب ہو گئی، جس کے باعث لندن آنے اور جانے والی تمام سروسز معطل کر دی گئیں یورو اسٹار نے مسافروں کو یقین دہانی کرائی ہے کہ وہ بغیر کسی اضافی چارج کے اپنی بکنگ تبدیل کر سکتے ہیں، یا ٹکٹ منسوخ کر کے مکمل رقم واپس یا ای واؤچر حاصل کر سکتے ہیں۔

پاکستان کی جانب سے خالدہ ضیا کی نمازجنازہ میں ایاز صادق شرکت کریں گے

دوسری جانب یورو ٹنل کی لی شٹل سروس، جو گاڑیوں کو فولک اسٹون اور کیلے کے درمیان لے جاتی ہے، بھی بجلی کے مسئلے کے باعث معطل رہی فولک اسٹون کے مقام پر مسافروں کو ساڑھے تین گھنٹے تک کی تاخیر کا سامنا ہے جبکہ کیلے ٹرمینل پر بھی تقریباً تین گھنٹے کی تاخیر رپورٹ کی گئی ہے-

متاثرہ مسافروں نے معلومات کی کمی اور سہولیات نہ ملنے پر شکایات کیں۔ کئی خاندان گھنٹوں سے ٹرینوں اور گاڑیوں میں محصور رہے، کچھ مسافروں کے مطابق خوراک اور پانی کی قلت بھی پیدا ہو گئی لی شٹل انتظامیہ کا کہنا ہے کہ تکنیکی ٹیمیں بجلی کی فراہمی کے مسئلے کو حل کرنے میں مصروف ہیں اور صورتحال بہتر ہونے پر سروس بحال کر دی جائے گی۔

یمن میں بلاجواز کشیدگی یو اے ای کے وعدوں سے مطابقت نہیں رکھتی،سعودی کابینہ

پاکستان تحریکِ انصاف کے رہنما زلفی بخاری کے خلاف انٹرپول کی جانب سے جاری ریڈ نوٹس منسوخ کر دیا گیا ہے، جس کے بعد انٹرپول نے ان کے خلاف تمام تفتیش ختم کرنے کی باضابطہ تصدیق بھی کر دی ہے۔

ذرائع کے مطابق پاکستان کی جانب سے زلفی بخاری کی حوالگی کے لیے دی گئی درخواست کو انٹرپول نے مسترد کر دیاانٹرپول نے ذلفی بخاری کے وکلا کو ارسال کیے گئے خط میں واضح کیا کہ پاکستان کی جانب سے فراہم کردہ معلومات اور شواہد کا تفصیلی جائزہ لینے کے بعد ریڈ نوٹس منسوخ کرنے کا فیصلہ کیا گیا۔

واضح رہے کہ دو برس قبل پاکستانی وزارتِ داخلہ نے مونس الٰہی اور زلفی بخاری کے خلاف ریڈ نوٹس کے اجرا کے لیے انٹرپول سے رجوع کیا تھا زلفی بخاری پر بانی پی ٹی آئی کی جوڈیشنل کمپلیکس میں پیشی کے موقع پر ہنگامہ آرائی اور دہشت گردی کے مبینہ واقعات میں ملوث ہونے کے الزامات عائد کیے گئے تھے، جبکہ وہ القادر ٹرسٹ کیس میں بھی پاکستانی حکام کو مطلوب قرار دیے جا رہے تھے۔

اس سے قبل گزشتہ ماہ انٹرپول نے مونس الٰہی کے خلاف بھی ریڈ نوٹس منسوخ کرنے کی تصدیق کی تھی ذرائع کے مطابق انٹرپول نے پاکستانی شکایات کا جائزہ لینے کے بعد خاطر خواہ شواہد نہ ملنے پر مونس الٰہی کے خلاف تحقیقات بند کر دی تھیں مونس الٰہی پر پی ٹی آئی کے دورِ حکومت میں مبینہ بدعنوانی اور ملک چھوڑنے کے بعد گجرات میں قتل کے ایک واقعے میں ملوث ہونے کے الزامات لگائے گئے تھے۔

ذرائع کے مطابق زلفی بخاری کے خلاف ریڈ نوٹس کی کارروائی 2023 کے وسط میں شروع کی گئی تھی، جبکہ مونس الٰہی کے خلاف یہ عمل تقریباً ایک برس بعد شروع ہوا محسن نقوی کی سربراہی میں وزارتِ داخلہ نے دونوں شخصیات کو “کسی بھی قیمت پر” وطن واپس لانے کے عزم کا اظہار کیا تھا،تاہم دونوں رہنماؤں کے وکلا انٹرپول کو یہ باور کرانے میں کامیاب رہے کہ ان کے موکلین پر عائد کیے گئے کرپشن اور دہشت گردی کے الزامات سیاسی نوعیت کے ہیں اور ان کا مقصد سیاسی انتقام اور ظلم و ستم کے سوا کچھ نہیں۔

پاکستان تحریکِ انصاف کے بانی اور سابق وزیراعظم عمران خان کے بیٹوں قاسم اور سلیمان نے عدالتی احکامات کے باوجود جیل ملاقا تیں نہ کروائے جانے اور جیل میں ان کے ساتھ روا رکھے جانے والے سلوک پر تشویش کا اظہار کیا ہے۔

برطانوی صحافی مہدی حسن کو دیے گئے ایک انٹرویو میں عمران خان کے بیٹوں قاسم اور سلیمان نے کہا ہے کہ ان کے والد کو جیل میں مکمل تنہائی میں رکھا گیا ہے اور یہ صورتحال واضح طور پر تشدد کے ہتھکنڈوں کے مترادف ہےعدالتی احکامات کے باوجود جیل ملاقاتیں نہ کروائے جانے پر عمران خان کے اہلِ خانہ اور پارٹی نے جیل میں ان کے ساتھ روا رکھے جانے والے سلوک پر تشویش کا اظہار کیا ہےاقوامِ متحدہ کے ایک خصوصی نمائندے نے بھی خبردار کیا ہے کہ عمران خان کو ایسی حالت میں رکھا جا رہا ہے جو غیر انسانی سلوک کے زمرے میں آ سکتی ہے۔

انٹرویو کے دوران جب حکومت کے اس دعوے کے بارے میں سوال کیا گیا کہ عمران خان کو جیل میں شاہانہ سہولیات حاصل ہیں تو قاسم خان نے کہا کہ یہ حقیقت کے بالکل برعکس ہے ان کے مطابق عمران خان ایک ایسے سیل میں رکھے گئے ہیں جس کی لمبائی چھ فٹ اور چوڑائی آٹھ انچ ہے، جہاں بمشکل کھڑا ہوا جا سکتا ہے۔

قاسم خان نے کہا کہ حالات نہایت خراب ہیں، پانی گندا اور بھورا ہے جس سے وہ خود کو صاف کرتے ہیں، اور کھانا بھی انتہائی ناقص ہے، اگرچہ عمران خان شکایت کرنے والے شخص نہیں ان کے بقول ایسی صورتحال کو شاہانہ کہنا حقیقت سے بہت دور ہے۔

انہوں نے عمران خان کی اپنی بہن عظمیٰ سے حالیہ ملاقات کا حوالہ دیتے ہوئے کہا کہ جو معلومات انہیں ملیں، ان کے مطابق عمران خان سخت غصے میں تھے اور مکمل تنہائی پر شدید ناخوش تھے قاسم خان کے مطابق نہ صرف دیگر قیدی بلکہ جیل کے اہلکاروں کو بھی ان سے بات کرنے کی اجازت نہیں دی جا رہی تاکہ انہیں ہر طرح کے انسانی رابطے سے محروم رکھا جا سکے، جس کا مقصد انہیں توڑنا ہے ان کے بقول یہ سب واضح تشدد کے طریقے ہیں۔

انٹرویو میں سلیمان خان نےبتایا کہ انہوں نےآخری بار جولائی کے آخر میں عمران خان سےبات کی تھی ان کے مطابق پاکستانی عدالت ہفتہ وار فون کالز کی اجازت دیتی ہے، لیکن دو سال سے زائد عرصے کی قید کے دوران اس پر عمل نہیں کیا گیا۔

تحریک انصاف کے بانی چیئرمین عمران خان کی سابق اہلیہ جمائمہ خان نے عمران خان کے حوالے سے ایکس کے مالک ایلون مسک سے براہِ راست اپیل کر دی-

جمائما خان نے ایلون مسک سے براہِ راست اپیل کرتے ہوئے کہا ہے کہ ان کے 2 بیٹوں کو اپنے والد سابق وزیرِاعظم عمران خان سے ملنے یا بات کرنے کی اجازت نہیں دی جا رہی، جنہیں اقوامِ متحدہ کے مطابق 22 ماہ سے غیر قانونی اور تنہائی کی قید میں رکھا گیا ہے۔

انہوں نے کہا کہ سوشل میڈیا پلیٹ فارم ’’ایکس‘‘ ہی واحد جگہ رہ گیا ہے جہاں وہ دنیا کو بتا سکتی ہیں کہ عمران خان ایک سیاسی قیدی ہیں جنہیں بنیادی انسانی حقوق سے محروم کیا گیا ہے مگر ہر بار جب وہ عمران خان کے بارے میں کوئی بات شیئر کرتی ہیں تو پاکستان کے اندر، اور اکثر عالمی سطح پر بھی، ان کی پوسٹس کی رسائی تقریباً صفر تک محدود کر دی جاتی ہے۔

جمائما خان نے ایلون مسک کو یاد دلایا کہ انہوں نے ’’آزادیٔ اظہا‘‘ کا وعدہ کیا تھا، نہ کہ ’’ایسی آزادی جسے کوئی سن نہ سکے،انہوں نے مطالبہ کیا کہ ان کے اکاؤنٹ پر لگائی گئی visibility filtering کو فوری طور پر ختم کیا جائے تاکہ وہ اپنی آواز دنیا تک پہنچا سکیں۔

عادل راجا نےپاک فوج کے سابق افسر بریگیڈیئر (ریٹائرڈ) راشد نصیر کے خلاف بنا کسی ثبوت ہتک آمیز الزامات لگانے کا اعتراف کیا اور معافی مانگ لی۔

عادل راجہ نے برطانیہ کی ہائی کورٹ میں پاک فوج کے سابق افسر بریگیڈیئر (ریٹائرڈ) راشد نصیر کی جانب سے دائر ہتکِ عزت کیس کے فیصلے کے بعد الزامات تسلیم کر تے ہوئے معافی مانگ لی،لراندن ہائی کورٹ کی جانب سے عادل راجا کو بریگیڈیئر (ر) راشد نصیر سے معافی مانگنے اور بھاری جرمانہ ادا کرنے کے حکم کے بعد انہوں نے الزامات تسلیم کرلیے ہیں۔

https://x.com/soldierspeaks/status/1999074614605971518?s=20

ایکس پر اپنی پوسٹ میں عادل راجا نے لکھا کہ 9 اکتوبر 2025 کے ایک فیصلے کے ذریعے مجھے لندن میں ہائی کورٹ نے راشد نصیر کو ان کے قانونی اخراجات کے علاوہ 50 ہزار پاؤنڈ ہرجانہ ادا کرنے کا حکم دیا تھا، اس بنیاد پر کہ میں نے 14 اور 29 جون 2022 کے درمیان ان کے بارے میں متعدد ہتک آمیز الزامات لگائے اور میرے پاس ان کے دفاع کا کوئی ثبوت موجود نہیں تھا-

عادل راجہ نے اس پیغام کے ساتھ برطانوی عدالت کے فیصلے کا لنک بھی شیئر کیا ہےلندن ہائی کورٹ کے جج جسٹس رچرڈ اسپیئر مین نے مقدمے کی سماعت کے بعد عادل راجا کو اپنے سوشل میڈیا اکاؤنٹس اور ویب سائٹ پر 28 دن تک معافی نامہ شائع رکھنے کا حکم دیا تھا۔

لندن ہائی کورٹ نے عادل راجا کو ہدایت کی ہے کہ وہ بریگیڈئیر(ر) راشد نصیر کو 50ہزار پاؤنڈ یعنی ایک کڑور 87 لاکھ ہرجانہ اور بھاری قانونی اخراجات بھی ادا کریں،عدالت نے انہیں 2لاکھ 60 ہزار پاؤنڈ (9کروڑ 72 لاکھ روپے) بطور عبوری اخراجات فوری طور پر ادا کرنے کا حکم جاری کیا ہے اور واضح کیا ہے کہ تمام مالی واجبات 22 دسمبر 2025 تک ادا کرنا لازمی ہوں گے، عدالت پہلے ہی یہ قرار دے چکی ہے کہ عادل راجا کے الزامات بے بنیاد اور ہتک آمیز تھے۔

عادل راجہ نے لندن ہائی کورٹ کے حکم کی تعمیل کرتے ہوئے اپنے تمام سوشل میڈیا پلیٹ فارمز پر اس بات کا اعتراف کیا ہے کہ ان کی جانب سے لگائے الزامات کا الزامات ان کے پاس کوئی ثبوت موجود نہیں تھا انہوں نے ایکس، فیس بک، یوٹیوب اور ویب سائٹ پر بھی عدالتی فیصلے کا لنک بھی شائع کیا۔

برطانیہ میں ’’سپر فلو‘‘ کے نام سے پھیلنے والی نزلہ و زکام کی تیز وبا نے صورتحال تشویشناک بنا دی ہے اور حکومت نے کیسز میں اضافہ برقرار رہنے کی صورت میں اسکول بند کرنے پر غور شروع کر دیا ہے۔

غیر ملکی خبر رساں ادارے کے مطابق ملک بھر میں فلو کی وبا تیزی سے پھیل رہی ہے، جس کے باعث متعدد اسپتالوں نے اسٹاف، مریضوں اور آنے والے افراد کے لیے ماسک پہننا لازمی قرار دے دیا ہے،اگر کیسز میں اضافہ جاری رہا تو اسکولوں کی بندش بھی زیر غور ہے۔

این ایچ ایس کا کہنا ہے کہ گزشتہ دو ہفتوں میں نزلہ و زکام کے مریضوں کی تعداد دوگنا ہو چکی ہے دوسری جانب میڈیکل اسٹورز پر فیس ماسک، ہینڈ سینیٹائزرز اور فلو سے متعلق ادویات کی فروخت میں اچانک اضافہ دیکھنے میں آیا ہے،این ایچ ایس نے شہریوں پر زور دیا ہے کہ وہ فوری طور پر فلو ویکسین لگوائیں اور ماسک پہننے کو یقینی بنائیں تاکہ وائرس کے پھیلاؤ کو روکا جا سکے۔

وزیر اعظم ہاؤس کے ترجمان کے مطابق اگر وباء مزید بڑھی تو اسکولوں کی بندش اور عوامی مقامات پر ماسک کی پابندی دوبارہ نافذ کی جا سکتی ہے۔