Category: خواتین

اجزاء:
چکن آدھا کلو
لہسن ادرک پیسٹ ایک کھانے کاچمچ
سبز مرچ ایک کھانے کا چمچ
پسی کالی مرچ ایک چائے کا چمچ
دہی پاؤ کپ
سویا ساس ایک کھانے کا چمچ
سرکہ آدھا کھانے کا چمچ
پیاز ایک عدد
ٹماٹو کیچپ دو کھانے کے چمچ
سفید چنے آدھا کپ ابال لیں
نمک اور تیل حسب ضرورت

ترکیب:
ایک پین میں تیل گرم کر لیں لہسن ادرک پیسٹ اور پیاز ڈال کر زچھی طرح فرائی کر لیں جب بھن جائے تو اس میں چکن شامل کر کے ہلکا سا فرائی کر کے باقی تمام مصالحے شامل کر لیں کچن کے گل جانے تک پکائیں جب چکن گل جائے تو تیز آنچ پر بھون لیں ڈش میں ابلے ہوےئ چنے ڈال کر اس پر چکن مصالحہ ڈال کر گرم گرم سرو کریں

اجزاء:
انڈے 5 عدد
نمک حسب ذائقہ
پسی کالی مرچ آدھا چائے کا چمچ
سفید پسی مرچ آدھا چائے کا چمچ
آلو 2 عدد
بند گوبھی ایک پیالی
شملہ مرچ ایک عدد
ہری پیاز دو عدد
گاجر ایک عدد
گوشت کی یخنی ایک پیالی
چیز آدھی پیالی
مکھن ایک کھانے کا چمچ
تیل حسب ضرورت

ترکیب:
آلوؤں کو ابال کر چھیل کر میش کر لیں بند گوبھی گاجر ہری پیاز اور شملہ مرچ کے چھوٹے ٹکڑے کر لیں انڈوں کو باؤل میں ڈال کو پھینٹ لیں اس میں میش کئے ہوئے آلو ہری پیاز کے سفید ڈنٹھل نمک اور کالی مرچ شامل کر کے اچھی طرح مکس کریں پین میں مکھن ڈال کر اور ساتھ دو چمچ آئل ڈال کر گرم کریں پھر اس میں تمام کٹی ہوئی سبزیاں ڈال کر تیز آنچ پر فرائی کر لیں پھر اس میں یخنی نمک اور سفید مرچ ڈال کر تیز آنچ پر پکاتے ہوئے پانی خشک کر لیں ایک دوسرے پین میں دو سے تین کھانے کے چمچ آئل گرم کریں اور انڈے کے مکسچر کو چار سے پانچ حصوں میں پین کیک کی طرح سنہرا فرائی کریں خوبصورت سے پلیٹر میں ایک ایک پین کیک کو رکھ کر اس پر سبزیوں کا مکسچر ڈال لین اور چیز ڈال کر تین سے چار منٹ کئ لئے گرل کر لیں

اجزاء:
میدہ آدھا کپ
پسی چینی آدھا کپ
فروٹ کیک 2 سلائس
فریش کریم آدھا کپ
بنانا جیلی پاؤ کپ
ملے جلے پھلوں کے مربے پاؤ کپ
بیکنگ پاؤڈر آدھا چائے کا چمچ
خشک میوہ جات پاؤ کپ
انڈے 2 عدد

ترکیب:
میدہ چھان کر اس میں پسی چینی اور فریش کریم مکس کر کے بلینڈر یا بیٹر کے ساتھ اچھی طرح مکس کر لیں اس دوران انڈے کی سفیدی اور زردی الگ الگ بیٹر کی مدد سے اتنا پھینٹیں کہ جھاگ بن کر کریم کی طرح ہو جائیں اس کے بعد دونوں چیزوں کو ایک ایک کر کے ڈال کر مزید پھینٹیں تاکہ میدے یا چینی کی ڈلیاں نہ بن جائیں اس کے ساتھ ہی تھوڑا سا فروٹ کیک آدھا ڈرائی فروٹ آدھا بیکنگ پاؤڈر اور آدھی مقدار میں پھلوں کا مربع بھی شامل کر دیں اور اچھی طرح مکس کر کے اوون کرنے کے لئے پیپر ٹارلٹس میں انڈیل دیں اور پہلے سے گرم اوون میں بیک پوبے کے لئے رکھ دیں تقریباً آدگھے گھنٹے بعد اوون کھول کیک میں کوئی تنکا چبھو کر دیکھیں اگر تو تنکا خشک باہر آئے تو کیک تیار ہو چکا ہے اگر ایسا نہ ہو تو دوبارہ تھوڑی دیر بیک کر لیں جب تیار ہو جائے تو اوون سے باہر نکال کر کٹے ہوئے مربوں فروٹ کیک کے چھوٹے ٹکڑوں اور بنانا اور سٹرابیری جیلی کے ساتھ گارنش کر لیں مزیدار ٹوٹی فروٹی کیک ٹارلٹس تیار ہے

جسم کے وہ حصے جن کی صفائی اور دیکھ بھال کو اکثر اوقات نظر انداز کر دیا جاتا ہے ان مین ہاتھ بھی شامل ہیں نہت کم خواتین کے ہاتھ دیکھنے میں دلکش ہوتے ہیں آپ بھی اپنے ہاتھوں کو خوبصورت بنا سکتی ہیں اس کے لئے آپ کو ہر روز ہاتھوں پر کوئی اچھی سی کریم اور موئسچرائزر لگائیں اور ناخنوں کی صفائی کا خاص خیال رکھیں ناخنوں اور ہاتھوں کی صفائی ہر دو ہفتے بعد کرنا ضروری ہے خواتین کو دن میں کئی بار ہاتھ پانی میں ڈالنا پڑتے ہیں انہیں چایئے کہ ہر ہفتے مینی کیور ضرور کروائیں چاہیں تو خود گھر پر بھی کر سکتی ہیں اس لے لئے مندرجہ ذیل چیزیں ضروری ہیں روئی ایمری بورڈ ، پٹرہلیم جیلی، بےبی آئل، موئسچرائزر ، دانتوں کا ایک نرم برش، اگر نیل پالش لگی ہوئی ہو تو نیل پالش ریموور. اگر نیل پالش لگی ہے تو روئی اور نیل پالش ریموور کی مدد سے پرانی نیل پالش ناخنوں سے اتار دیں ناخنوں کو رگڑنے سے پہلے بھگو لیں ورنہ جلدی ٹوٹ جائیں گے اب ایمری بورڈ سے ناخںوں کوآرام سے رگڑیں رگڑنے کا عمل ناخن کے کونے سے شروع کریں اور ناخن کے درمیان لا کر ختم کریں پٹرہلیم جیلی کو ناخنوں کے اطراف میں لگا کر ہاتھوں اور ناخنوں پر موئسچرائزنگ کریم لگا لیں تھوڑا سا بے بی آئل گرم کر کے پیالے میں ڈال لیں اور انگلیوں کے پوروں کو پانچ منٹ تک اس میں ڈبوئے رکھیں پھر دانتوں کے برش سے ناخنوں میں جمی ہوئی میل نکال لیں گرم پانی سے ناخن دھو کر اچھی طرح خشک کر لیں ہاتھ کی انگلیوں کی پوریں دوسرے ہاتھ کے ناخنوں کے اطراف پھیریں دانتوں کے برش سے میل نکال لیں گرم پانی سے دھو کر اچھی طرح خشک کرنے کے بعد کوئی کریم مل لیں ہر ہفتے یا مہینے میں دو سے تین مرتبہ یہ عمل ضرور کریں اس سے آپ کے ہاتھ دلکش اور خوبصورت نظر آئیں گے

طبی ماہرین کے مطابق بادام کا تیل صحت کے لئے بہترین ہے چہرے پر بادام کے تیل کی مالش سے چہرہ تروتازہ اور شاداب رہتا ہے یہ طریقہ ماضی میں بہت مقبول تھا آج اسے میجک آف ایسٹ کے نام سے مغربی ممالک میں خاصی پذیرائی حاصل ہے یہ طریقہ نہایت آسان ہے سب سے پہلے اپنے چہرے کو دودھ میں بھیگے کاٹن سے صاف کیجئے صفائی کرتے وقت خیال رکھیں کہ رگڑ نہ زیادہ ہلکی ہو اور نہ بہت زیادہ تیز بس درمیانہ دباؤ رکھیں اب نیم گرم روغن بادام میں چند قطرے عرق گلاب شامل کر کے چہرے پر مساج کے انداز میں ہلکی ہلکی مالش کریں اس سے چہرے کی ورزش بھی ہو جائے گی اور جھریاں بھی آہستہ آہستہ ختم ہو جائیں گی خواتین کے چہروں پر اکثر موسم یا جلد کی کسی بیماری سے داغ دھبے پڑ جاتے ہیں جنکی وجہ سے چہرے کے نقش اپنی جاذبیت کھو دیتے ہیں ان کو ختم کرنے کے لئے بلیچ لگائیں لیموں کا رس بھی چہرے کے لئے بلیچ کا کام دیتا ہے جو رنگت کو صاف کرنے داغ دھبے دور کرنے کے لئے موثر دوا ہے لیموں کا رس چہرے پر لگا کر اسے خشک ہونے دیں جب خشک ہو جائے تو منہ ہر گز نہ دھوئیں نلکہ اس کو اسی طرح لگا رہنے دیں چند روز کے استعمال سے داغ دھبے دور ہونا شروع ہو جائیں گے اس کے علاوہ مکھن اور دودھ بھی ایک ہلکا بلیچ ہے اسے داغ دھبوں پر لگائیے لیکن خشک ہونے سے پہلے نہ دھوئیں یہ نسخہ روزانہ استعمال کریں اپنے چہرے کو داغ دھبوں سے بچانے کے لئے روزانہ کلینزنگ کا اپہنا معمول بنائیں تاکہ جلد کی تازگی برقرار رہے گردن کی حفاظت شخصیت کی تعمیر میں اہم کردار ادا کرتی ہے جو بھی ماسک بنائیں اس کی اتنی مقدار ضرور ہو کہ وہ گردن پر بھی لگ جائے گردن کی خوبصورتی میں اضافے کے لئے اس کی ورزش نمایاں کردار کی حامل ہے اس مقصد کے لئے کوئی بھی ہلکے وزن کی کتاب کو سر پر رکھیں اور سیدھا چلیں اس دوران لتاب نیچے نہ گرے اس دوران گردن کو بھی سیدھا رکھیںاس ورزش سے گردن سڈول اور خوبصورت ہو جاتی ہے موٹے تکیے کا استعمال بھی نہ کریں اس سے گردن میں خم پیدا ہوگا جو آپ کی خوبصورتی پر اثر انداز ہو گا

بچوں کی ہمہ پہلو تربیت سے مراد عموماً جسمانی ذہنی اور معاشرتی تربیت لی جاتی ہے اخلاقی اور جذباتی تربیت کو نظر انداز کر دیا جاتا ہے حالانکہ یہی دو پہلو بچے کی شخصیت کی بنیاد بنتے ہیں ہمارے معاشرے میں اکثر والدین کے لئے یہ بات کوئی اہمیت نہیں رکھتی اور وہ صرف بچوں کو کھیل کود پڑھائی اور دوستوں سے ملنے کے مواقع دے کر سمجھتے ہیں کہ انہوں نے اپنا فرض ادا کر دیا ہے یا پھر بچے پر سکتی کرتے ہوئے یہ اطمینان کر لیتے ہیں کہ انہوں نے اپنے بچے کو اچھے برے کی تمیز سکھا دی ہے اس سب میں اپنے بچے کی عزت کرنے کے عمل کی بالکل توجہ نہیں دیتے یہ ایک حقیقت ہے کہ جس طرح بڑے احترام کے متقاضہ ہوتے ہیں اس طرح بچوں کا بھی حق ہے کہ ان کی عزت کی جائے عزت نفس کا احساس انسان عمر کے ابتدائی دور میں ہی سیکھ لیتاہے بچوں کے ساتھ والدین کو اس طرح برتاؤ کرنا چاہئے کہ انہیں اپنی اہمیت کا احساس رہے لیکن ہم بچوں کی تربیت کرتے وقت یہ بات بھول جاتے ہیں اور بچوں کی غلطی کرنے یا کہنا نہ ماننے پر ہم انہیں سب کے سامنے بری طرح جھڑک دیتے ہیں یا مارنا پیٹنا شروع کر دیتے ہیں اس طرز عمل سے بچے کی عزت و نفس کو بہت ٹھیس پہنچتی ہے بچے کو غلطی ہر جب سب کے سامنے سزا دی جاتی ہے تو والدین کی نظر میں بچہ اپنی غلطی بھگت رہا ہے لیکن بچہ سب کے سامنے کھڑا ہو کر شرمندگی محسوس کر رہا ہوتا ہے ہر شخص کے چہرے پر اسے اپنے لئے تمسخر نظر آ رہا ہوتا ہے جب بچے کو کسی برے لقب سے پکار کر اس کی غلطیاں بیان کی جاتی ہیں تو وہ خود کو ایک کمتر انسان سمجھتا ہے بچہ اپنی شرمندگی کی وجہ سے خاموش طبع اور تنہائی پسند ہو جاتا ہے تاکہ کسی کو اس کی بے عزتی کا موقع ہی نہ ملے یا پھر وہ نافرما ن اور ڈھیٹ ہو جاتا ہے کچھ بھی کہا جائے وہ کچھ اثر نہیں لیتا اگر بچہ گھر میں شرارتیں نہیں کرتا باہر جا کر شرارتیں کرتا ہے اس کا مطلب ہے بچے پر گھر میں بے وجہ پابندیاں لگائی جاتی ہیں جس سے بچہ گھٹن کا شکا ر ہو جاتا ہے اس کے برعکس جن بچوں کو گھر میں عزت دی جاتی ہے ان میں خود اعتمادی پیدا ہوتی ہے دوسروں کی عزت کرتے ہیں اور ہر کام ذمہ داری پر کرنا سیکھتے ہیں والدین کو چاہئے بچوں پر بلاوجہ زور زبردستی نہ کریں دوسروں کے سامنے ڈانٹ ڈپٹ کرنے کی بجائے آرام سے سمجھائیں اس سے بچے پر خوشگوار اثرات مرتب ہوتے ہیں اور اس کے دل میں بڑوں کے لئے عزت اور احترام بڑھ جاتا ہے

گھروں میں قالین بچھانے کا رواج کبھی بھی ختم نہیں ہوا حالانکہ آج کل لوگ ماربل کے فرش کے ساتھ قالین کا استعمال کم ہی کرتے ہیں لیکن پھر بھی فرش کے سنٹر میں قالین بچھانے کا رواج کسی بھی دور میں ختم نہیں ہوا ڈاکٹرز اکثر قالین بچھانے کو بیماری کا گھر بھی قرار دیتے ہیں مگر خواتین کا یہ شوق کسی بھی قسم کی بیماری کی پرواہ کئے بغیر جاری رہتا ہے دنیا بھر میں گھروں کو قالینوں سے سجانے کا عام رواج ہے اور لوگ اس شوق پر لاکھوں روپے خرچ کر دیتے ہیں لیکن یہ قالین بہت سی بیماریوں کا باعث بن جاتے ہیں برطانیہ میں ہونے والی تحقیق کے مطابق قالین گھر کی آلودگی میں اضافہ کرتے ہیں ان سے سانس اور جلد کی بیماریاں پیدا ہو جاتی ہیں باہر سے آنے والی مٹی کو قالین جذب کرلیتا ہے ماہرین کے مطابق ویکیوم کلینر سے قالین پر پڑی گرد تو صاف ہو جاتی ہے لیکن جراثیموں کا خاتمہ ممکن نہیں ہوتا تین مہینے تک قالین پر مردہ انسانی جلد کے ذرات بال مٹی جراثیم اور اس کے علاوہ دیگر حشرات کے جسم کے اجزاء بھی رہ جاتے ہیں اور اسی وجہ سے انسانی صحت کے لئے نقصان دہ ثابت ہوتے ہیں ہر تین ماہ سے پہلے قالین دھونا ضروری ہے ورنہ یہ سانس اور جلد کی بیماریاں پیدا کرنا شروع کر دیتے ہیں مہرین کے مطابق اگر گھر کے کمرے میں قالین بچھا ہو اور چھ ماہ تک دھویا نہ جائے تو سانس اور جلد کی بیماریوں کے خطرات میں ساٹھ فیصد تک اضافہ ہو جاتا ہے گھر میں قالین بچھانے کی شوقین خواتین کو چاہئے کہ تھوڑی سی توجہ صفائی پر دیں تاکہ گھر والے مختلف بیماریوں سے بچ سکیں

بالوں کی قدرتی طور پر تین اقسام ہوتی ہیں آئلی ڈرائی اور پلین اور اسی اعتبار سے بالوں پر کاسمیٹکس بھی مختلف استعمال ہوتی ہیں لہذا بہتر یہی ہے کہ ہیئر سپیشلسٹ کے مشورے کے مطابق پراڈکٹ کا استعمال کریں

مارکیٹ میں ایسی پراڈکٹ آسانی اے دستیاب ہیں جو خشکی جیسے مسائل منٹوں میں حل کر دیتی ہے لیکن اس کے استعمال سے پہلے سکن سپیشلسٹ سے مشورہ ضرور کر لیں جب آپ کے سر میں خشکی ہو تو اس کا مطلب ہے کہ آپ کے جسم کی پوری جلد مجموعی طور پر کسی مسئلے کا شکار ہے

ہئر بام یا ہیئر جیلکا استعمال خاص طور پر ان بالوں کے لئے انتہائی ضروری ہے جو کیمیائی رنگوں سے رنگے ہوں دراصل یہ رنگ بالوں کی جڑوں کو کمزور کر دیتے ہیں دھوپ ان بالوں پر براوراست اثر انداز ہوتی ہے اور منفی اثرات مرتب کرتی ہے جب بھی دھوپ میں جائیں تو ہیئر بام کا استعمال بالکل نہ بھولیں

سٹائلنگ ہیئرز کی خواہش مند خواتین سٹائل جیل کا استعمال کر سکتی ہیں اس سے بال اپنی جگہ جمے رہتے ہیں اور ان میں شائن آ جاتی ہے سٹائل جیل جڑوں کی بجائے صرف سروں تک ہی محدود رکھیں کیونکہ ان میں نقصان دہ اثرات مرتب کرنے والے کیمیائی اجزاء موجود ہوتے ہیں

نہانے سے پیلے سر میں تیل لگائیں اس سے بالوں کی جڑیں مضبوط ہوتی ہیں بازارکی خوشبو والا تیل بالکل استعمال نہ کریں بلکہ ناریل یا سرسوں کا تیل استعمال کریں سر دھونے کے لئے ٹھنڈا پانی استعما ل کریں سردی میں ہلکے گرم پانی سے سر دھو لیں تیز گرم پانی سے سر دھونے سے خشکی پیدا ہوتی ہے جس سے بالوں کی جڑیں کمزور ہو جاتی ہیں اور بال گرنا شروع ہو جاتے ہیں کبھی کبھی نیم گرم پانی میں لیموں کا عرق اور سرکہ ملا کر سر دھو لیں خوش رہنے اور بالوں کی تندرستی میں گہرا تعلق ہے چڑ چڑے پن خوف اور فکر سے سر کی شریانوں تک خون کی روانی میں باقاعدگی نہ ہونے کی صورت میں بالوں پر برا اثر پڑتا ہے کیونکہ ان کیفیات میں شریانیں سکڑ جاتی ہیں اور بالوں کی جروں تک خون کی رسائی نہیں ہوتی اس سے بال کمزور ہو کر گرنا شروع ہو جاتے ہیں ٹوٹے ہوئے دندوں والی اور دوسروں کی استعمال شدہ کنگھی ہر گز استعمال نہ کریں