Category: چنیوٹ

چنیوٹ موجودہ مہنگائی اور فرنیچر سازی میں استعمال ہونے والے فوم اور دیگر میٹریل کی قیمتوں میں 40 فیصد اضافے کے خلاف فرنیچر ایسوسی ایشن اور مزدوروں کا احتجاجی مظاہرہ نعرے بازی کی گئی۔حکومت مہنگائی کنٹرول کرے مزدور فاقوں سے مر رہے ہیں
چنیوٹ میں فرنیچر سازی کی صنعت سے وابستہ طبقہ موجودہ مہنگائی کے نظام اور فرنیچر کے میٹریل کی 40 فیصد فوم کی قیمتوں میں اضافے کے خلاف سراپا احتجاج بن گیا ہے اور چنیوٹ میں آل پاکستان فرنیچر ایسوسی ایشن کے عہدیداران عالمگیر جاپان والے ،یامین خان کے ہمراہ فرنیچر سازی کی صنعت سے وابستہ مزدوروں نے احتجاجی مظاہرہ کرتے ہوئے نعرے بازی کی ہے اور حکومت وقت سے مطالبہ کیا ہے کہ مہنگائی کو فوری طور پر کنٹرول کرنے کے لئے اقدامات کئے جائیں مظاہرین کا کہنا تھا کہ فرنیچر میں استعمال ہونے والا میٹریل 40 فیصد فوم کی خود ساختہ طور پر مہنگا کردیا گیا ہے جس سے مزدو طبقہ مہنگائی کے بوجھ تلے دب چکا ہے کم اجرت سے گھروں کا چولہا چلانا محال ہو گیا ہے مظاہرین نے حکومت سے مطالبہ کیا ہے کہ اگر مہنگائی کو کنٹرول کرنے کےلئے اقدامات نہ کیے گئے تو ملک گیر احتجاج کرینگے

چنیوٹ محکمہ اینٹی کرپشن چنیوٹ کا کرپٹ سرکاری ملازمین کیخلاف گھیرا تنگ،،، سرکاری ریکارڈ میں ردوبدل اور جعلی سرٹیفکیٹ جاری کرنے پر 3 ملزمان دھر لیے
ریجنل ڈائریکٹر اینٹی کرپشن فیصل آباد عمران عباسی کی ہدایات پر سرکل آفیسر اینٹی کرپشن سرفراز خان ایبک کی کاروائی،،، سرکاری ریکارڈ میں ردوبدل اور جعلی سرٹیفکیٹ جاری کرنے پر 3 ملزم گرفتار،،، خسرا اور گرداوریوں میں ردوبدل ثابت ہونے پر ریٹائرڈ پٹواری محمد اسماعیل گرفتار جبکہ فیملی کورٹ بھوآنہ میں بچے کا جعلی برتھ سرٹیفکیٹ پیش کرنے پر والد محمد افضل اور سیکرٹری یونین کونسل عابد کو بھی گرفتار کر لیا گیا،،،، اس موقع پر سرکل آفیسر اینٹی کرپشن چنیوٹ سرفراز خان ایبک کا کہنا تھا کہ ملزمان کیخلاف حسب ضابطہ کاروائی عمل میں لاٸی جارہی ہے اور ملزمان سے مزید انکشافات متوقع ہیں۔

چنیوٹ میں پنجاب کے تگڑے پہلوانوں کے درمیان تھپڑ کبڈی مقابلہ، ایک دوسرے کی چھاتیوں پر تھپڑوں کی بوچھاڑ،پہلوانوں میں پڑنے والے روائتی جوڑ دیکھنے کے لئے پورا شہر امڈ آیا معروف بزرگ باوا عاشق کے سالانہ عرس پر تھپڑ کبڈی مقابلہ کا انعقاد کیا گیا تھا
چنیوٹ کے نواحی علاقہ چک نمبر 101مونا والا میں دربار باوا عاشق حسین مونا کے سالانہ عرس کے موقع پر امتیاز عالم سابقہ کپتان پاکستان کبڈی ٹیم اور یاسر چیمہ پاکستان واپڈا انٹرنیشل کی ٹیموں کے درمیان تھپڑ کبڈی میچ کا کانٹے دار مقابلہ ہوا دونوں ٹیموں کے کھلاڑیوں نے میچ کے دوران ایک دوسرے پر تھپڑوں کی خوب بارش کی اس دلچسپ مقابلے کو دیکھنے کے لئے شہریوں کی کثیر تعداد امڈ آٸی اور کھلاڑیوں کو خوب داد دی سنسنی خیز مقابلہ میں پہلوانوں نے اپنی طاقت کا بھرپور مظاہرہ کرتے ہوئے شائقین سے خوب داد وصول کی تگڑے پہلوانوں نے اکھاڑے میں مخالف پہلوانوں پر جم کر تھپڑوں کے وار کئے جس سے ہزاروں شائقین خوب محظوظ ہوئے کانٹے دار مقابلہ میں یاسر چیمہ کی ٹیم نے کامیابی حاصل کی جس پر فاتح ٹیم کو ڈھول کی تھاپ پر رقص کرتے ہوئے شائقین نے خوب داد دیتے ہوئے ان کی حوصلہ افزائی کی