Category: چنیوٹ

چنیوٹ
تحریک انصاف کی موجودہ حکومت کے لوگ سابق حکومتوں کا مجموعہ ہیں آل پارٹیز اپوزیشن میں شامل نہیں ہیں ملک میں مہنگائی بیروزگاری انتہا کو پہنچ چکی ہے جماعت اسلامی حکومت کے خلاف عوامی مارچ کررہی ہے شریف فیملی کی رمضان شوگر مل چنیوٹ کے کسانوں کے 90 کروڑ کی نادہندہ ہے مدینہ کی ریاست کے دعویداروں نے بھی کسانوں کی مدد نہیں کی امیر جماعت اسلامی وسطی صوبہ محمد جاوید قصوری کی چنیوٹ میں پریس کانفرنس
جماعت اسلامی کے امیر وسطی صوبہ محمد جاوید قصوری نے چنیوٹ میں پریس کانفرنس کرتے ہوئے کہا ہے کہ پاکستان تحریک انصاف کی حکومت گزشتہ دور میں لوٹ مار کرنے والی جماعتوں کے لوٹ مار کرنے والے عناصر کا مجموعہ ہیں انہوں نے کہا کہ تحریک انصاف کی حکومت میں کرپٹ عناصر کو مکمل تحفظ فراہم کیا گیا ملک میں مہنگائی بیروزگاری لاقانونیت کا نظام خطرناک صورتحال اختیار کر چکا ہے انہوں نے کہا ہے کہ مدینہ کی ریاست کا دعویٰ کرنے والے حکمرانوں نے ایمنسٹی اسکیم میں ملک کے اشرافیہ کو تحفظ فراہم کیا ہے جبکہ موجودہ بجٹ میں غریب کش پالیسی اپنائی گئی ہے ان کا کہنا تھا کہ شریف خاندان کی چنیوٹ میں رمضان شوگر ملز نے چنیوٹ کے زمینداروں کسانوں کے گنے کی ادائیگی نہ کرتے ہوئے 90 کروڑ روپے ہڑپ کررکھے ہیں جس پر تبدیلی حکومت نے بھی ہزاروں متاثرین کاشتکاروں کی کوئی مدد نہیں کی ہے انہوں نے کہا کہ ملک میں عوام کو نئے پاکستان میں عوام کو کسی قسم کی سہولیات مہیا نہیں کی جارہی ہیں انہوں نے کہا کہ آل پارٹیز اپوزیشن کا جماعت اسلامی حصہ نہیں ہے اور نہ ہی بنے گی انہوں نے کہا کہ حکومت کے خلاف جماعت اسلامی برسر میدان ہے اور عوامی مارچ کیا جارہا ہے اور 19 جولائی کو راولپنڈی میں عوامی مارچ کیا جائے گا انہوں نے کہا کہ لوٹ مار کرنے والوں اور ان کو تحفظ فراہم کرنے والوں کے خلاف جماعت اسلامی کا اعلان جنگ ہے اور امیر جماعت اسلامی سراج الحق کی سربراہی میں عوام کے حقوق پر قابض قوتوں کے خلاف ہر فورم پر کلمہ حق بلند کریں گے

چنیوٹ حالیہ بارشوں کے باعث دریائے چناب پر پانی کی سطح بلند ہونے لگی جبکہ ضلعی انتظامیہ بھی ممکنہ سیلاب کے پیش نظر متحرک ہو گئی
چنیوٹ حالیہ بارشوں کے باعث دریائے چناب پر پانی کی سطح بلند ہونے لگی دریائے چناب پر پانی کا بہاؤ پچاس ہزار کیوسک سے تجاوز کر گیا جبکہ دوسری جانب ضلعی انتظامیہ بھی ممکنہ سیلاب کے پیش نظر میدان میں آ گئی گزشتہ روز ڈپٹی کمشنر سید امان انور قدوائی کی جانب سے ڈزاسٹر مینجمنٹ کا اجلاس طلب کیا گیا جس میں ریسکیو 1122 اور محکمہ سول ڈیفنس کو ممکنہ سیلاب کے پیش نظر الرٹ رہنے کی ہدایات بھی جاری کی گئیں تاہم ریسکیو کی جانب سے دریائے چناب پر مؤک ایکسرسائز کا انعقاد کیا گیا، جبکہ ضلع بھر میں 9 مکامات پر فلڈ ریلیف کیمپ بھی قائم کیے گئے ہیں اسی طرح اگر بات کی جائے محکمہ ایجوکیشن کی تو محکمہ ایجوکیشن کی جانب سے ضلع بھر کے 65 سکول کو ہائی الرٹ جاری کرتے ہوے تمام عملہ کو سکول میں رہنے کی ہدایات جاری کی ہیں تاکہ کسی بھی نا خوشگوار واقع سے بچا جا سکے جبکہ دریائے چناب کے حفاظتی بندوں کی مرمت بھی کی جارہی ہے

چنیوٹ
فیسکو چناب نگر کے اہلکاروں کی غفلت کی وجہ سے 5 ٹرانسفارمر جل کر تباہ ہوگئے ٹرانسفارمرز کو آگ لگنے سے ہونے والے دھماکے سے قریبی علاقے میں خوف وہراس پھیل گیا
چناب نگر کے کمپلینٹ آفس کے عقب میں غیر قانونی طور پر سر عام ٹرانسفارمرذ کو رپیر کرتے ہوئے ٹرانسفارمرز کے نیچے آگ لگا کر گر م کیا جا رہا تھا کہ اس دوران ایک ٹرانسفارزور دار دھماکے سے پھٹ گیا جس کی وجہ سے قر یب پڑے 5 ٹر انسفارمر آگ کی لپیٹ میں آگئے آگ اس قدر شد ید تھی کہ پاس کےتمام لو گوں اور دوکان داروں نے اپنا سامان آٹھانا شروع کردیا اس دوران ریسکییو 1122 کو فون کیا گیا مقا می چناب نگر کے فائر بر یگییڈ نے آکر آگ پر قا بو پا لیا. اس موقع پر قر یب کے دوکانداروں نے بھاگ کر اپنی جا نیں بچائیں کوئی جا نی مالی نقصان نہیں ہوا ایس ڈی او فیسکو چناب نگر نے واقع سے لا تعلقی کا اظہا ر کیا ہے

چنیوٹ
حکومت کی جانب سے لگائے گئے ٹیکسوں کو ختم کیا جائے اگر عوام اور تاجروں پر ٹیکسوں کا ڈالا گیا بوجھ نہ ہٹایا گیا اور فیصلہ واپس نہ لیا گیا تو احتجاج کا دائیرہ کار وسیع کر دیا جائےگا جس کی تمام تر ذمہ داری حکومت وقت پر ہوگی ۔نئے پاکستان میں عوام کی زندگی کے گرد گھیرا تنگ کیا جارہا ہے۔انجمن تاجران ضلع چنیوٹ کے رہنماﺅں کی پریس کانفرنس
ضلعی مرکزی انجمن تاجران چنیوٹ کے صدر حاجی محمد جمیل فخری نے ضلع چنیوٹ،چناب نگر،لالیاں،بھوآنہ اور دیگر علاقوں مارکیٹوں کے تاجررہنماﺅں کے ہمراہ ڈسٹرکٹ پریس کلب چنیوٹ میں پریس کانفرنس کرتے ہوئے کہا ہے کہ موجودہ حکومت عوام کو زندہ درگور کرنے کی پالیسی لے کر سامنے آئی ہے اور عوام اور تاجروں کو ٹیکسوں کے ذریعے پریشان کیا جارہا ہے ۔انہوں نے کہا کہ آل پاکستان تاجر برادری کے فیصلہ کے مطابق آج ضلع چنیوٹ میں مکمل طور پر شٹرداﺅن کیا گیا ہے جس میں ضلع بھر کی تاجر برادری نے متفقہ طور پر مارکیٹوں دکانوں اور تجارتی مراکز کو بند رکھا ہے ان کا کہنا تھا کہ یہ ہڑتال ٹوکن کے طور پر کی گئی ہے اگر تاجر اور عوام کو ٹیکسوں کے بوجھ سے آزاد نہ کیا گیا اور ٹیکسوں کا خاتمہ ممکن نہ بنایا گیا تو احتجاج کا دائرہ وسیع کردیا جائےگا جس کی ذمہ دار حکومت ہوگی

چنیوٹ
ٹرین حادثات میں ہلاکتوں کی ذمہ دار محکمہ ریلوے ہے عوام کےلئے ریلوے کا سفر خطرناک ہوچکا ہے لوگوں میں خوف بڑھ گیا ہے ۔ایک ہفتہ سے چنیوٹ گندے پانی میں ڈوبا ہوا افسران لمبی تان کر سو رہے ہےں عوام گھروں محصور ہو چکے ہیں نئے پاکستان اور ریاست مدینہ کے دعویدار بتائیں کہ عوام کو حقوق کی فراہمی کون کرے گا ۔مسلم لیگ ن کے ایم پی اے مولانا الیاس چنیوٹی کی پریس کانفرنس
لیگی ایم پی اے مولانا الیاس چنیوٹی نے ڈسٹرکٹ پریس کلب چنیوٹ میں پریس کانفرنس کرتے ہوئے کہا ہے کہ محکمہ ریلوے کی غفلت کے باعث ٹرین حادثات میں اضافہ افسوسناک اور لمحہ فکریہ ہے ۔انہوں نے کہا کہ چنیوٹ سے تعلق رکھنے والے خاندان کے پانچ افراد کی ہلاکت پر لواحقین کے غم میں برابر کے شریک ہیں انہوں نے کہا کہ محکمہ ریلوے کی غفلت کے باعث ٹرین حادثات میں اضافہ اور قیمتی انسانی ہلاکتیں متعلقہ حکام اور حکومت وقت کےلئے سوالیہ نشان ہیں ٹریں کا سفر جوکبھی محفوظ سمجھا جاتا تھا اب عوام کےلئے خوف کی علامت بنتا جارہا ہے ۔انہوں نے کہ ریاست مدینہ کی دعویدار حکومت عوام کو بنیادی حقوق فراہم کرنے میں ناکام ہو چکی ہے یہی وجہ ہے کہ گزشتہ ایک ہفتہ سے چنیوٹ گندے پانی میں ڈوبا ہوا ہے عوام گندے پانی اور سیوریج کے نظام کی تباہی کی وجہ سے موذی امراض کی لپیٹ میں کوئی پرسان حال نہیں ہے اور عوام گھروں میں محصور ہو چکے ہیں میونسپل کمیٹی چنیوٹ افسران سمیت تما م ضلعی افسران عوامی مسائل کو حل کرنے کی بجائے منظر سے غائب ہیں اور ایک دوسرے پر ذمہ داری کا الزام لگا کر عوام کو ذلیل کیا جارہا ہے

چنیوٹ۔آل پاکستان تاجر برادری کی کال پر چنیوٹ میں ہڑتال کا اعلان حکومتی ٹیکسوں کے خلاف کل چنیوٹ میں تاجر برادری احتجاج کرے گی۔ ضلع بھر میں ہفتہ کو مکمل شٹرڈاؤن کا فیصلہ کیا گیا ہے۔ مین بازار کچہری بازار ریلبازار فرنیچر مارکیٹ اور دیگر مارکیٹیں بند رہیں گی۔ضلعی صدر جمیل فخری

چنیوٹ
صادق آباد ٹرین حادثہ میں چنیوٹ سے تعلق رکھنے والے پانچ افراد کی چنیوٹ میں نماز جنازہ ادا کردی گئی نماز جنازہ میں شہر کی سیاسی سماجی رہنماؤں سمیت ہزاروں افراد کی شرکت جبکہ کوئی بھی ضلعی افسر جنازہ کی ادائیگی میں شریک نہیں
گزشتہ روز صادق آباد ٹرین حادثہ میں جاں بحق ہونے والے بدقسمت خاندان کے پانچ افراد جن کا تعلق چنیوٹ سے تھا کی چنیوٹ مدرسہ فتح العلوم میں نماز جنازہ ادا کردی گئی نماز جنازہ میں شہر کی سیاسی سماجی وکلا صحافی اور دیگر تنظیموں کے نمائندوں کے علاوہ ہزاروں شہریوں نے نماز جنازہ میں شرکت کی جبکہ ضلعی افسران میں سے کوئی بھی نماز جنازہ میں شریک نہ ہوا سیاسی رہنماؤں نے نماز جنازہ کی ادائیگی کے بعد چنیوٹ کے خاندان کے پانچ افراد کی ہلاکتوں کو افسوسناک واقعہ قرار دیا ہے اور کہا ہے کہ حادثہ محکمہ ریلوے کی غفلت کے باعث پیش آیا اور ٹرینوں کے بڑھتے ہوئے حادثات افسوسناک ہیں اس پر حکومت کو سوچنے اور بہتر حکمت عملی ترتیب دینے کی ضرورت ہے محکمہ ریلوے کی نااہلی اور قیمتی انسانی ہلاکتوں پر وفاقی وزیر ریلوے شیخ رشید کو مستعفی ہو جانا چاہئے جبکہ متاثرہ خاندان کی دادرسی اور حکومت کی جانب سے کئے گئے اعلان کے مطابق لواحقین کی مالی مدد کرنے کا مطالبہ کیا گیا ہے

چنیوٹ
میونسپل کمیٹی چنیوٹ اور دیگر متعلقہ افسران کی مجرمانہ غفلت کے باعث 6 روز پہلے چنیوٹ میں ایک گھنٹہ ہونے والی موسلادھار بارش سے سیوریج کا نظام تباہ گندے پانی میں ڈوبے ہوئے درجنوں علاقوں اور قبرستان اور مشکلات سے دوچار شہریوں کو اذیت سے باہر نکالا نہیں جا سکا۔
چنیوٹ میں 6روز پہلے ایک گھنٹہ ہونے والی موسلادھار بارش سے شہر کا سیوریج سسٹم ناکارہ ہوگیا تھا جس کے باعث شہر کے درجنوں علاقے اور جھنگ روڈ پر واقع قبرستان گندے پانی میں ڈوب گئے تھے جنہیں چھ روز گزر جانے کے باوجود بھی گندے پانی سے نکالا نہیں جا سکا ہے اور میونسپل کمیٹی چنیوٹ سمیت دیگر متعلقہ افسران گزشتہ چھ روز سے مجرمانہ غفلت کی انتہاءکئے ہوئے ہیں ۔جبکہ چنیوٹ جھنگ روڈ پر واقع چنیوٹ کا سب سے بڑا قبرستان پیر حافظ دیوان قبرستان بھی سیوریج کے گندے پانی کی لپیٹ میں ہے اور سینکڑوں قبریں مکمل طور پر گندے پانی میں ڈوبی ہوئی ہیں جبکہ سینکڑوں قبریں سیوریج کے گندے پانی سے منہدم بھی ہوگئی ہیں جس پر متعلقہ ضلعی افسران کی جانب سے شہریوں کو اس اذیت سے نکالا نہیں جاسکا ہے ۔اور سیوریج سسٹم کی بحالی اور گندے پانی کو روکنے اور مستقل طور پر سدباب کیلئے تاحال کوئی اقدامات نہ کئے جا سکے ہیں۔