Category: چنیوٹ

چنیوٹ
چنیوٹ میں پولیس گردی کا ایک اور واقعہ چوکی جامعہ آباد پولیس کا غریب شخص کی گھر پر دھاوا خواتین پر وحشیانہ تشدد پولیس نے اینٹیں مار کر متعدد خواتین کے سر پھاڑ دئیے علاقہ میدان جنگ بن گیا
چنیوٹ کے نواحی علاقہ موضع درہٹہ میں پولیس گردی کا افسوسناک واقعہ پیش آیا ہے جہاں چوکی جامعہ آباد پولیس نے غریب محنت کش کے گھر پر مبینہ طور پر قبضہ گروپ کے ہمراہ دھاوا بول دیا چادر اور چاردیواری کا تقدس پامال کرتے ہوئے خواتین بچوں بوڑھوں کو مبینہ طور پر وحشیانہ تشدد کا نشانہ کا نشانہ بناتے ہوئے پولیس نے اینٹوں سے حملہ کیا جس سے متعدد خواتین کے سر پھٹ گئے جبکہ متعدد افراد زخمی ہوگئے علاقہ میدان جنگ میں تبدیل ہوگیا متاثرہ خاندان کے سربراہ ظفر خان کا کہنا ہے کہ اس کا چچا احمد علی نے جعلی کاغذات پر چوکی جامعہ آباد پولیس کے ہمراہ مکان پر قبضہ کرنے کی کوشش کی منع کرنے پر جامعہ آباد پولیس نے مزاحمت کرتے ہوئے مبینہ تشدد شروع کردیا اور علاقہ میدان جنگ میں تبدیل ہوگیا پولیس کے تشدد سے متعدد خواتین بچے بوڑھے زخمی ہوگئے متاثرہ خاندان کے مطابق درخواست پر ڈی پی او چنیوٹ نے تاحال کسی قسم کی کوئی کارروائی نہیں کی اور ڈی پی او چنیوٹ پولیس گردی کرنے والے پولیس ملازمین کو مبینہ طور پر تحفظ فراہم کررہے ہیں متاثرہ خاندان نے وزیر اعلیٰ پنجاب سے نوٹس لیتے ہوئے عوام پر تشدد اور ظلم کرنے اور انہیں تحفظ فراہم کرنے والے پولیس افسر و ملازمین کو ضلع بدر کریں

چنیوٹ
تبدیلی سرکار صحافیوں کو تحفظ فراہم کرنے میں ناکام چنیوٹ میں پولیس گردی کے واقعات میں اضافہ تھانہ سٹی پولیس کی صحافی سے بدتمیزی موٹرسائیکل چوری کا مقدمہ درج کرانے پر پولیس انتقامی کارروائی پر اتر آئی
تھانہ سٹی چنیوٹ پولیس نے موٹرسائیکل چوری کرنے والے ملزمان کے خلاف مقدمہ درج کرنے میں تاخیر کی جس پر مقامی رپورٹر نے ڈی پی او چنیوٹ محمد انور کیتھران کو تھانہ سٹی پولیس کے منفی رویہ سے آگاہ کیا تو تھانہ سٹی پولیس آپے سے باہر ہوگئی مقدمہ کی کاپی حاصل کرنے کیلئے گئے مقامی رپورٹر معصب الحق رجوکہ کو ایس ایچ او تھانہ سٹی چنیوٹ اور دیگر پولیس ملازمین نے تشدد کا نشانہ بناتے ہوئے موبائل چھین لیا گالم گلوچ کرتے رہے اور کہا کہ صحافی ہونے اور ہمارے افسران کو شکایت لگانے پر تمہیں معاف نہیں کیا جاسکتا متاثرہ مقامی رپورٹر نے تھانہ سٹی پولیس کی جانب سے ہونے والی پولیس گردی کے خلاف کارروائی کرنے کیلئے ڈی پی او چنیوٹ محمد انور کیتھران کو تحریری درخواست دی ہے جس پر تاحال کسی قسم کی محکمانہ کارروائی نہ کی گئی ہے جس پر چنیوٹ کی صحافی برادری نے وزیر اعلیٰ پنجاب آئی جی پنجاب سے فوری نوٹس لینے کا مطالبہ کیا ہے۔

چنیوٹ
چنیوٹ میں سیوریج کے گندے پانی سے سبزیوں کی بڑے پیمانے پر پیداوار چنیوٹ سمیت پنجاب کے دیگر درجنوں اضلاع کو بھی سپلائی کا انکشاف محکمہ فوڈز سمیت دیگر متعلقہ حکام نے مبینہ طور پر مجرمانہ خاموشی اختیار کر لی
چنیوٹ جھنگ روڈ بائی پاس کے اردگرد سینکڑوں ایکڑ پر سیوریج کے گندے پانی سے سبزیاں اگائی جانے لگی ہیں چنیوٹ کی 40 فیصد آبادی سیوریج کے گندے پانی سے تیار کی جانے والی سبزیاں کھانے پر مجبور جبکہ یہی مضر صحت سبزیاں پنجاب کے دیگر درجنوں اضلاع میں بھی مبینہ طور پر فروخت کے لئے سپلائی کئے جانے کا انکشاف بھی سامنے آیا ہے جس پر متعلقہ ضلعی افسران اور محکمہ فوڈز مکمل طور پر خاموش تماشائی کا کردار ادا کررہے ہیں۔جبکہ میونسپل کمیٹی چنیوٹ کی جانب سے سبزیاں کاشت کرنے والے کاشتکاروں کو گندے پانی کی سپلائی پر مبینہ طور پر معاوضہ بھی وصول کئے جانے کا انکشاف سامنے آیا ہے جس کے باعث بلا خوف و خطر شہر کا سارا گندا پانی فضلوں کو لگایا جارہا ہے گندے پانی سےپالک،بیگن،سبز مرچیں۔کدو۔گھیا توری۔سبز توری۔دھنیا۔کھیرے۔کریلے اور دیگر کی فضل تیار کی جارہی ہے اس حوالہ سے طبی ماہرین کا کہنا ہے کہ گندے پانی سے تیار کی جانے والی سبزیوں کے استعمال سے پیٹ،ہیضہ،ٹائیفائیڈ بخار،اور ہپاٹائٹس کی امراض تیزی سے پھیل رہی ہے شہریوں نے ضلعی انتظامیہ سے گندے پانی سے تیار کی گئی سبزیوں کو تلف کرنے کا مطالبہ کیا ہے

چنیوٹ
ذاتی رنجش کی بنا پر دسویں جماعت کا طالبعلم اور اس کا ماموں دن دیہاڑے اغوا مقدمہ درج ہونے کے باوجود پولیس اغوا کاروں کو گرفتار کرنے اور مغوی ماموں بھانجا کو بازیاب کروانے میں ناکام متاثرہ خاندان کا احتجاج وزیر اعلیٰ پنجاب سے نوٹس لینے کا مطالبہ
تھانہ محمد والا چنیوٹ کے نواحی گاؤں ٹھٹی بالا راجہ میں علاقے کے جاگیر داروں نے ذاتی رنجش کی بنا پر دسویں جماعت کے طالبعلم عباس اور اس کے ماموں محمد نواز کو دن دیہاڑے گن پوائنٹ پر جان سے مار دینے کی دھمکی دیتے ہوئے مبینہ طور پر اغوا کرلیا متاثرہ خاندان کے مطابق عباس اور اس کا ماموں محمد نواز کو ملزمان صدیق ، ناصر ، جعفر اور دیگر ساتھیوں کی مدد اور اسحلہ کے زور پر تشدد کرتے ہوئے سفید رنگ کی کار میں زبردستی بیٹھا کر نامعلوم مقام پر لے گئے۔اغوا ہونے والے عباس اور محمد نواز کے بھائی نے اغوا کاروں کی لڑکی سے پسند کی شادی کررکھی ہے جس پر ملزمان نے اسلحہ کے زور پر ماما اور بھانجے کو اغوا کر لیا لواحقین نے میڈیا سے بات کرتے ہوئے بتایا کہ کچھ عرصہ قبل ان کی بچی نے اپنی آزاد مرضی سے شادی کی تھی جس کی بنا پر ہمارے بچے اور بھائی کو اغوا کر کے قتل کرنا چاہتے ہیں۔پولیس ہمارے افراد کو بازیاب نہیں کروا سکے متاثرہ خاندان نے ارباب اختیار سے اپیل کی ہے کہ ان جاگیرداروں کو گرفتار کر کے ہمارے افراد کو بازیاب کروایا جائے

چنیوٹ
چائے کے چھینٹے گرانے پر نوجوان طیش میں آگیا 70 سالہ بزرگ کو مبینہ تشدد کرتے ہوئے موت کے گھاٹ اتار دیا۔پولیس کے ملزمان کی گرفتاری کیلئے چھاپے
تھانہ لالیاں کے علاقہ کوٹ اسماعیل میں چائے کی معمولی چھینٹیں کپڑوں پر پڑنے سے نوجوان نے طیش میں آ کر 70 سالہ بزرگ کی جان لے لی اطلاعات کے مطابق چنیوٹ تھانہ لالیاں کے علاقہ کوٹ اسمعیل پل پہ ہنڈائی ڈالہ جو کہ مال مویشی سے لوڈ تھا ایک پنکچر شاپ پر ہوا بھروانے کے لئےرکا۔تو وہاں بیٹھے فہد نامی نوجوان جو کہ کوٹ اسمعیل کا رہائشی ہے چائے پی رہا تھا کہ مقتول فقیر حسین قریب سے گزرا تو چائے کی پیالی سے ٹکرایا جس سسے چائے کی چھینٹیں فہد لالی کے کپڑوں پر پڑ گئیں جس سے طیش میں آ کر فہد لالی نے بزرگ شخص مقتول فقیر حسین کو مبینہ تشدد کا نشانہ بنایا جس سےفقیر حسین دل پر گہری چوٹ لگنے کے باعث جانبر نہ ہوسکا اور موقع پر ہی جاں بحق ہو گیا تاہم پولیس نے لاش کو قبضہ میں لے کر پوسٹمارٹم کے لئے اسپتال منتقل کردیا ہے اور پولیس نے ملزم فہد اور 2 نامعلوم افراد کے خلاف مقدمہ درج کر کے تلاش شروع کر دی ہے

چنیوٹ
تحریک انصاف کی حکومت میں بھی مظلوموں کو انصاف ملنا محال ہوگیا معذور والدین کی اکلوتی بیٹی گن پوائنٹ پر اغوا کرلی گئی تھانہ سٹی پولیس اغوا کاروں کی مدد اور مظلوم خاندان کی جانی دشمن بن گئی متاثرہ خاندان دو ماہ سے دربدر
چنیوٹ کے نواحی علاقہ نیو بابو راو میں مسلح ملزمان نے معذور والدین کے گھر میں گھس کر ان کی اکلوتی بیٹی اور زندگی کا واحد سہارا آسیہ بی بی کو جان سے مار دینے کی دھمکی دیتے ہوئے مبینہ اغوا کرلیا اغوا ہونے والی آسیہ بی بی کا والد نابینا جبکہ والدہ ٹانگوں سے معذور چل نہیں سکتی واقعہ کو دو ماہ ہوچکے مگر چنیوٹ تھانہ سٹی پولیس بااثر اغوا کاروں کے خلاف مقدمہ درج کرنے کے بعد کوئی کارروائی نہیں کررہی متاثرہ معذور والدین کے مطابق بااثر ملزمان کا تعلق شاہ جیونہ سے ہے اور اغوا کار ملزمان تھانہ سٹی پولیس چوکی دل خوشاب پولیس سے ساز باز ہیں اور چوکی دل خوشاب پولیس کا انچارج ملزمان کے ساتھ صلح کرنے کیلئے دباؤ ڈال رہا ہے اور انکار کرنے پر سنگین نتائج کی دھمکیاں دے رہا ہے متاثرہ والدین کا کہنا ہے کہ اگر ان کی بچی کو بازیاب نہ کروایا گیا تو وہ چنیوٹ پولیس کے ظلم سے تنگ آکر خود سوزی کرلیں گے اور اس کی ذمہ دار چنیوٹ پولیس ہوگی متاثرہ خاندان نے وزیر اعظم پاکستان چیف جسٹس سپریم کورٹ اور وزیر اعلیٰ پنجاب سے نوٹس لینے کا مطالبہ کیا ہے

چنیوٹ
چنیوٹ کے نواحی علاقہ کوٹ وساوا میں روٹھی بیوی نہ ماننے پر نشے میں دھت شوہر کا بیوی اور ساس پر بہیمانہ تشدد دانت اور بازو توڑ دیا متاثرہ خاندان حصول انصاف کے لئے دربدر ہوگیا
چنیوٹ میں نشے میں دھت خاوند نے روٹھی بیوی کو منانے میں ناکامی پر بیہمانہ تشدد کا نشانہ بنا دیا ساس پر بھی حملہ آور ہو گیا دونوں ماں بیٹی شدید زخمی حالت میں طبی امداد کے لئے اسپتال منتقل متاثرہ خاندان کے مطابق ان کے داماد جوکہ نشہ کا عادی ہے ملزم ظفر نے اپنی ساس اور بیوی کو بری طرح تشدد کا نشانہ بنایا نشہ میں دھت شوہر نے بیوی کے دانت توڑ دئیے اور ساس کا بازو توڑ دیابلقیس بی بی اور بخت بی بی اسپتال میں زیر علاج ہیں بلقیس بی بی شوہر کے تشدد سے تنگ آ کر کچھ دن قبل روٹھ کر میکے گئی تھی۔ پولیس کاروائی کے لئے تعاون نہیں کر رہی متاثرہ خاندان نے اعلیٰ حکام سے نوٹس لینے کا مطالبہ کیا ہے

چنیوٹ
چنیوٹ میں چوری کی وارداتوں میں ملوث خواتین کا گروہ سرگرم چور گینگ کی خواتین نے جیولرز شاپ سے دن دیہاڑے لاکھوں روپے کا سونا غائب کرلیا واقعہ کی سی سی ٹی وی منظرعام پر آگئی
تھانہ سٹی کے علاقہ صرافہ بازار میں خواتین چور گینگ کی واردات جیولرز شاپ سے سونا خریدنے کی غرض سے دکان میں داخل ہونے والی خواتین نے دکاندار کو چکما دیتے ہوئے لاکھوں روپے کا سونا جس میں سونے کی انگوٹھیاں بتائی گئی ہیں چور گینگ خواتین چوری کرکے فرار ہونے میں کامیاب ہو گئیں جبکہ چوری کی واردات کی سی سی ٹی وی فوٹیج منظر عام پر آگئی تاہم پولیس اس گینگ میں ملوث خواتین اور دیگر ملزمان کو گرفتار کرنے میں ناکام رہی ہے متاثرہ دکاندار نے ارباب اختیار سے مدد چور گینگ کی گرفتاری کا مطالبہ کیا ہے

چنیوٹ
چنیوٹ پولیس نے ڈکیتی،راہزنی،چوری کی متعدد وارداتوں میں مطلوب بین الاضلاعی بودی ڈکیت گینگ کے پانچ ملزمان گرفتارکرلیا۔ملزمان کے قبضہ سے 8لاکھ سے زائد نقدی،مال مسروقہ،ناجائز اسلحہ برآمد،
ڈی ایس پی سٹی چنیوٹ غلام مرتضیٰ چیمہ کے مطابق چنیوٹ پولیس نے کاروائی کرتے ہوئے ڈکیتی،چوری،راہزنی کی متعدد وارداتوں میں مطلوب بین الاضلاعی ڈکیت گینگ کے 5ملزمان کو گرفتار کرلیا۔انہوں نے بتایا ہے کہ انچارج سی آئی اے ایس ایچ او لنگرانہ نے اپنی ٹیم کے ہمراہ کارروائی کرتے ہوئے ڈکیت گینگ کے بابر عرف بابری،جعفر عرف کالو، آصف عرف کاکا،سرفراز عرف فاضی،عظمت عرف بودی کو گرفتار کرلیا۔جبکہ ملزمان کے قبضہ سے 8لاکھ سے زائد نقدی، مال مسروقہ،ناجائز اسلحہ 4پسٹل،وارداتوں میں استعمال کیا جانے والا موٹرسائیکل برآمد کرلیا گیا۔ملزمان سٹی چنیوٹ،صدر،رجوعہ،ضلع فیصل آباد کی متعدد وارداتوں میں مطلوب تھے۔ملزمان سے مزید تفتیش کا عمل جاری ہے۔ڈی پی او چنیوٹ محمد انور کھیتران نے محمد افضل ایس آئی اور انکی ٹیم کی کارکردگی کو سراہا اور انعام و تعریفی سرٹیفکیٹس دینے کا اعلان کیاہے

چنیوٹ
چنیوٹ سرگودھا روڈ پر تیزرفتار ڈمپر دریائے چناب ٹول پلازہ پر چڑھ گیا۔ تین افراد زخمی ایک کی حالت تشویشناک زخمیوں کو ڈی ایچ کیو چنیوٹ منتقل کردیا گیا
چنیوٹ سرگودھا روڈ پر تیزرفتار ڈمپر ٹول پلازہ پر چڑھ گیا ۔حادثہ میں ڈرائیور سمیت تین افراد شدید زخمی ایک کی حالت تشویشناکبیان کی گئی ہے جبکہ حادثہ ڈمپر ڈرائیور کو اونگھ آنے کی وجہ سے پیش آیا۔ریسکیو 1122 کی امدادی ٹیم دریائے چناب ٹول پلازہ پر پہنچ گئی زخمیوں کو ڈسٹرکٹ ہیڈکوارٹر اسپتال منتقل کردیا گیاہے ۔دریائے چناب ٹول پلازہ کا کیبن اور دیگر سامان بھی تباہ ہوگیا