Category: چنیوٹ

تبدیلی سرکار بھی پولیس کا قبلہ درست کرنے میں ناکام۔چنیوٹ میں مفت پٹرول نہ دینے والے پٹرول پمپ مالک کے خلاف مقدمہ درج سنگین نتائج کی دھمکیاں واقعہ کی سی سی ٹی وی فوٹیج منظر عام پر آگئی
پولیس ریفارمز کے دعوے دھرے کے دھرے رہ گئے چنیوٹ پولیس کا ایک اور مبینہ پولیس گردی کا واقعہ سامنے آگیا مفت پٹرول دینے سے انکار پر چنیوٹ پولیس آپے سے باہر ہو گئی پٹرول نہ ملنے پر مالک کے خلاف مقدمہ درج کردیا گیا۔چنیوٹ سرگودھا روڈ بائی پاس کے قریب واقع چناب پیٹرولیم کے مالک احسن کو چوکی دلخشاب کی گاڑی کو مزید ”مفت ””کا پٹرول دینے سے انکارمہنگا پڑ گیا،پولیس نے تین دن پہلے رات کوسیکورٹی شرائط پوری نہ کرنے کا مقدمہ درج کر دیا،سی سی ٹی وی فوٹیج میں دیکھا جا سکتا ہے کہ جب پولیس کی گاڑی آئی تو عملہ موجود تھا جب کہ مقدمہ میں کسی شخص کے پمپ پرموجود نہ ہونے پر ایف ائی آر درج کی گئی۔متاثرہ شخص نے وزیراعظم پاکستان اور وزیر اعلیٰ پنجاب سے فوری انصاف کا مطالبہ کیا ہے اور مبینہ طور پر بھتہ وصول کرنے والے چنیوٹ پولیس کے ملازمین کے خلاف کارروائی کا بھی مطالبہ کیا ہے

چنیوٹ ۔ پاکستان پیپلز پارٹی کے درجنوں کارکنان کا آصف زرداری،فریال تالپور کی گرفتاری کے خلاف ڈسٹرکٹ پریس کلب چنیوٹ کے سامنے احتجاج ۔ حکومت کے خلاف نعرے بازی ۔ تفصیلات کے مطابق ضلعی صدر پاکستان پیپلز پارٹی۔ تحصیل صدر سید کلیم امیر ۔ ڈویژنل سیکرٹری اطلاعات ڈاکٹر جاوید اقبال قمر ۔ ضلعی سیکرٹری اطلاعات غلام عباس ساقی ۔ سٹی جنرل سیکریٹری ثاقب علی کی قیادت میں درجنوں کارکنان نے ڈسٹرکٹ پریس کلب چنیوٹ کے سامنے آصف علی زرداری اور فریال تالپور کی گرفتاری کے خلاف احتجاج کیا اور حکومت کے خلاف شدید نعرے بازی کی ۔ مقررین کا کہنا تھا کہ حکومت نیب کے ذریعے اپوزیشن کے افراد کو بلا جواز گرفتار کر رہی ہے جب کہ حکومتی ارکان جو کہ کرپشن میں ملوث ہیں انہیں کلین چٹ دیے ہوئے ہے ہم اس غلط اور دوہری پالیسی کو نہیں مانتے اور مطالبہ کرتے ہیں کہ نیب غیر جانبدارانہ طور پر سب کی تحقیقات کرے ۔ ایک سوال کے جواب میں سید علی رضا زیدی نے کہا کہ قیادت کی جانب سے کال کا انتظار ہے جس کے بعد احتجاج کا دائرہ کار وسیع کیا جائے گا اور دما دم مست قلندر ہو گا

چنیوٹ
تھانہ لنگرانہ پولیس کی بڑی کارروائی بین الصوبائی منشیات گینگ کے دو اہم رکن گرفتار گاڑی کے خفیہ خانوں سے کروڑوں روپے کی ہیروئن برآمد کرلی گئی ملزمان پنجاب کے دیگر اضلاع میں بھی منشیات اسمگل کررہے تھے
چنیوٹ تھانہ لنگرانہ پولیس کی بڑی کاروائی بین الاصوبائی دو منشیات سمگلرز گرفتار کر لئے گئے مخبری ہونے پر پولیس کی جانب سے ناکہ بندی کی گئی تو دوران چیکنک گاڑی کے خفیہ خانوں سے 10 کروڑ مالیت کی 15 کلو ہیروئن برآمد ہوئی ہے.کھڑکو پل کے قریب ناکہ بندی کے دوران ملزمان کو گرفتار کیا گیا.ملزمان ارشد اور بخت نواب کا تعلق کے پی کے ضلع مردان سے ہے. گرفتار ملزمان نے مقامی ڈیلر زبیر, ساجد اور عابد ٹھیٹھیہ کو سپلائی کرنی تھے.ملزمان سے مزید تفتیش کا عمل جاری ہے اہم انکشافات متوقع ہیں۔منشیات اسمگل کرنے والے گینگ کے اہم ملزمان کو گرفتار کرنے پر ڈی پی او چنیوٹ محمد انور کیتھران کی جانب سے تھانہ لنگرانہ پولیس کی کارکردگی پر ایک لاکھ روپے انعام اور تعریفی اسناد دینے کا بھی اعلان کیا گیا ہے

چنیوٹ ( ) تمام ترقیاتی منصوبوں کو بروقت مکمل کیا جائے اس سلسلہ میں کسی قسم کی سستی ہرگز برداشت نہیں کی جائے گی ، ان خیالات کا اظہار ڈپٹی کمشنر سید امان انور قدوائی نے ضلع بھر میں جاری ترقیاتی منصوبوں کے جائزہ کے سلسلہ میں منعقدہ اجلاس میں متعلقہ محکموں کے افسران کو ہدایات دیتے ہوئے کیا ، اجلاس میں ڈپٹی ڈائریکٹر ڈویلپمنٹ چنیوٹ سعید احمد ، سی او ایجوکیشن چوہدری ذوالفقار علی ، سی او ہیلتھ ڈاکٹر مشتاق بشیر عاکف ، ایکسین بلڈنگ ، ایکسین پبلک ہیلتھ ، ایکسین روڑز و دیگر متعلقہ محکموں کے افسران نے شرکت کی ، ڈپٹی ڈائریکٹر ڈویلپمنٹ سعید احمد نے بریفنگ اور ضلع بھر مختلف مقامات پر جاری ترقیاتی منصوبوں کا جائزہ لیا گیا جس کے بعد ڈپٹی کمشنر سید امان انور قدوائی نے تمام متعلقہ محکموں کے افسران کوحکم جاری کیا کہ وہ گورنمنٹ کی طرف سے جاری کردہ فنڈز کو 20جون تک خرچ کریں اور تمام ترقیاتی منصوبوں کو مکمل کریں اس سلسلہ میں کسی بھی قسم کی سستی یا لاپرواہی کرنے والوں کے خلاف قانونی کاروائی عمل میں لائی جائے گی ۔  

چنیوٹ
ایف آئی اے فیصل آباد ٹیم کا پاسپورٹ آفس چنیوٹ میں چھاپہ شہری سے بھاری رشوت وصول کرنے والا ڈیٹا آپریٹررنگے ہاتھوں گرفتار کرلیا گیا
ڈائریکٹر ایف آئی اے فیصل آباد کو چنیوٹ کے رہائشی محمد قاسم نے تحریری درخواست دی جس میں پاسپورٹ آفس کے ڈیٹا آپریٹر فخر شاہ پر الزام لگایا کہ فخر شاہ نے پاسپورٹ بنوانے کی مد میں دس ہزار روپے رشوت مانگی ہے جس پر ایف آئی اے ٹیم نے علاقہ مجسٹریٹ کے ہمراہ پاسپورٹ آفس میں چھاپہ مارا اور شہری محمد قاسم سے دس ہزار روپے رشوت لینے والے پاسپورٹ آفس چنیوٹ کے ملازم فخر شاہ کو رنگے ہاتھوں گرفتار کرلیا ہے اور مقدمہ درج کرکے مزید کارروائی کے ایف آئی اے سیل فیصل آباد منتقل کردیا ہے ملزم کافی عرصہ سے پاسپورٹ بنوانے والے شہریوں سے مختلف اعتراضات لگا کر بھاری رشوت وصول کر رہا تھا

چنیوٹ
ضلعی حکومت عوام کو پینے کا صاف پانی فراہم کرنے میں ناکام کروڑوں روپے کے لگائے گئے فلٹریشن پلانٹس لاوارث ہوگئے زندگی بخشنے والا پانی پینے والے شہری موذی امراض کا شکار ہونے لگے
ضلع چنیوٹ میں پنجاب حکومت کے احکامات پر ضلعی حکومت کی جانب سے لگائے جانے والے درجنوں واٹر فلٹریشن پلانٹس لاوارث ہوگئے متعدد فلٹریشن پلانٹس پر ملازمین نہ ہونے کی وجہ سے مناسب دیکھ بھال کا نظام مکمل طور پر ختم ہو گیا جس کی وجہ سے ان فلٹریشن پلانٹس کے فلٹرز تبدیل نہیں کئے جا رہے جس کی وجہ سے پینے کا پانی مضر صحت ہونے کا مبینہ انکشاف سامنے آیا ہے شہریوں کا کہنا ہے کہ چنیوٹ میں پینے کا صاف پانی زندگیوں کو محفوظ بنانے کی بجائے انسانی زندگیوں کے لئے مضر صحت ہونے کی وجہ سے خطرناک ہوتا جارہا ہے جبکہ متعلقہ ضلعی افسران ان درجنوں واٹر فلٹریشن پلانٹس کو بہتر بنانے کیلئے کوئی مثبت کردار ادا نہیں کررہے ہیں جس پر چنیوٹ کے عوام نے وزیر اعلیٰ پنجاب سے فوری طور پر نوٹس لینے کا مطالبہ کیا ہے