Category: فیصل آباد

فیصل آباد کے چک 119 ج ب سمانہ میں ڈکیتی کے دوران ڈاکوؤں نے خاتون سے مبینہ زیادتی کی ہے۔

باغی تی وی: پولیس کے مطابق 2 ڈاکو رات میں گھر میں گھسےجنہوں نے اسلحے کے زور پر خاتون سے زیادتی کی ۔مدعی مقدمہ کے مطابق خاتون کو زیادتی کا نشانہ بنانے کے بعد ڈاکو نقدی اور زیورات لوٹ کر فرار ہو گئے۔فیصل آباد پولیس کا کہنا ہے کہ واقعہ 2 دن قبل پیش آیا تھا، متاثرہ خاتون کامیڈیکل کرایا جا رہا ہے۔واضح رہے کہ فیصل آباد میں مسلسل زیادتی کیسوں میں اضافہ ہو رہا ہے گزشتہ روز بھی تھانہ ساہیانوالہ کے علاقہ سالار والا کی رہائشی لڑکی (الف) کانشانہ بنادیا گیا۔ تھانہ ٹھیکریوالہ 67 ج ب میں اوباش ملزم سمیر نے لڑکے (ب ) کوہوس کانشانہ بناڈالا۔

اس سے قبل 21 اگست کو فیصل آباد کے چک چھ میں محنت کش کے آٹھ سالہ بیٹے کو زیادتی کے بعد قتل کر دیا گیا، گرفتار ملزم وارث علی نے دوران تفتیش جرم کا اعتراف کرلیا۔ ذرائع نے بتایا کہ چک چھ کے رہائشی آصف کا 8 سالہ بیٹا طیب منگل کے روز لاپتا ہو گیا تھا، تلاش کے باوجود طیب کا کہیں سراغ نہ ملا، اسی دوران علاقہ مکینوں نے بتایا کہ انہوں نے بچے کو اسی علاقے کے رہائشی وارث علی کے ساتھ گاؤں سے باہر جاتے دیکھا تھا۔

وزیراعلیٰ خیبر پختونخوا علی امین گنڈا پور کی 9 مئی کے چار مقدمات میں ضمانت منظور کر لی گئی

پنجاب کے شہر فیصل آباد کی انسدادِ دہشت گردی عدالت نے وزیرِ اعلیٰ خیبر پختونخوا علی امین گنڈا پور کی درخواستِ ضمانت پر سماعت کی،علی امین گنڈا پور عدالت میں پیش ہوئے،عدالت نے 4 مقدمات میں علی امین گنڈا پور کی عبوری ضمانت منظور کر لی،عدالت نے وزیراعلیٰ کے پی علی امین گنڈا پور کو 12 ستمبر کو دوبارہ پیش ہونے کا حکم دے دیا، علی امین گنڈا پور 9 مئی کے واقعات کے 4 مقدمات میں نامزد ہیں

علی امین گنڈا پور کی گرفتاری کے لئے پولیس نے انکے گھر ڈیرہ اسماعیل خان میں چھاپہ مارا 

علی امین خان گنڈہ پور کی گرفتاری کیلئے ضلعی پولیس کاالامین ہاؤس پر چھاپہ

پی ٹی آئی رہنما علی امین گنڈہ پور گرفتاری کے ڈر سے روپوش ہوگئے.

علی امین گنڈا پور کی مشکلات میں اضافہ

علی امین گنڈا پور کی جانب سے داجل چیک پوسٹ بھکر پر فائرنگ

گنڈا پور کو اسلام آباد پولیس کے حوالے کر دیا گیا

واضح رہے کہ نو مئی کے مقدمات میں تحریک انصاف کی قیادت،کارکنان نامزد ہیں، نومئی کے مقدمے مختلف شہروں میں درج کئے گئے ہیں، عمران خان سے بھی نومئی کے مقدمات کی تحقیقات ہوئی، عمران خان کا نومئی کا ٹرائل ملٹری کورٹ میں ہونے کا امکان ہے، نو مئی کے واقعہ کے بعد مراد سعید ابھی تک روپوش ہے،عمران خان کی بہنیں بھی مقدمہ میں نامزد ہیں اور ضمانت پر ہیں

اے سی پھٹنے سے پانچ افراد کی موت ہو گئی

واقعہ فیصل آباد میں پیش آیا، حجام کی دکان پر لگا اے سی پھٹ گیا، واقعہ میں چھ افراد زخمی ہوئے جن میں سے 5 ہسپتال میں دم توڑ گئے، ایک زخمی ہسپتال میں زیر علاج ہے،اے سی پھٹنے والوں سے جان سے جانے والوں میں حسنین، علی انور، علی رضا، عثمان،اور نبیل شامل ہیں، شہری حکام کی دکان پر موجود تھے کہ اچانک اے سی پھٹ گیا تھا،اور آگ لگ گئی، مرنیوالے تمام شہریوں کا تعلق ایک ہی محلے سے ہے، تمام جاں‌بحق افراد کی نمازجنازہ ادا کر دی گئی ہے،

پولیس حکام کے مطابق حجام کی دکان پر اے سی لگا ہوا تھا، شہری بال کٹوانے کے لئے دکان پر موجود تھے کہ اے سی پھٹا اور آگ لگ گئی، شہریوں کی موت جھلسنے سے ہوئی ہے،

امیر جماعت اسلامی حافظ نعیم الرحمن نے ڈسڑکٹ بارفیصل آباد سے خطاب کرتے ہوئے کہا ہے کہ 26 جولائی کو اسلام آباد حق لینے آ رہے ہیں، خیرات نہیں اپنا حق لیں گے، دھرنا دیں گے اور عوام کا حق لیے بغیر نہیں اٹھیں گے۔ سیاسی پارٹیاں اپنے اندر انتخابات نہیں کراتیں، جمہوریت کی باتیں کرتی ہیں، جعلی مینڈیٹ والی حکومت کوقوم کے سر پر بٹھا دیا گیا، ملک پہلے ہی بہت پیچھے جا چکا، فارم 47 کی نہیں فارم 45 کی حکومت بنائی جائے۔ ہم پرامن سیاسی مزاحمت پر یقین رکھتے ہیں۔ عوام کے حق کیلئے جمہوری آئینی جدوجہد کا راستہ اختیار کریں گے، جمہوریت صرف جماعت اسلامی اور وکلا کے طریقہ انتخاب میں ہے۔وکلاء اور شہریوں کی فیصل آباد میں ہائی کورٹ بنچ کے قیام کے مطالبہ کی مکمل حمائت کرتے ہیں۔

اس موقع پرصدرڈسٹرکٹ بارمیاں انوارالحق،سیکرٹری رانامرتضی حکیم،ممبرپنجاب بارفاروق ڈوگر،امیرجماعت اسلامی پنجاب جاوید قصوری،ضلعی امیرمحبوب الزماں بٹ نے بھی خطاب کیا۔

آئی پی پیز کے ساتھ کئے گئے ظالمانہ معاہدے فی الفور مذاکرات کرکے ختم کیے جائیں،حافظ نعیم
حافظ نعیم الرحمان نے کہا کہ آئی ایم ایف سے کیے گئے خفیہ معاہدے قوم کے سامنے لائے جائیں۔ ظالمانہ ٹیرف، سلیب سسٹم اور آئی پی پیز معاہدے ختم کیے جائیں۔ آئی پی پیز کے ساتھ کئے گئے ظالمانہ معاہدے فی الفور مذاکرات کرکے ختم کیے جائیں، تنخواہ داروں پر ٹیکسز واپس لیے جائیں، بجلی کا ٹیرف کم کیا جائے، عوام کو سولر سسٹم نہیں ڈائریکٹ ریلیف دیا جائے۔ حکومت اگر الیکشن میں چوری کو تسلیم کرتے ہو ئے فارم 45 کی حکومت بنائے۔ جماعت اسلامی کا واضح موقف ہے،فارم 45 کی بنیاد پر حکومت تشکیل دی جائے جمہوری ریاست میں حق حکمرانی صرف عوام کا ہے۔ موجودہ صورت حال میں وکلا کی نمائندہ بار کونسلز کو سیاسی جماعتوں کی بنیاد پر تقسیم نہیں ہونا چاہیے، ملک میں مسلط شدہ طرز حکمرانی ناکام ہوچکا، حالات کو بے قابو ہونے سے بچایا جائے، عوام کو ان کا حق دیا جائے، ٹیکس چور اقتدار کے ایوانوں میں بیٹھا ہے، تنخواہ دار 375 ارب روپے سالانہ انکم ٹیکس دیتا ہے اور جاگیر دار صرف 4 فیصد ٹیکس کیوں دیتا ہے۔یہاں تعلیم و صحت کو عوام سے دور کر دیا گیا ہے۔ نہ تعلیم ہے اور نہ صحت، تمام شعبوں میں یہ فیل ہو چکے۔ 2 کروڑ 77 لاکھ بچے بنیادی تعلیم سے محروم ہیں، عوام پر بجلی ہی نہیں بجلی کے بم گرائے جا رہے ہیں۔ آج ان لوگوں نے معیشت کا بیڑہ غرق کیا ہے جو پچھلے 77 سال سے قابض ہو کر اقتدار کے مزے لوٹ رہے ہیں۔ ہم ڈاکے سے وجود میں آنے والی حکومت سے کہتے ہیں آپ کو کوئی حق حکمرانی نہیں۔ مہنگی بجلی اور کیپسٹی چارجز کے نام پر عوام کی جیب پر ڈاکا کیوں ڈالتے ہو۔ پے درپے ٹیکسز نے قوم کی کمر توڑ کر رکھ دی ہے۔

حافظ نعیم الرحمان کا مزید کہنا تھا کہ 80 فیصد نوجوان آبادی رکھنے والا ملک تباہی کے دہانے پر ہے۔ پاکستان کا نوجوان مایوس ہو رہا ہے۔ جو طبقہ اس ملک پر 78 سال سے قابض ہے اس نے یہ حال کیا ہے۔ ملک میں بجلی گیس اور پانی کا بحران ہے۔ ملک میں تیل و گیس کے ذخائر موجود ہیں لیکن ڈرلنگ نہیں کی جا رہی۔ کیونکہ یہ مافیا آئی ایم ایف اور بیرونی آقاؤں کے رحم و کرم پر چلنے اور پلنے والی کمپنیوں پر مہربان ہے جو ملک میں انرجی کے ذخائر سے فائدہ نہیں اٹھانے دے رہے۔ حکومت پاک ایران گیس پائپ لائن پر کیوں آگے نہیں بڑھ رہی۔ یہ منصوبہ جلد اور فوری مکمل ہونا چاہیے۔ ملک کی صنعتیں، ادارے اور انڈسٹری تباہ ہو گئی ہے۔ ہم اسلام آباد میں دھرنا دیں گے اور ظالمانہ ٹیکسوں کی واپسی تک نہیں اٹھیں گے۔ ہم تنخواہ داروں، مزدوروں، کسانوں، تاجروں، صنعتکاروں کے حق کے لیے اسلام آباد آ رہے ہیں۔ جو اشرافیہ ملک کو لوٹ کر کھا رہے ان کے خلاف حق دو عوام کو تحریک شروع کر رہے ہیں۔ حق دو عوام کو تحریک سے پاکستان کے عوام کو حق دلائیں گے۔جماعت اسلامی آپ کا پلیٹ فورم ہے،جماعت اسلامی نے اس ملک کیلئے خون دیا ہے،ہمیں حب الوطنی نہ سیکھائیں۔انہوں عزہ کے مسلمان جو قربانیاں دے رہے ہیں،اپنے حصے کا کام کریں اسرائیلی مصنوعات کا بائیکاٹ کریں فلسطینیوں کی مدد کریں، فلسطین کے لوگوں کی طرف دیکھو اور کھل کر مزاحمت کرو انشاء اللہ کامیابی ملے گی۔

فیصل آباد : دبئی جانے والے پی آئی اے کے طیارے کو پرواز سے قبل رن وے پر حادثہ پیش آیا ہے

ٹیک آف کے دوران طیارے کے دائیں انجن سے پرندہ ٹکرا گیا، پائلٹ نے فوری طور پر طیارے کی ایمرجنسی بریک لگا دی، ایمرجنسی بریک سے بائیں سائیڈ کے پچھلے دونوں ٹائرز کی ہوا نکل گئی، پرواز نمبر پی کے 223 میں سوار 145 مسافر اور عملہ محفوظ رہا، واقعہ کے بعد مسافروں کو گھر اور ہوٹل بھیج دیا گیا، اب پرواز آج جمعہ کو دبئی روانہ ہو گی،واقعہ گزشتہ شب پیش آیا