Category: فیصل آباد

فیصل آباد: پاکستان تحریک انصاف کے سابق رہنما محمد ریاض انجم اور میمونہ ثانی نے پارٹی سے علیحدگی کا اعلان کر تے ہوئے ق لیگ میں شمولیت اختیار کر لی-

باغی ٹی وی : فیصل آباد سے سابق رہنما پی ٹی آئی محمد ریاض انجم اور میمونہ ثانی نے پاکستان مسلم لیگ (ق )میں شمولیت کا اعلان کیا ہے ، مسلم لیگ ق کے رہنماؤں کی پریس کانفرنس کے دوران سابق پی ٹی آئی رہنماؤں نے پارٹی میں شمولیت کا اعلان کیا،اس موقع پر ق لیگ کے ایڈیشنل جنرل سیکرٹری پنجاب حمزہ کرامت نے پارٹی میں شامل ہونیوالے رہنماؤں کو ویلکم کیا ہے۔

دوسری جانب نوشہرہ سے مولانا فضل الرحمان کے ساتھی اور صوبائی رہنما پیر ذوالفقار باچا نے مسلم لیگ ن میں شمولیت اختیار کرلی ، مسلم لیگ (ن )کے صوبائی صدر امیر مقام اور مرکزی رہنما کیپٹن (ر) صفدر نے ذوالفقار باچا کو ن لیگ میں خوش آمدید کہا۔

محمد خان بھٹی کی تعیناتی کیس، پرویز الہٰی کی درخواست ضمانت خارج

دوسری جانب لغاری خاندان نے پارٹی میں شمولیت کا اعلان کر دیا،مسلم لیگ ن کی پورے پاکستان میں بالخصوص سندھ میں سرگر میا ں تیز ہوگئی ہیں، قیادت کی جانب سے دیگر جماعتوں کے رہنماؤں سے ملاقاتوں کا سلسلہ جاری ہے اور ان ملاقاتوں میں رہنماؤں کون لیگ میں شمولیت کی دعوتیں دی جارہی ہیں۔

سندھ سے تعلق رکھنے والے لغاری خاندان نے ن لیگ میں شمولیت اختیار کر لی ہے، لغاری سردار نے ن لیگ سندھ کے صدر بشیر میمن سے ملاقات کی اور پارٹی میں شمولیت اختیار کی، ملاقات میں مختلف ن لیگی رہنما بھی موجود تھے، لغاری خاندان کا ماضی میں دادو کی سیاست میں اہم کردار رہا ہے۔

یاد رہے کہ مسلم لیگ ن اور جمعیت علمائے اسلام پی ڈی ایم کی اتحادی جماعتیں ہیں تاہم اب دونوں جماعتوں نے اپنے اپنے طور پر الیکشن لڑنے کا اعلان کیا ہے، مولانا فضل الرحمان ایک بار پھر 5 سال کیلئے جے یو آئی کے امیر منتخب ہوگئے ہیں جبکہ مولانا عبدالغفور حیدری کو جے یو آئی کا جنرل سیکریٹری منتخب کرلیا گیا ہے-

ملک میں فی تولہ سونے کی قیمت مستحکم

فیصل آباد: ن لیگی رہنما، سابق وفاقی وزیر رانا ثنا اللہ نے مسلم لیگ ن کے ڈویژنل تنظیمی اجلاس سے خطاب کرتے ہوئے کہا ہے کہ آج تمام افراد کی یہاں موجودگی 21 اکتوبر کے ایونٹ کو کامیاب کرنے کا عزم ہے،

رانا ثنا اللہ کا کہنا تھا کہ 25 سال پہلے 12 اکتوبر 1999 کا دن ایک سیاہ دن تھا،اس دن ایک غیر آئینی مارشل لا مسلط کیا گیا،12 اکتوبر 1999 کا دن نہ ہوتا تو پاکستان آج ایشین ٹائیگر ہوتا،12 اکتوبر کا دن نہ ہوتا تو ہم اس معاشی بدحالی کا شکار نہ ہوتے،16 ماہ میں سے 11 ماہ آئی ایم ایف کو مناتے گزرے، اس وقت کی حکومت اور وزیر اعظم نے یہ حرکت کی جس کا خمیازہ ہم نے بھگتا، آئی ایم ایف سے قسط جاری کرنے کا کہا تو جواب ملا آپ نے معاہدوں کی خلاف ورزی کی، پاکستان کو ایک ایڈونچر سے گزارا گیا، ایک شخص جمہوری طریقے سے پارلیمنٹ پہنچا مگر اپوزیشن سے بات تک نہ کی، اپوزیشن نے چئیرمین پی ٹی آئی کو بطور وزیر اعظم مل بیٹھنے کا کہا، شہباز شریف نے کہا تھا آپ جیسے بھی ہیں آئیں چارٹر آف اکانومی پر مل بیٹھیں ، اس شخص نے بات سننے کی بجائے گالیاں دیں اور کہا میں انکو نہیں چھوڑوں گا، دوسری جماعتوں کے پاس کوئی اور آپشن ہے تو بتایا جائے، نواز شریف ملک کیلئے امید بن کر آرہا ہے دیگر جماعتوں کو ساتھ دینا چاہئے.

رانا ثناء اللہ کا کہنا تھا کہ پی ٹی آئی کے بطور سیاسی جماعت الیکشن میں حصہ لینے کا حامی ہوں، لیکن وہ جتھہ جس نے دفاعی تنصیبات کو نقصان پہنچایا اور شہدا کی بے حرمتی کی انہیں سزا بھگتنا ہو گی، کسی کو بد ترین جرم سے اسلئے بری نہیں کیا جا سکتا کہ اس نے الیکشن لڑنا ہے.

آئین ہماری اور پاکستان کی پہچان ، آئین کے محافظ ہیں، جسٹس قاضی فائز عیسیٰ

جسٹس قاضی فائز عیسی کیخلاف کیورواٹیو ریویو،اٹارنی جنرل چیف جسٹس کے چمبر میں پیش 

حکومت صدارتی حکمنامہ کے ذریعے چیف جسٹس کو جبری رخصت پر بھیجے،امان اللہ کنرانی

9 رکنی بینچ کے3 رکنی رہ جانا اندرونی اختلاف اورکیس پرعدم اتفاق کا نتیجہ ہے،رانا تنویر

چیف جسٹس کے بغیر کوئی جج از خود نوٹس نہیں لے سکتا،

 انصاف ہونا چاہیئے اور ہوتا نظر بھی آنا چاہیئے،

 عدالتوں میں کیسسز کا پیشگی ٹھیکہ رجسٹرار کو دے دیا جائے

باغی ٹی وی کی رپورٹ کے مطابق سابق وزیراعظم نواز شریف 21 اکتوبرکو پاکستان واپس آ رہے ہیں،نواز شریف لندن سے سعودی عرب پہنچے ہیں جہاں سے وہ یو اے ای آئیں گے اور 21 اکتوبر کو لاہور پہنچیں گے، لاہور میں مینار پاکستان پر نواز شریف جلسہ سے خطاب کریں گے

نواز شریف کے بھر پور استقبال کی تیاریاں جاری ہیں، مریم نواز روزانہ کی بنیاد پر پارٹی رہنماؤں اور کارکنان کے ساتھ استقبال کی تیاریوں کے حوالہ سے اجلاس کر رہی ہیں، ن لیگ کی کوشش ہے کہ مینار پاکستان کو بھرا جائے،اورشاندار استقبال کیا جائے،پنجاب کےتمام اضلاع میں ن لیگ کی کارنر میٹنگز ہو رہی ہے،ضلعی و تحصیلی عہدیداران کو 21 اکتوبرکو مینار پاکستان بندے لانے کے لئے ٹاسک مل گیا ہے،

وہیں پنجاب کے شہر فیصل آباد میں نواز شریف کے خلاف آج جمعرات کو سکول کے طلبا نے احتجاج کیا تو پولیس نے ان پر لاٹھی چارج کیا جس کے بعد طلبا کی دوڑیں لگ گئیں، ایک ویڈیو سامنے آئی ہے جس میں مصطفیٰ گجر نامی صارف نے دعویٰ کیا ہے کہ اساتذہ پر ہوائی فائرنگ کی گئی اور طلبا کو گرفتارکیا گیا، نہتے طلبا پر فائرنگ کی گئی، ویڈیو میں طلبا کو بھاگتے دیکھا جا سکتاہے

مصطفیٰ نامی صارف نے ٹویٹ کرتے ہوئے کہا کہ فیصل آباد گورنمنٹ کالج سکول کے بچے احتجاج کر رہے ہیں اور ان پر ہوائی فائرنگ ہو رہی ہے لاٹھی چارج ہو رہی ہے اور ان کو گرفتار کیا جا رہا ہے وہ بچے نواز شریف کے خلاف احتجاج کر رہے ہیں اب نواز شریف بھی کوئی ادارہ ہے جن کی بیحرمتی ہو جائے گی

باغی ٹی وی کے ذرائع کے مطابق پنجاب بھر میں اساتذہ اپنے حقوق کے لئے احتجاج کر رہے ہیں، اسی احتجاج کے دوران نواز شریف کے بینرز سامنے آئے تو احتجاج کے شرکا نے بینر پھاڑے، ان پر نواز شریف کی تصاویر لگی ہوئی تھیں،جس کے بعد پولیس نے اساتذہ و طلبا پر لاٹھی چارج کیا اور ہوائی فائرنگ کی،واقعہ سمندری روڈ پر پیش آیا،پولیس نے اساتذہ کو بھی گرفتار کیا ہے، پولیس نے خواتین اساتذہ کو بھی گرفتار کیا ہے،سکول کے ٹیچروں کا کہنا ہے سرکاری سکول پرائیویٹ نہ کریں بچوں کی پڑھائی میں اثر پڑے گا.پنجاب حکومت نے پنجاب کے کئی سکولوں کو پرائیویٹ کرنے کا فیصلہ کیا ہے جس کے بعد اساتذہ نے پنجاب بھر میں احتجاج شروع کر رکھا ہے،

فیصل آباد میں چوہدری صفدر مرکزی صدر پنجاب ایجوکیٹرز ایسوسی ایشن پنجاب سمیت درجنوں اساتذہ گرفتار کر لئے گئے ہیں،

پنجاب کے شہر راولپنڈی میں بھی سرکاری تعلیمی اداروں کی نجکاری کے خلاف اساتذہ سڑکوں پر نکل آئے ،نجکاری کے خلاف اساتذہ نےسی ای او ایجوکیشن کے دفتر کے باہر احتجاجی مظاہرہ کیا،مظاہرین نے ہاتھوں میں پلے کارڈز اور بینرز بھی اٹھا رکھے ہیں،مظاہرین کی جانب سے ظالمانہ اقدامات کے خلاف حکومت کے خلاف نعرے بازی کی گئی، مظاہرین کا کہنا تھا کہ سرکاری تعلیمی اداروں کی نجکاری کسی صورت قابل قبول نہیں،پنجاب حکومت کو نجکاری فیصلہ واپس لینے کے لیے 9 اکتوبر تک ڈیڈ لائن دی تھی،سرکاری تعلیمی اداروں میں ہونے والی بندش کی ذمہ داری پنجاب حکومت پر عائد ہو گی،حکومت لیوانکیشمنٹ اور پینشن ترامیم کا فیصلہ فوری طور پر واپس لے،

فیصل آباد: مسلم لیگ ن کے رہنما رانا ثناء اللہ کا کہنا ہے کہ نواز شریف کی قیادت میں ملک کو بحران سے نکالیں گے، قوم کو مایوس کرنے کے لیے ذہانت کاغلط استعمال نہ کریں-

باغی ٹی وی: فیصل آباد میں تنظیمی کنونشن سےخطاب کرتےہوئےسابق وزیر داخلہ رانا ثناء اللہ نے کہا کہ نواز شریف کی قیادت میں ملک کو بحران سے نکالیں گے، معاشی بدحالی، عام آدمی مہنگائی سے تنگ ہے،پاکستان کو دوبارہ خوشحالی کے راستے پر گامزن کریں گے، نوازشریف کیسےمعیشت بحال کریں گے،قوم کو مایوس کرنے کے لیے ذہانت کاغلط استعمال نہ کریں، نوازشریف کے خلاف سازشیں شروع کی گئیں، سول نافرمانی شروع کی گئی اور دھرنے دیئے گئے۔

سابق وفاقی وزیر نے کہا کہ ہم ملکی ترقی کے نعرے کوحقیقت میں بدلیں گے، کسی دوسرے لیڈر یا جماعت کے پاس ملکی ترقی کا راستہ نہیں، 2018 میں ملک ترقی کررہا تھا، مہنگائی نہیں تھی،مسلم لیگ ن کے رہنما نے یہ بھی کہا کہ نوازشریف کو سازش کرکے اقتدار سے ہٹایا گیا، ملکی سیاست تباہ کرنے والےمظلوم بنے ہوئے ہیں، کہتے ہیں انہیں لیول پلیئنگ فیلڈ نہیں دی جا رہی۔

اسلام آباد میں بڑھتے ہوئے جرائم کا پولیس نے ڈیٹا جاری کر دیا

دوسری جانب لاہور میں ن لیگی کارکنوں سے خطاب کرتے ہوئے سابق وفاقی وزیر مریم اورنگزیب نے کہا کہ نوازشریف 21 اکتوبر کو آرہے ہیں، نواز شریف نے 2017 میں دفتر سے نکالے جانے پر پوچھا تھا مجھے کیوں نکالا، لوگوں نے اس بات کا مذاق بنا دیا نوازشریف کے دور میں مہنگائی کم تھی، ان چوروں نے مہنگائی کہاں پہنچادی ہے، ملک ڈیفالٹ ہورہا تھا، شہبازشریف نے آ کر ملک کو بچایا، شہباز شریف نے سستا آٹا دیا جب نوازشریف وزیراعظم تھے تو ہر چیز سستی تھی، ان کے دور میں بجلی 12 روپے فی یونٹ تھی اور آٹا سستا تھا، نواز شریف چوتھی بار وزیراعظم بن کر مسائل حل کریں گے، وہ عوام کے لیے واپس آ رہے ہیں، انہوں نے اپنا مقدمہ اللہ پر چھوڑا تھا، آج منافق جھوٹا شخص اللہ کی پکڑ میں ہے۔

ضلع کیچ میں سیکیورٹی فورسز کا آپریشن، 2 دہشت گرد ہلاک

عدالتیں غیر محفوظ ہو گئیں، سخت ترین سیکورٹی کے باوجودمسلح افراد عدالتوں میں پہنچنے لگے،کل سرگودھا میں احاطہ عدالت میں قتل کر دیا گیا، تو آج فیصل آباد کی کچہری میں خاتون نے وکیل پر فائرنگ کر دی، جوابی فائرنگ میں حملہ آور خاتون کی موت ہو گئی ہے

عدالتوں میں مسلح افراد کے پہنچ جانے پر پولیس کی کارکردگی پر سوالیہ نشان اٹھ رہا ہے، سخت ترین سیکورٹی میں اسلحہ سمیت لوگ کیسے اندر پہنچتے ہیں؟ پولیس روک کیوں‌ نہیں پاتی، آج فیصل آباد میں افسوسناک واقعہ پیش آیا، فیصل آباد کی کچہری میں ایک خاتون نے وکیل پر گولیاں چلا دیں، جس سے وکیل اور کلرک زخمی ہو گئے، جنہیں طبی امداد کے لئے ہسپتال منتقل کر دیا گیا، وکیل کے گارڈ کی جانب سے جوابی فائرنگ کی گئی، جس کے نتیجے میں خاتون کی موت ہو گئی،

گزشتہ رو ز سرگودھا میں جج کے سامنے پیشی کے لئے آئے ملزم کو گولیاں مار کر قتل کر دیا گیا تھا، پولیس نے تھانہ کینٹ میں واقعہ کا مقدمہ درج کر لیا ہے،پولیس کے مطابق ملزم وکیل کے روپ میں کمرہ عدالت میں آیا اور آتے ہی جج کے سامنے گولیاں چلا دیں جس سے امانت علی کی موت ہو گئی،گولیاں چلانے والے کو کمرہ عدالت سے ہی گرفتار کر لیا گیا

سوشل میڈیا پر جعلی آئی ڈیز کے ذریعے لڑکی بن کر لوگوں کو پھنسانے والا گرفتار

بیوی، ساس اورسالی کی تصاویر سوشل میڈیا پر وائرل کرنے کے الزام میں گرفتارملزم نے کی ضمانت کی درخواست دائر

سپریم کورٹ کا سوشل میڈیا اور یوٹیوب پر قابل اعتراض مواد کا نوٹس،ہمارے خاندانوں کو نہیں بخشا جاتا،جسٹس قاضی امین

‏ سوشل میڈیا پر وزیر اعظم کے خلاف غصے کا اظہار کرنے پر بزرگ شہری گرفتار

سکھر کے سینئر صحافی جان محمد مہر کو گولیاں مار دی گئی ہیں،

جان محمد مہر کے قاتلوں کی عدم گرفتاری پر صحافیوں کا احتجاجی مظاہرہ

جان محمد مہر کے قتل کے خلاف17 اگست کو ملک گیر احتجاج کا اعلان