Category: گجرات

گجرات (چوہدری فیضان ارشاد سے)گجرات ڈپٹی کمشنر ڈاکٹر خرم شہزاد نے 14فروری کو کبڈی ورلڈ کپ کے میچز کے موقع پر تحصیل گجرات میں عام تعطیل کا اعلان کر دیا ہے۔ ڈپٹی کمشنر کیطرف سے جاری نوٹیفکیشن  کے مطابق چودہ فروری کو تحصیل گجرات میں تمام سرکاری دفاتر اور تعلیمی ادارے بند رہیں گے۔ انہوں نے شہریوں سے کہا کہ وہ کبڈی کے عالمی مقابلہ کو دیکھنے اور کھلاڑیوں کی حوصلہ افزائی کیلئے چوہدری ظہور الہی اسٹیڈیم آئیں۔ واضع رہے کہ کبڈی ورلڈ کپ کے سلسلہ میں آسٹریلیا او ر کینیا، بھارت اور انگلینڈ کی ٹیموں کے درمیان میچز کھیلے جائیں گے۔ 
۔۔۔۔۔۔۔۔۔۔۔۔۔۔۔۔

گجرات (چوہدری فیضان ارشاد سے)شہریوں کے مسائل سننے کے لئے ایس پی انویسٹی گیشن غلام مصطفٰی گیلانی اور ڈپٹی کمشنر گجرات ڈاکٹر خرم شہزاد کی تھانہ اے ڈویژن میں کھلی کچہری،سائلین کی بڑی تعداد نے شرکت کی ۔ ایس پی انویسٹی گیشن اور ڈپٹی کمشنر نے شہریوں کے مسائل سن کر موقع پر ہی متعلقہ افسران کو فوری حل کرنے کی ہدایات کیں۔

گجرات(چوہدری فیضان ارشاد سے)
ڈی پی او گجرات توصیف حیدر کا پولیس فورس کے مسائل سننے کے لئے پولیس لائنز میں خصوصی اجلاس
تفصیلات کے مطابق ڈی پی او توصیف حیدر کی ہدائیت پر پولیس لائنزمیں پولیس اجلاس کاانعقاد کیا گیا۔جس میں ضلع کے پولیس افسر ان و ملازمان نے شرکت کی۔ڈی پی او گجرات توصیف حیدر نے پولیس اجلاس سے خطاب کرتے ہوئے کہا کہ ضلع میں جب سے یو سی سسٹم شروع کیا گیا ہے،جرائم کی شرح میں نمایاں کمی واقع ہوئی ہے۔ انہوں نے مزید کہا کہ شہریوں کی پولیس سے سب سے بڑی شکایت پولیس کا نامناسب رویہ ہے۔لہذا تمام افسران و ملازمان دوران ڈیوٹی شہریوں سے خوش اخلاقی سے پیش آئیں۔ہمارا ایک غلط کام بہت سے اچھے کاموں کو نظر انداز کردیتا ہے،انہوں نے کہا کہ تمام فورس کے مسائل کا حل ان کی اولین ترجیحات میں شامل ہیں،آپ کو کسی قسم کا بھی کوئی مسئلہ درپیش ہو،میرے آفس کے دروازے تمام فورس کے لئے ہمیشہ کھلے ہیں۔پولیس اجلاس کے اختتام پر ڈی پی او گجرات نے پولیس ملازمان کو درپیش مسائل سنے اورملازمان کو یقین دلایا کہ ان کے تبادلہ جات بغیر کسی سفارش کے ان کے نزدیکی پولیس اسٹیشن میں کئے جائیں گے۔ گجرات پولیس ملازمان نے ڈی پی او گجرات پر کھلے اعتماد کا ظہار کیا اور ان کے اقدامات کا شکریہ ادا کیا۔

گجرات (چوہدری فیضان ارشاد سے)
تھانہ بولانی پولیس کی کاروائی،100بوتل شراب برآمد کر لی،دو شراب فروش گرفتار،مقدمات درج؎
اقدام قتل میں مطلوب اشتہاری ملزم بھی گرفتار کر لیا گیا۔
تفصیلات کے مطابق ڈی پی او گجرات سید توصیف حیدر کی سربراہی میں گجرات پولیس کی ضلع بھر میں منشیات فروشوں اور جرائم پیشہ عناصرکے خلاف کارروائیاں جاری ہیں۔ایس ایچ اوتھانہ بولانی SIوقار احمد نے اپنی پولیس ٹیم کے ہمراہ علاقہ میں کریک ڈاؤن کرتے ہوئے دو شراب فروشوں جن میں 1۔ شیر رحمان ولد علی بہادر سکنہ پنڈ عزیز 2۔اسفان زمان ولد محمد زمان سکنہ شکریلہ شامل ہیں کے قبضہ سے مجموعی طور پر 100بوتل شراب برآمد کر کے ملزمان کے خلاف الگ الگ مقدمہ درج کرلئے گئے،
جبکہ دوسری کاروائی میں اقدام قتل میں مطلوب اشتہاری ملزم محمد آصف ولد قربان حسین کو بھی گرفتار کر لیا گیا ملزم اشتہاری نے 3سال قبل تنازعہ پر ایک شخص کو فائر مار کر شدید زخمی کرنے کے بعد روپوش ہو گیا تھا

گجرات (چوہدری فیضان ارشاد سے)ڈی پی او گجرات سید توصیف حیدر کی ہدائیت پر ایلیٹ فورس پولیس کی اسلحہ کی نمائش کر نے کرنے والے عناصر کے خلاف کاروائیاں جاری ،متعدد اسلحہ برداروں سے مختلف قسم کا اسلحہ برآمد کر کے مقدمات درج کر لئے گئے ۔

گجرات (چوہدری فیضان ارشاد سے)
ڈی پی او گجرات سید توصیف حیدر کی ہدائیت پر ڈی پی او دفتر اور پولیس لائن میں تعینات اہلکاروں کی حاضری کو یقینی بنانے کے لئے بائیو میٹرک مشینیں نصب کر دی گئیں
تفصیلات کے مطابق ڈی پی او گجرات سید توصیف حیدر کی ہدائیت پر پولیس افسران اور ملازمان کی حاضری اور پابندی وقت کو یقینی بنانے کے لئے ڈی پی او آفس اور پولیس لائن میں بائیومیٹرک مشینیں نصب کر دی گئی۔تمام پولیس افسران و ملازمان مقررہ اوقات میں اپنی حاضری بذریعہ بائیومیٹر ک لگایا کریں گئے جس کی رپورٹ روزانہ کی بنیاد پر ڈی پی او گجرات کو پیش کی جائے گی۔
ڈی پی او گجرات سید توصیف حیدر کا کہنا تھا کہ پابندی وقت عظیم قوموں کا شیوہ ہے۔بائیومیٹرک حاضری مشین کی تنصیب کا بنیادی مقصد پولیس ملازمان کی حاضری اور پابندی وقت کو یقینی بنانا ہے۔حاضری کو رپورٹ کو روزانہ کی بنیاد پر چیک کیا جائے گا۔

گجرات (چوہدری فیضان ارشاد سے)گلیانہ پولیس کی کارروائی، گھروں کے تالے توڑ کرقیمتی اشیاء چوری کرنے والے دو ملزمان گرفتار، مال مسروقہ برآمد
تفصیلات کے مطابق ایس ایچ او تھانہ گلیانہ محمد منشاء نے پولیس ٹیم کے ہمراہ کارروائی کرکے گھروں کے تالے توڑ کرقیمتی اشیاء چوری کرنے والے دو ملزمان چند گھنٹے کے اندر گرفتار کرلئے۔ملزمان نے گلیانہ کی رہائشی مسماۃ نزہت ناہید جوکہ لاہور گئی ہوئی تھی کے گھر کے تالے توڑ کرطلائی زیورات اور اسلحہ چوری کر لیا۔ پولیس نے پیشہ ورانہ مہارت سے چند گھنٹے کے اندر واردات ٹریس کرکے دونوں ملزمان گرفتار کرلئے،جن کے قبضہ سے مال مسروقہ 10تولے طلائی زیور اور پسٹل 30بور معہ روند برآمد کرلئے۔ملزمان میں عبداللہ تنویر،ارسلان صفدر سکنائے گلیانہ شامل ہیں جن کی مزید تفتیش جاری ہے۔ علاوہ ازیں گلیانہ پولیس نے مجرم اشتہاری عبدالحق کو پسٹل 9MMسمیت گرفتار کرلیا۔مجرم اشتہاری نے مورخہ 17.10.2019کو ساتھیوں کے ہمراہ پولیس ٹیم پر فائرنگ اور مزاحمت بھی کی تھی۔