Category: گجرات

گجرات(چوہدری فیضان ارشاد سے) تھانہ صدر گجرات کے علاقہ جلالپورجٹاں روڈ پر کار ڈرائیور احسن شہزاد سکنہ بھاگووال کو رینٹ پر گاڑی بک کروانے والے مسافروں نے چلتی گاڑی میں سیٹ کے پیچھے سے سر میں گولی مار کر قتل کر دیا گاڑی کی پچھلی سیٹ پر بیٹھی دو نقاب پوش خواتین اور ایک مرد بیو والی سٹاپ سے جلالپورجٹاں کی طرف جانے والی بس میں بیٹھ کر چلے گئے اندھے قتل کو ٹریس کرنے کے لئے مختلف ٹیمیں تشکیل دے دی گئیں مقتول کے موبائیل فون کا ڈیٹا بھی حاصل کر لیا گیا۔

گجرات (چوہدری فیضان ارشاد سے)شام پور کے علاقہ میں تنازعہ زمین پر مخالفین کو تشدد کرتے ہوئے ویڈیو وائرل کرنے کا معاملہ
ڈی پی او توصیف حیدر نے واقعہ کا نوٹس لیتے ہوئے تھانہ ککرالی پولیس کو ملزمان کی جلد گرفتاری کا حکم دیا۔ جس پر ککرالی پولیس نے فوری ایکشن لیتے ہوئے شام پور کے رہائشی محمد لقمان کی مدعیت میں مقدمہ درج کرلیا اور چھاپہ مار ٹیم تشکیل دے کر واقعہ میں ملوث دو مرکزی ملزمان بابر ولد حق نواز سکنہ بہاولپوراور ثمر ولد محمد صدیق سکنہ سرگودھا کو گرفتا ر کرلیا۔ جبکہ وقوعہ میں ملوث باقی ملزمان کی گرفتار ی کے لئے مختلف جگہوں پر ریڈ کئے جارہے ہیں جنہیں بھی جلد گرفتار کرکے قانون کے کٹہرے میں لایا جائے گا۔

گجرات (چوہدری فیضان ارشاد سے)اِنَّالِلہِ وَ اِنَّا اِلَیْہِ رَاجِعُوْنَ
ہم یقیناََ اللہ ہی کےہیں ۔اور ہم یقیناََ اسی کی طرف لوٹ کر جانے والے ہیں
حاجی غلام رسول تارڑ جوکالیاں (مرحوم) کے بیٹےاور چوہدری ارشاد اللہ تارڑ،چوہدری ظفر اللہ تارڑ،چوہدری منور حسین تارڑ،چوہدری افتخارتارڑ،چوہدری غضنفر تارڑ کے بھائی آفتاب رسول تارڑ قضائے الہی سے وفات پا گئے ہیں۔جن کی نماز جنازہ انکے آبائی گاوں جوکالیاں میں 25/02/2020 بروز منگل دن 2:30 بجے مائی فریاد جنازہ گاہ میں ادا کی جائے گی۔ تمام دوست احباب سے شرکت کی اپیل ہے۔ تمام دوستوں سے گزارش ہے کہ نماز جنازہ میں شامل ہو کر ثواب دارین حاصل کریں۔۔۔

گجرات (چوہدری فیضان ارشاد سے)
ضلع بھر میں تین روز انسداد پولیو مہم کاآغاز کل سے ہوگا، ضلع بھر میں پانچ سال تک عمر کے 4لاکھ42ہزار 301بچوں کو پولیو سے بچاؤ کے قطرے پلائے جائیں، ڈپٹی کمشنر ڈاکٹر خرم شہزاد نے گورنمنٹ میٹرنٹی ہسپتال میں کمسن بچوں کو پولیو سے بچاؤ کے قطرے پلا کر مہم کا افتتاح کیا۔ ڈپٹی کمشنر گجرات ڈاکٹر خرم شہزاد نے افتتاحی تقریب میں گفتگو کر تے ہوئے کہا کہ وزیر اعلی پنجاب کی ہدایات کے مطابق ڈبلیو ایچ او کے نمائندہ ڈاکٹر یاسر کی معاونت سے محکمہ صحت نے ملک بھر کیطرح ضلع گجرات میں انسدا د پولیو مہم کے لئے مائیکرو پلان تشکیل دیا ہے، سو فیصد کوریج یقینی بنانے کیلئے موبائل، فکسڈ اور ٹرانزٹ ٹیمیں تشکیل دی گئی ہیں جو 17فروری سے 19فروری تک گھر گھر جاکر بچوں کو پولیو سے بچاؤ کے قطرے پلائیں گی، 20اور 21فروری کو دو روزہ فالو اپ مہم ہوگی جس میں ایسے بچے جو کسی وجہ سے دستیاب نہیں ہو سکے انہیں پولیو سے بچاؤ کی ویکسئن پلائی جائے گی۔ انہوں نے بتایا کہ انسداد پولیو ٹیموں کی سکیورٹی اولین ترجیح ہے جس کیلئے پولیس نے اپنا جامع پلان تشکیل دیدیا ہے، انسداد پولیو مہم کی روزانہ کی بنیاد پر مانیٹرنگ بھی کی جائے گی جبکہ ملک سے پولیو کے خاتمہ کی اس مہم کیلئے علما کرام، این جی اوز، میڈیا کا تعاون بھی حاصل کیا گیا ہے۔

گجرات (چوہدری فیضان ارشاد سے)
کبڈی ورلڈ کپ 2020ء کے گجرات میں شیدول میچز کیلئے جامع سیکورٹی پلان کو حتمی شکل دے دی گئی
تفصیلات کے مطابق کبڈی ورلڈ کپ 2020ء کے گجرات میں شیڈول میچز کیلئے ڈی پی او گجرات توصیف حیدر کی زیر قیادت گجرات پولیس نے تیاریاں مکمل کرلیں۔ کبڈی ورلڈ کپ کے سلسلہ میں 2میچز ظہور الہی سٹیڈیم گجرات میں شیڈول ہیں جس کے لئے پاکستان، انڈیا، آذربئیجان اور انگلیڈ کی قومی ٹیمیں گجرات آئیں گی۔
3000پولیس افسران و اہلکاران کبڈی مقابلوں کے دوران سیکورٹی ڈیوٹی کے فرائض سر انجام دیں گے۔ جن میں 03ایس پیز، 13ڈی ایس پیز،49انسپکٹر، 206اپر اسپارڈینٹس، 2014کنسٹیبل و ہیڈ کنسٹیبل، 262اہلکاروں پر مشتمل ایلیٹ پولیس فورس کی41 ٹیمیں بھی شامل ہیں۔سفید پارچات میں بھی پولیس اہلکار شرپسندوں پر کڑی نظر رکھیں گے۔ جبکہ کسی بھی ہنگامی صورتحال سے نمٹنے کے لئے 300اہلکاروں پر مشتمل 15ریزوز بھی تشکیل دی گئی ہیں۔
سٹیڈیم میں داخل ہونے والے شائقین کی تھری لئیر میں چیکنگ کی جائے گی۔خواتین کی چیکنگ کے لئے لیڈی پولیس اہلکار تعینات کی گئی ہیں۔حساس مقامات پر CCTVکیمرے نصب کئے گئے ہیں،لائیو اسٹیریمنگ کے لئے 03پولیس موبائلز بھی سٹیڈیم کے اطراف میں موجود ہوں گی جن کی لمحہ بہ لمحہ لائیو مانیٹرنگ DPOآفس میں قائم کردہ کنٹرول روم میں کی جائے گی۔ سپیشل برانچ،سول ڈیفینس اور بم ڈسپوزل اسکواڈ کی مدد سے سویپنگ بھی کی جائے گی۔
ڈی پی او گجرات توصیف حیدر کا کہنا تھا کہ کبڈی ورلڈ کپ کے گجرات میں مقابلے گجرات کے شہریوں کے لئے باعث فخر ہے۔ تمام ذرائع بروئے کار لاتے ہوئے امن و امان کی صورتحال کو بحال رکھا جائے گا۔اور شائقین کو پر امن ماحو ل فراہم کرنے کے لئے تمام توانائیاں صرف کریں گے۔شہری بھی اس ایونٹ کو کامیاب بنانے کے لئے پولیس اور قانون نافذ کرنے والے اداروں کے ساتھ مکمل تعاون کریں۔

گجرات (چوہدری فیضان ارشاد سے) گجرات شہر میں نشیل لیول کبڈی فیسٹیول کے لیے ڈی پی او گجرات سید توصیف حیدر نے سیکورٹی پلان تشکیل دے دیا۔ کہ 14 فروری 2020 کو ٹریفک کو کن متبادل راستوں سے گزرا جائے گا۔ سیکورٹی کے فول پروف انتظامات کیے گئے ہیں۔

گجرات (چوہدری فیضان ارشاد سے)ڈی پی او گجرات توصیف حیدر کی سربراہی میں پولیس کی جواریوں کے خلاف ضلع بھر میں کارروائیاں جاری ہیں ۔ تھانہ سٹی لالہ موسیٰ پولیس نے دوران آپریشن ملزمان تصور شاہ ، وقاص احمد اور محمد اسحاق سکنائے جوڑا کرنانہ کو دھامہ پھاٹک کے قریب بذریعہ تاش جواء کھلیتے ہوئے رنگے ہاتھوں گرفتار کرلیا ، ملزمان سے جوئے پر لگی رقم دس ہزار روپے اور موبائل فون برآمد کرکے مقدمہ درج کرلیا گیا

گجرات (چوہدری فیضان ارشاد سے) تھانہ لاری اڈہ پولیس نے کاروائی کرتے ہوئے منشیات فروش کو گرفتار کر لیا 1کلو گرام سے زائد چرس برآمد، 4جواری بھی جوئے کھیلتے ہوئے رنگے ہاتھوں گرفتار
تفصیلات کے مطابق گجرات پولیس جرائم پیشہ عناصر کے خلاف آپریشنز جاری ہیں ایس ایچ او تھانہ لاری اڈہ انسپکٹر اعجاز علی نے اپنی ٹیم کے ہمراہ کاروائی کرتے ہوئے منشیات فروش محمد فیاض ولد محمد یونس سکنہ چاہ ترہنگ کو منشیات فروش کرتے ہوئے رنگے ہاتھوں گرفتار کر لیا ملزم کے قبضہ سے 1240گرام چرس برآمد کر کے اسکے خلاف امتنائے منشیات کی دفعات مقدمہ کا اندراج کر لیا گیا
دوسری کاروائی میں جواء کی اطلاع پر ایس ایچ اولاری اڈا نے کامیاب کاروائی کرتے ہوئے جواء کے اڈا سے 4جواریوں کو جواء کھیلتے ہوئے گرفتار کر لیا۔ملزمان کے قبضہ سے تاش کے پتے اور جواء پر لگی رقم 7ہزار روپے بھی برآمد کر لی گئی۔ملزمان کے خلاف مقدمہ کا اندراج کر کے تفتیش کا آغاز کر دیا گیا۔

گجرات (چوہدری فیضان ارشاد سے)ظہور الہٰی سٹیڈیم میں ہونے والے کبڈی میچ کے حوالے سے سے ڈپٹی کمشنر گجرات ڈاکٹر خرم شہزاد ڈی پی او گجرات توصیف حیدر اے سی گجرات محمد جمیل اےڈی سی جی قوقیر چیمہ چیف آفیسر محمود اقبال گوندل سیکورٹی کے حوالے سے جائزہ لے رہے ہیں.ڈی سی گجرات ڈاکٹر خرم شہزاد کا کہنا کہ سیکورٹی کو ہر پہلو سے فول پروف بنایا جائے تمام شاہراہوں پر ناکہ بندی کی جائے ۔۔