Category: گجرات

گجرات (نمائندہ باغی ٹی وی )ڈی پی او گجرات توصیف حیدر کی ہدائیت پر ایس ایچ او سول لائن فراست اللہ چٹھہ کا بنکوں کے سیکیورٹی گارڈ ز کے لئے خصوصی تربیتی ورکشاپ کا انعقاد
تفصیلات کے مطابق ڈی پی او گجرات توصیف حیدر کی ہدائیت پر بنکوں کے سیکیورٹی گارڈ کو کسی بھی ہنگامی صورت حال سے نمٹنے کے لئے ایس او ایچ او سول لائن فراست اللہ چٹھہ نے خصوصی تربیتی ورکشاپ کا اہتمام کیا۔ورکشاپ میں اٹھائیس نجی بنکوں کے 100سے زائدسیکیورٹی گارڈز کو خصوصی ٹریننگ دی گئی۔جس میں ایلیٹ فورس کے کوالیفائیڈ افسران نے سیکیورٹی گارڈز کو ویپن ہینڈلنگ کے متعلق تربیت دی۔جبکہ ایس ایچ او سول لائن نے ورکشاپ کے شرکاء کو کسی بھی ہنگامی صورت حال سے نمٹنے، بنک میں داخل ہونے والے افراد کی چیکنگ کا طریقہ کار، بنک کھلنے اور بند ہونے کے وقت احتیاطی تدابیر، اور سیکیورٹی گارڈز کی ذمہ داریوں پر خصوصی لیکچر دیا۔ ڈی پی او گجرات توصیف حیدر کا کہنا تھا کہ سیکیورٹی گارڈ کسی بھی ہنگامی صورت حال سے نمٹنے کے لئے پہلی دیوار ہوتے ہیں۔جن کی جدید خطوط پر ٹریننگ اشد ضروری ہے۔جلد تمام تھانہ جات میں ایلیٹ کوالیفائیڈ ماسٹر ٹرینز بھجوا کر تربیتی ورکشاپس کا اہتمام کیا جائے گا تاکہ سیکیورٹی گارڈز کسی بھی ہنگامی صورت حال سے نمٹنے کے لئے ہمہ وقت تیار رہ سکیں۔

گجرات (نمائندہ باغی ٹی وی)چڑیاولہ تا دولت نگر روڈ ٹوٹ پھوٹ کا شکار ،انتظامیہ سڑک کی مرمت کا کام بھی نہ کروا سکی اہلیان علاقہ کا حکومت سے فوری نوٹس لینے کا مطالبہ ،تفصیلات کے مطابق چڑیاولہ تا دولت نگر اور کوٹلہ تا بولانی ودیگر اہم شاہرات ٹوٹ پھوٹ کا شکار ہیں سڑکوں کی خستہ حالی اور ٹوٹ پھوٹ سے اہلیان علاقہ کو سخت پریشانی کا سامنا ہے معمولی بارش کے بعد پانی یہاں جمع ہونا معمول بن گیا ہے روڈ ٹوٹ پھوٹ کی وجہ سے آئے روز حادثات میں اضافہ ہو چکا ہے ضلعی حکومت مذکورہ روڈ کی تعمیر تو درکنار مرمت کا کام بھی نہیں کرواسکی اہلیان علاقہ سخت مشکلات کا شکار ہیں عوامی سماجی حلقوں نے حکومت پنجاب اور ڈپٹی کمشنر گجرات سے اصلاح کی اپیل کی ہے

گجرات(نمائندہ باغی ٹی وی)نئے ڈی پی او گجرات توصیف حیدر نے چارج سنبھال کر کام شروع کردیا ۔تفصیلات کے مطابق نئے تعینات ہونے والے ڈی پی اوگجرات توصیف حیدرنے اپنے عہدے کا چارج سنبھال کر کام شروع کردیا ۔ڈی پی اوتوصیف حیدر کے ڈی پی او آفس پہنچنے پر پولیس کے چاک وچوبند دستے نے انہیں سلامی پیش کی ۔ایس پی انویسٹی گیشن غلام مصطفی گیلانی نے ڈی پی اوآفس کی برانچوں کے انچارجزکے ہمراہ نئے ڈی پی اوگجرات کا استقبال کیا ۔ جس کے بعدانہوں نے ایس پی انوسٹی گیشن کے ہمراہ ڈی ایس پیز ،ایس ایچ او،انچارج چوکیات اورہیڈ آف برانچز کے ساتھ تعارفی میٹنگ کی جس میں ڈی پی او گجرات توصیف حیدر کا کہنا تھا کہ عوام کی جان و مال کی حفاظت پولیس کے اولین فرائض میںشامل ہے اس کے ساتھ ساتھ پولیس افسران عوامی خدمت کو اپنا شعار بنا لیں ۔ ٹیم ورک کے ساتھ ضلع گجرات کو پر امن اور مثالی ضلع بنانے میں اپنا بھر پور کردار ادا کریں گے۔بعد ازاں ڈی پی او گجرات توصیف حیدر نے ماڈل چیک پوسٹ چناب پل کا اچانک وزٹ کیا اورچیک پوسٹ پر تعینات ملازمین کو ناکہ سے گزرنے والی مشکوک گاڑیوں اور افراد کی کڑ ی نگرانی کی ہدایات جاری کیں۔

گجرات(نمائندہ باغی ٹی وی) گجرات میں بیف اور مٹن گوشت، فروٹ اور سبزی کے ریٹ آسمان سے باتیں کرنے لگے۔ دکاندار منہ مانگے ریٹ وصول کر رہے ہیں جبکہ ضلعی گورنمنٹ کی طرف سے مقرر کئے گئے ریٹس کے مطابق کوئی دکاندار فروٹ، سبزی دینے کو تیار نہیں۔ ان کا کہنا ہے کہ مارکیٹ کمیٹی کے ریٹ کے مطابق ہم گجرات میں فروٹ فروخت نہیں کر سکتے کیونکہ ہمیں فروٹ منڈی سے ہی فروٹ مہنگا مل رہا ہے۔ دوسری طرف قصاب بھی گوشت مقرر کردہ نرخوں س زیادہ فروخت کر رہے ہیں۔ ان کا کہنا ہے کہ گجرات میں بکرا عید کی وجہ سے جانور مہنگے ہو چکے ہیں۔ سروے کے مطابق آم، آڑو، کیلے اور دیگر فروٹ مارکیٹ کمیٹی کے مقرر کردہ ریٹ سے 50 روپے زیادہ وصول کئے جا رہے ہیں۔ عوام الناس نے ڈی سی گجرات،اے سی گجرات سے اپیل کی ہے کہ وہ ریٹ لسٹوں کے مطابق گوشت، فروٹ ، سبزی کی فروخت کو یقینی بنائیں اور عوام کو ریلیف لے کر دیں۔