گجرات (نمائندہ باغی ٹی وی) ویلڈن ایس ایچ او تھانہ ککرالی ،بڑی کاروائی ،بھاری مقدار میں منشیات ،درجنوں شراب کی بوتلیں ،کرنسی اور اسلحہ برآمد ،تفصیلات کے مطابق اے ایس آئی نبی احمد نے ایس ایچ او تھانہ اختر محمود کی ہدایت پر مخبر خاص کی اطلاع پر موضع کھرانہ میں بسم اللہ ہوٹل کے قریب چھاپہ مار کر بدنام زمانہ منشیات فروش شمعون اشر ف ولد محمد اشرف قوم گجر کو گرفتار کر لیا اور ملزم سے 20بوتل شراب ،پاکستانی کرنسی،اور 30بور پستل اور موبائل فون برآمد کر کے ملزم کے خلاف بجرم 1979-3،1979-4کے تحت مقدمہ درج کر کے حوالات میں بند کر کے تفتیش شروع کر دی ،دوسری کاروائی میں سب انسپکٹر الیاس نے بھاری نفری کے ہمراہ موضع کانیاں میں چھاپہ مار کر بدنام زمانہ منشیات فروش مولوی محمد سجاد ولد ابراہیم قوم کشمیری سکنہ کانیاں کو گرفتار کر لیا اور ملزم سے 1280گرام چرس اور 28000ہزار نقد برآمد کر لیا ہے اور ملزم کے خلاف 9cکے تحت مقدمہ درج کر کے تفتیش شروع کر دی اس موقع پر ایس ایچ او تھانہ ککرالی اختر محمود نے پریس کانفرنس کرتے ہوئے کہا ہے کہ تھانہ ککرالی کی حدود میں منشیات فروشوں ،رسہ گیروں ،ڈکیتوں ،راہزنوں اور اشتہاریوں کے خلاف گیرا تنگ کر دیا ہے تھانہ ککرالی کی حدود میں کسی کو امن برباد کرنے کی ہرگز اجازت نہیں دی جائے گی انہوں نے کہا کہ جرائم پیشہ افراد اور منشیات فروشوں کے خلاف تھانہ ککرالی میں گرینڈ آپریشن کی تیاریاںکرلی گئیں ہیں بہت جلد بدنام زمانہ منشیات فروش حوالات میں بند ہونگے اس موقع پر تفتیشی سب انسپکٹر مرزا آفتاب بیگ نے پریس کانفرنس کرتے ہوئے کہا کہ بدنام زمانہ منشیات فروش بڑے با اثر ملزمان تھے مگر ہم نے بڑی تنگ دو کرکے ملزمان کو بھاری مقدار میں چرس ،شراب ،اسلحہ اور 28000ہزار نقد برآمد کر کے ملزمان کو گرفتار کر لیا انشاءاللہ تھانہ ککرالی کو منشیات فروشوں کے خلاف گیرا تنگ کر دیا گیا ہے ملزمان کتنے ہی بااثر کیوں نہ ہوں قانون کے شکنجے سے بچ نہیں سکتے ۔
Category: گجرات
عطائیوں،جعلی، زائدالمیعاد اور غیر رجسٹرڈ ادویات فروخت کرنے والوں کے خلاف تگڑا آپریشن
گجرات(نمائندہ باغی ٹی وی)ڈسٹرکٹ کوالٹی کنٹرول بورڈ نے عطائیوں، جعلی، زائد المعیاد، غیر رجسٹرڈ ادویات فروخت کرنیوالے 12ملزمان کے خلاف پراسکیوشن کی منظوری دیدی ہے، تین کیسز میں ملزمان کو وارننگ جاری جبکہ ایک میں بری کر دیا ہے۔ ڈسٹرکٹ کوالٹی کنٹرول بورڈ کا اجلاس زیر صدارت ڈپٹی کمشنر ڈاکٹر خرم شہزاد منعقد ہوا جس میں چیف ایگزیکٹوا ٓفیسر ڈسٹرکٹ ہیلتھ اتھارٹی ڈاکٹر زاہد تنویر،ڈاکٹر افضل چوہدری، سیکرٹری کوالٹی کنٹرول بورڈ محمد وسیم،ڈرگ انسپکٹرز محمد عامر، اکرم رانا، عطا المطصفیٰ، ممبر کیمسٹ ایسویسی ایشن ظفر اقبال نے شرکت کی۔ اجلاس میں مجموعی طور پر 16کیسز سماعت کیلئے پیش کئے گئے، کمیٹی نے الزام علیہان کا موقف سننے کے بعد 12کیسز عدالتی کاروائی کیلئے مجاز ڈرگ کورٹ کو بھجوانے کا فیصلہ کیا، تین کیمسٹس کو آئندہ محتاط رہ کر کاروبار کرنے کی ہدایت کی گئی۔ ڈپٹی کمشنر ڈاکٹر خرم شہزاد نے ہدایت کی کہ ڈرگ انسپکٹرز اور ہیلتھ ڈپیارٹمنٹ کے افسران عطائیت کی روک تھام کیلئے کریک ڈاؤن تیز کردیں اور لوگوں کی جانوں سے کھیلنے والوں کے خلاف بلا امتیاز کاروائی عمل میں لائی جائے۔ انہوں نے واضع کیا کہ کسی بھی فرد کو غیر رجسٹرڈ، زائد المعیاد، جعلی ادویات کا دھندہ کرنے کی اجازت نہیں دی جائے گی اور ایسے عناصر کے خلاف سخت ایکشن لیا جائے گا۔
سول انجینئر کا اندھا قتل 24 گھنٹے میں ٹریس، خاتون ساتھی سمیت گرفتار
گجرات(نمائندہ باغی ٹی وی) تھانہ سول لائن پولیس نے اغواء کے بعد قتل ہونے والے سول انجینئرمحمد رمضان کا اندھا قتل 24گھنٹے کے اندر ٹریس کرکے خاتون قاتلہ کوساتھی سمیت گرفتار کرلیا گیا۔ تفصیلات کے مطابق مقتول کے والد امیر احمدسکنہ عارف والا نے تھانہ سول لائن کو اطلاع دی کہ میرا بیٹا محمد رمضان جوکہ کنسٹرکشن کمپنی میں بطور سول انجینئر کام کرتاہے اور نوکری کے سلسلہ میں گجرات مقیم تھاجس کاموبائل مورخہ21جون سے مسلسل بند جا رہاہے جس کو ہر ممکنہ جگہ پر تلاش کیا مگر کچھ پتہ نہ چل سکا مجھے شبہ ہے اُسے نامعلوم افراد نے اغواء کر لیا ہے۔والد کی درخواست پر فو ری طور پرنا معلوم ملزمان کے خلاف تھانہ سول لائن میں مقدمہ نمبر394/19بجرم 365ت پ درج کر کے تفتیش کا آغاز کر دیا گیا۔ وقوعہ کی بابت ڈی پی او گجرات سید علی محسن کو آگاہ کیا گیا۔جو ڈی پی او گجرات نے مغوی کی بازیابی اور نامعلوم ملزمان کی گرفتاری کیلئے ڈی ایس پی سٹی سرکل رضا حسنین، ایس ایچ او تھانہ سول لائنSIفراست چٹھہ،SIارشاد احمد،ASIفیاض احمد اور آئی ٹی ونگ کے ماہر پولیس افسران پر مشتمل خصوصی ٹیم تشکیل دی۔پولیس ٹیم نے پیشہ ورانہ مہارت اور جدید سائنسی ٹیکنالوجی کو بروئے کا رلاتے ہوئے وقوعہ کے اصل ملزمان کو24گھنٹے کے اندر ٹریس کرکے گرفتار کر لیا۔ملزمان میں سمیرا بی بی سکنہ عارف والا 2۔شبیر احمد ولد بشیر احمد سکنہ کٹھالہ چناب شامل ہیں۔ ملزمہ سمیرا بی بی نے دوران تفتیش اعتراف جرم کرتے ہوئے ہولناک انکشافات کیے کہ میرے محمد رمضان کے ساتھ مراسم تھے اور میں اس کے ساتھ شادی کرنا چاہتی تھی جس سے وہ مسلسل انکاری تھااس رنج کی بناء پرمیں نے اپنے ساتھی ملزم مسمی شبیر احمد کے ساتھ مل کر محمد رمضان کے قتل کا منصوبہ بنایا اور باقاعدہ منصوبہ بندی کے بعد میں نے محمدرمضان کو کال کر کے گھر بلایااور جوس میں نشہ آور گولیاں ملا کر اسے پلا دیا جس سے وہ بے ہوش ہو گیااس کے بعد اسے کنپٹی پر پسٹل سے فائر مارا جس سے مقتول تڑپنے لگا اور اس کی جان نہ نکل رہی تھی جس پر میں نے اس کے گلے پر خنجرچلا کر اس کا گلا کاٹ دیا جس سے اس کی موت واقع ہو گئی۔ بعد ازاں اپنا جرم چھپانے کیلئے میں نے اپنے ساتھی ملزم شبیر احمد کے ساتھ مل کر گھر کے ڈرائینگ روم میں گڑا کھود کرنعش دفنا دی اور بعد میں فرش پر ٹائلیں لگا کر فرش برابر کر دیا۔جبکہ ساتھی ملزم شبیر احمد نے انکشاف کیا کہ وہ سمیرا بی بی سے شادی کرنا چاہتا تھا اور مقتول شادی میں رکاوٹ تھا۔اپنے مقصد کے حصول کیلئے میں نے سمیرا بی بی کا ساتھ دیا اور وقوعہ کے بعد ہمارابیرون ملک ترکی فرار ہوکر وہاں جا کر شادی کا منصوبہ تھا۔ملزمان کے انکشاف پر سمیرا بی بی کے گھر سے مقتول کی نعش،آلہ قتل پسٹل 30بور،نشہ آور گولیاں،خنجراور مقتول کا موٹرسائیکل بھی برآمد کر لیا گیاملزمان سے مزید تفتیش جاری ہے۔ڈی پی او گجرات سید علی محسن نے اندھے قتل کو ٹریس کرنے والی پولیس ٹیم کو تعریفی سرٹیفکیٹ سے نوازا۔
گجرات کے سرکاری ہسپتالوں کے لئے 91.4 ملین روپے کی ادویات خرید لی گئیں
گجرات(نمائندہ باغی ٹی وی) ڈپٹی کمشنر ڈاکٹر خرم شہزاد نے کہا ہے کہ تحصیل ہیڈ کوارٹرز، رورل ہیلتھ سنٹر ز اور بنیادی مراکز میں فراہمی کیلئے 91.4ملین روپے مالیتی ادویات کی خریداری مکمل، ان ہسپتالوں کی ڈیمانڈ کے مطابق سپلائی شروع کر دی گئی ہے، ہیلتھ ڈیپارٹمنٹ کے افسران سرکاری ہسپتالوں میں بائیومیٹرک نظام کے تحت ڈاکٹرز و عملہ کی حاضری یقینی بنائیں، غیر حاضر افسران و سٹاف کے خلاف قانون کے مطابق ایکشن لیا جائے، ان خیالات کااظہار انہوں نے ڈسٹرکٹ ہیلتھ ریویو کمیٹی کے اجلاس سے خطاب کرتے ہوئے کیا، سی ای او ہیلتھ ڈاکٹر زاہد تنویر نے بریفنگ دی، ڈی ایچ اوز ڈاکٹر ایاز ناصر چوہان، ڈاکٹر محمد یوسف، ڈاکٹر زکریا، ڈی ڈی ایچ اوز، میڈیکل سپرنٹنڈنٹس بھی موجود تھے۔ ڈپٹی کمشنر ڈاکٹر خرم شہزاد نے کہا کہ مجموعی طور پر 124مختلف اقسام کی ادویات خریدی گئی ہیں، ہسپتالوں کو فراہمی سے قبل لیبارٹری ٹیسٹنگ کا عمل بھی مکمل کیا گیا ہے۔ انہوں نے ہدایت کی کہ میڈیکل سپرنٹنڈنٹس یقینی بنائیں کہ ڈاکٹرز ادویات کے نام کی بجائے اسالٹ تجویز کریں اور مریضوں کو ادویات ہسپتالوں سے ہی فراہم کی جائیں، ایم ایس صاحبان ادویات کا سٹاک ختم ہونے سے مناسب وقت پہلے مجاز اتھارٹی کو آگاہ کریں، کسی ہسپتال میں سٹاک ختم ہونے کی صورت میں قریبی ہیلتھ مرکز سے فراہمی ممکن بنائی جا سکتی ہے۔ ڈپٹی کمشنر نے ہدایت کی کہ مانیٹرنگ سٹاف سرکاری ہسپتالوں میں جن مسائل کی نشاندہی کریں انہیں 24گھنٹے میں حل کیا جائے، سی ای او ہیلتھ ٹی ایچ کیو سرائے عالمگیر میں ہفتے میں چار دن بے ہوشی کے ڈاکٹر کی دستیابی یقینی بنائیں، ٹراما سنٹر لالہ موسیٰ میں فوری پیڈیا ٹریشن کی خدمات کی فراہمی یقینی بنائی جائے، زچہ و بچہ کیلئے ایمبولینسوں کا موثر استعمال یقینی بنانے کیلئے شہریوں کو اس سروس بارے آگاہی فراہم کی جائے۔ ڈپٹی کمشنر نے نارمل ڈلیوری کی تعداد میں اضافہ پر اطمینان کا اظہار کیا اور ہدایت کی کہ وزیر اعظم پورٹل، چیف منسٹر پورٹل پر موصول ہونیوالی شکایات کا فوری ازالہ یقینی بنایا جائے، سیٹزن فیڈ بیک کے تحت سو فیصد ڈیٹا اپ لوڈ کیا جائے اور شہریوں کی شکایات کا حل کیا جائے۔ اس سے قبل سی ای او ہیلتھ نے حکومت پنجاب کے مقرر کردہ اعشاریوں کے مطابق محکمہ صحت کی کارکردگی بارے بریفنگ دی۔
گجرات پولیس لائن میں جنرل پریڈ کا انعقاد
گجرات (نمائندہ باغی ٹی وی )انسپکٹر جنرل آف پولیس پنجاب عارف نواز خان کی ہدایات پرپولیس ملازمان کے ڈسپلن اورٹرن آؤٹ کو بہتر بنانے کے لئے پولیس لائنز گجرات میں ڈسٹرکٹ پولیس آفیسر گجرات سید علی محسن کی زیر نگرانی علی الصبح جنرل پریڈ کا انعقاد۔ تفصیلات کے مطابق انسپکٹر جنرل آف پولیس پنجاب عارف نواز خان کی ہدایات پرپولیس ملازمان کے ڈسپلن اورٹرن آؤٹ کو بہتر بنانے کے لئے پولیس لائنز گجرات میں ڈسٹرکٹ پولیس آفیسر گجرات سید علی محسن کی زیر نگرانی علی الصبح جنرل پریڈ کا انعقاد کیا گیا۔جنرل پریڈ کے دوران گجرات پولیس کے ساتھ ساتھ ٹریفک پولیس, ایلیٹ فورس اور لیڈیز پولیس کے دستے بھی شامل تھے۔ ڈسٹرکٹ پولیس آفیسر گجرات سید علی محسن نے ایس ڈی پی او سرکل کھاریاں اسد اسحاق کے ہمراہ پریڈ اور جوانوں کے ٹرن آوٹ کا معائنہ کیا۔ اس موقع پر ڈی پی او گجرات نے پولیس ملازمان کے مسائل سنے اور حل کے لئے موقع پر ہی احکامات جاری کئے۔ انہوں نے کہا کہ پولیس ملازمان کے بچوں کی تعلیم کے حوالے سے مختلف اداروں کے سربراہوں سے رعائت کے لئے ایم او یو سائن کئے گئے ہیں جن سے زیادہ سے زیادہ استعفادہ حاصل کریں۔ڈی پی او گجرات نے کہا کہ پولیس ملازمان خصوصاً ٹریفک پولیس اپنے رویوں میں بہتری لائیں۔زیادہ چالانوں سے پرفارمنس جانچنے کا قائل نہیں ہوں عوام کو زیادہ سے زیادہ آگاہی دی جائے تاکہ وہ ٹریفک قوانین کی خلاف ورزی ہی نہ کریں۔انہوں نے مزید کہا کہ عوام کو زیادہ سے زیادہ سہولیات دی جائے کسی مظلوم کے ساتھ زیادتی ہر گز برداشت نہ کی جائے گی۔عوام کوبروقت میرٹ پر انصاف کی فراہی کو یقینی بنایا جائے۔آخر میں ایم ٹی سیکشن پر موجود پولیس کی گاڑیوں اور موٹر سائیکلز کی انسپکشن کی گئی اور ضروری ہدایات بھی دی گئیں.
گھر کی دیوار گرنے سے 4 سالہ بچہ جاں بحق
گجرات (نمائندہ باغی ٹی وی)نواحی گاﺅں چک مرتضیٰ میں زیرتعمیرمکان کی دیوارگرنے سے چارسالہ بچہ جاں بحق،بتایاجاتا ہے کہ نواحی گاﺅں چک مرتضیٰ کے رہائشی محمد شہزاد کا چار سالہ بیٹا نجم شہزادگھر کے صحن میں کھیل رہاتھا کہ مبینہ طور پر زیر تعمیر دیوار کے ساتھ ریت پھینکنے سے دیوارزمین بوس ہوگئی اور کم سن نجم شہزاددیوارتلے آکربری طرح زخمی ہوگیااور زخمو ں کی تاب نہ لاتے ہوئے دم توڑگیا،متوفی کو سینکڑوں سوگواروں کی موجودگی میں سپردخاک کردیاگیا۔
گجرات میں تیز ہواؤں کے بعد بارش، شہری خوش
گجرات (نمائندہ باغی ٹی وی) گجرات اور گردو نواح میں تیز ہواؤں کے ساتھ بارش ، گرمی کا زور ٹوٹ گیا لوگوں نے سکھ کا سانس لیا، تفصیلات کے مطابق آج بروز اتوار دوپہر ایک بج کر پندرہ منٹ کے قریب تیز ہواؤں کے ساتھ بارش شروع ہو گئی اس کے ساتھ ہی گرمی کا زور ٹوٹ گیا اور گرمی سے مرجھائے ہوئے چہرے کھل اٹھے اور نوجوان موٹرسائیکل پر سڑکوں پر آ گئے اور بارش کا مزہ لیا
پولیس ملازمین اور ان کے بچوں کی تعلیم کیلئے پولیس اور انٹرنیشنل اسلامک یونیورسٹی میں ایم او یو سائن
گجرات (نمائندہ باغی ٹی وی)ڈی پی او گجرات سید علی محسن کا پولیس افسران اور پولیس شہداء کے بچوں کی تعلیم کیلئے احسن اقدام،انٹرنیشنل اسلامک یونیورسٹی اسلام آباد سکول گجرات کیمپس سے ایم او یو سائن تفصیلات کے مطابق پولیس افسران اور پولیس شہدا ء کے بچوں کی تعلیم کے لئے ڈسٹرکٹ پولیس آفیسر گجرات کا ایک اور احسن اقدام، انٹر نیشنل اسلامک یونیورسٹی اسلام آباد سکول گجرات کیمپس سے معاہدہ سائن کر دیا گیا۔ ایم او یو کے مطابق انٹر نیشنل اسلامک یونیورسٹی اسلام آبادگجرات کیمپس سکول میں شہداء کے بچوں کو مفت تعلیم جبکہ کنسٹیبلان اور ہیڈ کنسٹیبلان کے بچوں کے لئے ماہانہ فیس میں 35فیصد,کلاس فور ملازمین کے لئے 40فیصد، اپر اسپارڈینیٹ کے لئے 25فیصد رعائیت دی جائے گی۔جبکہ داخلہ فری دیا جائے گا۔اس موقع پر انٹر نیشنل اسلامک یونیورسٹی اسلام آباد سکول گجرات کیمپس کے ڈائریکٹرز محمد عرفان اسحاق بانٹھ ایڈوکیٹ، کرنل (ر) علی رضا مدثر، سید فر یاد حسین شاہ، چوہدری ظفر اقبال بھی موجود تھے۔ اس موقع پر ڈسٹرکٹ پولیس آفیسر گجرات سید علی محسن کا کہنا تھا کہ گجرات پولیس انٹر نیشنل اسلامک یونیورسٹی اسلام آباد سکولز کی انتظامیہ کی مشکور ہے جنہوں نے پولیس افسران اور پولیس کے شہداء کے بچوں کی تعلیم کے لئے خصوصی کاوش کی۔
ایم پی اے سلیم سرور جوڑا کی گرانٹ سے جی ٹی روڈ تعمیر،سفر آرام دہ ہو گیا
گجرات (نمائندہ باغی ٹی وی)ایم پی اے چوہدری سلیم سرور جوڑا کے5کروڑ روپے کے خصوصی فنڈز سے گلزار مدینہ چوک تا پاک فین جی ٹی روڈ ایک ساتھ کمپیکشن کے بعد چند دنوں میں کارپٹ روڈ مکمل کر لی گئی۔ جدید مشینری سے تیار ہونے والی کارپٹ روڈ ہموار ہونے سے ٹریفک کے لیے سفر آرام دہ ہو گیا۔ کھنڈر بنی سڑک سے نجات ملنے سے گاڑی مالکان نے سکون کا سانس لیا۔ ٹرانسپورٹ کی ٹوٹ پھوٹ کو بریک لگ گئی۔ کھنڈر بنی سڑک سے نہ صرف لوگوں کی گاڑیاں تباہ ہو رہی تھیں بلکہ لوگوں کو سڑک کے کھڈے ہلا کر رکھ دیتے تھے۔اگرچہ چناب پل تا بھمبر پل پرانا جی ٹی روڈ ایک عشرہ سے زائد عرصہ سے ٹوٹ پھوٹ کا شکار ہے۔ سابق حکمران اس منصوبے کی ہلکی پھلکی مرمت تو کرا گئے لیکن سڑک کی دوبارہ اچھی تعمیر کیلئے فنڈز متعلقہ ڈیپارٹمنٹ کو نہ دلا سکے۔ اگرچہ پوری روڈ تعمیر کی طلبگار ہے لیکن چند کلومیٹر سیکشن کی تعمیر بارش کا پہلا قطرہ ہے۔ گجرات شہر کو عرصہ دراز سے ایسی ہی معیاری جدید کارپٹ روڈز کی فوری ضرورت ہے۔ کچہری روڈ، سرکلر روڈ، گلزار مدینہ روڈ اور شہر کی دوسری آر سی سی تعمیر ہونے والی سڑکیں فوری توجہ کی منتظر ہیں۔ ان سڑکوں کی اپ گریڈیشن کی فوری ضرورت ہے۔ لین مارکنگ سے ٹریفک رولز کی آگاہی کا منصوبہ بھی شامل ہونا چاہئے۔ سڑک کے اطراف صفائی کی بھی ضرورت ہے۔
ڈی پی او گجرات کا پولیس خدمت مرکز کا اچانک دورہ، شہریوں سے کیا پوچھ لیا۔
گجرات (نمائندہ باغی ٹی وی ) ڈی پی او گجرات سید علی محسن کا خدمت مرکز گجرات کا اچانک دورہ ! تمام کاونٹز کا جائزہ لیا جبکہ خدمت مرکز آئے شہریوں سے خدمت مرکز عملے اور سہولیات کے متعلق دریافت کیا جس پر شہریوں نے عملے اور خدمت مرکز میں فراہم کئے جانے والے ماحول پر اطمینان کا اظہار کیا ۔
