گجرات(نمائندہ باغی ٹی وی) ۔شہریوں میں ڈینگی بارے شعور کیلئے آگاہی واک، ڈپٹی کمشنر ڈاکٹر خرم شہزاد نے قیادت کی تفصیلات کے مطابق گجرات میں ڈینگی کی روک تھام کیلئے آگاہی واک میں سی ای او ہیلتھ ڈاکٹر زاہد تنویر، محکمہ صحت کے افسران، ملازمین اور مختلف شعبہ ہائے زندگی کے افراد کی شرکت، اس موقع پر ڈی سی گجرات ڈاکٹر خرم شہزاد نے کہا کہ محکمہ صحت کی ٹیمیں ڈینگی سرویلنس کو مزید موثر بنائیں۔ تالابوں، بڑی فیکٹریوں، قبرستانوں کی انسپکشن یقینی بنائی جائے انسداد ڈینگی میں رکاوٹ، ڈینگی کے فروغ کا سبب بننے والوں کے خلاف ایکشن لیا جائے ۔ انسداد ڈینگی ٹیموں کی استعداد بڑھانے کیلئے ٹریننگ پر خصوصی توجہ دی جائے۔
Category: گجرات
حادثات کی روک تھام کے لیے گجرات میں ٹریفک واک
گجرات (نمائندہ باغی ٹی وی) ٹریفک پولیس کی طرف سے جی ٹی روڑ پر حا دثا ت کی روک تھا م کے سلسلہ میں ٹریفک واک کا اہتمام کیا گیا۔جس میں ڈی ایس پی سعید احمد وڑائچ نے کہا کہ صبر و تحمل کر کے بہت سے حادثات سے محفوظ رہا جا سکتا ہے انھوں نے کہا کہ موٹر سائیکل تیز رفتاری سے نہیں چلانی چاہیے اور ہیلمٹ کا استعمال ضرور کرنا چاہیے ہیلمٹ کا استعمال نہ کرنےوالے کے خلاف قانونی کاروائی کی جائے گی۔اس مو قع کا انسپکٹر سلیمان انچارج ایجوکیشن ونگ غلام رسول اور دیگر سٹا ف موجود تھے ٹریفک پولیس کے ساتھ ساتھ ریسکیو 1122کے ملازمین شامل تھے عوام نے اس عمل کو سر اہا ہے
گجرات پولیس کی مجرمان اشتہاریوں کے خلاف کاروائیاں جاری
گجرات (نمائندہ باغی ٹی وی ) ڈی پی او سید علی محسن کی ہدائیت پر ضلع بھر میں گجرات پولیس کی مجرمان اشتہاریوں اورجرائم پیشہ افراد کے خلاف کارروائیاں جاری ہیں۔ انچارج چوکی معین الدین پور فہد الرحمن نے پولیس ٹیم کے ہمراہ کارروائی کرکے مقدمہ قتل کا خطرناک مجرم اشتہاری گرفتار کرلیا۔مجرم اشتہاری وحید اختر ولد محمد رفیق سکنہ جھمٹ آزاد کشمیر قتل کے مقدمہ نمبر 8مورخہ 9.01.2013جرم 302/148/149ت پ میں تھانہ صدر گجرات پولیس کو مطلوب تھا،جوکہ عرصہ چھ سال سے رو پوش تھا،مزید تفتیش جاری ہے۔
ڈی سی گجرات نے سیلاب سے متعلقہ محکموں کو تیار رہنے کی ہدایت کر دی
گجرات(نمائندہ باغی ٹی وی)ڈپٹی کمشنر ڈاکٹر خرم شہزاد نے ہدایت کی ہے کہ آمدہ مون سون کے دوران ممکنہ سیلاب کی صورت میں ریسکیو اینڈ ریلیف سے متعلقہ محکمے اپنی تیاری مکمل رکھیں، ہنگامی صورتحال میں متاثرین کیلئے تینوں تحصیلوں میں 25 ریلیف کیمپس کے قیام کیلئے موزوں مقامات کی نشاندہی کر لی گئی، شہری علاقوں سے پانی کے فوری نکاس کیلئے ایمرجنسی ٹیموں کی تشکیل،سیوریج نالوں کی صفائی، ڈی واٹرنگ سیٹ بروقت نشیبی علاقوں میں نصب کر دیے جائیں، یہ ہدایات انہوں نے ڈسٹرکٹ ڈیزاسٹر مینجمنٹ کمیٹی کے اجلاس سے خطاب کرتے ہوئے جاری کیں، اے ڈی سی ریونیو ڈاکٹر رانی حفصہ کنول، اے سی کھاریاں فیصل عباس مانگٹ، سی ای او ہیلتھ ڈاکٹر زاہد تنویر، ڈی او ایمرجنسی عمر اکبر گھمن سمیت مختلف محکموں کے سربراہان بھی موجود تھے۔ڈپٹی کمشنر ڈاکٹر خرم شہزاد نے کہا کہ ایمرجنسی کیمپس کیلئے ماضی میں سیلاب سے متاثرہ ہونیوالے علاقہ جات کو مد نظر رکھا گیا ہے، ہنگامی صورتحال میں تحصیل گجرات میں 15، تحصیل کھاریاں میں پانچ اور تحصیل سرائے عالمگیر میں بھی 5ریلیف کیمپس قائم ہونگے، سیلاب کی صورت میں انتظامی حوالے سے ضلع گجرات کو 13جبکہ ریسکیو سروسز کے حوالے سے چار سیکٹرز میں تقسیم کیا گیا ہے، ریسکیو 1122اپنے سیکٹرز میں قبل از وقت ہی کشتیاں اور دیگر سامان موزوں مقامات پر منتقل کر دے گا، محکمہ صحت ان مراکز پر طبی عملہ اور ادویات کی دستیابی یقینی بنانے کا ذمہ دار ہو گا اسی طرح لائیو سٹاک ڈیپارٹمنٹ جانوروں کی ادویات، ونڈز کی فراہمی کا انتظام کر ے گا۔۔ ڈپٹی کمشنر نے ایڈمنسٹریٹر ٹی ایم اے گجرات کو ہدایت کی کہ اربن فلڈنگ سے نمٹنے کیلئے بڑے شہروں کی طرز پر مختلف علاقوں میں ہنگامی مراکز قائم کئے جائیں جہاں امدادی ٹیمیں 24گھنٹے موجود رہیں گی، بلدیاتی ادارے اپنے زیر انتظام علاقوں میں نالوں کی صفائی کیلئے ٹینڈرنگ کا عمل فوری مکمل کریں۔ ڈپٹی کمشنر نے ہدایت کی کہ ریسکیو 1122، گوجرانوالہ اور گجرات کی ٹیموں کے ہمراہ سیلابی صورتحال میں ریسکیو اینڈ ریلیف کے حوالے سے مشقوں کا انعقاد کرے گا جبکہ محکمہ انہار تمام حفاظی بندوں کی انسپکشن کرکے رپورٹ ضلعی انتظامیہ کو فراہم کرے گا۔
جی ٹی بائیکرز نے کون سا بڑا کام کیا؟ بڑی خبر آ گئی
گجرات (نمائندہ باغی ٹی وی ) ملک کے دوسرے حصوں کی طرح گجرات سے بھی بڑی تعداد میں شہری شمالی علاقہ جات کی سیر مکمل کرنے کے بعد گھروں کو واپس پہنچ گئے جی ٹی بائیکرز ذ کا گروپ وادی نیلم کا 4 روزہ دورہ مکمل کرنے کے بعد گجرات واپس آگیا۔تفصیلات کے مطابق عید الفطر کی چھٹیوں کے مزے کو دوبالا کرنے کے لیے ملک کے دیگر حصوں کی طرح گجرات کے شہریوں کی بڑی تعداد نے شمالی علاقہ جات کا رخ کیا اور خوبصورت مناظر سے لطف اندوز ہوئے اسی طرح گجرات کے جی ٹی بائیکرز کے گروپ نے وادی نیلم کا چار روزہ دورہ کیا اپنے دورے کے دوران وہ کوہالہ،مظفرآباد، اٹھمقام، شاردہ ، کیل اور اڑنگ کیل کے مختلف علاقوں میں موٹر سائیکل پر گئے اور جنت نظیر وادی کشمیر کے دلفریب مناظر دیکھے۔ چار روزہ دورے کے بعد جی ٹی بائیکرزکا گروپ بخیر و عافیت گجرات واپس پہنچ گیا۔ گروپ میں طارق محمود، عازب جاوید، عامر اشرف، ساجد بھٹی، آفتاب حسین، خلیل، محمد عامر اور لاہور کے دیگر بائیکرز نے شرکت کی۔ دورے کے دوران انہوں نے آزاد کشمیر کے لوگوں سے ملاقاتیں کیں اور ان کے حالات زندگی معلوم کئے۔ متعد جگہوں پر خوبصورت مناظر اور پاک فوج کے جوانوں کو دیکھ کر بائیکرز نے پاکستان ذندہ باد، آزاد کشمیر ذندہ باد اور پاک فوج کے حق میں پر جوش نعرے بازی کی۔
دوکاندار سے رشوت لینے والے کانسٹیبل کے خلاف مقدمہ درج، نوکری سے فارغ
گجرات (نمائندہ باغی ٹی وی) ڈی پی اوگجرات سید علی محسن کا سوشل میڈیا پرپولیس کانسٹیبل اورنگزیب کی دوکاندار سے رشوت وصول کرنے کی وڈیو وائرل ہونے پر فوری ایکشن،معطل کرنے کے بعد مقدمہ درج کر کے بند حوالات کر دیا۔ تفصیلات کے مطابق تھانہ سٹی جلالپورجٹاں میں تعینات پولیس کانسٹیبل اورنگزیب جو کہ خود کو ہیڈ کانسٹیبل ظاہر کر کے دوکاندار کو طمع نفسانی کی خاطر ڈرا دھمکا کر اس سے رشوت وصول کر رہا تھا،کی وڈیو وائرل ہونے پرڈی پی او گجرات سید علی محسن کا فوری ایکشن، کانسٹیبل کے خلاف سنگین دفعات کی تحت مقدمہ درج کر کے اس کوبند حوالات کر دیاگیا۔
ڈی پی او گجرات سید علی محسن کا کہنا تھا کہ ایسے عناصر کی محکمہ میں کوئی جگہ نہ ہے جو حرام خوری کی خاطر شہر یوں کو بلا وجہ تنگ کرتے ہیں ایسے عناصر کے خلاف نہ صرف مقدمات کا اندراج کیا جائے گا بلکہ محکمہ سے فارغ کر کے نشان عبرت بنایا جائے گا۔
گجرات میں جرائم پیشہ عناصر کے خلاف کارروائیاں جاری، 7 رکنی ظفری گینگ گرفتار
گجرات(نمائندہ باغی ٹی وی )ڈی پی او سید علی محسن کی زیر قیادت گجرات پولیس کی ضلع بھر میں چوروں اورڈاکوؤں کے خلاف کاروائیاں جاری، تھانہ سول لائن پولیس نے ڈکیتی کی وارداتوں میں ملوث 7رکنی ” ظفری ڈکیت” گینگ گرفتار کر لیا۔تفصیلات کے مطابق ڈسٹرکٹ پولیس آفیسر سید علی محسن کی زیر قیادت گجرات پولیس کی ضلع بھر میں جرائم پیشہ عناصر کے خلاف کاروائیاں جاری ہیں۔تھانہ سول لائن کے علاقہ میں چوری،ڈکیتی اور موٹر سائیکل چوری کی وارداتیں کرنے والا سات رکنی خطرناک گینگ متحرک تھا،جوواردات سے پہلے گھروں کی مکمل ریکی کرتے اور جس گھر پہ تالا لگا ہوتا،اسے توڑ کراندر داخل ہوجاتے اور گھر میں موجود قیمتی سامان،نقدی اور زیورات وغیرہ لوٹ کر فرار ہو جاتے تھے۔ڈی پی او گجرات سید علی محسن نے اس گینگ کی گرفتاری کیلئے ڈی ایس پی سٹی سرکل رضاحسنین اعوان کی زیر نگرانی ایس ایچ او تھانہ سول لائن SIفراست اللہ،ASIاحمد نوازانچارج چوکی جٹو وکل اور دیگر ملازمین پر مشتمل پولیس ٹیم کو خصوصی ٹاسک دیا،جنہوں نے بہترین حکمت عملی اور پیشہ ورانہ مہارت سے7 رکنی ظفری گینگ کو ٹریس کرکے گرفتار کرلیا۔ ملزمان میں 1۔غضنفر عرف ولد ظفری 2۔ محمد اکرم ولد محمد عارف 3عدنان ولد غلام رسول 4۔وسیم عباس ولد محبوب عالم 5۔عدیل ولد محمد صدیق6۔ارشد محمود ولد رحمت خاں 7۔وحید ولد منظور احمد شامل ہیں۔ملزمان کے قبضہ سے مال مسروقہ 8لاکھ روپے نقدی،طلائی زیورات مالیتی 5لاکھ اور وارداتوں میں استعمال ہونے والا اسلحہ بھی برآمد کر لیا۔ملزمان کی تفتیش جاری ہے،مزید انکشافات متوقع ہے
گرانفروشوں کے خلاف کریک ڈاؤن، گجرات کی پہلی پوزیشن
گجرات ( نمائندہ باغی ٹی وی)ضلع بھر میں گرانفروشو ں کےخلاف جاری کریک ڈاﺅن میں ابتک ضلع گجرات نے گوجرانوالہ ڈویژن میں پہلی پوزیشن حاصل کی ہے ، مجموعی طور پر 1216گرانفروشوں پر 28لاکھ12ہزار روپے جرمانہ جبکہ 69افراد کو گرفتار کرکے جیل بھجوایا گیا ہے۔ ڈپٹی کمشنر ڈاکٹر خرم شہزاد کی ہدایت پر مصنوعی مہنگائی کرنےوالوں کے خلاف جاری کریک ڈاﺅن کے دوران سپیشل پرائس مجسٹریٹ نے ضلع بھر کی 2375مارکیٹوں میں 7206دوکانوں کی انسپکشن کی اس دوران 1285افراد ریٹ لسٹیں آویزاں نہ کرنے اور اوور چارجنگ کے مرتکب پائے گئے ان میں سے1216پر جرمانے عائد کر دیے گئے جبکہ 69گرانفروشوں کو موقع پر ہی گرفتار کرکے پولیس کے حوالے کر دےا گیا۔ گرانفروشوں کے خلاف کریک ڈاﺅ ن میں پرائس مجسٹریٹس کی بہترین کارکردگی کے باعث ضلع گجرات نے گوجرانوالہ ڈویژن میں ٹاپ پوزیشن حاصل کر رکھی ہے۔
کمشنر ایف بی آر کو ٹرانسفر کیا جائے، گجرات چیمبر آف کامرس کی قرارداد
گجرات (نمائندہ باغی ٹی وی)گجرات چیمبر آف کامرس اینڈ انڈسٹری کی ایگزیکٹو کمیٹی کا ماہانہ اجلاس ، ایف بی آر کے کمشنر ضیغم عباس کو گجرات سے فی الفور ٹرانسفر کیا جائے، ایگزیکٹو کمیٹی نے قرارداد منظور کر لی۔ کمشنر ایف بی آر ضیغم عباس بزنس مینوں کو ہراساں کر رہے ہیں، اختیارات کا ناجائز استعمال کر رہے ہیں اور غلط نوٹس بھجوا رہے ہیں۔ ایف بی آر گجرات میں سمجھدار آفیسر کو تعینات کرے۔ ایگزیکٹو کمیٹی کا مطالبہ۔ تفصیلات کا مطابق گجرات چیمبر کی ایگزیکٹو کمیٹی کا ماہانہ آٹھواں مجلس عاملہ اجلاس صدر عامر نعمان کی زیرصدارت چیمبر کانفرنس ہال میں منعقد ہوا۔ اجلاس کا آغاز تلاوت قرآن پاک سے ہوا اور درود پاک کا ذکر بھی کیا گیا۔صدر گجرات چیمبر نے کہا کہ ہمارے ادارے کی کارکردگی ابھی جاری ہے اور حا ل ہی میں ہم نے جو آل چیمبرز پاکستان کا صدارتی اجلاس منعقد کروایا تھا۔ ہم نے نہ صرف اس کے بعد ڈکلریشن منسٹرز تک پہنچایا بلکہ فالو اپ کرتے ہوئے مختلف میٹنگز بھی کیں۔ جس میں 4، 5 مرتبہ عبدالرزاق داو¿د ایڈوائزر کامرس اور اس کے علاوہ سید شبرزیدی چیئرمین FBR سے بھی میٹنگز ہوئیں اور انہیں انڈسٹری اور بزنس مینوں کے مسائل سے آگاہ کیا۔ تمام چیمبرز کے صدور کے ڈیلی گیشن کے ہمراہ میٹنگز کا سلسلہ چلتا رہا۔ انہوں نے مزید کہا ہماری فین، فرنیچر اور پاٹری انڈسٹری کے ساتھ نارواسلوک اور ایف بی آر گجرات آفس کی جانب سے مسلسل ہراساں کیا جا رہا ہے اور خصوصاً فین انڈسٹری کو پیک سیزن میں 40B لگا کر بندے بٹھائے جا رہے ہیں اور پریشان کیا جا رہا ہے اور بے جا نوٹسز بھیجے جا رہے ہیں۔میاں محمد اعجاز سابق صدر چیمبر نے کہا ہمارے ساتھ اچھا سلوک نہیں کیا جا رہا۔ ہمارا پراڈکشن کا عمل تعطل کاشکار ہوتا ہے۔ جس سے ہمارے آرڈرز Delay ہو جاتے ہیں اور ایکسپورٹس کی طرف توجہ کم ہو جاتی ہے اور ہمیں ٹیکس معاملات میں الجھا دیا جاتا ہے۔انہوں نے کہا جو assomptions کی بنیاد پر ٹیکس نوٹسز بھیجے جا رہے ہیں وہ غلط اقدا م ہے اور انڈسٹری اس طرح مزید بحران میں چلی جائے گی۔ اس موقع پر ایگزیکٹو کمیٹی گجرات نے مشترکہ طور پر ایک قرارداد منظور کی جس میں کہا گیا کہ ضیغم عباس کمشنر ان لینڈ ریونیو گجرات کو فی الفور گجرات سے ٹرانسفر کیا جائے کیونکہ یہ صنعتکاروں کو حراساں کر رہے ہیں اور غلط نوٹسز بھیج رہے ہیں اس لئے انہیں تبدیل کر کے کوئی سمجھدار آفیسر یہاں تعینات کیا جائے جو بزنس مینوں کو facilitate کرے۔ صدر گجرات چیمبر نے کہا ایڈوائزر کامرس سے جتنی بھی میٹنگز ہوئی ہیں انہوں نے یقین دہانی کرائی کہ اب ایسا نہیں ہو گا ۔ ہمیں امید ہے حکومت معیشت کی بہتری کے لئے بزنس مینوں کو تحفظ دے گی۔ ثوبان ظہیر بٹ ایگزیکٹو ممبر نے بھی کہا ہماری پاٹری انڈسٹری بھی مشکلات کا شکار ہے اور میٹنگز کی بھرمار ہے۔ٹیکس ایمنسٹی یکم 2019 ءکا ذکر کرتے ہوئے صدر چیمبر نے کہا کہ چیمبرز نے مشترکہ طور پر اس کا نام تبدیل کرا کر Asset Declaration Scheme رکھوایا ہے اور اس سے بزنس مینوں کو فائدہ اٹھانا چاہئے۔ انہوں نے کہا گجرات چیمبر بہت جلد اس سکیم Awareness Session بھی منعقد کروائے گا تاکہ بزنس کمیونٹی کو صحیح معنوں میں اس سے مستفید ہونے کا موقع مل سکے۔ اس کے علاوہ روزگار ہیلپ ڈیسک اور ایکسپورٹ ڈسپلے سنٹر کمیٹیز چیئرمین ندیم سندھو اور ثوبان ظہیر بٹ نے بھی رپورٹ پیش کیں۔ اس کے علاوہ مختلف ایگزیکٹو ممبران نے چیمبر کے اخراجات اور انکم کے بارے میں اپنے خیالات کا اظہار کیا۔ میٹنگ میں گجرات چیمبر کا عید کے بعد کاغان ناران ٹور کا فیصلہ بھی کیا گیا۔اجلاس میں میر صلاح الدین، شیخ ابرار سعید، عدنان اقبال مکی، ندیم احمد سندھو، ثوبان ظہیر بٹ، بشارت محمود، قیصر لطیف، خرم بھٹی، افضال تارڑ، غیاث الدین پال، حامد شہزاد، میاں ندیم اسلم اور دیگر نے بھی اپنے خیالات کا اظہار کیا۔
الخدمت فاؤنڈیشن گجرات کی طرف سے 70 خاندانوں میں عید پیکج تقسیم
گجرات (نمائندہ باغی ٹی وی)الخدمت فاﺅنڈیشن ضلع گجرات کے کھاریاں سرکل کے زیراہتمام گزشتہ روز کھاریاں میں صدرالخدمت فاﺅنڈیشن ضلع گجرات میاں شبیراحمدخاورکی ہدایت پر 70 خاندانوں میں ڈیڑھ لاکھ سے زائد مالیت کاراشن عید گفٹ پیکیج تقسیم کیاگیا راشن عید گفٹ پیکیج جماعت اسلامی کھاریاں شہرکے امیرحاجی غضنفراقبال صدرالخدمت فاﺅنڈیشن کھاریاں عمربیگ جنرل سیکرٹری الخدمت فاﺅنڈیشن مرزا یونس،جنرل سیکرٹری جماعت اسلامی کھاریاں سید فیاض شبیرشاہ،نائب امراءعبدالمجید بٹ،ملک اعجاز،عبدالمناف،سہیل جنجوعہ، عبدالحفیظ ودیگرنے عید گفٹ راشن تقسیم کیے جبکہ حاجی غضنفراقبال نے مستحقین فیملیز میں کیش عید بھی تقسیم کی
