Category: گجرات

گجرات (نمائندہ باغی ٹی وی) قمرزمان کائرہ کے بیٹے اور ان کے دوست کے ختم قل ادا کر دیئے گئے ملک بھر سے ہزاروں افراد کی شرکت ،اہم قومی راہنما بھی کاائرہ خاندان سے افسوس کرنے لالہ موسی پہنچے ، تفصیلات کے مطابق پاکستان پیپلز پارٹی پنجاب کے صدر چوہدری قمر زمان کائرہ کے بیٹے اسامہ قمر اور دوست حمزہ بٹ کے ختم قل لالہ موسی میں ادا کر دیئے گئے ختم قل میں ملک بھر سے ہزاروں کی تعداد میں لوگ شریک ہوئے اس کے علاوہ اہم قومی راہنما جن میں بزرگ سیاستدان جاوید ہاشمی،جماعت اسلامی کے راہنما لیاقت بلوچ،ڈاکٹر طارق سلیم،ریٹائرڈ چیف جسٹس افتخار چوہدری،نذر احمد گوندل اور دیگر صوبائی و قومی اسمبلی کے سابق و موجودہ اراکین شامل تھے

گجرات (نمائندہ باغی ٹی وی) صدر پاکستان پیپلز پارٹی پنجاب قمر زمان کائرہ نے تعزیت کے لیے آنے والے مہمانوں کا شکریہ ادا کیا انہوں نے اپنے بیٹے اسامہ قمر اور حمزہ بٹ کے ختم قل کے موقع پر مختصر خطاب کرتے ہوئے کہا کہ شدید گرمی کے موسم میں تین دن سے ملک بھر سے تعزیت کے لیے لوگ ہمارے پاس آئے جس سے ہمارے دکھ کا مداوا ہوا میرا بیٹا اور اس کا دوست اب واپس تو نہیں آسکتے لیکن آپ لوگوں نے جس طرح غم کی اس گھڑی میں میری ڈھارس بندھائی اس پر میں تمام مہمانوں اورمیڈیاکے لوگوں کا شکریہ ادا کرتا ہوں۔

گجرات(نمائندہ باغی ٹی وی) جماعت اسلامی گجرات سٹی کے زیراہتمام آج غزالی سکول قمر سیالوی روڈ پر معززین شہر کے اعزاز میں گرینڈ افطارڈنر کا اہتمام کیاگیا افطارڈنر میں صوبائی امیر ڈاکٹر طارق سلیم اور ضلعی امیر سیدضیاءاللہ شاہ ایڈووکیٹ نے خصوصی شرکت کی ۔ سٹی امیر یاسر سروش نے جنرل سیکرٹری چوہدری افتخار سرور ،ڈاکٹر اسحق، راجہ نعیم خاور، احمد سلطان ، جاوید اقبال بٹ، صفدر وڑائچ و دیگرکے ہمراہ معززمہمانوں کا استقبال کیا۔ جماعت اسلامی گجرات سٹی کے راہنماﺅں سمیت شہریوں نے افطار ڈنرمیں بڑی تعداد میں شرکت کی اس موقع پر ضلعی جنرل سیکرٹری ڈاکٹر خالدثاقب نائب امرا چوہدر ی عمران انور، چوہدری بہادرخان ، چوہدری خورشید احمد شباب فین و دیگربھی موجود تھے ۔ اس موقع پر حکیم پروفیسر سید صابر علی شاہ نے خصوصی دعا کروائی ۔ پروفیسر یونس میر، سابق نائب ناظم مہر مشتاق، سفران ناظر چاند، حکیم رفاقت، چوہدری سجاد وڑائچ، مرزا اشرف مغل ، حیدر علی شاہ ، علی آصف، محمد کاشف، مولانا اکرم سمیت دیگربھی شریک ہوئے ۔ ڈاکٹر طارق سلیم اور سید ضیاءاللہ شاہ ایڈووکیٹ نے درس قرآن دیا افطارڈنرمیں اسلامی جمعیت طلباءاور برادر تنظیمات جماعت اسلامی کے عہدیداران کارکنان بھی شریک ہوئے ۔

گجرات(نمائندہ باغی ٹی وی)ٹریفک پولیس کی سست روی کی وجہ سے سرکلر روڈ شہر کی اکثر ٹریفک جام ہونے لگی ، پارکنگ کرنے والے مافیا نے جگہ جگہ فٹ پاتھوں اور سڑکوں پر ڈیرے جما لئے ، پورا شہر موٹر سائیکل اور کار پارکنگ بن گیا ، جی ٹی ایس چوک سے لے کر فوارہ چوک ، تمبل چوک ، پرنس چوک ، حسن چوک ، چوک پاکستان ، شاہ جہانگیر روڈ ، سرکلر روڈ ، چوکی شاہدولہ ، تمبل بازار اور رامتلائی روڈ ، ریلوے روڈ پر چنگ چی آٹوز رکشہ مافیا نے روڈ بلاک کرکے ٹریفک کی دھجیاں اڑا دی ، ٹریفک پولیس معاملہ کو حل کرنے میں مکمل طور پر ناکام ، ٹریفک پولیس کی جانب سے ایک لفٹر کام کررہا ہے ، جو کہ صرف ظہور الٰہی کوٹھی کے آگے لگی گاڑیوں کواٹھاتا ہے اور باقی پورا شہر موٹر سائیکل اور کار پارکنگ بن چکا ہے ۔ دوکانداروں نے فٹ پاتھوں پر قبضہ کرکے پیدل چلنے والوں کے لیے راستہ نہیں چھوڑا ، ٹریفک پولیس کو سوائے چالان کرنے کے اور کوئی ٹریفک نظر نہیں آتی ، ڈی پی او گجرات سید علی محسن کاظمی ٹریفک کے معاملات پر خصوصی توجہ دے ، جگہ جگہ آٹوز رکشہ اور چنگ چی رکشہ کے خلاف کریک ڈاﺅن کیا جائے اور شہریوں کو ریلیف مہیا کیا جائے ۔

گجرات(نمائندہ باغی ٹی وی) کمشنر گوجرانوالہ ڈویژن وقاص علی محمود نے کہا ہے کہ رمضان المبارک کے مقدس ایام میں مصنوعی مہنگائی پیدا کرنے والے عناصر کے ساتھ آہنی ہاتھوں سے نمٹاجائے، رمضان بازاروں کو حقیقی معنوں میں عوام کو زیادہ سے زیادہ ریلیف فراہم کرنے کا ذریعہ بنایا جائے ، ضلعی انتطامیہ محنت اور دیانت داری سے فرائض انجام دے تو کو ئی وجہ نہیں کہ عوام حکومت کے رمضان پروگرام سے کماحقہ فائدہ نہ اٹھا سکیں، رمضان بازار شاہ جہانگیر روڈ گجرات دیگر رمضان بازاروں کےلئے ماڈل کی حیثیت رکھتا ہے ، صفائی ستھرائی ، سلیقے اور قرینے سے سجے سجائے معیاری پھل و دیگر اشیائے ضروریہ اور شہریوںکو خریداری کرتے دیکھ کر دلی مسرت ہوئی ، ڈی سی گجرات او ر ان کی ٹیم کی کاوشیںقابل تحسین ہیں ۔انہوں نے ان خیالات کا اظہار آج دورہ گجرات کے دوران رمضان بازار شاہ جہانگیر روڈ کے اچانک معائنہ کے موقع پر کیا۔ڈپٹی کمشنر گجرات ڈاکٹر خرم شہزاد ، اے ڈی سی آر رانی حفصہ کنول، اسسٹنٹ کمشنر محمد جمیل ، سی ای او میونسپل کمیٹی اخلاق وڑائچ،سی او مےونسپل کارپورےشن گجرات چوہدری اخلاق وڑائچ، پی اےس او ٹو کمشنر ندےم بٹ ، نائب تحصےلدار ملک طفےل،مشتاق بٹ ،مستنصرچےمہ، آصف گجر و دیگر بھی اس موقع پر موجود تھے ۔کمشنر گوجرانوالہ وقا ص علی محمود رمضان بازار شاہ جہانگیر روڈ میں مختلف سٹالز پر گئے اور سٹالوں پر فروخت کے لئے رکھے جانے والے پھل ، سبزیوں و دیگر اشیائے ضروریہ کی کوالٹی ، مقدار اور ان کی قیمتوںکے بارے میںپوچھ گچھ کی ۔ کمشنر گوجرانوالہ نے بازار کے لئے خوبصورت ، باسہولت اور بہترین انتظامات کے حوالے سے اسے مثالی رمضان بازار قرار دیتے ہوئے ہدایت کی کہ ضلع گجرات میں لگائے جانے والے تمام رمضان بازار صفائی ستھرائی ، سجاوٹ اور برائے فروخت رکھی جانے والی تمام اشیائے ضروریہ کی کوالٹی کے حوالے سے اسی معیار پر پورا اترنے والے ہونے چاہئےں تاکہ عوام پورے اعتماد ، دل جمعی اورسکون کے ساتھ ان رمضان بازاروں سے خریداری کریں اور حکومت کی طرف سے پیش کئے جانے والے خطیر مالیتی رمضان پیکج کے ثمرات سے پوری طرح مستفید ہو سکیں۔